雞郎去骨海南雞專門店

Open Now

Now Closed

係外賣平台叫左幾個飯餐，外賣入邊有湯有飯，但係個外賣綁到上闊下窄，一碗湯擺最下底，兩盒飯就擺中間最後兩碗湯就擺晒最上面，其我地唔係第一次叫依間餐廳既外賣，但係今次咁綁都係第一次見，個外賣員攞黎既時侯外賣袋入面啲湯已經倒左啲出黎，我地攞左外賣之後打電話同番店舖員工反映番情況，但係個男員工態度惡劣全無歉意，一味淨係叫番我地同平台反映番個情況，其實我地係想下次你地唔會再咁樣綁，但係就一輪嘴有佢講就冇我講。

雞郎海南雞飯專門店@元朗冇骨海南雞飯，可選油飯或白飯，小編最鍾意食海南雞飯嘅油飯，先來一碗老火靚湯，是日南瓜粟米紅蘿蔔雞湯，味道非常濃郁，材料足夠， 十分美味😋無骨海南雞份量足夠，味道夠👍🏻啖啖肉

🐤雞郎去骨海南雞專門店🐤之前買過一次外賣覺得好好食，所以再訪🥰一家人嗌咗四人餐，份量好足夠而且嘢食係極速上枱，快到唔使等🐤四人餐 $368🐤椰子湯清甜好香椰子味，材料豐富😋屋企人飲完一碗唔夠重想添飲🐤海南雞一隻雞肉超級嫩滑，而且超厚肉👍🏽味道適中，唔太鹹配埋個三色醬都好好味（好想要多啲甜豉油撈飯😂）見到可以轉蒜香，係炸蒜碎，配雞食都好好味🐤豬頸肉味道比個份量嚇親，超大量🫨🫨豬頸肉爽口唔難咬，少少甜甜地雖然冇醬點，但係本身個味都好足夠，必食😋🐤狀元蹄肉質好腍，但係比較鬆散醬汁濃味，個人覺得一般，下次會試吓揀肉餅🤔🐤油菜份量足夠，好難得出街食飯可以食到咁多菜💚🐤油飯香口唔黏笠，而且都係超大碗，女仔未必食得晒🐤飲品嗌咗龍眼冬瓜茶同柚子梨茶，都好好飲😌😌🐤泰式無骨鳳爪 +$16酸甜加少少辣，正正常常🐤越式粉絲皮春卷 +$16超香脆，而且size唔大可以一個人加嚟食不過好想要泰式辣醬點📍元朗鳳悠南街3號好順景大廈地下16號舖

經過突然間見到有間新開的店，見到餐牌，都好似好吸引，所以就決定入去試下先！兩個人叫左兩個餐，一碟加錢要雞髀，另一碟冇加，好幸運一碟雞上髀一碟雞下髀，是日餐湯係南瓜湯，每碟飯都會有碗湯是日時菜係蠔油菜芯係一人既份量這個油飯冇另外加錢要雞髀，好好彩佢都俾部分雞髀啊個油飯好香口這個係額外加錢要轉雞髀的轉白飯南瓜湯好足料好香口，不過由於午餐時間，都會有機會要同人塔枱啊！我覺得要避開學校既放飯時間去唔會太多人

今次已經係第三次幫襯，值得更多人知道呢間小店💪💪叫咗個香蒜雞飯(轉白飯)，又有湯加埋嘢飲先~$60湯係椰子湯清甜無味精🥥，雞份量夠多好味又好滑（雞胸都好滑🐔)老公叫咗個普通海南雞飯餐，唔記得咗影相不過一樣係咁好味佢仲有三個醬畀你，我最鍾意就係中間酸酸甜甜嘅辣醬，非常惹味👍👍同店員傾計先知餐廳係近幾個月新開嘅環境乾淨企理，附近呢條街有好多唔同嘅食店呢間舖頭依然有唔少人幫襯係實力嘅證明元朗區簡簡單單食餐都會想再黎💪

之前經過鳳攸南街這間舖幾次都無試過，今日Lunch 唔知食咩好，就試下這間招牌去骨海南雞飯，我加了$12轉雞髀，雞髀肉都幾嫩滑，可惜飯比較硬、又沒有加配菜，略嫌賣相普通，這方面有待改善。泰式香燒豬頸肉飯，豬頸肉咪道尚可，但每塊肉切得太厚，配醬汁來吃都ok不過不失。反而客飯跟送一碗住家靚湯，陣陣椰子香味都幾好飲。

雞地開新餐廳，對「無飯家庭」嘅我哋，有口福了！立即衝去試我們點的二人套餐（$178），包括有海南雞半隻、狀元蹄、一份菜芯、住家湯、熱飲海南雞肉質幾滑，有雞味，不過三式醬料可以再改良一下，略嫌唔夠惹味。狀元蹄肉質幾嫩但不失口感，醬料微辣適中。菜芯新鮮爽脆，唔會過淋，配上蚝油，不錯！住家湯圖中喺普通嘅青紅蘿蔔豬骨湯。有日再覆桌，竟然喺椰子雞湯，超級好飲！飲品點了凍檸檬茶同熱柚子梨茶，全加$5，正常發揮。另點一份酸甜青瓜，個醬唔喺平時食到嘅味，超好食👍🏻全餐飯最like。總括嚟講，呢間新開嘅海南雞餐廳，喺元朗區嚟講，都算性價比高。值得一試!

FX見有人出post讚，元朗試過好多間都麻麻哋，近近地梗係要試吓啦！B2二人套餐，雞份量足，滑而且有味，不過我就覺得個皮好似鹹咗丁丁，但我老公話冇，醬汁我淨哋剩係食薑蔥同埋紅色嗰個醬汁，兩款都好味，元蹄肉夠腍味道好，油飯亦唔錯，個湯好足料味道好，拍得住南瓜湯嗰間個湯，芥蘭就有啲硬，追加優惠$16蝦餅，個蝦餅就普通咗少少，另外有兩杯熱嘅港式飲品送，行嘢正常冇乜特別，下次再試第款小食，整體好滿意啱口味，一定再試。

20240629堂食叫左兩個一人餐，落左單後即刻就上左湯。後尾等左廿分鐘都未有飯同菜，咁我就問店員有未。當時店員人手應該不足，真係feel到佢地好忙，但店員1完全冇理會我問題，店員2好敷衍話等等未打單，態度真係好唔得。咁我直接去收銀到問落左單未，原來真係漏左單…姐係話如果你唔自己就去問有冇落單係會冇野食…後尾係20240701叫左外賣兩個一人餐,心諗叫外賣要落單再俾錢應該會冇漏單問題實無死。落單時冇講外賣盒一個要兩蚊(叫兩個人一餐，共收左8蚊),要俾完錢自己睇單先知 。之後問收銀幾點有得拎，餐廳話今日有好多外賣，答唔到。咁我就去買買其他野，大概十五分鐘後再番到餐廳。去到問有未，店員話要等等，途中問左兩名女店員加一名男店員，都係叫我等等，話炸物要等。等到落單加半個鐘後都未有就再去問有未。店員初頭話漏左單，佢叫師傅拿拿林整番。一分鐘後就突然調轉講話叫左我號碼好幾次冇人理。想講如果你真係叫左我個號碼好多次，無理由見到我張單就話漏單要再整而唔係即刻整。其次我都企左成十五分鐘，完全冇人叫過我既號碼。總結：堂食同外賣都有唔好既體驗，食物味道正常但大部份店員服務敷衍，態度欠佳，老闆應正視問題

海南雞喇沙好食，賣相好靚，直得再回頭食服務員態度和藹，但係有點少混亂，不過剛剛開業尚有進步空間，加油美中不足嘅係飲品真係有點不穩定，有待改進住家湯好味，係南瓜雞腳湯

見到新開 行過就試下 果然唔令我失望！雞件肉質滑身 ，嫩！雞肉有厚度，滑得黎有啖啖肉口感🤩配埋住家湯一流。見到隔離位都好多人叫肉骨茶，睇落去都好足料，決定下次再黎試一試佢☺️ 另外加咗份小食豬頸肉 夠曬香口，再配埋個辣醬 完全唔膩！食一份都唔夠喉🤣平民價錢 ，環境坐位都好舒適，服務態度都好周到 ！元朗街坊值得一試嘅海南雞👍整體而言呢個質素絕對對得起呢個價錢，cp值爆燈呀！會再encore！

放假同朋友一齊行街，經過一家新開張嘅舖頭，鋪面裝修幾好睇幾吸引人，就入去試咗一下，點咗一碗喇沙同埋碟豬頸肉，份量真係好大，喇沙好大一碗，喇沙唔單止擺盤靚仲好好食，豬頸肉燒到恰得好處，好入味👍👍👍，食完仲外賣隻雞返去俾屋企人試吓，雞肉真係好滑好嫩好好食😋，雞有雞味，真係正👍，好抵食又好味，非常推薦值得去食嘅舖👍，係朋友或者同屋企人聚聚食飯嘅好地方，下次我會帶埋朋友同埋屋企人再去幫襯👍👍👍

元朗目前覺得佢哋雞係最滑的好吃配埋濃湯肉骨茶無得頂三色醬一睇就知以前老師傅出身 值得一試有一人養生餐 更有二人滿足餐 四人親子樂餐 多選擇幾好人均消費55有自家靚湯送可以了平民價錢地址：元朗鳳攸南街3號好顺景大厦地下16號舖食物：海南雞 肉骨茶 喇沙環境：舒服乾淨服務：良好有待改善招呼足點坐位中午時間可能更忙唔夠位置所以我早咗去食这是我唯一吃完下次还会再回頭的一家下次試吓喇沙先 毕竟新開張試吓無妨 希望店主保持水準！無雞不成宴