雲桂川風味米線

Open Now

Now Closed

Melon放Lunch食左牛腩水餃酸辣米線；小辣.味道：米線夾起來的時候碎濕濕、酸辣湯底居然沒有酸也沒有辣，吃了一口酸菜也是沒有味的。配菜的牛腩硬沒有牛味（想比不是新鮮的）、韭菜水餃味道也是怪怪的。好失望的午餐🤦🏼‍♀️環境：跟一般茶餐廳米線店一樣，都要搭檯坐。坐的摺凳不舒服很逼。上餐速度：米線來說，算理想啦。服務：餐廳式的「靚仔/女，食咩？」。服務等於沒有服務。

見lunch time 呢間冇乜人排隊就嚟試下咁，入面好細，大動作d都會撞到人，所以唔好諗住可以坐得耐。叫左個豬頸肉菜肉雲呑小橋米線要小辣走韭菜，36蚊一碗。份量都算大，不過佢係一d味都冇，個溫底一d都唔酸又唔辣，d酸菜仲要係冇味嘅！唯有加小小辣醬，但都係好淡，同事食到黑哂面！而豬頸肉反而幾好食，有d似前豬扒其實，咸度適中。菜肉雲呑都ok，唔算大粒，但菜同肉份量比相若，都幾啖啖肉其實。但同事嘅肥牛又係冇味，食左1半就放棄左。

😡麻辣味米缐唔香又唔麻，湯底勁淡好似水。米缐：一食就知係垃圾，口感非常差牛丸：寫手打，食落勁大陣雪藏味，食半啖就食唔落去。🤢魚腐：最正常呢度唯一可取係大碗，不過太難食，我食左三份一已經放棄左。其實好少一間餐廳可以差到咁，早知食茶記冇咁嬲。叫自己做雲桂川風味米線，無風味之餘，招牌菜都可以做到咁差。由於本人比較鐘意食米缐亦會去不同區域試，所以呢間暫時黎講都算全港最難食。好多唔係專賣米缐嘅餐廳嘅出品比呢間仲好。🙄失望。

灣仔呢頭食lunch其實選擇好多，但我自己覺得由於租金貴，keep到50蚊左右又好味既真係唔多但係雲桂川就足料兼有心! 雖然裝修麻麻，但無論湯底，炸醬，定米線都無偷工減料，食得出唔係渣野，good ar

我開首以為佢會和雲貴香差唔多，就像譚仔和譚仔三哥的分別。今次食完後，發覺差很遠，更加發覺雲貴香好好吃。我今次叫了雞肉絲腐皮卷米線。酸辣湯底走辣，我開頭覺得可以可以走辣很開心。送來的時候發覺很多蔥更加開心。但其實根本酸味都不太濃。我只可以講這間米線店沒有加任何味精。因為根本淡而無味，酸味都冇。佢落的酸菜、配菜又少，腐皮卷很淋，雞肉又無味，好失望。那些飲品要加錢，價錢唔平，一杯凍檸茶要加10蚊。不過有一樣東西都係值得讚，就是放在桌上的辣椒醬，我試了一點，很足料、很夠味，如果大家食得辣，我建議不妨嘗試一下。這間餐廳有一個有趣嘅地方。佢嘅食物圖不經任何電腦加工，真實影比你睇。所以張張相都無吸引力。每樣米線落嘅配料，都會清楚說明。這樣就唔會違反商品說明條例。

行過見到咁就入去試試因過左食飯時間唔洗等位..我好怕等同迫尼間食米線..！份量都好足夠配料夠...牛展...好林豬耳...胞口墨魚鬚一定要叫（👍🏻👍🏻👍🏻爽口）酸辣湯底唔差....（唔太覺佢有酸）要讚係支豆漿...好飲唔甜👍🏻👍🏻👍🏻佢係即日磨的比一般連鎖店好味.....！

係灣仔區做得食，難食都有個譜。但真係好差。叫左碗酸辣米線加牛腩，牛展，菜肉雲吞個湯淡到似水，話明酸辣，一D都唔酸。牛腩硬架，雲吞中間唔熱，煮耐少少唔該，牛展腥。我呢D求其填飽就算既人，平時食到唔好食都會食埋唔浪費。叔叔不行了，食剩半碗。真係好過份，第一次寫食評都被你，去食老麥宜家。

有個亞姐，巴巴乍乍，態度超差，不單只我不會再食，我亦不會建議身邊的同事食。俾錢買難受，唔係要你當我老細咁招呼，起碼基本禮貌都冇。真係祝你生意興隆。又話$50送外賣，跟住又話買一個唔送，仲cut線。有冇搞錯，嗰個亞姐就係聽電話個。。。

星期一聽完講座。走咗去附近間茶記食晚飯。坐低點咗份醬爆鯊魚丸雲吞米線。價錢$34。個名好特別。個米線好彈牙。個鯊魚丸好彈牙。個雲吞好食。湯底好清甜。大份夾抵食。值得推介。

繼續發掘早餐地點。這裡應是除了豪星以外次便宜的早餐地點。一般茶記格局，一群態度一般的侍應，還有一陣異味。進來了，暗嘆中伏之餘，只想快快吃完離開。想叫一份鮮油多，但侍應說沒有，就叫一個火腿奄列餐吧，連凍飲三十元不到。以為是一般茶記求其整出來將炒蛋反轉成半月形的物體，但想不到出來的賣相，除了略為焦黃及有少許像千年油的油滴在碟底，賣相真的像在酒店吃的奄列，也沒炒的過老，也算是如此了。麵包乾硬，不提也罷。試過就算了，我連試它的米線的意願也沒有。

隨意找間便宜粉麵舖吃晚餐，剛巧經過就坐下了~同樣是車仔麵式點餸配各式粉麵/米線/薯粉，有麻辣湯、雲南酸辣湯、清湯選擇，配料選擇多而新穎~分別要了 酸辣湯(中辣)滷鴨腎拼醬爆麻辣牛丸蕃薯粉 和 麻辣湯(小辣)手打牛丸拼墨魚鬚米線~酸辣湯底微酸，主要靠酸菜帶出酸味，辣味則是熬湯時已加進調味了，味精不算重~ 蕃薯粉有正常軟滑煙韌的特質，湯底有大量芽菜和腐竹~ 滷鴨腎份量亦不少，雖然炆得夠腍少爽，但可惜不夠入味~ 醬爆麻辣牛丸內餡是麻辣肉醬，有輕微麻香但不覺辣，可能湯底的辣已搶過它的味道，而外層牛丸偏腍且似是混了豬肉，跟外間的假牛丸無異 麻辣湯米線甫上桌已嗅到濃烈的麻香，小辣明顯比中辣少辣，同樣是在熬湯時已調好辣度~ 米線都是一般貨色，沒有特別~ 湯底同樣有大量芽菜和腐竹~ 手打牛丸絕對比醬爆牛丸出色，彈牙爽口，有真正牛肉味，但仍然不如我在別家吃到的手打牛丸好~ 墨魚鬚夠爽口，但欠缺鮮甜味，但比鴨腎的較吸引~整體湯底不錯，但需小心選擇配料，以免中伏~

麻辣羊肉片拉麵 $33甫步進已嗅到一陣香辣味，近似辣味公仔麵湯粉的味。拉麵：起箸，以港式粉麵檔流水作業烹煮的拉麵，不能期望太多。口感尚算中規中舉。6/10麻辣：麻感、辣味，是有的。但嫌太過生硬，如上，近似辣味公仔麵湯粉的味。6/10羊肉：乏味，但勝在份量夠，一般。6.5/10整體 6.5/10豆漿 $7平庸得不能再平庸，豆味是minimal的。5.5/10題外話：侍應姐姐的服務相當殷勤細心

每當吃一碗麵線便想起你。當今天來到這間雲桂川，那些回憶就如同在記憶的閘口瘋湧出來一樣。今天把筷子拿起吃這碗米線的時候，我發覺我已沒有半點留戀。記得從前在這裡和你吃飯的時侯，你看著我的表情，我知道我難逃愛上你和這碗米線的命運 。認識你的時候，知道你是從雲南來的，那個時候因為愛屋及烏，和你四處去找好吃的米線，尋找你家鄉相似的味道。什麼長沙灣，土瓜灣甚至荃灣的有名米線我們也去過，你說你要在香港的日子都把這些雲南米線鋪頭也吃過，這樣才算滿足你的心願。從前的日子多麼快樂。灣仔的雲桂川是你最愛的米線鋪，剛巧在工作地點附近，又平又靚，最重要是那酸辣像極你家鄉的那味覺。這裡的餐廳不大，門口也開揚，與日日在港島乘車的朋友就算未食過也知道的這間雲桂川，在有名的永華麵家隔離，你還開玩笑為什麼一鋪之隔呢間咁好吃的雲桂川為什麼不可以拿米芝蓮一樣平起平坐，我說你很傻很可愛，你的反應是一個更不經意的嫣然一笑，左面如凹陷的酒窩，那一刻我知道我愛上你。現在你吃這碗米線你會想起誰，或者是我吧，在五年後的這天在這你最喜愛的米線舖做著相同動作。你可知道這裡的一枱一椅一收銀機就算在這麼多年後還是沒有變，那枱面的擺置，餐牌和選米

這裡長期的有笑容親切的中年姐姐在門口招待，況且堂食的人不算多，所以在繁忙時間都會有位。一人午餐都來過數次，因為這裡都比較多一人前往，安排搭枱都比較容易。地方也算企理。這裡的落單形式是以剔選，填好後交給店員就可以，餸的選擇也不少。可惜這裡的出品水準不太穩定。有時米線會軟得夾不起。米線的餸就不作評論了，都是一般貨色。湯底也不太出色，味精也在偏高水平。值得一提的是這麼是沒有水供應，中年姐姐次次都會問：「飲唔飲嘢呀？」。當米線還未到的時候，她見到單是沒有飲品的價錢，她又會再問：「飲唔飲嘢呀？」怎料過了不夠一分鐘，另一姐姐又再問又會再問：「飲唔飲嘢呀？」米線上枱時間約十分鐘，以同類店子不算快。到米線上枱的時候，她又會問：「飲唔飲嘢呀？」其實都相當煩擾！ 問第一次可能是我真是忘了寫，第二、第三、第四次，很明顯我是不想要飲品，請尊重大家的意願吧！收錢往往要等三至五分鐘，因為店員要完成所有事務（包括不斷迫人加飲品）才會收錢。我暫時想不到再次支持此店的理由！

前幾天和友人在附近看完Drama後個肚餓餓地就去左依間野度食米線一看之下原來係好似d車仔面鋪頭咁用張紙仔黎點菜既！咁我就叫左個小辣小鍋米線配豬腸我朋友叫左個唔辣小鍋配牛肉！d面好快就上枱每碗都配料十足，有大量芽菜酸菜同聰d聰仲要用個spoon仔裝住，照顧d唔食聰既客人！真係細心！個米線d味道係我食過既米線鋪頭入面都算中上，陣味有辣有麻，唔似得有d米線鋪頭咁得個辣字！之後食完睇一睇個牌，原來依開野係廿三小時營業！真係特別！