雲米家

Open Now

Now Closed

第一次叫左外賣來食，結果係……幾年之前試過去舖頭食，覺得味道OK,分量又夠，雖然服務態度好差，宜家都係差，打電話過去，講也冇咩禮貌，個地址大聲重複左三次，仲係聽錯，差滴送唔到過來，食物都差咯，牛輾得三片薄到透明噶，的牛輾淋撇撇，好似浸過水，冇咩牛味，牛百葉得三四塊，又太硬，好似就甘擺落去，湯面跟噶配料又少左好多，失敗，唔會再來

呢到一次差過一次第一次食左個過橋米線好多料好正有時加5蚊配豬耳都幾入味但對上幾次去轉左食三鮮米線d豬肉片肥到食唔到落肚，所以諗住今次轉豬骨湯紅薯粉加5蚊配龍蝦丸同時菜出事啦～龍蝦丸得2粒，時菜係生菜但係唔靚生菜有黑邊都照煮俾客食紅薯粉好似橡筋咁硬湯底又無味另外朋友個碗韮菜雲吞配豬耳豬耳完全無醃過無味又肥雲吞係人手包既 但係入面d肉味太濃好"酥"一次俾一次差，仲要都差唔多40蚊碗麵係大碗但唔好食呢到係服務好之外愈食愈差

第一次食呢間米線, 夠晒辣! 如果同譚仔比, 絕對嬴晒啦~叫左一碗豬大腸小鍋米線 中辣! 豬腸唔會好似譚仔咁薄片又無味, 個湯底又夠辣同酸米線既軟硬度都適中, 絕對唔會好似譚仔咁硬到咬唔到! 最正係D蔥, 真係好大粒又入味!

今日喺呢頭做完野鬼咁餓~即時要搵地方急救個肚~記得附近有檔四川米線好正~本來諗住去試下~點知見佢喺門口拉晒龍~已經冇心機了~所以行左去呢到...緣份所至~我見到門口寫住有心儀的''秘製口水鷄''因為呢個時間~好少食店冇人等位,分別係多定少~而呢到就一個人都冇~所以都諗左陣~最後都比自己一個嘗試機會~!入到去只得兩枱人~想自己搵個位坐~服務員就指示我去埋邊的二人位~OKOK...坐底睇餐牌~主要有川麵同埋鷄煲,仲有D秘製牛耳同豬展...我點左個秘製口水鷄,同腩肉麻辣麵,等上菜都等左陣~終於有得食~!秘製口水鷄 - 一上枱我真係太意外~絕對明白係獨家秘製~主要因為同我心中的樣子相差好遠~依自己的經驗,食開最多都係白切鷄加血紅色的醬油,最多有D花生同多條芫茜..呢到就好唔同~黑蚊蚊的~好似D頭頭尾尾混埋一碟,仲有我唔係咁LIKE的木耳片 V__V 再經服務員證實~呢碟確係店中所講的口水鷄,OKOK...入口的感覺唔係辛辣~而係咸多過辣...以我呢D咁中意食鷄的人~都覺得真係好難入口~為免浪費...最後要用米線的湯沖沖先可以繼續食~腩肉付皮大麻辣米線 - 可能係呢間舖頭的特色,食物上枱的時候感

實在有太多食評要寫了，對於一些不太好吃的，還是寫少幾隻字！今天由於沒有什麼特別想吃的，於是便走進一間很久以前經過，疑似好吃而想試試的米線食店，怎知道結果是這樣的。。。店鋪提供大約7種不同的麵食：1. 過橋米線 $452. 酸辣小鍋米線 $253. 三鮮米線 $304. 麻辣米線 $305. 涼拌米線 $256. 韮菜雲吞 $257. 豬骨湯米線 $22過橋米線：我從沒吃過正宗的雲南過橋米線，不知道何謂真正的過橋米線，但這個米線的湯底過淡，不知道到底是用了豬骨去煲，還是魚，還是什麼，反正沒有味道，最差的是湯頭一點也不熱。木耳是新鮮的，還可以。豬潤跟肉片過老，有點硬，似乎食店不太懂去處理這兩道食材，跟自家製的沒什分別。腐竹實在過硬，像是沒煮過似的。由於湯頭不熱的關係，那兩顆蛋變得有點恐佈，有點怕生吃會肚子痛。三鮮米線：除了基本湯底外，配搭了秘製紅燒肉。其他的配料其實跟過橋米線的差不多，不再敘述。秘製紅燒肉是餐牌的推介食物，但卻很一般。紅燒肉的製法較似福建或潮式的鹵水肥肉，而且肉質較硬，明顯是煮得不夠透，沒加冰糖，所以不必希望他帶有點甜味。最後是沒有任何香氣。整體而言，我不會推介，而且價錢不

平時响四坡坊都只係食開一家米線，其餘三家裡面我只去過兩家，今次造訪埋最後一家，才知這家不吃真是走寶了。點了個酸辣過橋米線，中辣（諗住附近三間我都頂得住食中辣，今次總沒死吧）上來一碗，材料真的很足～芽菜韮菜腐竹肉碎，湯底呢（真的夠嗆的）這種酸辣絕對能夠把Ｘ仔落醋的酸湯底比下去！完全是技術性拋離！酸得來不是單單下醋的這種酸，而是湯底的確有他的熬製心機，餸料方面，都是嗱喳麵的料，沒什麼特別好說的，最讚是那個湯底，可值一試～

    決定當晚的晚餐0係呢道食,因為想吃得平的關係, 涼拌米線$19再加配料豬軟骨 $4雖然我想走辣,但我又想要炸醬,所以話要炸醬,點知碗米線個底部有很多的辣椒油………另有好多辣椒的調味配料…嗚嗚~所以我吃了幾口,已經深知今次又係凶多吉少了…所以要求幫我加1碗清湯,無額外收錢,但可惜辣椒油太多,即使米線加入了清湯,也是有點辣..辣味始終仍是存在…所以再叫一次waiter話明明無叫辣,但又俾左碗辣的我…. 感覺真的很難受…麻辣味簡直刺痛喉嚨….好辛苦,幸好老板也走過來看看,問邊個幫我落order,無人認,之後佢要求職員幫我換過一碗唔辣,收走左碗米線3min後,再俾過我食..其實仍是那一碗,不過已加入涼拌無辣的醬汁,所以呢次感覺好多了…真的謝謝…我呢碗涼拌米線多韭菜,我也不知道呢道o既涼拌米線要炸醬=加埋其他辣椒粒的調味料…我實在受不了…. 因為之前無0係呢間店叫過涼拌米線,所以不知情…….唉~豬軟骨的味道還可以,jusicy,但在menu上label為辣的??....唉~真的不敢再米線店吃辣了….嗚嗚!我已中招了很多次…..

今次去米線店食米線，以為好醒，原來仍然係茂李。因為間米線實在太難食。我點的那碗三鮮米線，有木耳、腐皮以及肉片。米線腍腍的，欠缺應有咬口，腐皮不香，木耳還可，但肉片又厚又肥，咬落仲好韌，而且完全沒味道，失敗。飲埋杯凍檸茶，快閃。難怪附近的川味美食及雲貴川長年大排長龍，呢間仍可以直行直入。

The title of this blog says it all. It's my all time favorite Sichuan spicy noodle restaurant. I'm a huge fan of spicy food and the more SPICY, the BETTER! I stumbled upon this restaurant when I got lost in one of the small alleys in Tsuen Wan. There aren't alot of people in the shop at any time of the day which I thought was really strange seeing that their dishes are super tasty.They're prices are pretty decent and my owner is pretty accomodating with any requests you have. I once ordered Mala

雖然住了荃灣很多年，但有些食店，我還是未曾到過的。尤其是荃灣太多的粉麵米線店，有時想吃，也不會想到新店來。當然，這一間在四坡坊的雲米家米線店，其實已經不是新店，偏偏，就是我所說的新，卻又提不起興趣來的店，久而久之，也就忘掉了。相信很多朋友和我一樣，想吃辣，卻又怕吃辣。點了一碗酸辣小鍋米線，要了小辣，另加紅燒肉、豬潤、豬腸，盛惠$38，在荃灣是中上價錢了。不用等得久，一碗酸辣小鍋米線就來到，但卻嚇了我一跳。顏色火辣，而且油份不少，我是點了麻辣米線嗎？再看看鄰桌的麻辣米線，更是鮮紅無比，我想，這一次是對我的考驗了。湯，我是不敢喝了，先吃一口米線，是很腍的貨色，沒有應有的煙韌。湯的味道果然很辣，嗆喉不已，已經超出我所能接受的小辣程度，我已經知我中伏了…配料也是平平無奇，豬潤無味，紅燒肉很肥，豬腸雖標明會辣，但也因湯太辣而吃不出味道來，整碗米線都皮這個油而辣的湯破壞了。當你辣得滿頭大汗，而一杯飲品只需加$6，特飲則加$8，這杯凍檸蜜，慳不了。吃到最後，我連一口湯都喝不下，也好，因為湯底實在油得過份。曾經聽吃辣達人說過，好吃的辣，是辣中還能吃到食材的味道。這裡的辣，卻只得辣和油，甚麼味道都吃不出

入到去嗌左個三鮮米線配雞翼+豬潤,,飲熱檸茶熱檸茶好快到,,檸檬只係篤左3-4下.應該唔會酸/苦得去邊.點知1入口就奶野真係超難飲!!落左5匙糖都蓋唔到!最終都係無飲到.白白浪費左$5.成個餐要$23+$8+$5.完全唔抵食!!!!D米線唔彈牙,豬潤熟唔唒.腐竹硬到成塊紙咁,真係同譚仔差天共地!一定唔會再有下次

平時都系食開譚仔米線，所以決定試下其他最後決定食呢間雲米家叫做個麻辣米線+魚蛋(小辣)麻辣米線配料有: 麻辣肉丁,蔥花,雲耳,腐竹,莞茜,芽菜米線:我覺得d米線比較硬,咬落去五夠爽口魚蛋:魚蛋同我平時食開既味道有d分別,但都吾錯麻辣肉丁:我覺得呢個幾好食,辣辣地,好有咬口腐竹:比起譚仔差好多D腐皮好似塊紙甘,又硬又冇味個湯底我覺得吾好味,隻麻辣味好怪整體黎講,我覺得呢碗米線貴得黎又吾好食平時食碗米線+飲品30蚊以內,呢個淨系米線已經超過30蚊我下次吾會再幫襯

朋友介紹所以到這間店試下, 我和朋友叫左2碗酸辣米線加左幾樣送, 要少辣, 2碗米線一來到, 成碗油, 好多油, 見到都怕怕, 現在什麼都講求健康, 點食得落口呢???我們仲叫左2款串燒, 賣相好好, 燒得好像好好食咁, 結果入咬落去, 有少少唔熟, 跟住同職員講, 佢地話係熟左喎, 跟住再問個男人(應該係老細, 高高肥肥, 講野粗聲粗氣, 勁無禮貌), 個老細話係岩岩熟喎, 唉, d串燒豬肉不是百分之一百熟透, 仍有點血紅色, 點會係岩岩熟呢, 唔想換比我地就唔想換啦, 唔熟都比客食, 真係超差食到七七八八, 開始客人多了, 結果d職員同老細不斷收晒我同我朋友d碗筷, 但係我地都未食晒, 佢已經係咁收, 一邊收仲要一邊講 "慢慢食啦=.=" 真係比佢地吹脹, 都收晒我地d野, 仲點慢慢食呀???

這店新開張時食過，印象中只是一般。因為如果起荃灣想食米線嘅話有好多選擇，所以已經好耐無幫襯。有同事上星期食完，話好似唔錯，於是又撩起條筋想試吓~~叫咗兩個米線外賣，酸辣米線小辣，打開湯底，一層厚厚嘅油，已經有小小扁咀。再打開米線，其中一碗有豬肚，嘩，一陣好酥嘅味，但我都未出聲，旁邊嘅人已經話好’臭’，我個咀……更扁……最後整碗米線被臭味籠罩，竹芛都吸晒味…… 胃口同心情瞬間下降……豬頭肉全肥，無食……雲吞無甚特別……腩肉ok……同事飲朱古力珍珠一般……我從外賣單見到幼胚芽珍珠，於是叫咗，點知聽電話個女仔話無幼胚芽珍珠，只有珍珠奶茶或者胚芽奶茶，語氣仲好似係我哋睇錯…… 最後叫咗珍珠奶茶，幸好味道唔錯，但係超細杯，加七元得呢個份量，我倒不如十三元買come buy，又大杯又好飲~~最後睇單，見到收咗六元外賣碗錢。兩個米線，其實兩個碗，我哋無要求分湯，但佢分咗，已經收四元。Fine，當佢哋為咗好味，唔好令米線發脹……咁仲有兩元呢？打電話一問……原來係兩杯茶的杯錢……雖然生意難做……但杯要比錢實在唔順氣……我寧願你將價錢不知不覺計落第二度囉~~

好久沒有吃米線,是因為之前有報導指出有生產商為令米線有超強彈牙感覺, 在生產時加入塑膠內製造. 煮得太久, 米線仍然保持彈牙感覺. 嘩, 多麼可怕. 荃灣超過10間米線店, 可以說”總有1間在您左右” 太久沒有吃米線及酸菜, 心有點想吃, 事情隔了一段時間應該無事吧.雲米家一年前已經吃過一次. 份量大, 味道不太差又沒有味精.老板熱情招待留下深刻印象 今次我們再光顧. 中午2時多, 店內已經坐滿, 剛巧有客人離開, 我們不用等太久便可以入坐椅子還未坐暖, 店內員工已經立刻想為我們落單,我們點一個份量仍然保持, 好多芽菜, 炸醬,米線, 蔥粒, "蕃西"及花生 但好少酸菜及肥牛. 雖然已經要求走辣, 但仍然有一絲絲辣味的感覺. 應該是炸醬吧!!!米線質地軟硬適中, 沒有太過彈牙情況出現. 我可以放心吃另外叫一份每吃一粒, 我的”利”充滿麻陴感覺. 為什麼會是這樣呢???不知道, 這種感覺十分過癮令我吃過不停但是沒有辛辣感覺 不過我嫌太油及沒有蒜蓉味.服務不錯加上價錢實惠, 可以再次光臨