陳記魚蛋

Open Now

Now Closed

行過成日都想試呢當魚蛋，十蚊八粒其實都唔平，見到啲魚蛋好淺色，似白烚咁，感覺唔方好食，咁啱今日忽然落大雨冇帶遮，企喺橋底避雨，就買嚟試下，有勁辣，大辣，小辣三隻汁，試左小辣果然非常唔錯，辣味有層次，裏面應該係有蒜蓉，淺色嘅魚蛋都有魚味，咬落去好有咬口，有啲似陳皮魚蛋，但冇咁實，口感剛剛好，8粒有啲唔夠喉，下次買30蚊返屋企慢慢篤。

大家都話必食 陳記魚蛋 ，一於整番串魚蛋，另外仲有燒賣、魷魚、腸仔、豬皮、齋等，有少少辣、少辣以及勁辣三種醬汁。朋友唔食得太辣，揀左「少少辣」，十分香口惹味，略帶微甜，辣味慢慢出來。魚蛋細粒，質地結實，食落有咬感。

每次我經過路德圍都會買串陳記魚蛋🍡店裡醬汁有三種,秘製醬汁有少少辣,小辣,勁辣🌶️秘製醬汁好惹味,有啲薑既辣加類似沙嗲既味道,陳記嘅魚蛋係相當細粒,Size有啲似陳皮魚蛋🍡咬落去口感唔似陳皮魚蛋,而係有D結實之餘兼有D彈,同平時食嘅魚蛋唔同,有D似煎釀三寶既炸魚蛋口感😋除左魚蛋,有燒賣,豬皮,牛栢葉,墨丸,齋,蘿蔔,牛丸,腸仔…不過依次食既小辣無以前甘辣,下次可以試下勁辣😝😝😝🌶️

一切被黃色招牌的誤導開始。由於本人不吃辣，本來以為此店有不辣的秘製醬汁（事實是沒有），最終買了小小辣，並且只要了很少份量的醬，每粒魚蛋像沾了半粒豆豉般份量的醬，不過我認為這個醬是有真材實料有誠意的炮製，不是水狀的汁醬。另外，魚蛋是不「粉」好吃的程度。（用餐日期：2024年5月9日）

今日經開荃灣～忽然諗起好耐冇食嘅魚蛋，水準依然咁好～仲叫埋牛柏葉 齋同埋豬皮 小辣～真係好好食😋我記得之前仲有螺肉賣 但係今次已經冇咗～老闆話螺肉太麻煩 做唔切 所以就冇整～真係有啲掛住嗰個味道 希望之後會有機會可以再食到～

買咗個細生菜魚肉$24 ，竟然有好多魚肉，非常之足料，而且魚肉唔係溝好多粉戈款，係有小少彈牙感，食完一碗已經冇咗飢餓感。男店員（唔知係唔係老闆)同我分享，原來湯係用白蘿蔔熬左成日，飲落去真係有陣清甜。😋最值得一讚嘅係，呢間店衛生程度都算幾高，雖然係小舖，入面嘅嘢睇得出係乾乾淨淨，而且見到該店員會刻意唔觸摸餐具用黎放入口嘅位置，唔小心整到會換過一隻。👍🏻希望會長做長有，以後食生菜魚肉都搵得返呢間。下次試吓碗仔翅，希望有驚喜。

原來荃灣都有間陳記以前北角地鐵站附近，食開有一間好好食嘅小食店，後尾好似執咗笠唔見咗，魚蛋、醬汁呢隻非常之難忘。每次放學都會走過去食今日去荃灣食嘢，行過橫街窄巷見到原來有間陳記。附近好多小食店多人排隊，陳記居然唔使排隊，簡直不知所謂……一定要衝過去幫襯吓先😝醬汁有三種。因為陪老婆食，所以只可以食少少辣。不過佢醬汁非常之正，又香又好味。唔係好清楚入邊放咗啲咩材料，有啲似沙嗲，唯一可以肯定嘅係一定有香茅、辣椒。其他小食店我都未食到有咁嘅水準二少魚蛋陳記嘅魚蛋最特別係非常之大牙，比較細粒。咬落去口感非常。你食過之後，基本上唔會再想食其他魚蛋王牌燒賣呢度燒賣嘅水準都非常之高，因為我老婆都鍾意食😜唔會太過粉、漿，結實程度都唔錯，燒賣都非常之掛汁魷魚🦑魷魚遊戲一個非常之配搭，佢嘅醬料嘅食材，非常爽口

陳記魚蛋港九都有分店，就唯獨係新界冇者。行經過，口痕都會買番串黎過下口癮，魚蛋，牛栢葉，如果肚餓就再加多個撈麵添。佢最標誌性既就一定係分左三個程度既辣汁，分別係大辣、小辣同bb辣，我就次次都揀bb辣既，甜甜地咁，個汁仲有啲薑絲添，食撈麵攝晒落啲麵條度，真係重口味人士必食。用既仲要唔係陳皮魚蛋，夠晒彈牙。但係佢啲牛栢葉就尚有改善空間啦，因為佢係白烚完先再淋辣汁上去，件事完全係離行離迾，啲汁係完全滲入唔到啲牛栢葉度。

好耐冇食，行過荃灣要串魚蛋。戴住口罩都特登停低去買。滿心期待諗住睇阿姐淋d汁上去，點知落得兩滴，我叫個阿姐俾多d汁。佢個樣勁冷漠，話 你知唔知你自己俾緊幾多錢啊？7蚊買串魚蛋仲想多汁？你俾50蚊就要咩汁都得。 我都唔知講咩好。但，唔會有下次。「呢到本身仲有幾句，但openrice提醒我可能造成誹謗，所以刪除。」但點都唔變係我唔會再去呢間咁嘢。係咁多。

買串燒賣佢話冇辣沖 食依間就係為左啲辣汁 依家話買一串太少唔比汁真係笑大人個口 個個魚蛋燒賣當飯食咩 本身魚蛋燒賣就係行埋去篤翻串 依家話一串唔比汁真係接受唔到 冇辣汁嘅話都冇幫襯依間嘅理由 如果唔係規定要80字真係唔會打咁長

這間陳記魚蛋是荃灣的分店，荃灣路德圍一帶一向有頗多小食店，是掃街福地。陳記魚蛋是個不錯的選擇，其標誌性的辣汁俘獲了不少人的心，其咖喱汁分大辣、小辣和小小辣，咖喱汁充滿香料，黃薑味濃。不過魚蛋size較小，欠魚味，主要是食其汁。

心血來潮好想食魚蛋，但平平凡凡嘅魚蛋又唔想食，陳記出名啲辣汁夠哂惹味，有分小小辣，小辣同大辣，整返兩串先，再加埋一串牛栢葉先夠索哂啲辣汁！想食燒魷魚🦑可以黎陳記呀！真係好懷念以前啲小販檔。

呢個食評有啲hea,因為我淨係食左串魚旦。見佢店面貼左相，係蘇斯王介紹過，所以就買左串，$6/串，佢有小小辣，小辣同辣簡，我要左小小辣，個人唔鍾意食，黃薑味好重，無咖喱香，不過如果有人鍾意黃薑味，佢係幾香，同用心製作既，食到有薑絲。可能食辣啲會正啲。

行過路得圍想食d 飽肚少少既野。。。諗起有間陳記魚旦 可以叫魚旦+燒賣 配撈面。。。懶人之選當日有少少人。。要排隊。。。叫左個少辣汁 。。。好正。。對於吾太食得辣既我。。。非常岩我口味。。魚旦好食過燒賣。。。另外撈面可以再煮淋d 既話...就 Perfect

今日同老公陪屋企人食完飯就諗住到路德圍食個糖水，食完突然口痕痕，好想食下小食，但行左好耐都諗唔到食咩好，本身打算去食豪大大雞扒，但見到有勁多人排隊.....所以就打消左呢個念頭。之後見到豪大大隔離有間唔多顯眼嘅舖頭仔，傳黎陣陣嘅香味，立即走上前睇下係咩黎。見到係一間賣魚蛋嘅舖頭，仲有三種辣汁比大家揀，舖頭嘅牆上痴滿周刊報導，蘇絲黃都話辣汁好味咁，真係估唔到咁隱世嘅店舖原來係咁出名。見到有香腸就叫左一串，要小小辣嘅辣汁，未食入口已經聞到好香嘅辣味，係聞得出佢係由好多香料煮成。雖然只係小小辣，但對我黎講辣味已經好夠，仲有少少嘅甜味，個種香味係有別於出面嘅辣汁，出面嘅汁係得個麻味，完全冇辣嘅香味，呢度嘅辣汁直頭令人一試難忘，只可惜我已經食得好飽如果唔係我一定食多幾串。下次黎到路德圍呢度一定係我不二之選。