陳記魚蛋 (Closed)

陳記水魷魚,每串都好大大份, 第一次食個陣真係有驚喜,因為平時個D小食店邊有咁大件!!佢醬料有分小小辣,小辣同辣,因為我唔食得辣既關係但係唔加醬又唔好味!!所以我自創了小小辣加甜醬,溝埋出黎好好食好惹味呀.每次經過陳記都想食返串!

上次聽朋友講陳記魚旦好食，所以今次經過決定買返串魚旦食，而咖哩汁有三種辣度，由於我唔係好食得太辣，所以我決定㨂少少辣。而依度最好係將d魚旦裝係隻杯仔入面，可以避免食既時候，滴到周圍都係。而魚旦方面，細細粒又彈牙，依隻魚旦既質感係我最鍾意食個隻。而咖喱汁方面，咖哩味濃，少少辣，但辣得黎有種甜味。真心正

最愛陳記既醬！每次都一定要食麵根，吸哂啲醬真係不得了！最愛呢度既醬，偏甜既味道，充滿咖喱香之餘又唔會好辣，醬杰身，仲會食到好多一粒粒唔知係咪花生同蒜粒？我就中意無咁辣所以次次都揀小辣，其實仲有中辣，大辣揀，可惜既係可能個醬成本好貴，次次食都唔係好夠醬另外不少得係燒賣，同樣係吸汁一流！

街邊小食檔買少見少，揾到適合自己口味既咖喱魚蛋就更加難上加難，一來魚蛋要有口感，唔可以太軟，而且經過長時間烹煮後需要保持彈牙口感。另外用到咖喱既醬汁都非常講究，我個人比較喜愛偏甜而微辣，又濃稠既咖喱汁。今日經過紅磡非常有名既陳仔魚蛋，剛剛係下午茶時間又見無咩人，就買左一碗咖喱魚蛋面填下肚。一咬落去非常有驚喜呀！不但魚蛋軟得黎仲保持一定咬口，而且醬汁完全係我摯愛！出左咖喱既辣味之外仲食得出裏面加左好多香料，味道甜甜地，而佢分別有小小辣、小辣、中辣同大辣，我唔算食得好辣就揀左小辣，我覺得辣度剛剛好，如果食得辣既朋友可以試下大辣哈哈！

呢位住紅磡既朋友係陳記魚蛋既忠實粉絲行親都拉我去食我地唔係特別好辣每次都叫小小辣貪佢微辣得黎又惹味燒賣彈牙，唔會好粉煙un有咬口相信魚肉比例都唔差難怪深受街坊歡迎

之前係新光戲院後面見到陳記魚蛋，未有機會試，近日到紅磡首次食，我自己覺得麻麻。叫左小辣，辣度其實係啱啱好，但佢d咖哩汁係同魚蛋分開，無左辣魚蛋有既混合味，食完一串淨係覺得好頸渴，我覺得通達好食好多……

在深水埗嘉頓包廠斜對面已有兩間陳記魚蛋在遙相呼應，我試過咖喱魚蛋及腸仔，感覺一流，咖喱勁濃、勁辣、勁惹味。 想不到事隔多年在異地再續前緣..... 我首先買了魚肉燒賣配中辣咖喱汁($6), 一試下沒法找回記憶中的美味，咖喱好像多了甜味，少了惹味； 我不甘心事情就此結束，便又再買了勁辣的咖喱魚蛋($6)，這次辣得我要命！ 要找水..... 但卻始終再找不到昔日的美味，是期望過高？ 還是這裡不及深水埗分店？？ 我忍不住問店員， 她說汁醬是老板秘密調製的，不會有分别..... 那應該是我的口味變了........ 但無論怎樣，陳記小食的出品仍有一定水準，不妨一試！

魚蛋同燒賣燒賣好削唔多好食魚蛋值得讚，因為佢用咗有陳皮嘅細粒魚蛋，依家好少地方會用。可惜佢係魚蛋加辣汁，完全係無咗辣魚蛋有嘅混合味，味道分得太開，好似係食緊魚蛋同辣汁兩樣嘢！

有些食物實在很難去評，因為每一道做出來也差不多，我說的是街邊咖哩魚蛋。這一味香港街頭小食之首，實在沒邊個香港人未吃過，除非你是天生BLUEBLOOD，連旺角也沒去過的王子公主。某名聲大大，但無句準的知名食家，對陳記魚蛋推崇備止，我在多年前於欽州街店吃過，只是覺得：都係一串魚蛋，實在吃不出怎樣好吃到癲的玄機。還記得中一那一年，一串五粒的魚蛋賣＄1，今日陳記就＄6六粒。如果以魚蛋作物價指標，短短二十年多一點，物價已飛升六倍。當年十居其九是走鬼檔，與今日的小食店完全兩回事。陳記的魚蛋，其咖哩汁有不辣，小辣，大辣。保險之計，要了小辣。魚蛋質素與其他地方差不多，細細粒，也彈牙，魚味亦不缺。咖哩汁夠濃惹，雖然小辣只是青蜓點水，只有少少辣度，但吃下去，頗為搶喉的。真懷念昔日光顧走鬼檔的日子，不論是美孚橋底，黃金商場對出的桂林街，甚至青衣長發邨等等。。想起也流口水，想起也希望問多啦A夢，借個時光機回到過去，掃個痛快！吃這些街頭小吃，除了味道，還有一種叫風味，這是在陳記，或旺角和全港九新界的小食店，是吃不到。

睇到前幾日有人寫既食評 令我唸起上兩星期到我老公出去搵食..陳記魚旦 坦白講 我唔知之前係咪同一個老闆 定係間野轉左名我住左廿年紅磡 日日經過 平均兩三日都食一次陳記魚旦d汁試暈 唔辣都係辣 因為我買好多次唔辣比個仔 佢次次都話好辣 結果以後唔要汁小辣同中辣都ok 辣係真係持續既 食得好頂癮 不過中辣開始食唔到魚旦有魚旦味d食評同埋d分 大部份係比晒向個汁個度... 兩串中辣都會好口乾想飲野 嘴都麻痺埋... 魚旦 有魚味 彈牙 不過冇阿so讚到咁誇張 好似癩尿牛丸咁牛柏葉同"游"魚都好爽唔un ga 我個仔成日都話要去東記食"游魚" 感覺唔錯**** 我自問好鍾意食辣好食得辣 大辣真係咪搞 我未試過辣到好似比火燒喉嚨老公未唸到食咩 就去食串魚旦先 因為唔洗湊仔 想試大辣買左魚旦 牛柏葉 "游"魚 同腸仔 叫阿姐唔洗咁多汁... 佢比左一匙大辣我先食魚旦 我以為我降左level仲咩咁辣既... 唔理 慢慢食其他 第二啖"游"魚 個嘴好似爛左咁餵一塊牛柏葉比老公 佢一食已經開始用兇惡眼神望住我 因為佢唔食得太辣我就餵腸仔比佢食 因為冇汁... 佢頂唔順開始鬧... 辣成咁係咪人食ga..

行行下見到有小吃，先來串燒賣，再見魚旦好似不錯又來一串；燒賣熱辣辣，雖不是最喜歡的那款，但都不錯；魚旦雖是麵粉那一種，但很彈牙，都不錯；最好的是咖哩汁，很濃的味道，加在魚旦及燒賣上，味道濃郁，好味啊！

個杯汽水我在便利店買..有一日我出左紅磡行街,又落雨,又飽肚.只係吃左串魚蛋.衛生做得唔錯...汁又不會漏到周圍都有.6元一串魚旦.有5粒,我選左唔辣.我無咁叻.一試就試到的醬成份,從魚旦上有少少魚味滲出來,彈牙,而個醬香口得來,甜甜地...有種回甘的味道,呢間店好認真將魚旦放在紙杯上..不會漏出的汁,一路行一路食,都不用狼貝而店員十分敬業,有禮,有笑容...從店員口中知道要用杯放魚旦的原因.因有人投訴過他們的人客.的汁漏落地下....我反而覺得唔食辣係好事.可以食出本身味道,又不用怕辣到食唔落..最後不是食評來...是溫韾提示,我有好多年.無試過便利店杯裝可樂,我覺得唔好飲.甜得好恐怖

其實魚旦我唔係特別喜好, 但係有天偶然見到一幕, 令我一定要去幫襯一下. 那一幕是甚麼後面再講. 叫了一串魚蛋一串栢葉, 魚旦算彈, 栢葉亦唔UN, 這個很多食店都做到. 但係佢既咖喱汁調得幾好, 唔係只得勁辣, 辣度算適中(以我黎講), 重有我鍾意既薑汁味, 好味分數都係畀個汁既!其實呢篇食評, 主要係想講下我見到那一幕是甚麼--話說有晚在對面甜品店坐門口食甜品, 剛遇正陳記收舖. 我地就邊食甜品邊睇佢地收舖過程. 佢地收拾左車仔檔後, 有個男仔重親手執返食客丟晌地上的竹籤, 係逐支逐支執, 根住用水洗地下既咖喱汁漬, 然後用地拖拖返乾門口既石屎地--我同老公都好驚訝, 而家重有D咁有公德心既人/舖頭!! 咁講求衞生, 點都要支持下, 所以就去幫襯下, 連味道都唔錯, 咁就更加分. 希望佢地會一直keep住係咁, 呢篇野係同個男仔打氣, 話佢知佢既努力係有人睇到既!! (我可以發誓呢篇唔係線稿, 係我同老公親眼所見)

因為我同個FD都鐘意夜間活動, 黃埔小食執0左之後, 一直搵唔到可以替代0既小食店. 偶然行過發現陳記魚蛋, 當然要試佢一試, 雖然冇我0既最愛炸大腸, 但係其他好似魚蛋都止得下咳, 特別係個辣汁, 因為我唔係0甘食得辣, 但係佢個隻辣係帶有薑味0既辣, 所以辣之餘仲有種甘香. 以後可以長駐呢度, 當然有埋炸大腸最好.

今天經過檔口，見它專賣魚蛋，咁厲害，即管一試。要了個少辣，味道跟平日在大圍的大圍小食吃開的一模一樣味，不過我認為它比大圍小食的好，原因是，大圍小食的魚蛋必須用勁多汁包著吃，否則會有腥味，但這裡完全沒有，所以贏了。