陳勤記 (Moved) New Location

星期六跟好朋友青蛙仔到陳勤記吃晚飯，點了蠔仔粥，炒通菜及鵝掌翼。其中蠔仔粥最令人囘味，蠔仔肥美鮮脆，湯底少味精，加上芫茜和大地魚碎，味道豐富，加上米粒不爛，保留了潮洲粥的神韻。鵝掌翼的滷汁。吃得出歷史悠久，沒有其他潮洲食店那封喉的花椒八角味，不過略鹹。總的來説，是不錯的，值得再去！

果次去度叫左碗蠔仔粥,等左好耐先尼都唔緊要!尼到碗野竟然有幾條頭髮係度囉!! 真係見到都唔開胃~

去到陳勤記，令我想起梁朝偉有一齣戲「吉行牛什」，這裏的鹵水真是很惦，尤其是鹵水鵝，去到怎麼不吃！另外蠔仔粥也是必食之店保。

今日返工前去中環幫老闆攞d野,順便系中上環食d野,其實朝早已系屋企食左野,但難得黎到中上環.12:30左右系度食左碗細蠔仔粥$20,果然名不虛傳!蠔仔份量十分多,無沙而且大粒!湯底鮮甜.話系細碗,但食完蠔仔都食吾到d飯!但老板娘d態度就d,黑口黑面.recommended!

潮州巷重現皇后街熟食市場，在眾食店中，較具代表性的有陳春記、陳勤記、亭記及曾記四間。自己一個都來過幾次，但因為每次只吃得一、兩間，份量少又不夠過癮，已話過來找次搞次多些人的。乘大家都有點興趣，就搞個午市小聚，想不到吊腳的地方，都有八位食友出席，終於可以一次過試勻四間。一眾人等是以此為基地，一口氣叫了幾樣食物，包括一窩蠔仔粥、一碟鹵水鵝併墨魚大腸及剥皮魚一條。再在其他三舖叫想吃的，當然有訂記的沙爹牛肉炒河，陳春記的豬什湯及曾記的炒糕粿，來個潮州巷大滿貫。蠔仔粥是人多才可以叫大窩，蠔仔多而又鮮甜沒腥味，粥底亦甜美，是沿襲舊舖的一貫水準，而這一味又是隨豬什湯之後，另一窩吃到見底的；鵝片亦是另一味鎮店菜，可惜吃鵝的時候已過，鵝肉較鞋口是可以預期的。併的大腸反而軟腍又好味，又是好快已再在碟裡找不到；剥皮魚幾鮮甜，點鹹香的豆醬，味道又不錯。打冷少不了的是啤酒，MM兄買來了嘉士伯，冒著給炒魷的危險也喝了一小杯，確實是清涼無比，感覺比晚上happy hour飲酒又唔同，吃鹵水喝啤酒，一樂也。其實如果一個人來，叫條魚加碗粥，確實是健康又豐富的一餐。夾埋其他食品，埋單一人四十幾蚊，已吃勻皇后街市四店的名菜

在陳勤記, 鹵水鵝同蠔仔粥實無走雞. 今次我地要了一鍋蠔仔粥, 鹵水鵝片併墨魚大腸. 鵝片唔太肥, 肉質幾淋, 唔錯. 墨魚片夠薄爽口, 大腸就普通啦. 但總覺得鹵水味唔太夠, 可能自己鍾意食濃味少少的鹵水汁, 呢度的相對較淺色. 另蠔仔粥的蠔仔份量幾多, 亦幾肥仔, 我無落胡椒粉, 但都唔覺腥, 好味唔錯. 見其他食友講佢地的菜甫都幾正, 但我食唔到呀, 唔知係咪我眼細睇過龍呢......???

星期六舊同學相約到上環食飯，想起報章曾報導過的潮州巷老店，在帝后華庭側的熟食市場重現，同場還有亭記小。我這天叫了鹵水鹅片飯($23)，朋友要鹵水掌翼拼大腸飯($23)，再加一碟紅腸墨魚($40)，飯没有其他網友說的那大份量，幾片鹅片切得很薄，飯拌有很惹味的菜甫，那碟鹵水掌翼拼大腸飯比較多料，可能價錢較平吧。至於紅腸墨魚的份量實在太少，只有表面的一層，下面都是咸酸菜拌底，紅腸是平價的食物，但也不给多一點，實在太少。總結而言味道很不錯。所以,在此向其他網友推介。值得試試

今天中午行遠一點，行到皇后大道西發現有間燒味店入面幾多人，店名叫陳勤記鹵水鵝。一於入去試下！店內是傳統的舊店，一牒鹵水鵝飯除了鵝外，還加有點辣菜甫。鹵水鵝入味而肥瘦適中，辣菜甫竟然如此惹味！比鹵水鵝不遜色。如此一牒鹵水鵝飯實在不能再苛求了。