雞好棧

Open Now

Now Closed

平民價錢，抵食夾大件，每次大會叫啖啖肉涼皮，超好食，另外再加小食，老闆同老闆娘都好好人，態度有善，過完年加左價，但都可以接受，日日食都唔會覺得厭，繼續支持小店。

今次我去左新蒲崗嘅采頤花園商場食左一間叫做「雞好棧」嘅餐廳，真係滿足到我對廣東菜嘅口腹之慾。首先講下呢間餐廳嘅氣氛同環境，佢嘅裝潢好簡約，不過好乾淨同整齊。雖然座位唔算太多，但都幾舒適，唔會有擠迫嘅感覺。員工都好友善，服務態度好好。開始講食物啦！我地先試咗佢哋嘅涼皮同腸粉，真係好好食！個皮又滑又爽口，醬汁都幾夠味。腸粉薄薄嘅一層皮，包住好豐富嘅餡料，仲有佢哋自家製嘅辣椒醬，真係好正！之後就嚟到我最鍾意嘅手撕雞飯啦！雞肉好嫩滑，配上醬汁同埋飯，味道真係好正。仲有一個獨特嘅醬汁，好香濃，同埋唔會太甜。整體嚟講，呢碗飯真係好滋味！除咗呢啲我試過嘅菜式，雞好棧仲有好多其他啱晚餐嘅選擇，例如炒粉干、燒味、煲仔飯等等，真係好多選擇！

腸粉正常發揮，唔係痴埋一舊果d 。基本唔同醬汁都齊。醬汁亦唔會好稀身。成個涼皮(HK$25)清爽，口感煙韌，最近開始暖返，食下清涼野都唔錯。涼皮入面配料份量唔算好多，有青瓜絲、花生、菜脯同芫荽。菜脯十分有咬口，脆卜卜。佢每一份即叫即撈，因為驚會好辣，所以叫左小辣，但真係變左好小小辣，辣味唔夠突出。個豬耳加$10，$10 呢個份量都算ok。豬耳爽脆，但都係小辣咁。Overall 性價比都唔錯。鋪面雖少，但食物唔錯，老闆亦友善有禮。

見彩頤花園有新店就去試下，我買左手撕雞飯。當我打開時我以為中伏，賣相真的好麻麻。點知食落都幾好食。雞絲唔算好滑，但青瓜絲做得好出色，將青瓜既清淡與雞絲既味道平衡做得好好。35元一盒飯，性價比都唔錯。