陳泗記

Open Now

Now Closed

人就係咁...有嘅時候又唔珍惜❗️當商場愈開愈多，大部份食肆都搬入商場裏邊，我哋就一邊食嘢一邊嘆冷氣。街邊大排檔喺香港已經日益稀少，夏天去食覺得好熱，冬天去食又覺得好凍，呢個本土文化就快成為一項文化遺產啦😂。中環士丹利街大排檔歷史悠久，趁天氣和暖，去陳泗記食個港式傳統美味。套餐：餐肉煎雙蛋飯＋絲襪奶茶 $48煎雞蛋高超之處係蛋邊煎至焦香微脆，蛋黃半成熟，撈飯一流。午餐肉夠鑊氣，表面微焦香口，加埋甜豉油，簡直一流。絲襪奶茶富有香醇茶味，茶同奶比例恰到好處👍。