Video
3-min walk from Exit A1, Yau Ma Tei MTR Station
continue reading
Telephone
27436636
Payment Methods
Above information is for reference only. Please check details with the restaurant.
咁啱探完親翻香港 帶埋行李落車十一點 附近求其搵啲嘢食 見到呢間就入左去落單嗰陣係咁問我地係咪遊客 係邊度嚟 準備去邊度玩 寫完單後尾又走翻嚟 問我地加唔加個油菜 話10蚊一碟 我地話好 佢又問要焯定炒 我地話炒 跟住佢再問蝦醬定腐乳炒 最後埋單碟菜變左48蚊 佢係都要話碟菜焯先係10蚊 炒就一定48呢啲咁樣劏客嘅‘小店’真係無福消受 唔怪得知成半留言係鬧態度同服務啦恰人唔知海關電話？好自為之啦
continue reading
同老公一齊放工，然後相約屋企附近食晚餐諗起住左三年都未去過呢間食今晚就試一試佢雖然晚餐牌都唔算平，不過勝在即叫即煮咁我同老公分別叫咗魚香茄子煲，同埋蝦醬魷魚炒通菜魚香茄子有驚喜👍🏻👍🏻👍🏻👍🏻未食過魚香茄子入邊有青椒洋蔥好多蔥而果啲肉碎，似係佢細肉粒多D不過就冇乜魚香就真嘅但既然咁惹味，我加唔小分😆另外果個蝦醬魷魚炒菜通，老公話菜葉少左D不過我就覺得okay 雖然兩碟野都有D油油地，不過我哋覺得好似冇落味精都幾健康😎
continue reading
今日去左旺角, 中午時經過隨園, 一心想光顧小店, 也特別喜歡小店的例湯, 而午市套餐包例湯和飲品。但因人太多, 所以就叫了2個餐, 外賣自取, 店員仲笑笑口問我使唔使加多個油菜, 為了支持小店, 我也很疏爽, 即時話好, 加了一個油茶。但取餐時, 唔見有例湯, 追問之下, 負責女店員口窒了2秒, 就話只有堂食才送例湯, 我即時唔想回應, 給了她一個不滿的表情, 就奪門離開。第一次見小店咁差, 我咁疏爽買多個油菜, 你竟然唔俾湯我?大佬, 其實本身我係想飲湯才買這2個餐, 真的很不滿, 唔使再幫趁這間小店。
continue reading
放工食晚飯,本來去旁邊的越南餐廳,但人極多,隊極長;於是改去旁邊這一間食,頗有驚喜。叫了蔥花鮮牛麵($28),上湯蘿蔔($15),上湯芥蘭(跟麵叫$10),全部都OK。麵份量頗大牛肉都好新鮮，麵身爽，啱我口味。芥蘭正正常常，蘿蔔有五大塊和夠入味。再望下佢哋嘅餐牌，主打係粥麵,粽,白灼豬肝牛柏葉和小菜，價錢大概係$50-70。亦有晚餐等包湯包茶,見到旁邊的食客點的菜，是即叫即炒,賣相頗佳,可再去試。這個價錢是值得去的。
continue reading
平時好少去開油麻地，今日午餐時段行過砵蘭街，見到街口呢間餐館好多人食，睇下個午餐MENU幾吸引，門口又有空位，方便我朋友食煙，就坐得左喇!一個午市套餐都只係42hkd，包例湯又包熱飲，咁既價錢去邊到搵!我叫左一個鹽焗雞飯，今日例湯係粟米南瓜豬骨湯，凍飲加3蚊要左凍檸茶。黎既時侯真係嚇左一跳，啲雞多到! 平時餐廳都只有一小排，最多得5-6件，呢件係雙倍有多，仲要肉質好嫩滑，加上沙薑醬同蔥油，我食到要加飯，侍應竟然送多碗白飯，真係好好! 碗湯完全唔覺得有味精，仲有一碌碌粟米，真係好足料。45蚊(42餐+3蚊凍飲)竟然換來咁好味既午餐，仲有邊度係咁! MENU仲有好多餐，見到我朋友既豬手飯都好靚，下次會突登番黎食!
continue reading