陽一 (Closed)

喺山林道做完拔罐 餓餓哋喺附近盪吓 無意中見到呢間唔多起眼嘅小店俾佢門口個餐牌吸引咗 呢個地段 咁嘅價錢 😇本身以為淨係做外賣 問吓 原來有幾個位做堂食咁就坐低試吓 🔹️豬骨湯底豬軟骨拉麵配味噌湯坐咗5分鐘就有得食喇首先食咗流心蛋先 廢事蛋黃瓊咗 😬😬之後飲咗啖豬骨湯 唔咸 濕完個口就開始食拉麵拉麵爽口 又唔會痴埋一嚿豬軟骨有3大件 幾入味同夠稔不消10分鐘就清晒個麵轉戰味噌湯 比預期中淡 但都ok ✅咁嘅價錢又夠飽肚 性價比一流

呢間小店無意中經過比門口個menu吸引，食咗幾次以呢個價錢真係好出色仲大部都好好味，而且次次menu都唔同，好有誠意。因為即整嘅關係，如果冇落定單就要等20分鐘左右，服務姐姐就叫我不如打嚟落定單可以唔洗等，於是我每次跳舞之前就落咗單先，一嚟到就有真係好貼心💖便當方便都幾多選擇，有時我唔食佢當日指定嘅set , 自己揀食乜都好好味。食過最鐘意日式海鮮炒飯，安格斯牛肉眼丼，大盛牛肉丼，蒜香比目魚丼都好好食，尤其係個牛肉眼丼好淋同啲汁都好好味👍🏻👍🏻👍🏻👍🏻👍🏻我老公就最鍾意厚切牛脷丼😆希望小店繼續加油！💪🏻💪🏻💪🏻

一間外賣店，只叫2個丼飯，黑椒安格斯牛肉眼丼，熱熔芝士牛肉眼丼，等左25分鐘牛肉睇落中間有d紅，以為7成熟，點知靭過全熟諗住係黑椒汁，點知原來係黑椒湯牛肉丼，個汁水份好充足，懷疑唔記得打芡問候吓個熱熔芝士牛肉丼，成日話熱熔芝士要耐啲，只係得幾cm長嘅芝士，唔明點解要等咁耐又話日本菜，絶對唔係用日本米，d飯硬到銀胃，泰國米仲香麵豉湯都好出色，淡茂茂，可能専係俾小朋友飲用唯一可取之處就係夠熱，因為佢係即叫即煮，所以要等25分鐘

尖沙咀山林道不嬲出名多嘢食，經過陽一飲食文化見到除咗定食仲有其他小食同烏冬/拉麵。套餐價錢相當親民，而且每日都會轉。當我表明想用自備嘅飯盒同水樽買外賣時，店員亦非常友善，仲俾咗張印花咭我，積極鼓勵我儲印花，因為可以換$20餐飲現金劵。今次試食蒜香比目魚扒便當，套餐配海帶味增湯，便當熱炳炳而且份量多，比目魚有5小件，海帶味增湯足足有300ml。我認為味道算唔錯，小店又支持環保有加分

琴日去左山林道睇完中醫。本身有小許選擇困難既我，正為午飯煩惱，慶幸途經一間日式小店舖陽一飲食文化，入面既店員小姐姐見我觀望餐牌後，馬上上前推介，態度友善。5款是日推介價錢大約40-50，大餐牌價錢大約50-80。冇壽司冇刺身，比較遺憾。最後我揀左 炸蝦天婦羅拉麵濃豬骨湯$56!!相比其他拉麵店，價錢十分平。豬骨湯夠香夠濃，天婦羅夠脆，份量吾少。總括嚟講:味道好！服務態度好！價錢好！係地方細啲，不過都舒適既。 值得支持下既小店。

陽一飲食文化🎏今日冇帶飯，所以同班同事一齊食～佢地一路都想試下食呢間，但係一路都冇機會食！今日有我係度，佢地終於都的起心肝去食呢間喇！！😗原來社交平台果度係有得睇佢今日係咩Menu！好正！仲可以Whatsapp落單！我地1:00pm落單，佢本身預1:15pm有得拎，隔左5-10分鐘度就再通知我地話可以拎得。勁快！呢間鋪頭位於尖沙咀山林道，所以係幾容易行過去既。一去到門口就俾個水簾吸引住，不斷流水（呢個水簾幾好，水為財💰生生不息）。去到門口，外賣已經pack 好等我地拎，而我地係用現金方式俾錢。我叫左日本叉燒拉麵（$45)，估唔到跟左一隻糖心蛋！而湯同面係分開既！今日呢個係胡麻藤椒湯底，非常開胃！唔係話完全好辣，而係辣得啱啱好（微辣），係會越食越上癮既！味增湯有細粒嫩滑豆腐同昆布，一樣非常之出色！賣單$45，性價比非常之高！！朋友食另外幾款既丼飯，都話豚肉同牛肉非常之入味！值得一食再食！推介呀！🤤🤤🤤

今日發現左一間日本野，行過比出面既水簾吸引左，所以走左去試一試佢。佢午餐平均大概50幾左右，但今日太熱，叫左個拉麵同薏米青檸水，連埋野飲都係55蚊，係尖沙咀食日本野都幾抵。佢拉麵個湯底真係比想像中好好味，雖然只係普通豬骨湯底，但豬骨味濃。食哂個麵都已經夠飽，份量足。最驚喜係杯野飲，諗住普普通通消暑飲，但佢個杯已經好可愛，加上飲落唔甜，加10蚊換真係超值。下次可以試埋佢其他野，見佢仲有d小食串燒，不過已經食唔落。

今日中午本來想去食金鳯，但要排隊正惆悵緊，見到對面有間新開外賣店，個名叫陽一嘩！天才小廚師喎，就諗住買外賣返公司食，點知果個靚姐話可以堂食喎就試下，睇見每日特價有5個餐有炒飯扒餐同拉麪選擇，見到今日60大元有羊架食，仲配埋蜂蜜芥末醬！不過糧尾唯有下次先試，叫咗個三文魚炒飯46，炒得香口粒粒分明配埋味噌湯剛好原來轉可樂先加3元抵食良心老闆呀，見好多人都叫羊架就有小小後悔恨自己點解咁窮，下次月頭一定要試我至愛

話說我係尖沙咀一間環境十分惡劣既酒店隔離，每日最期待就係叫外賣既時間，但一般尖沙咀既外賣又貴質素又普通，唔值呢個價。。。直到我係foodpanda搵到陽一，係正我酒店隔離，就好似係地獄帶黎一線曙光比我，好似宇宙大爆炸出現超新星一樣咁雀躍陽一性價比高，價錢平，味道不錯，我想同你地全體員工講聲加油！！！超級建議其他尖沙咀/佐敦酒店隔離人士試下呢間餐廳！！！