雲南啊老表黑山羊湯鍋米綫 (觀塘工業中心) (Moved) New Location

呢間羊肉米線，我直想去但都未有機會，今次終於試到啦！羊肉米線：清湯同酸辣，2個唔味道，清湯清清地，但湯底唔會話無味，岩清淡既朋友，而酸辣睇上去好清甘，但飲左一啖完全係另一回事，酸得來辣辣哋，好惹味既湯底!而羊肉都幾算多，只係細碗米線，已經超大碗啦，如果大碗真係要同人share‼餃子：有幾隻味既，試左白菜，味道調得岩岩好，唔會太鹹或淡，餃子皮都好滑~口水雞：呢個口水雞一定要試，汁醬調得好好，拎來撈米線or點餃子食都好正!

因為米線關注組而發現呢間羊肉米線店，咁岩嚟觀塘行街，就決定嚟試下！裝修簡約，雖然外表唔起眼，但入面嘅食物水準就好似發現寶藏咁😜每款米線都有大同細嘅選擇，肉類有豬、牛、羊，而湯底有清湯與酸辣！🌠羊肉米線(細) $50餐廳名就叫老表黑山羊湯米線，當然要揀羊肉啦~清湯同酸辣湯與朋友一人一款羊肉湯底係黑山羊加山泉水煮羊肉，湯底濃郁羊味，但一啲都唔膻，反而帶羊肉香米線份量非常多，細碗已經好大碗，比出面嘅米線鋪仲要多，細食嘅女仔真係2 個人都夠食😄而酸辣湯湯底，但酸辣味都偏淡，唔食得辣嘅朋友都可以點，而覺得唔夠辣嘅朋友就可以加檯上獨家制作嘅辣椒！羊肉肉質要細嫩，脂肪較小，而且薄身，不論清湯定酸辣湯都可以食到羊肉鮮味！值得一讚係呢家店嘅自家辣椒，加落湯底，增加湯底嘅辣度😜🌠口水雞朋友極力推薦！口水雞嫩滑，味道麻辣鮮香嫩爽，而辣度只係微辣，一口接一口好快就食完~🌠水餃$33 已經有10 隻，而且夠大隻！白菜、韭菜同 西洋菜餡選擇，今次揀白菜水餃夠薄，而白菜鮮甜爽口，就算唔加調味料都好好食，見差唔多檯檯都有叫水餃，就知抵食！

去觀塘做野，做完野都4點左右，係時候醫下個肚仔，搵下openrice見到觀塘法院附近有間好出名嘅羊肉粉店，鍾意食肉嘅我就當然要試下啦！坐低左，望下個餐牌款式都幾多，有羊肉，牛腩，水餃，車仔麵，但係最後都係選擇左個大嘅羊肉米線，呀姐重送左杯豆漿俾我，好好人。咁到左之後，個米線都好大碗，羊肉份量非常多，完全無膻味，有幾舊重好淋好入味，米線份量都好多，加d蔥花同埋菜甫真係好食，米線煮嘅時間係剛剛好，唔會太淋，湯又夠味道，整體黎講係非常滿意，性價比好高，最後飲埋杯豆漿就走啦！有機會一定會再幫襯。

香港可以食到正宗黑山羊，相信只此一家朋友推介這間很久，今次第一次終於嘗試門面裝修比較簡單，但打理得乾淨，很像國內小店風味menu 選擇多，主打米線朋友喜歡食羊，當然點了出名的羊肉酸辣米線 細碗$50一上枱，原來一點都不細碗，很豐滿羊肉十分嫩，黑山羊有香濃羊肉鮮味，跟普通羊肉真的不一樣，睇驚喜牛腩湯鍋酸辣米線 細碗$40牛腩亦很驚喜，新鮮濃厚牛肉味，正口水雞 $32辣味啱我口味，大大舊雞肉啖啖肉蒜泥白肉 $30半肥瘦剛好，如果加點醬油會比較出色整體好味，黑山羊當然出色，但估不到配角牛腩帶給我驚喜

平時對羊肉都無乜興趣，因為好怕羊酥味！但朋友話呢間黑羊米線好好味，一啲酥味都無，我就即管試下先。我地過左午飯時間去，都仲有好多客。呢度唔止得羊肉選擇，仲有好多小食，又有牛腩，仲有車仔麵。我地揀左個牛羊米線，朋友就食羊肉米線，小食再叫左餃子雙拼及雞翼。熱辣辣米線到啦，個湯底好濃嘅豬骨味道，而羊肉真係無介紹錯，有羊肉香但唔酥。另外牛腩都憫好腍，好有牛香。餐廳自家制嘅菜寶都好正，我加左唔少！雙拼蒸餃子都好好味，皮薄料多。雞翼腌得入味，小辣，唔錯。真係正，下次食晏再黎食。

這天下班之後和正在放大假的朋友到觀塘吃個下午茶，時間大概4點，我們早幾天路過看見羊米線的時候已經很想吃，今天終於吃得到。去到之後我們叫了小碗的羊米線，一開始還擔心不夠吃呢，想叫大碗。 另外還叫了蒜泥白肉和口水雞。 不過當米線到的時候，我徹底震驚了。非常大碗！ 米線偏軟身，湯略多但味道還是足的。羊肉也好吃。真不敢想像如果我叫了大碗，很可能吃不完😂。口水雞正常發揮，而蒜泥白肉真的是出色啊。蒜泥和白肉是分開上的，蒜泥蒜味和醋味很濃，配上白肉我和朋友都吃得很高興。總的來說，這家路過的話可以考慮進去嘗試一下！

今日下晝朋友喺觀塘工業區，帶咗我是一個幾特別嘅羊湯米線，此店已經有好多年歷史，裏面係專食雲南羊肉米線，及用上羊清湯。你可以叫個套餐，一個羊肉米線再配口水雞，青瓜，餃子之類小食及飲品。此店分量十足，所以叫細的面線已經好足夠。羊肉湯面上枱非常之清香，沒有羊騷味，羊肉切片，只有簡簡單單的調味，有少少胡椒粉香，羊肉非常之鮮，羊肉來貨較特別，用上原生態的黑牛肉，不會上火。湯裏面仲有少少蔥花及羊油渣？非常之特別有又惹味。你仲可以加一蚊配上他們的酸辣菜，這裏的酸辣是另外上的一碟酸辣菜，你可以自己調配辣度。整體感覺唔錯！湯夠稱淸不會過淡，有羊味但不會過燥。

响香港想搵一間主打羊肉湯麵的店舖着實不多，但在觀塘及佐敦就有一間：雲南啊老表黑山羊湯鍋米線，未食已經覺得暖粒粒🤪店舖雖然主打羊肉，但仍然有其他選擇，例如牛雞豬及一些雲貴風味川菜小食及車仔麵之類。但今日幫襯觀塘店，一心都係想食羊肉。兩個人分別叫咗羊肉細碗米粉及羊肉酸辣細碗米線。另外加咗口水雞及麻辣豬耳，仲有汽水兩罐而且可以跟餐👍羊肉湯米粉，以大量羊骨羊肉及豬骨熬製湯底，奶白色，只有羊肉的香味沒有騷味。魚羊為鮮果然沒錯，每啖湯都係羊嘅精華。而羊肉分別有瘦肉及帶皮的部份，帶皮的部份較有咬口，而瘦肉的部份，肉味就比較突出，配以羊油渣韭菜是一個美妙的組合👍而酸辣湯底的酸菜是另上，可以隨自己喜好落多或者落少，而酸菜是自家醃製的，鹹酸香微辣齊全。雖然食羊肉湯麵是重點，但都點了兩個小食，包括口水雞及麻辣豬耳，但原來兩個小食的醬汁是完全一樣的🤣，酸味辣味都齊全，但麻的感覺可以再多一點。整體而言觀塘店的地點都很容易找，在地鐵站D4出口直行一分鐘就見到，喜歡食羊肉湯麵的朋友絕對不能錯過👍

今個冬天寒冷日子特別多，約朋友去觀塘工業中心睇下開倉有冇野啱買，睇完再食晏，見食間雲南啊老表黑山羊湯鍋米綫，個名幾特別，餐廳牆上掛咗一幅雲南山景壁畫，招牌菜係黑山羊米綫，價錢都算經濟😉我哋都要咗牛羊雙拼米綫(細碗)細碗米綫都份量十足🤪，好似湯窩咁大🤪，朋友揀河粉，河粉似腸粉多D🤣,牛腩薄片，羊肉都算腍，羊羶味唔重，每碗都加咗幾粒豬油渣，煙煙韌韌幾好食，枱上仲放咗一樽菜脯，可以隨意添加，湯底用羊骨熬製，幾清甜，食完唔覺口乾😄小食涼拌木耳同自制豬手木耳麻辣，我哋都覺辣咗少少😅，自制豬手似燒過，豬手皮爽,完全冇多餘油脂，浸羊肉湯又幾好食喎😋食完實在太飽喇,同朋友行去藍田港鐵站，當做運動，幫助消化🤣

正值寒風襲港，忽發其想打算吃吃羊肉暖暖胃，便找到這家羊肉米線專門店，吃個痛快。這家羊肉米線店人流非常興旺，受一眾街坊歡迎，幸好鋪面大，座位多，不用等太久便能一嚐這羊肉專家。點了細碗的羊肉清湯米線，但卻大碗得嚇倒，每台人客都會懷疑地再三確定這是否細碗，十分驚喜。清湯能夠更全面品嚐這傳說中的湯底，湯頭果然清甜中帶出濃濃羊肉味，暖意在心頭。相信用了羊骨羊肉長時間烹調，非常出色。羊肉片有帶皮有不帶皮，肉質都十分細嫩，肉味濃郁且沒有羶味。小食有口水雞，雞件大塊不會有碎骨，雞肉鮮嫩不韌，沾上香濃口水醬汁，十分醒胃。接著有蒜泥白肉，豬楠肉厚度適中，肥瘦分佈剛好。蒜泥方面非常濃郁惹味，能充份沾上豬楠肉，小食必點之選。偷吃了朋友的豬頸肉，十分爽口煙韌，跟羊肉湯也十分搭配，不錯不錯。

之前天氣凍，被朋友洗板，個個都自家製羊肉料理，我就無咁幸福嘞。 經常去開觀塘做野，都路過見到一間主要食羊既餐廳，今次過開去，一於去試吓先。我以為專食羊既餐廳較為偏門，應該會門可羅雀，點知就算唔係午餐時段（仲要無下午茶餐既情況下），都不停有客人黎幫襯或者叫外賣。因為唔係食晚飯， 而且又得我一個人食既關係，所以要左個細碗既清湯牛羊雙拼米線作為穩陣之選，再加四川麻辣雞翼同一杯凍檸茶。雖然我叫既係細碗，但黎到都唔算細，牛腩同羊肉既份量都係一樣，同埋一樣咁新鮮，食落全完無任何羶味， 而且我要清湯湯底，湯頭好清，証明羊肉要好新鮮先可以完全無用上剌激的香辛料，牛腩仲炆得好淋添！至於四川麻辣雞翼都唔錯，$22蚊有4隻，我本身唔食得辣，問店員口水雞辣定呢隻雞翼較辣，店員推介我食雞翼會無咁辣，果然，雖然入口麻辣夠剌激，感覺好快消除，可以唔洗飲野解辣，仲越食越過癮添，食完想再食！最後檸茶少甜少冰啱啱好，唔太甜，茶唔苦澀。呢間餐廳唔錯，性價比高，久唔久，想平平地食下羊肉都可以黎呢到，估唔到觀塘區有咁多卧虎蔵龍！

意想不到地在觀塘發現也有一家雲南啊老表羊肉湯米線, 之前是朋友帶我在佐敦吃過的, 湯底令人印象深刻, 於是立刻入店吃個午餐回味一下。羊肉酸辣細碗米線, 說是細碗, 其實已經足夠一般男士食用, 大碗的更是猶如臉盆, 不是大胃之人可以不用挑戰。酸菜很夠味, 辣味就相對較弱, 配合起來很開胃。羊肉細碗米線, 羊肉清湯底, 可算是招牌了, 同場甚至聽到有人單點羊肉湯要來喝, 羊味明顯但不會騷, 是清甜的肉湯味, 冬天喝會感覺特別滋補。每桌都有一罐辣味菜甫可以任加, 讚。滷海帶, 其實就是普通涼拌海帶, 看名字還誤以為是台式的滷海帶, 不過好在味道也不過不失。口水雞, 份量不少, 多數是雞胸肉, 啖啖肉。最後來杯熱檸蜜清清口腔, 完成滿足的一餐。

店面在觀塘工業中心附近，以前上手應該系韓國餐廳。所以裝潢之類都保存左之前的風格，油煙味道頗大。但不會影響座位環境。餐牌有不同的米線，湯底亦簡單。羊肉即使細碗依然好大碗呀！另外餐台都有提供不同的佐料，有菜脯，有辣椒油等等。羊肉細碗清湯米線。羊肉質感實在，不會太羊臊味太濃。清湯可以適合非重口味，羊肉酸辣湯米線酸菜可以加分，因為本身羊肉都預算有味道，酸菜中和返。另外小菜都有不同款式，有額外叫蒜泥白肉，蒜泥真系好似薯蓉咁。白肉肥瘦均勻不會有其他川味的調味。麻辣雞翅不會太辣。工業區搵食又可以簡簡單單填飽一餐。

來到觀塘行街天寒地凍 最好有些羊肉食下暖下胃想起呢頭有呢間黑山羊米線便與友人入去醫肚在工廠大廈的地下入口不太起眼2點來到也有不少食客 看來應不錯好彩不用等位睇吓餐牌都幾多選擇我哋都叫左牛羊雙拼米線（細碗）我就加左酸菜 再叫埋口水雞和雞翼小食等左陣食物就熱辣辣送上嚟嘩！ 原來細碗都甘多料羊肉唔騷又入味 加埋酸菜同辣椒醬一齊食就更好味😋調味料都多選擇 試過辣醬都幾推介口水雞都好好有啲麻同辣 易入口配米線亦一流雞翼就比想像中細 唔係好辣朋友怕辣都食到食完呢餐成身暖曬手腳都暖返羊肉果然好補力氣充足可以繼續shopping 了

呢間羊湯米係我飯堂，食左起碼五六年，但係都係好好味。最鍾意佢米線好軟好滑，羊肉又剛剛好唔會太騷。不過唔鍾意食羊既朋友仔就話唔鍾意呢陣味。但係我鍾意食羊，就真係覺得好好味呢排冬天暖笠笠，食啲羊暖下個胃簡直太舒服啦！