雲川風

Open Now

Now Closed

豬頸肉、蘿蔔、麻酸辣湯底米線，麻辣湯底好好食😋，酸度適中，再帶少少麻好惹味豬頸肉爽口、蘿蔔鮮甜有渣豬扒小食呢個豬扒果然係招牌，無論味道同埋軟腍都好啱，好鍾意食呢個豬扒👍😋

原本想去荃豐食餃子屋，點知又係勁多人見隔離有間米線就試下，原本以為唔洗排隊會中伏，點知出奇地幾好食！!叫左酸辣湯底走辣淨酸，都幾開胃。。米線份量都好多，肉碎都幾多下。。豬扒好大份，姐姐好好人仲另加半份🤣多到食唔曬，豬頸肉好好食，真心幾抵食！😊👍

點了店舖的招牌酸辣米線~選了小辣的麻酸辣(個人認為可以叫中辣~)，湯底味道亦都夠濃。麵條軟硬適中，而且配料有豆卜、腩肉、冬菇、肉醬、和木耳。$62 是面的價錢+7 可以有凍飲。午市時段很多學生來光顧😊

叫咗一個蟲草花雞湯配秘製豬扒秘製豬扒幾好食，但味道清淡，唔會太鹹，湯底飲完唔會太口渴，感覺唔錯，都有幾條蟲草花加配左小食涼拌青瓜黑木耳，青瓜都爽脆，黑木耳唔算太入味，有少少麻辣汁，但係味道同青瓜黑木耳分離，麻麻哋，唔建議另一個交配左新疆孜然雞翼，好多孜孜然粉喺表面，有啲奇怪，雞翼正常，但係唔特別另一個蟲草花雞湯配咗陳皮魚蛋、台式蟹籽丸、韭菜，份量都足夠，配菜味道冇特別，正常發揮環境乾淨，有得意擺設，但少枱

荃灣同粉麵你會唸起啲咩😎?!米線關注組？😂冇錯荃灣貴為米線米既天堂😎當然就一定係兵家必爭之地😎今次我地黎到荃灣靠邊邊既西樓角路食左依間隱世小店雲川風米線🥹果然真係寶物尋歸底呀😍🍲 雲川風招牌米線---蟲草花雞湯,轉生菜底我自己就叫左依個轉菜底🥹超抵食🤑配料有豆卜、木耳、肥牛、墨丸、魚餅😎所有料加埋蟲草花湯對於唔食辣既我係超級清甜😍雞味都好濃😍鍾意飽肚既朋友一定唔好錯過依個米線啦😀🌶️ 麻酸辣湯 - - 中辣雞肉片微辣牛面肉男朋友不嬲鍾意食啲又酸又辣既野🔥所以一黎就挑戰左依度既中麻酸辣😍佢話辣得黎不能自拔😂係咁飲完又飲啖湯佢話依到既辣好上癮😂唔會太麻而又辣到個胃郁下郁下😝雞肉又嫩口😍牛面肉就軟淋淋😍索曬個湯啲餸同米線每啖放落口超級惹味😍🐣 雙併雞翼 ---麻辣,孜然依個我地total嗌左每種口味各3隻😚孜然口味落得好足香料👍燒得好香😙麻辣味個辣度就岩岩好😚食落去都好夠味👍辣得來唔似出面嗰啲咁涸口😝🥬 健康時菜 ---蠔油,西生菜老細好貼心咁樣將所有菜切到勁細份 😙👍值得一讚👍就算食到差不多飽既時候你都覺得可以食埋佢😚👍識玩老細😎👍唔會做到大嘥鬼🥭 芒果紅茶(凍）🍓 荔枝紅茶(凍）原來餐廳過

雲川風荃昌中心1樓裝修: 店內乾淨企理。牆上面有好多卡通老虎掛畫，好可愛😍2個人叫左香濃沙嗲湯米線配豬紅、雪花肥牛&香茅魚餅。沙嗲湯底味道濃郁☺️豬紅係貨真價實👍肥牛唔會太多肥肉，肉感托實；魚餅亦好入味❤️熱拌米線（配自製醬汁）BB 辣配蘿蔔&白菜豬肉餃。上到枱，米線已經撈好咗，面上仲舖左好多炸醬，自己再輕輕撈一撈就食得🥰蘿蔔清甜冇渣，水餃一啖剛剛好👍叫左1個小食: 椒鹽豆腐豆腐即炸夠熱。佢用左新鮮豆腐，外脆內軟，每咬一啖都有豆香，入面仲有啲水份，好食👍店舖係長者友善店。食嘢途中見店員幾關心街坊，有個婆婆係門外休息都主動借櫈俾佢。有樂悠咭既老友記，平日下午黎幫襯，仲可以減$5。

今日難得早放工，去咗荃灣食下午茶，我同同事揀咗呢一間米線舖，喺荃昌中心，OpenRice評價幾好，一於過嚟試吓😍😍下午茶全部由$38起，仲包一杯熱飲或者台式飲品，台式飲品今日係芒果紅茶😋😋我就叫咗一個滷水雞翼米線，佢嘅湯底可以揀好多種，包括有蟲草花雞湯，金牌蕃茄湯，紫菜豬骨濃湯，香濃沙嗲湯等等，仲有各種各樣嘅麻辣，酸辣湯，我就試咗佢嘅蟲草花雞湯😋😋另外仲加咗唔同嘅配菜，炸醬，豬頸肉同埋牛筋尤其出色🥰🥰炸醬口味好濃郁，粒粒分明，送米線一流😋😋，豬頸肉烤得時間啱啱好，好香口，而且肉質好彈牙，好厚切。瑤柱牛筋炆得好入味，好淋😋😋佢嘅米線性價比幾高，有長者樂悠咭仲可以減$5，唔錯，下次再嚟😛

係某平台買左3張coupon ，今日就特登同🤴🏻過黎食先！😁😁～～～豬扒酸辣湯米線🍜～～～（$42平台價）豬扒勁大塊同時有厚度，同埋都幾入味😙😙，湯底🤴🏻就揀咗中嘅酸辣，味道都唔錯😀😀～～～雲川風招牌麻辣紅薯粉🍜～～～（$56平台價）配料都幾多，蝦餅、腩肉、冬菇（好重冬菇味！正😄😄）、兩粒丸等，我嗌咗小麻辣湯底飲落都幾舒服😊😊有啲可惜係紅糬粉食落唔係好新鮮仲有種 ‘ 舊 ’ 嘅味！😕😕～～～小食孖寶～～～（$49平台價）1 ：川味鹽酥雞 好好味😋😋，好香脆，夠重口味😄😄2 ：涼拌溫室青瓜 青瓜冇問題但所配嘅醬汁帶有輕微苦味，我同🤴🏻都食唔慣😅😅睇返價錢平台買嘅coupon差唔多係堂食嘅八-九折啦☺️☺️

湯底選擇都幾多🥘除左常見嘅豬骨湯底 仲有沙嗲、蕃茄、麻辣等等 今次就揀左蟲草花雞湯 清清地 但又唔算淡茂茂 唔會油淋淋 同一般米線店都有d唔同 貼近家常味道🙂感覺冇咩味精 本身跟少量芽菜 韭菜 米線好滑 軟硬適中🍜蟲草花雞湯米線腩肉唔重口味 唔會好辣 半肥瘦 仲好大條🥓肉質都唔錯 另外叫咗香菇貢丸 幾彈牙 咬開仲有啲咇汁🤣朋友叫咗豬頸肉 都幾爽脆肉嫩 🥒涼拌青瓜木耳辣辣地 幾爽口開胃🐮柱候牛筋配時蔬牛筋份量好多 仲多過d菜 炆得好腍身 夠入味

鐘意食呢間貪佢湯底夠濃味，又唔會有味精感覺，米線一上檯就聞到花椒香氣，證明夠足料，加上又唔會成碗油🛢️，係值得支持的小店🏠配料選擇都幾多，不過當晚想食菜時店員說大部分都賣晒，只有西生菜🥬，睇嚟下午都幾旺😅，唯有下次早啲黎食另外平時食米線，好少地方有🐮牛面肉食，幾特別，之前食過一次，炆得好淋，同埋好入味，另外豬頸肉都係我嘅至愛，通常放假就會同老婆黎食秘制豬扒🐷米線，今晚夜咗收工，自己一個嚟食，就試吓其他配菜，仍然keep到高水準👍

所謂嘅招牌米線，諗住會大大碗好飽肚喇，結果一攞出嚟嗰個份量同平時嘅一兩餸米線相差無幾，完全不值一試，配料偷工減料，個湯同啲配料完全唔夾味道，再者個湯味道又唔夠，講緊係「招牌米線」都係咁嘅水準，實在不敢想像其他菜式嘅味道係點$62食其他好過

依間米線鋪之前已食過好多次，除左米線湯底好味同多選擇外，佢既小食亦都真係無得輸架！小食款式既選擇都算多，有辣同唔辣，每款都係即叫即做，拎到返屋企依然咁好味（我屋企就係樓上）我最欣賞既係孜然雞翼同章魚丸，另外，鹽酥雞同咖喱薯條都係囝囝至愛，今次我居然點漏咗鹽酥雞叫豬扒碎上方便返屋企慢慢歎，用嚟做下午茶小食真係剛剛好有時唔太肚餓，叫這些小食過口癮都唔錯極力推介酥炸章魚丸 、咖喱墨魚餅、孜然/麻辣雞翼仲有鹽酥雞都係必食之選

 之前有見過人推薦雲川風，係附近想食米線，但係又唔想排老闆娘，所以就試一試呢間。湯底有好多款選擇，除左酸辣、麻酸辣呢啲之外，仲有蟲草花雞湯、蕃茄湯、沙嗲湯等等。小食都有好多款選擇1️⃣麻酸辣湯米線（中辣）（$33）（秘制豬扒+$13）（微辣牛面肉+$13）（海帶+$8） 豬扒有少少蜜汁香，食落幾juicy☺️牛面肉軟腍，而且份量都唔少。湯底惹味，仲有啲炸醬係入面。不過個人覺得佢既辣度比我平時出面食到既低，食得辣既可以嗌辣啲。  2⃣️烤豬頸肉配蒜蓉辣椒汁（$52） 豬頸肉好好食！油脂啱啱好食落帶燒過既油脂香🤤切成一片片有口感得黎又夠肉汁～必食推薦。  3⃣️川味鹽酥雞（$34） 細細粒咁一粒粒。唔算辣，不過勝在脆身，而且細細粒咁幾啱share食。  4⃣️秘制韭菜豬紅（$33） 冇腥味。食落有胡椒味，韭菜份量都多，索味～  5⃣️腐乳通菜（$26） 腐乳同通菜係分開上既。腐乳偏結身。  

熱拌紅薯粉 $31碗內有肉碎同芫荽蔥揀左以下拌料😋每款$8- 海帶、萵筍每次食親紅薯粉，都一定會叫啲蔬菜黎食，咁樣感覺健康啲，海帶同萵筍都有好高嘅纖維，兩樣都係爽口同清新😋每款$10- 珍寶蟹棒、陳皮魚蛋超大支嘅蟹棒，超有口感，魚蛋好有彈性淡淡的陳皮香味每款$13- 豬頸肉 豬頸肉肉質爽彈，肥瘦適中 啊，而且又大塊，外層焦香金牌蕃茄湯$33每款$10-蘿蔔、白菜豬肉餃蘿蔔香甜，口感好淋身、豬肉餃嘅餃子皮厚薄適中，充滿肉香味每款$13- 微辣牛面肉、係牛既面部肌肉、而且運動量大，所以脂肪含量非常低，啱想keep fit既朋友仔，而且口感不會有牛騷味，有好少筋膜， 含豐富骨膠原，經過炆煮後有黏黏的口感柱候牛筋咸鲜微甜，醇厚而濃郁；牛肋條肉質軟嫩而有彈性，肉汁飽滿。小食咖喱墨魚餅$32 好濃既咖喱味，外面加咗啲胡椒鹽 食落好有層次凍朱古力$16 凍黑豆漿，$14

又發現一間好食嘅米綫店🔥這間米綫店食過一次還想來第二次!平平无奇的一碗熱气騰騰的米綫讓人回味無窮✅雲川風招牌米綫一大碗份量十足！🈶魚餅、木魚丸、烟肉、豆腐卜、冬菇、木耳、芽菜、韭菜……配菜非常豐富口味選擇了酸辣，米綫Q彈，好好味✅麻辣湯米綫另外叫佐 香矛魚餅 $13 滷水牛展$13配菜有四十多種湯底有7种口味選擇辣度我一般選擇中辣🥵特別麻辣爽口！超過癮正✅烤豬頸肉配蒜蓉辣椒汁每次必點小食🤤外脆內嫩，蘸上蘸料香辣店內滿座！外賣非常多