陳泗記

Open Now

Now Closed

收工鐘一響🔔中環啲西裝友好似開閘咁湧出嚟我擠入摺凳陣 膝頭幾乎撞到隔離阿伯嘅 孖煙通🩳抬頭望見褪色餐牌得十零款碟頭飯 「快、靚、正」就係呢度嘅秘訣✨【滑蛋叉燒飯🍳】滑蛋：蛋漿保持半凝狀態覆蓋住成碟白飯 筷子一篤就好似岩漿咁湧出🌋叉燒：邊緣微焦泛油光🔥肥瘦三七分——瘦位緊實 肥膏入口即化🍯豉油：豉油唔會死鹹 黐住飯粒 甜中帶燻香💦🍚戳穿蛋黃 撈勻叉燒粒＋珍珠飯＋豉油 一啖塞入口——先係蛋香 跟住嘅係叉燒嘅燻香 最後豉油鹹甜收尾 連碟底都刮到反光😉隨餐仲會送熱飲☕所謂「香港精神」唔係星級酒店嘅龍蝦鮑魚 而係鐵鑊翻飛間 將平凡食材煉成打工仔嘅黃金5分鐘⏳

勁量級餐肉煎蛋出前一丁午餐肉軟腍充滿AI科技形態，口感有點似3D人工打印麵粉糰感覺。出前一丁煑得較為有點過火，口感軟腍，而湯汁同我屋企煮嘅出前一丁味道差少少，味道略為淡薄兼唔夠麻油香氣。太陽蛋不過不失算係有交代。咖啡帶些微酸澀味，咖啡香氣唔足夠，質地亦未夠滑溜，但係夠濃郁，水準勉勉強強。好耐冇試過街邊檔食早餐午餐，e家春天時間都可以，如果夏天就越食越出汗!雖然係街邊檔口，枱凳狹窄坐得有啲辛苦，地面不平枱與凳坐坐吓都識會自由行。碗筷都算清潔乾淨。茶檔屬於一家大細全包宴生意，別有一番地道情趣。

喺香港中環，美食多得令人眼花花，陳泗記就係低調但又極之出色嘅存在，好似穿越返去充滿復古港風嘅電影入面。叉燒滑蛋🍳叉燒色澤紅亮油潤，淨係望住都已經忍唔住口水直流，蛋香同埋鹹鮮味完美融合。叉燒肉質緊實，炭燒嘅獨特魅力表露無遺。叉燒同滑蛋搭配埋一齊，口感豐富又和諧，十足十係粵菜界嘅翹楚。香蔥豬扒🥩香蔥豬扒同樣令人驚艷，豬扒煎到兩面金黃，表皮焦香撲鼻。豬肉鮮嫩多汁，咬落去彈牙有嚼口，調味啱啱好，鹹香味道滲入骨入面，但又唔會蓋過豬肉本身嘅味道。蔥花中和咗油膩感，每一口都係香、酥、嫩、鮮嘅完美融合。唯一缺點就係全部都係露天位，冬熱夏熱

🚇交通：香港站 E1 出口, 步行上閣麟街，在7-11旁邊。🏠環境：傳統露天的大排檔佈置，大木枱配膠椅，再搭上大太陽傘，很有港式風味，環境衛生已比以往更有進步。🤵🏻服務：人手下單，外賣收取2元。🍽️早餐：提供鑊氣小炒，也有早餐和下午茶套餐，送一杯飲料。🥪餐肉雞蛋三文治+熱菜蜜 $48🐷午餐肉厚切煎香，🍳雞蛋未到炒滑蛋程度，但滿蛋香又滑溜😍，再夾上白麵包，整體是飽肚又好吃😋，只是以價錢來說，這份三文治有點少貴😗。

成日經過中環都見到呢間茶記，今次終於有機會試吓！ 呢間茶記喺街邊，成個格局都好草根。夥計姐姐話呢度出名食雞扒或者豬扒，於是點咗個豬扒出前一丁，另外加一份茄蛋治，跟一杯奶茶一杯鴛鴦。出前一丁入面塊豬扒好大塊，亦好細心咁樣展開咗幾條。隻大陽蛋煎得好靚，亦都好有蛋味。嚟到呢啲茶檔，唔多唔少對杯嘢飲都有啲期望。 奶茶茶味太濃，唔啱我口味。反而杯鴛鴦係好飲過奶茶。我諗呢度主要都係食懷舊同埋個草根嘅感覺。

食物：叉燒滑蛋飯($60)，平時食開叉燒滑蛋飯嘅叉燒都係一片片，而呢間嘅叉燒就切到一粒粒，食落都方便啲，而家叉燒就正正常常不過不失，蛋都炒得夠滑，豉油量適中，唔會多到浸住啲飯，份量亦都夠，個飯以呢個價錢同地區黎講都可以接受，而杯熱奶茶入口都幾滑，茶夠熱，可惜茶嘅苦澀味比較重，同埋帶有微微嘅酸味。服務：職員主動及友善，可能係佢哋做慣遊客生意，會好主動同客人傾計同埋介紹佢哋嘅食物。上菜時間都好快，我落單到上齊嘢食都係十分鐘內。環境及潔淨程度：香港嘅典型大排檔風味，因為坐喺橫街，都唔會預佢好乾淨，但就可以體驗到香港大排檔嘅味道。而餐具方面佢哋就用即棄餐具，係比較乾淨但唔環保。價錢：喺中環區嘅大排檔食一碟飯加一杯熱飲$60，算係不過不失啦。

來到中環，知道有很多大排檔，不過，都沒試過在中環巷裏食午餐。這一天行過，正值午餐時間。見到大排檔都算人多！座無虛席，我又想試下。行到第一檔，女職員立即推薦我坐下來食飯。見到有是日午餐A, B, C, D , E,F,G…. 心諗！嘩😳咁多餐既？每個$60包熱飲。冷飲加$3。職員推介食「雞飯」及「叉燒滑蛋飯」，我看看身邊的外國人，香港人都食緊呢個「叉燒滑蛋飯」，我都決定食呢個啦！我睇住廚師開爐，用個大鍋炒炒炒，好快落蛋，炒兩下，好快上碟。之後便送到我面前。講真，叉燒的份量十分充足！蛋都是滑的。味道還可以，不過，未執到話「好好食」。算是above level , 但未去到職員講得咁好食！🤪我點了杯凍檸茶少甜少冰！可能是因為大排檔的原故。所以我對呢杯檸檬茶抱有大期望。可是，飲落，茶味不算太濃，有些少失望，不過都還可以。

喺中環內街近街市有兩間大排檔，特別係露天嘅，要自己揾位。今朝叫左一個早餐，餐肉蛋公仔麵加一杯熱檸水$48兩件午餐肉非常之大又夠厚，味道都幾好，坐係街邊食野 ，仲要係舊式大排檔格式，非常有港式風味，我鍾意👍

每次經過中環，都會心思思想去陳泗記食個滑蛋叉燒飯。呢個叉燒飯可以可以話係滑蛋界嘅天花板。大排檔鑊氣夠，炒出嚟嘅蛋特別香滑，相比之下啲叉燒就冇咁特別，算係一般貨色。不過兩者配搭之下再加埋啲豉油，一碟飯好快就畀我清曬。

今日黎左中環食lunch, 黎左呢間餐廳食蔥油雞扒,佢個餐包左一罐可樂. 個豬扒炸過黎幾香口.而且蔥油好香,所以食落去好香口,好好食!同埋佢個份量都幾多架,所以就算係男仔食都一定飽。味道係唔錯,不過食到一半嘅話會覺得好膩,可能因為太多油。不過食蔥油雞扒就係咁,大家自己取捨啦!

好久沒有光顧的陳泗記，今早去開附近，剛巧時間是11:00 多，我倆又未食早餐，當然要食返個靚仔腸蛋一丁加返杯凍飲。兩個人分別叫一樣的一丁另配凍奶茶、凍檸茶，合共$96。個一丁剛好不太林，有口感，隻太陽蛋是用湖北蛋，蛋香紅卜卜，仲有脆口燶邊，腸仔煎得剛好。不過我杯少甜少冰奶茶就冇乜茶味，也好甜下；家人凍檸茶都係正常水平。注意：坐得落嚟，每人必須要叫一個餐。現在出嚟食嘢，人哋生意不易做，也明白的。

型男結婚，好彩喺一月咋諗起個日我哋趕頭趕命，又肚餓又要搵路，行上去搵教堂嘅途中路過見到呢檔好似大排檔嘅物體同老公二話不說即刻坐低因為觀禮都大大話話都搞兩個鐘立即坐低老公食個公仔麵先我就食個蛋治佢哋嗰個公仔麵加咗芝士，唔錯喎應該冇乜茶餐廳會加芝士😋我諗住想快所以嗌咗蛋治其實時間上係差唔多😅我個蛋治有我鍾意嘅蒽，可惜冇乜味唔知係咪唔記得落鹽😂不過呢啲大排檔嘅奶茶係唔會衰嘅👍🏻我哋後來發現其實佢哋好似係準備開檔好彩都俾我哋食😂唔係就餓鬼死

又要介紹一下中環既茶記🫖陳泗記又中環快靚正既選擇，不過最好都係天氣凍少少先去食，因為呢個位熱天去都行熱下，有次夏天去食到我係咁流汗😭呢個既雞脾都好出名嫁，出名好大隻😂金牌巨型雞脾飯($52)🍗一上枱，嘩！大隻到，好痴線😂上面重會有隻煎蛋（時有時無)🥚重有豉油汁。隻碟太細，搞我食到好狠背🥺因為隻脾真係大得好緊要，但隻碟好細🤣另外，啲飯都幾多下，所以好夠飽👍🏻推薦?🟡🟡🟡🟡⚪️鐘意食炸雞脾就一定要去試下，但記得天氣凍先好去😆

我和男友叫了一個蔥花蛋三文治和一杯茶走。等待期間,有一個短髮中年婦疑似士頭婆講咗好多次每人最低消費是一杯飲品｡但環顧四週亦沒有寫明最低消費一杯飲品｡我問他我叫了三文治也要叫野飲嗎,她強調最低消費一杯飲品。不想和她爭談。叫了杯可樂算。食物質素一般加上中年婦態度不會再幫襯｡另外要讚有個金短髮眼鏡女士，服務態度很好有禮｡

人就係咁...有嘅時候又唔珍惜❗️當商場愈開愈多，大部份食肆都搬入商場裏邊，我哋就一邊食嘢一邊嘆冷氣。街邊大排檔喺香港已經日益稀少，夏天去食覺得好熱，冬天去食又覺得好凍，呢個本土文化就快成為一項文化遺產啦😂。中環士丹利街大排檔歷史悠久，趁天氣和暖，去陳泗記食個港式傳統美味。套餐：餐肉煎雙蛋飯＋絲襪奶茶 $48煎雞蛋高超之處係蛋邊煎至焦香微脆，蛋黃半成熟，撈飯一流。午餐肉夠鑊氣，表面微焦香口，加埋甜豉油，簡直一流。絲襪奶茶富有香醇茶味，茶同奶比例恰到好處👍。