雙魚亭

Open Now

Now Closed

又黎到上水中心。。點解成日都會去上水中心？因為無論平日定假日 夾兩張單只要消費150蚊就可以泊兩個鐘車( ´▽｀)本身只係過嚟食譚仔 奈何真係等枱等到天昏地暗 等等下頂唔順 兵分2路去排隊最後就食返最當初提議食嘅雙魚亭雖然枱同枱之間比較窄 但總算有位食飯啦上次黎嘅雙魚亭係食晚餐 今次就試埋個lunch假日嘅lunch 劃一價62多國菜有樣好 照顧到想食唔同餐嘅朋友不過就冇胡椒湯米線啦( ´▽｀)算係有少少偏向日式西餐叫左三個餐 雖然餐牌冇寫 但全部都有餐包上次夜晚黎食 餐包係pizza覺得好驚喜今次係牛角包都係好surprise ( ´▽｀)熱就唔係好熱嫁啦 暖暖地但勝在脹卜卜 軟熟唔似放耐左會扁同出哂油係好食嘅餐包( ´▽｀)！餐湯忘記左影相我飲紅湯 飲落好多料 有洋蔥同雜菜不過就冇牛肉 唔知係本身就係雜菜湯定係少少牛嘅羅宋湯有少少似飲Tabasco 愈飲愈辣 唔受得辣真係搞唔掂 冇飲完我叫嘅係呢份 沙律小龍蝦炒蛋意大利包就咁擺盤確實唔算吸引睇落好大個包 好細份沙律( ´▽｀)沙律因為細份 所以顯得啲醬好多就蓋左本身啲菜味 沙律上面有三舊方型物體 一定唔係蘋果梨食完都唔肯定係咩黎 有

中學生時期嘅冬甩妹喺上水返學，仲記得想當年每隔一兩個星期就會嚟食lunch，每次等位最少都要15分鐘左右，非常爆場！所以呢間絕對係上水區嘅老牌小店，今次返嚟試試佢哋嘅下午茶餐😋 平民價格、選擇又多，平時一放假就諗唔到去邊食tea嘅你哋絕對可以一試，$40-50蚊下午茶餐包飲品，環境寧靜啱晒同朋友傾計談心，重點係餐廳一大幅落地玻璃，方便渣車人士睇住架車有冇抄牌🤭.👉公司三文治 ($50)推介指數: ⭐⭐⭐⭐每次叫公司三文治都食唔晒，今次呢個竟然食得晒！烘得剛剛好嘅多士、恰到好處嘅沙津醬、配上炸得非常香脆嘅蝦片，非常讚👍 而且冬甩妹唔係太喜歡公司三文治裡面有午餐肉，所以呢個就啱晒我口味啦😋 唯一美中不足嘅係，有1-2塊蝦片冇吸乾油，導致口感唔脆。.👉吉列豬扒撈烏冬 ($50)推介指數: ⭐⭐⭐呢個烏冬有點小驚喜，用日式咖哩汁撈烏冬，醬汁有輕微辣辣地，味道濃郁。配上炸得好脆口嘅吉列豬扒，喜歡食濃味嘅朋友一定要試吓，冬甩妹就覺得食食吓會愈來愈濃味所以不太喜歡。以下午茶嚟講，豬扒份量好大份，非常抵食！

之前都有試過需要停嘅早餐同埋午餐，但係就未試過佢嘅晚餐，今日難得放假，就同男朋友去咗試食呢一間雙魚亭嘅晚餐。我就嗌左一份羊架，羊架最怕就係過熟，肉質差，但係雙魚亭嘅羊架係十分之嫩，而且肉味好香濃，加埋佢個薄荷醬食真係好夾！！！

今日假期，難得早上醒來吸收新鮮空氣，出發雙魚河踩下單車🚲想著有間餐廳雙魚亭便去試試了。🚗位置方便駁著上水火車站，我們揸車靠在路面，餐廳全落地玻璃可以遠望有沒抄牌🤭☪️環境尚算衛生，但坐位狹窄，亦都很多街坊排隊等候，輪候時間都要15分鐘，相信是稱得上熱門餐廳吧🚰衛生還可以，點餐前已亦備一杯熱水，可以沖洗下食具💁‍♀️可能進餐時間，侍應雖然很繁忙但尚算有禮，上餐時間速度都很有效率🍳🥪🥞我地點了兩個餐， 一個鮮奶麥皮生果餐 $35元， 麥皮加咗奶 好滑亦唔會太甜，生果盤都尚算新鮮，感覺也很清新，另一個餐牛扒烚蛋多士，味道不錯 ，價錢$38元， 牛扒八成熟 果醬嘅多士 對於平時都唔太食早餐嘅我感覺有啲豐富， 份量好啱大男士

門口個牌寫個肉醬意52蚊入到去叫完見到張單變左78話我係跟左餐係78...都算，想叫佢取消又黑晒面咁話唔得都都算我未食過個肉醬意粉係要用匙羹先食到條條都碎到通粉咁而且仲要超咸黎個白湯仲要係罐頭忌廉湯都算，仲要係未溶透，一舊舊要咬服務態度超差野食都唔值呢個價永久blacklist

貪方便，係屋企附近搵野食。曾經食過，亦係上水少數既西餐廳。諗住曾經食過，唔差再試。但係今次真係好失望。座位排列唔算太逼。服務亦都唔差，但食物既質素下降。跟餐蒜蓉包個包乾爭爭，硬到入唔到口唔送好過送紐西蘭肉眼扒（5成熟) $138上檯竟然係差唔多WELLDONE,好似咬緊香口膠一樣德國鹹豬手個皮又乾又硬肉都竟然係乾擺明就焗過龍唯一可食既，真係得條腸仔成餐飯，食淨大半，真係可一不可再雖然價錢唔貴，但食物質素真係唔得寧願比多少少錢，食返好少少既野食

座位十分擠迫，職員態度十分差。早排tea time的時候，人並非很多，但上菜效率十分低，味道普通，但剛食完意粉，杯coffee 只飲了一半，waitress便立即收碟和餐具（合理），但沒有問一聲便收了coffee. 這餐廳還會去嗎？

依間係位於上水中心的餐廳，但因為唔喺商場入面，而佢個位又係角位，唔起眼，所以到黎食嘢嘅大多係住附近的居民。放左工好累，想靜靜地食晚飯，又好耐光顧，所以就黎食下。都無抱有什麼期望的，不過今日見佢門口特別推介咖喱羊扒$108，男朋友就話試下羅。入去坐低落單，我叫左黑松露雜菌燴飯拼扇貝，男友就叫特別推介配左烤餅（因爲我中意食烤餅😜）點知等左15分鐘都無野到，平時都會好快上湯同飲品先，就問下啦，點知原來職員無入機，手寫單都唔見埋，要再落過😅其實間餐廳全場約只有30個位， 唔係忙，所以都幾搞笑。不過我地唔係趕時間，個員工都覺得唔好意思，所以我地都無咩，再落多一次佢聽就算。今日主角咖喱羊扒，我食左少少，證實真係羊嚟嘅，因爲有好“騷”嘅味道😖我自己就麻麻啦，不過佢係“林“身嘅，口感ok。而我男友向來食羊，佢就覺得都算幾好味🙂而我就中意佢個烤餅沾咖喱汁啦😁食左佢兩塊😜至於我自己個飯呢……我下次一定唔會再選😌

兩母女食下午茶食到一肚氣平時極少劣評餐廳，今次實在太過份，一定要俾大家知道而家好多餐廳都會寫住”不會主動提供水，如有需要，可以問店員拎” 呢樣係好合理今日岩岩行完街，好口渴，所以就問店員拎杯水飲，店員話”好”之後就無左回事，如事者問左兩三次，水都係無黎過。到野食都黎埋，再問，先俾左”一杯水”我地(我每次都係問”唔好意思，可唔可以俾兩杯水我地？”)其實俾杯水有無咁難？當時食客亦唔多而更嬲既係，其他幾檯食客既待遇好好多，每檯每位坐低，店員都會主動俾杯水，態度仲好好。呢度服務極差，價錢偏貴，食物只係一般一定唔會再幫襯！

吉列豬扒拼拿破崙意粉（$52），西蘭花吞拿魚焗意粉（$52），奉送餐湯及餐飲1. 吉列豬扒拼拿破崙意粉： 豬扒夠大塊，成塊面咁大，但係意粉唔可以叫做拿破崙囉，因為只不過係蕃茄汁加上面嘅白烚意粉。 2. 西蘭花吞拿魚焗意粉： 食落個西蘭花好有家的感覺，因為無乜特別調味，好似屋企煮咁。 呢間嘢喺上水嚟講都出名多人嚟幫襯，因為出名係抵食夾大件， lunch 五十零蚊唔使加一嚟講有湯有包有主菜咁都ok嘅，不過有咁，講坐位就比較逼的，環境尚算衛生。

其實我真係好少會比劣評 今次真係經驗真係覺得好差 今日屋企四個人嚟呢度食早餐 可惜四個人係入唔到去食我地攞咗飛等四人枱 等咗半個鐘都入唔到去 可能對好多人嘅餐廳嚟講係好正常 但係其實係陸續有其他人入去 甚至啱啱排隊嘅兩個人都可以入去 最後淨係得返等左半個鐘嘅我地😠因為餐廳一有少少位就比人入去 唔會突登等一張空嘅四人枱😕咁樣每一張四人枱都係啲唔同時間入去嘅客人 客人係唔會一齊食完出嚟 所以永遠四人枱都分比1/2/3個人食 等咗半個鐘 淨係得返我地係到等 我地去問佢究竟幾時有四人枱 佢竟然答四人枱暫時未有住！餐廳一早有mark低有一張四人枱等緊 但從來唔會去預留一張枱 咁樣四個人要等到幾時先入到去？ 😠😕之前有食過雙魚亭嚟一間其實一直覺得佢好貴 但又好細份 今次係媽媽想方便近近地先過嚟食早餐餐牌話$35一個奄列加多士 性價比真係好低😕晚餐$75-$100一個飯 其實水準同隔離便宜啲嘅欖車餐廳差唔多 唔到西餐廳咁高質 真係食得好唔抵😤😤唔會再食😿😾

上水雙魚亭個位置比較隔涉，在上水中心同上水名都的中間地下位，除咗住客同去北區公園的人之外都少人煙，所以就算晚飯時段人客都唔算多，唔駛等就有位坐。男朋友叫既軟殻蟹波羅炒飯配少許生果同生菜，蟹就略為冧咗少少，但炒飯就幾好食。加埋生果就比較健康！而我就點咗盲鰽魚（Sea Bass），比較在西餐廳少見的魚類，所以一試。味道不錯，不過隔離既墨西哥卷就太厚皮啦，咬唔郁，所以最後我拆開咗佢，淨係食入面啲餸就算😂又係蔬菜多，所以都幾健康架！有甜品送，呢個味道一般般。結論：茶記水平的西餐廳，醫肚尚可，無必要特別去食～

個人有小小挑剔，晚餐叫了黑松露紐紐粉，加三十八的前菜田螺薯蓉和甜點，湯是當日的南瓜湯。服務方面：服務員忙，態度要看他心情，這點很失敗。同時不細心，我坐的位置上頭有冷氣機，但是服務員知道冷氣機有問題，沒有和我說過。基本質素還是可以的，可能是因為服務員偏女性為主，偏溫柔，但不細心。食物方面：上菜速度偏快，我沒吃完前菜，主菜就到，主菜就吃完，甜點到。田螺薯蓉，偏淡，外觀不錯，就是太燙。南瓜湯，有點像忌廉湯，不知道為什麼我吃下去有淡淡的酒精味，勉強可以黑松露紐紐粉，外觀不錯，但有點失望，吃到一點偏生的菇類甜點：尚可，如果再凍點就好了。評價：是附近一間會有六成熟牛扒的西餐廳。服務和食物品質需加強（吃着紐紐粉時，聽到有人叫六成西冷，服務員還真的寫下六成熟......）

住左以附近咁多年，都未食過雙魚亭，雙魚亭位置比較偏，平時唔行開附近都唔知有以間餐廳，裝潢好有氣氛，但坐位比較窄，而且冷氣唔夠大，一路食一路出汗，搞到食得好急，真係太熱，我地散叫左兩個飯，冇食套餐，咖哩豬扒奄列飯（$52）咖哩唔辣，好香咖哩味，豬扒岩岩新鮮炸起，唔鞋，肉質好淋。日式照燒雞扒奄列飯（$58）雞扒煎到好香，但燒汁太少，食落去太乾，要叫侍應加多D 燒汁另叫左杯黑牛唔係好多餐廳會有得飲，就係可樂加朱古力雪糕。

入面收銀姐態度極差、另一阿姐落單唔耐煩、再一個阿姐我未食完就收我野！總之呢間野千萬不再幫襯！仲有我叫甜品時，攞餐具比我係掟在我面前又唔道歉。環境又搬，連紙巾都要叫才比我😡