雪糕達人 (Moved) New Location

雪糕達人12元已經有5球 ，共20個口味，忍不住每人一杯。四方果對甜食喜好不大，是我半推半就迫他要5球，好讓我試味。他也只好硬著頭皮陪我發瘋我要了豆腐，碎曲奇，綠茶(清辣)，芋頭,蕃薯。朱古力，綠茶，椰子(入面有椰肉碎)，紅豆，黑芝麻(濃郁)其實每個口味都唔會似人工，溫度夠低唔怕好快溶。每球有兵兵球大，好幸福的甜品時間。手捧一杯在28度的11月又可降溫，有機會會嚐餘下的口味。

和朋友到深水埗尋尋寶，滿載而歸後又是時候食地道美食！西九龍中心是深水埗的地標，假日時份熱鬧程度媲美旺區！行下格仔店食下野，渡過一整天絕對毫無難度～頂層的美食廣場，我偶爾都會去食。因為價錢貼地又多款式選擇！雪糕達人永遠都會囤積一條小小的人龍！無他，因為自選雪糕價錢經濟種類繁多味道不賴！若果喜歡嘗試特別口味的，可以試試季節限定的雪糕！今期有香蕉曲奇及柚子蜂蜜，小試一口，味道尚算濃！自選五球雪糕(芋頭,草莓,豆腐,蕃薯,提子冧酒)五款口味中，較為偏愛蕃薯及豆腐味，皆因味道相對突出及香濃！草莓雪糕趨向藥水的味道。芋頭雪糕味道淡淡，不甚突出。提子冧酒味道不過不失。整體雪糕質感尚算滑溜耐溶，所以$12蚊5球確實非常抵食！

今日同朋友深水埗美食一日遊，眾所周知西九龍中心集吃喝玩樂於一身既地標，小食更係不勝枚舉。天氣忽然回暖，心癢想食雪糕。雖然雪糕達人 屹立多時，不過未曾光顧過，但聽過唔少朋友話呢度雪糕相當平，只賣12蚊5球，相當抵食。12蚊咁多雪糕係幾抵，我反而冇因為又平又多去買。向來鐘意揀特別味道既我見到有多款期間限定，如香蕉曲奇，柚子蜜，香橙朱古力，薑汁牛奶，價錢唔貴，都係10蚊一細球，比起雪糕連鎖專門店所賣都仲係平3至4倍。本身想4隻味食哂，諗諗下試少2種味，咪可以有藉口再黎食多次。話就話10蚊細球，但都有一個小拳頭咁大，所以店舖份量屬頗多。👍香蕉曲奇魅力四射，經典曲奇揉合新穎既香蕉口味，香蕉味濃郁但唔太甜膩，曲奇微脆不軟腍，驚喜萬分。柚子蜜味清爽無負擔，微甜既柚子好滋味好正，口感香滑，食起黎口味頗合我胃口。兩款雪糕都唔快溶化，味道價錢都屬超值。

維他依依我表示去深水埗都一定會上去食架12蚊5球唔同味如果好鍾意食榴槤既朋友必定記得加好似2蚊有貓山皇味 ，超濃味 ，勁正囉但so far 其他味其實都一般既我比較多配2個榴槤加番薯，香“戶”，荔枝冧酒提子經已試食極度唔岩我胃口，同朋友玩猜包剪X輸左食一淡先清曬冇浪費野食炸但so far 佢水果味係做得唔錯架

天氣回暖，西九Food court 有間雪糕店10蚊4球好抵食，我又排隊食～我點了豆腐／曲奇／朱古力／士多啤梨味雪糕，款款口感不算幼滑但很香甜，尤其是曲奇味雪糕嚐到很濃郁的朱曲奇香味，再融合奶味香濃的雲呢拿雪糕，十分好味，好似用超抵食緊麥記的朱古力曲奇麥旋風味，平均只要$2.5一球抵到爛！

吃完雞腿捲後，晚上我本來想到西九龍中心試試「皇X雞」韓國炸雞，可惜到了才發現「皇X雞」休息，與其苦惱晚上吃什麼代替，倒不如先試食其他美食。西九龍中心在深水埗已經有一段歷史，本來以為隨着年資增加，商場會隨着而老化和失去吸引力。上到商場頂樓我才發現其美食廣場亦與時俱進，人流沒因年資而減少。在美食廣場我率先發現一檔賣雪糕的小店，價錢尚算便宜可觀，一個細單球雪糕也只需要$6，大單球亦只要$8而已！此店雪糕款式眾多，我突然又出現了「選擇困難症」，結果我選擇了「豆腐味」雪糕，這店還有一個好處：容許客人選擇以脆筒或杯裝盛載雪糕，杯裝雪糕可以杜絕食雪糕時極速溶化的苦惱，我當然二話不說，選擇杯裝雪糕。豆腐味雪糕保留了黃豆的原味，又有點像飲「維X奶」的感覺。這又讓我想起四年前在台灣旅行，本來想試食台北深坑的豆腐味雪糕，可惜旅行社沒有安排深坑的行程，結果還是錯過了試食豆腐味雪糕的機會。希望下次去台灣自由行時，有機會再試試深坑的豆腐味雪糕吧！

12蚊5球 大球過葵廣好多 葵廣頂樓個d比較淡 （學生證$10 5球）叫左 芝麻 荔枝 香芋 紅豆 同 綠茶荔枝個味幾出 紅豆真係有紅豆，但唔知點解有d咸味，怪怪咁 其他味都唔錯有機會可以encore

原本無無聊聊行去西九，見到檔雪糕店，有20款味，真係幾吸引，而且價錢又平，10元可以試到4味，12元5味，如果要筒8元2味，真係吸引到爆！！我就試左芝麻， 綠茶，咖啡， 薄荷朱古力…味道幾好，又抵食，可以一試

朱古力, 綠茶, 紅豆, 豆腐口味的雪糕,  $10 / 4迷你球.選擇了4個口味, 綠茶配紅豆實安全, 加上豆腐味都夾到, 但朱古力味要最後先食, 因為比較濃味.雪糕應該加入了香精, 所以味道好重, 一食就食出, 不過冇藥水味, 所以味道不錯.豆腐口味最清淡而且不甜, 綠茶味開始濃少少, 同紅豆味一齊食就剛剛好, 茶甘中帶點甜豆香甜, 仲有粒粒紅豆.最後先食朱古力, 因為都幾濃味, 如果食左先會蓋過其他味, 雪糕內有朱古力碎又幾吸引.雖然$10貨仔, 但可以加topping, 士多啤梨醬同彩針朱古力, 好有兒時的感覺, 計落都幾抵食, 因為多口味揀.

行經西九龍中心，相信大家對佢嘅平價雪糕都唔陌生係8樓呢間雪糕達人，佢12蚊有成五球，然後總共有成十幾款嘅雪糕 而且最抵錫係學生竟然十蚊就可以有五球！！！原來只要由即日起逢星期一至星期五，唔係公眾假期嘅話，持有學生證就可以入十蚊5球嘅優惠於是我哋就毫不豫疑咁試左一個然後我哋就分別叫咗5個唔同味，佢嘅未有好多款㗎你可以睇下 有啲北海道紅豆，雙重朱古力，或者係特濃咖啡日本仔香芋，都感覺上好好食 最後我哋就叫芝麻味，紅豆，蜜桃，香芒，同埋我最鍾意嘅提子冧酒 幾建議試下佢哋嘅芝麻味同提子冧酒，味道非常適中同濃郁，有水準！而我朋友都話好食！至於蜜桃，香芒就都幾fresh, 好清新嘅感覺好適合夏天食而且個紅豆都幾喜出望外，冇你想像中個假紅豆味，食落去真係有浸浸嘅紅豆香，都唔錯雖然d球唔係真係好大個 ，但係十蚊唔夠你講，真係算抵食 如果大家吾要求好高，要食到好smooth同好濃味既話，都可以接受~呢間都幾多人食㗎，如果大家行得熱濟，都幾建議大家可以過嚟食個雪糕 哈哈

食完飯想揾D 甜品食，剛好見FOOD COURT 入面有呢間雪糕店。已經夜晚9點左右，其他食店都冇乜人，只有呢間雪糕店仲有5,6 個人左右排梗隊。我諗食呢間實無錯。掛住食唔記得影相。買左一球當時推介O既芝士雪糕同一球曲奇妙趣。由於芝士雪糕係特別款貴少少，老闆亦都好心提醒我呢款係冇特價O既。食落曲奇妙趣比較普通。但芝士雪糕感覺相當濃厚，好似食梗用O黎做甜品O既CREAM CHEESE 咁。亦相當之滑，的確值得推介。雖然比其他款式貴少少，都值得一試O既。窩夫筒好脆，唔錯。最開心係放左支朱古力醬同士多啤梨醬，仲有彩糖碎等topping 可以比顧客自己隨意加!見D 小朋友唧得好高興!有機會再幫襯! 

抵食到爆, 多口味到選擇困難. 估唔到仲有呢d (跳樓價, 至抵價.....) 甘抵食, 甘平既雪糕.感覺又回到細個既時候啦, 話哂中學個時都成日黎西九既, 但呢間一定好味過, 特別壽司個d野既.$10 / 4球, $12/5球 (迷你球size) :貓山榴槤 (加$2), 提子冧酒, 烤蕃薯, 豆腐.揀左4個口味, 比較特別d. 味道係好突出而重味, 雖然知道係香精, 但係比較重味而又接受到既味.豆腐 - 清淡冇甘甜, 豆腐味好突出, 但唔係豆味.烤蕃薯 - 重味好多, 甜d, 而且的確係烤過既蕃薯味, 唔係就甘食蕃薯既味.提子冧酒 - 同樣重味, 但好明顯分到同D字頭雪糕唔同既. 貓山榴槤 - 超級好味, 濃味既. 而且食完個口既榴槤 keep到好耐. 味道易接受, 唔算好假, 重味又突出, 食完d味好快散. (除榴槤).絕對抵食, 又可以一次試多個口味. 當然佢有大球.

來到西九龍中心食晚餐，食飯前突然好想食甜野 食飽飯見到呢間雪糕達人有榴槤雪糕賣 平時好多人排隊，就算經過都唔會等，難得呢個時候冇乜人就試下啦 見到好多款揀而且價錢幾抵，但我都係一心想食返榴槤味呀 首先一讚，佢提供朱古力同士多啤梨醬，仲有彩針朱古力，自行隨意加落雪糕上面。不過我唔想影響榴槤雪糕嘅味，所以只係加左彩針朱古力姐！份量正常，味道濃郁，感覺真係好似食緊榴槤！ 絕對值回票價！真係好想食多幾球呀！

途經西九龍中心八樓 發現某一店有人龍查探之下為雪糕店 價錢頗便宜 便買一試食消費九元 得雙球朱古力及士多啤梨雪糕筒此店可讓顧客自由加入toppings 有朱古力醬、士多啤梨醬及彩虹糖作選擇好奇之下發現雪糕黎自Appolo 質素還可

行過見到一間人龍都幾長既雪糕店話有24隻味，勁多（＊￣︶￣＊）店員都幾nice，見我係咁試唔同味都滿臉笑容。我叫左13蚊筒裝大雙球雪糕，靜崗草莓，同蜜瓜味。個雪糕球都幾大，分量足，個雪糕筒係脆身餠乾，有咬口。靜崗草莓雪糕，顏色偏鮮粉紅，莓味道較天然，香甜幼滑，口感Creamy。蜜瓜味雪糕，唔多地方有，蜜瓜味香濃，奶味較重。雪糕整體緊實唔鬆散，食落好滿足！舖頭可以自行添加朱古力醬，士多啤梨醬，彩虹糖等配料，不過我冇加（＊￣︶￣＊）好少舖頭仔有咁平既價錢，食到質素唔錯既雪糕，想樣樣都食d朋友，下次可以試下10蚊4球、12蚊5球雪糕咁，會有驚喜！平民雪糕店，正！