集蘭冰室 (Closed)

老公同朋友食過幾次都話要再黎食過！今天剛巧放假，老公第一次帶我到黎食早餐！重要專登由新界搭車出泥食呢！店内有好多推介食品，餐牌内容都睇到眼花！因為第一次到來便叫左個普通嘅沙爹牛肉麵配蛋治早餐！份量都幾多，而味道又確實唔錯，牛肉好焾麵質都好弹牙，最重要杯奶茶確實係好有茶味！喜愛奶茶嘅我都會再泥食多一次！下次會試下午茶呢！

荔枝角區好多茶記都唔差，但今次遇著呢間集蘭冰室，真係一個差既經歷！午飯時間一進來冰室就有位，都覺得奇怪，因為荔枝角返工既人都知道在荔枝角搵食一d都唔易，間間都要等位！坐底就叫左個午餐-豬柳漢堡拼吉列魚柳飯，碟飯一到，既時嘩一聲，碟飯好大，但主角豬柳同塊魚柳超細塊，得三分一隻手掌咁大咋，而且塊豬柳仲係涷冰冰既！唉，$37俾d咁既野食，下次唔再幫襯了！

估唔到咁早就睇完醫生, 番工前更係食過早餐先.對於"冰室"2個字都有種好感.叫左個又燒通配炒蛋再加杯鴛鴦, 估唔到冰室唔係提供牛油餐包, 改為蒜蓉包, 認真新穎.又燒通都唔錯雖然湯都有點味精, 幸好又燒都算美味.至於炒蛋我就覺得偏油, 反而出奇地係塊蒜蓉多士好香好脆.另外一讚係佢地杯鴛鴦茶香滑又唔會有苦澀

十月中旬‧晴晚上在附近有飯局，下午的food tasting完了後也不要周圍走，找個地方休息加工作之餘，我的iphone也要叉叉電，不然真的連六時也捱不過。不想去連鎖式咖啡店，左找加找來了這裡，因為瞄到收銀櫃檯有拖板，就在這裡坐了下來，偷偷電。要了下午茶餐的多士餐，奶醬多練奶及花生醬極之極之多，真的要撥走九成才吃得進口。而多士本身厚身脆口又鬆化，很不錯。熱咖啡有一定水準，香濃而不酸不苦。叉夠100%，也寫好了食評，看看手錶，是時侯離開了。

是日點了2客牛柳餐(蒜蓉多士、凍飲、薯菜、意粉或飯），這裡的紐西蘭牛柳尤其一絕！（記住是下午2時半才開始供應）當客人到達點菜時，才按所需的生熟程度進行烤制，隨後再附上黑椒汁或洋蔥汁。肉質十分嬌嫩，很有咬感，吃去肉質鬆軟的同時，也可以感受到陣陣肉香。意大利菜湯很有羅宋湯的味道，十分回味！蒜蓉多士十分香脆，凍檸茶茶味香濃！2人吃飽只不過是$80大元，認真抵食！

在上世紀九十年代,大約要數到去家駒過世的一年,小弟家人因為有些小生意在此一帶經營,所以也不時光顧此冰室,每一次也是致電叫外賣.十多年後,再來到此,冰室仍在,但好像已經裝修過,比昔日的景像更為光鮮.早餐無須多講也是那些,煎蛋,多士,通粉,加熱奶茶,如果不夠,還有份"蘋果"在身旁.味覺隨著歲月而改變,當年留著杜拉格斯頭的小子,今日已成為中年麻甩,以前一味外賣也是叫會意粉,從不來喝杯奶茶,十多年之後,才肯定了奶茶的價值,奶同茶味兩者平衡,喝下去有點甘,出奇地沖得不錯.有沒有試過之前一晚早點去睡,是為了期待明天早上,餐檯上的一雙"旭日"?旭日是太陽蛋.這一樣,當年我也曾想過,直到今日,吃太陽蛋已成習慣,就算大多港式冰室茶記煎得不夠靚仔,也已成習慣.蛋白對我是次要,蛋黃才是元氣之所在.通粉的拍檔是叉燒,吃落霉霉地,早上放得上作為通粉配料,一定是隔夜.有機會的話,找個下午再來,點個茄牛會意粉,同這個舊朋友再會,"互訴"一下往事.