雙連台式美食 (Closed)

上次係何文田廣場搵野食，不過今次就唔係果邊，今次去搵朋友，但佢就係愛民村果邊，所以我地果去左果到食野，見到有間台灣野就入左去間野食物款式都幾多，本身想試湯飯，不過天氣熱熱地最後就揀左麵香矛雞扒台灣麵，$40都幾抵食，仲有野飲雞扒有四五件，煎到皮有少少脆，但肉唔韌，幾滑；不過放左落個麵到D湯就比較油湯底唔鹹，仲幾香tim台灣麵係第一次食，口感好特別，好有咬口，少少煙韌的感覺；麵條軟軟地，但又唔會一夾就斷碗麵仲會有少少芹菜粒，唔食的朋友記住走芹菜粒

干拌麵必食！通常我去呢間鋪頭都會叫牛肉干拌麵，麵質幾有咬口，個汁就偏鹹，有落花生醬，麻油等等。仲有青瓜絲同花生粒，牛肉唔會有好多渣，份量足夠。但台式飲品就比較遜色。

這間台灣食店，是邨內街坊的選擇之一，店內的食品種類頗多，有湯飯，湯麵， 肉燥飯， 薯條沙律， 紅薯粉河粉，台式牛肉麵，配料亦多樣化，敢講比普遍人喜歡的大型連鎖快餐店選擇更多。叫咗一碗大大碗的蕃茄湯底湯飯，配料揀蘿蔔和腩肉雙拚，蕃茄湯底開胃，腩肉和蘿蔔都好咬口，湯飯還有九折優惠，唯是熱珍珠奶茶不可以加大。下午茶時段更有特價優惠，詳情看餐牌會更了解。店內裝修格局柔和，坐落有温暖感，食品水準未可比得上高級台式料理，但勝在價錢貼地，坐得自在。屋邨食肆生意有難度，此店人手不足，若然可增添兩個幫手，經營上會更有進度。

宜間既干拌麵同海南雞飯都好推介！我就最鍾意食青瓜雞絲同香矛豬扒干拌麵。真係又平又抵，加杯香芋珍珠奶茶都只係要3蚊，出面一定要雙倍價錢！佢下午茶只係廿幾錢仲食得飽，仲有咩可以挑剔

難得而家屋邨入面唔係全部連鎖店，梗係要支持下！依間台灣野，午飯時間都好多學生等位，老闆落手落腳做。嘢食方面，都好多選擇香茅呀，肉燥啊，撈檬呀，台式飲品咁～～～不過呢，就真係唔好expect佢係平時台式鋪頭，甚至係台灣食到嘅味道。😂唔可以用好食或者難食去形容，即係好似佢啲肉燥，唔係平時嗰啲，而係有啲似肉醬但係係中式咁樣嘅😂😂🙈又幾搞笑。 珍珠奶茶呢，我記得有次同店員講話「哇，宜個奶茶真係剩係得個甜，冇茶嫁喎」，佢竟然答我「珍珠奶茶係冇用茶去沖嫁喎」Lol 咁算啦🤭不想食連鎖店，都不妨一試！

呢間台式茶餐廳位於愛民村，成日上完堂都會去嗰度食嘢。因為果度啲嘢好平。每次我都會叫手撕雞飯。仲會叫佢個台式麵食。每次我都會叫墨魚丸同魚皮餃做餸。真係覺得佢好好食。而且佢個台式麻醬拌麵都好好食㗎。下次再佢一定會食呢個。

今晚去何文田找朋友，朋友建議一起食飯，最後選擇了這家叫雙連台式美食。店內冷氣一般，看完餐牌，食物種類不算多。叫咗個咖哩雞翼飯，咖哩汁不太濃，雞翼不似是剛剛新鲜炸出來的。另外加$10跟餐叫咗花枝丸3粒，花枝丸味道好啖，感覺太新鮮，又無乜口感。朋友就叫咗個酸辣麵配雞扒，酸辣麵湯底非常一般，但都算熱熱地，朋友比咗件雞扒我食，雞扒味道太新鲜。至於飲品就叫咗凍奶茶，唔夠冰凍，奶茶味不濃，可能花奶加少咗。綜合各方面，個人會再光顧這家食店

何文田食肆真的少得可憐，今天同事不想坐車去外面吃，要在何文田選，其實大約只是十選一而已。同事說這間吃過，味道正常，平常午日不會太挑剔，就這樣吧。-很有趣的是，明明叫台式美食，但餐牌還有越式湯河撈檬；雲南米線紅薯粉；星馬海南雞飯，直頭是集東南亞美食於一身。有點冒險地叫了肥牛酸辣米線。肥牛default味道啦，料的份量算多。米線比一般的粗，偏淋，湯底微酸微辣而已，不是滇式重口味。配菜有少量金菇酸菜，味道正常。同事的評價很中肯，就是普通，隨便吃的午餐，平平地，正常可以入口，其實就足夠了。

趕得切喺學生同office staff 放lunch前到達,Monday morning 11:30am 到,得2檯客。今次叫左個台灣牛肉麵餐外賣，$39 +$3跟杯香芋珍珠奶茶，menu 無寫，但係receipt都寫住俾左20% off 我，好抵！都好多隻麵可以揀，有臺式麵/拉麵/河粉/米線/紅薯粉/蒙粉/手打烏冬。因為後尾先見到，我無揀到，就俾左個臺式麵我。牛肉都好足料，不過就唔係一舊舊係一片片，同埋唔係紅燒湯低。

平時夜晚返到黎都收左鋪，今日突然想食雞排又台灣嘢，所以過左去睇睇。雞排肉臊飯 $44，有菜心，滷蛋（半隻），（另外menu強調肉臊不經油炸，用慢煮）。一打開個盒，已經覺得好正！雞排同肉臊份量都好足，雞排下面仲有好多菜，好健康咁！野飲加3蚊可以揀幾款台式嘢飲，要左杯香芋珍珠，細細杯，仲好多冰，搞到味道唔重，珍珠好硬。

收左工諗住黎食個飯姐，點知真係不得了！落單時，個呀姐係到挖鼻，有料！叫左一個所謂的海南雞飯😂簡直係不知所謂！！！九點去到炸，想叫小食，叫菜無，叫木耳豬腸無木耳！叫個海南雞飯，飯又硬又凍既，雞梅既，諗住有個湯送下無咁食得辛苦，點知同我講無湯！有料！原來無生意係有原因！你送俾我都吾食呀！

咁岩肚餓又冇咩要求，朋友就話帶我黎食間平靚正下午茶，所以就黎試試，嘩唔係嘛，最平$23有個餐，真係要試下我份人貪心，叫左炸雞脾，西多同紅豆冰，朋友就叫左香茅牛肉米飲凍咖啡朋友碗牛肉米先到，雖然話平啫，但個人覺得好似份量少左啲，但味道ok, 湯底有味，唔係清湯，凍啡都正常到我入雞脾西多，其實真係好難隻雞脾同半份西多一樣Size, 咁又咁講，$33有3樣野，唔通比塊面咁大既我咩，都明既，雞脾好味，西多嫌唔夠熱，睇啲牛油就知，紅豆冰就好少豆

食店：雙連台式美食地址：何文田忠孝街60號雙連台式美食😋豬頸肉菜心粒湯飯-$44豬頸肉厚薄適中，味道吾會好鹹，最緊要係佢有蔬菜，平時出街食飯好少有菜俾人選擇，但呢間鋪有多款蔬菜任君選擇，咁樣食落都健康啲。店鋪肉類選擇有豬排雞排雞翼（煎炸得金黃）等等，而吾想食肉都可以選擇圓類（魚蛋魚腐蟹籽圓魚皮餃蘿蔔冬菇等等），望落個餐單，感覺好似家庭式既飯菜又或者係打邊爐既材料，而且粒粒飯都飽滿，食完好飽好滿足。大家記住佢凍飲要加$3,熱飲就免加錢。

早兩個月前大概啦！去吃午餐，個矮小的女人有好條邊，應該是老闆，她說，小伙子不要坐咁耐啊！我要做生意哥葛！其實，由我開始吃到她說話時，我大約坐左咗二世十分鐘左緊！ 你依家嘢我以後唔會去！ 咁樣嘅服務態度係咪 你會唔會去呀老實講 所以呢我以後唔會去囉 去過一次鬼都怕如果呢次 唔係我趕時間嘅話我就會跟呢個老闆娘講一次到你嘅老實講 咁樣做生意我真係第一次見聞所未聞聽所未聽 佢仲係要老闆娘嘅 佢個人呢就係矮仔細細小小肥肥哋講嘢有少少沙聲紮條辮仔咁樣嘅 但係呢我去埋單嗰陣啦我都冇出聲即係全程冇出聲 因為呢間餐廳對我嚟講唔係餐廳係慘過冇錢食嘢！環境呀抵食呀各方面我畀一粒星呀都偷笑啦

如果想揾間難食，服務態度又差，又污槽嘅地方食野，呢間真係無敵! 佢嘅肉燥，簡直就係肉燥漿，珍珠就痴住隻杯，撩都撩唔到，唔知放左幾耐，我飲哂成杯珍珠奶茶 一粒珍珠都食唔到。個老闆娘仲正，不斷同食客撩交嗌，同一時間同幾枱客嗌交，又叫啲客唔好再嚟。啲杯，义，碟都污槽。雖然我冇同老闆娘冇任何交流，但成餐都食得好唔舒服。所以我會照老闆娘嘅意思做，以後都唔會再嚟。呢間擺明係做學生生意，恰一啲冇得要求嘅客，總之附近有其他選擇，都唔應該揀呢間。