雞公館 (Moved) New Location

想簡簡單單唔想煮，經過東大街雞公館就決定買半隻雞再加D滷水野又一餐。文昌雞半隻，皮薄餡靚有雞味，肉質鮮彈冇肥肉，食落啖啖瘦肉唔油膩又滑，真係好回味。平時個D黃油雞真係冇得比!滷水分麻辣同埋原味系列，每日限量製作，盒盒份量都好足，好抵食。豬耳切得幼細，食落爽脆! 豬大腸非常乾淨，食落有嚼頭，津津有味。豬腩片帶有香辣，又係啖啖肉夠嫩口。隨雞附送既醬汁先係大驚喜! 兩隻汁都好好味，甜甜地又提鮮! 想食靚雞同埋真材實料既滷水就要試試，絕對唔會用大量濃味辣味去蓋晒食材原有味道。

呢間外賣雞飯喺筲箕灣東大街 出名係走地雞 原來都有好多分店 佢嘅外賣飯盒都幾抵食 全部都係$46 有¼隻雞 仲有湯同埋甜品送🤣 文昌雞 半隻 $105 最出名係來自海南嘅文昌雞 好有雞味 雞皮爽脆 雞皮真係薄薄一層 雞肉嫩滑 而且多肉 冇咩脂肪 點上特製嘅薑蓉汁 口感爽滑 呀媽大贊好味😚 手撕雞飯 $46 佢嘅外賣雞飯 份量幾多 一個人食都可能覺得有啲飽 雞好入味 有少少辣 撈埋芝麻芫荽香蔥 配飯食真係一流！ 口水雞飯 $46 每個飯都有粒滷水蛋 仲有個清甜嘅紅蘿蔔粟米雞湯 冇味精！ 口水雞夠麻辣 最好食梗係雞皮！下次會再叫口水雞😋 鋪面比較細 所以多數都係叫外賣～ 佢仲有自家製餃子賣🤣 同埋見天口熱仲好貼心送埋凍菊花茶或者啫喱😌