雲貴川風味 (Moved) New Location

想自殘一下，排一排毒的話，在家附近的雲貴川，絕對是我首選，因為地點就腳，在北帝街翠華對面，由家中步行只是五分鐘。以前就專程去荃灣老店，自土瓜灣店開了以後，便不用坐車去。我一向偏愛麻辣多過酸辣，中辣程度是極限，最喜歡豬潤，與腩肉，尤其是腩肉，辣度夠入味，配合充滿麻香的湯底，很爽的說，辣得痛快淋漓，吃得變成烈焰紅唇，極待撫慰，甚麼的柔情，慾望，統統迷失得徹底。出一身汗後，剩下乾涸美麗。第二天早上，大腸自然會識做。但是麻辣皮蛋是水準以下，不值得推薦，來到雲貴川，不要問，只要麻辣，信我，吃一碗試試。

家住九龍城，要搵平價的素食唔容易。晚餐間中會行去土瓜灣覓食，而雲貴川係其中一間會成日去嘅餐廳。多會叫比較健康嘅涼拌薯粉，走肉醬，加木耳絲，蘿蔔，腐竹等，要中辣。我唔係超級食得辣，覺得佢地嘅中辣同其他麵鋪比可能已經係大辣，食到噴火，傻笑，但係好過癮。最鍾意佢地蘿蔔夠入味，木耳絲夠爽，間唔中都心絲絲想去食！

上星期朋友介紹，去了位於土瓜灣的雲貴川風味。因為以前是在土瓜灣唸中學的，所以那天回到這個彷彿熟悉的小區，心情是不錯的，不過，這區的變化也蠻大的，以往熟悉的小店都不見了，但竟然在這店的對面，開了一間翠華茶餐廳！說回雲貴川的食物，是不錯的。朋友知道我是譚仔的常客，就說我一定要試一下他們的腩肉。我們先點了麻辣雞翼、皮蛋豆腐。嘩，我特別喜歡皮蛋豆腐，因為那汁甜甜的，雖然辣，不過那豉油是調得很香的。另外麻辣雞翼的麻辣是真夠麻的。小食這一點，合格了。至於米線，選擇有很多，有點像連鎖店雲桂香，不過雲桂香整體上的感覺髒了點，食物質素也一般。朋友雖然推介他們的腩肉，對，腩肉是不錯，那味調得還可以，不過我更喜歡的是辣豬耳！辣得超過癮，不過辣中仍有甜，那汁很吸引，雖然好辣，但舌頭回過氣來後，仍想挑戰一下。另外辣雞我也在其他朋友碗中要了一兩塊，辣得很特別，他們說是因為是以辣水來調味，所以就沒有那麼多油。湯底不如譚仔那麼清淡，不過說真的，譚仔不論是餸或湯底都偏清淡，主要是要突出那湯的味道吧！不過，也不如雲桂香那麼濃。雲貴川的湯底加入酸菜，那酸度比雲桂香的柔和，可能是因為自家醃製的。可惜店的位置不大方便，要不然我

土瓜灣北帝街有多間專門食米線o既舖頭,可算競爭激烈雲貴川風味係一間連鎖店,除左土瓜灣外,荃灣及紅磡都有分店呢間開左大約兩年o既米線專門店,OpenRice 評分高達3.7之前o係網站以每張$23 o既價錢買左兩份米線餐 coupon,每張 coupon 可以換到一碗米線連兩款餸,一款特式小食及一杯凍/熱飲品由於午間繁忙時間多人幫襯,今次優惠只適用於 2:30pm 後雲貴川風味o既每碗米線湯底可自行選擇小、中、大或勁辣,今次團購優惠可以俾大家選擇小鍋(唔辣)、酸辣、麻辣或清湯米線平時每款餸係$4, 有成四十款可供選擇,我地今次優惠係每碗米線可以選兩款餸除左米線,仲有多款特式小食可供選擇,今次團購優惠可以選郊外油菜、麻辣皮蛋、涼拌青瓜或紅油拍青瓜我地一個要龍蝦丸及雞中翼麻辣米線,一個要豬潤及菜肉雲吞酸辣米線小食就選左麻辣皮蛋及紅油拍青瓜至於飲品要凍咖啡及凍檸茶龍蝦丸及雞中翼麻辣米線 $32米線夠滑及彈牙,唔會好易斷米線配左鮮肉碎、秘制酸菜、芽菜、及韭菜配料夠多,份量夠大,好足料,若果細食o既可以兩個人share 添 豬潤及菜肉雲吞酸辣米線 $32豬潤鮮美,冇臭味菜肉雲吞係米線專門店推介,自

土瓜灣北帝街食肆就多，但真係好食呢，呢間係首選，幾乎曰日都食，佢D麻辣唔係好似其他的淨得麻冇辣或者得辣冇麻，佢係麻辣兼有，湯底又足料唔係一般得個味。配料都Ok多選擇但因為我成日食就覺得可以加多幾款。D阿姐又幾好人，好食果D會介紹你食。唯一要彈就係近窗邊的射燈太勁，坐一陣會好辛苦（不過呢個係香港餐廳既共通點）

土瓜灣單單一條北帝街, 就有至少五間專吃米線的店子, 每間都各有特色, 這間『雲貴川風味』是我其中一個飯堂, 除了『抵食夾大件』之外, 還因為夠辣, 每次想辣得死去活來就要去光顧它。之前在團購網看到這間店做團購, 二話不說買了六張券, 兩星期已經用完了。團購價錢吃到午餐份量, 總算物有所值。每張券 $23, 有一碗米線, 包兩個餸, 一個前菜, 一杯飲品, 飲品叫凍飲不需加兩元。這次叫了麻辣腐皮雞肉米線, 很大碗, 湯底很辣, 腐皮普通, 但吸了辣湯就變得吸引, 麻辣雞肉不比腩肉差, 最重要是用雞柳做, 不肥, 很香很辣。前菜叫了我最愛的麻辣皮蛋, 如果可以做得溏心一點就好了, 麻辣皮蛋始終是佐敦的雲貴川最出色。

通常我自己一個人去吃東西的話，很少會叫飯，什麼燒味飯、盅頭飯、碟頭飯，100次裡面可能只有1次，一個人的時候吃得最多的是米線，其次是燒味瀨粉或者車仔麵。今天下午要自己解決午餐，雖然在家裡可是又不想煮公仔麵，胃口不怎麼好所以想吃點辣的東西開一開胃，在家附近最好吃的辣東西就是這裡。 第 一次吃是在荃灣店，那時候不知死活，點了一個中辣，辣到流眼淚，連米線也幾乎吃不下，只能勉勉強強把餸吃完，然後整天的肚子都是熱烘烘的。有了那次經驗， 我再也不太敢挑戰中辣，畢竟吃辣只是貪其刺激，不一定要吃很辣很辣，因為辣味其實很傷腸胃，如果因為追辣吃而傷了身體就得不償失了。 每一次來都是點麻辣米線，不過今天想吃一下涼拌薯粉，可以另外加配料，$3-$4不等，除了我最愛的金菇之外，今次還點了店方推介的菜肉雲吞。 涼拌薯粉的配菜有秘制酸菜、青瓜絲、炸醬、炸黃豆、芫茜和蔥粒，這次要了個麻辣小辣。打開外賣盒子，首先看到是乾巴巴的菜肉雲吞，除了中間那顆因為加了辣油而有點濕潤以外，其他兩顆都要推到底部沾一下醬汁才能吃。小麻辣辣度剛好，不太麻，辣味是慢慢從喉嚨滲出來。 薯粉不是很煙靭，很容易就能咬斷，顏色米白帶點透明，非常圓潤

食過好多次, 今日記起, 點都要寫一寫佢同譚x好唔同, 我不嬲都係fans, 試呢一間係一個朋友極力推介, 咁就試下啦我第一次係食雞翼, 豬肚, 豬腸配酸辣米線(小辣), 點知都好鬼辣, 朋友醒目叫小小辣, 不過都可以接受,米線有配芽菜, 酸菜, d酸菜好正, 鍾意食記住要加呀豬肚, 我朋友極讚, 真係幾正, 好爽又夠味.雞翼, 夠味但太軟豬腸, 是肥腸(我個人好喜歡)不過份量真係好大, 如果細食真係要同人share,每次食完真係好飽

其實食左雲貴川好多年, 第一次為佢寫食評...當年米線仲未大熱, 男友第一次帶我去食雲貴川.......食完第一次, 又不覺得"特別好食", 不過隨時間過去, 我越來越鐘意食=.=特別鐘意食他的腩肉, 真的在別家吃不到, 不知他如何煮, 真的好好味!!不痠又不肥!我們喜歡這樣叫---女:叫一碗淨雲吞+二款送男:叫一碗米線+三款送我們share, 總共食到6款送^^"~~~因為他的米線超多, 足夠兩個人食有餘!!次次食到兩個捧住肚!!!又加價了!!!而家差不多$4x一個lunch~~^^"

十一時許, 店內空空如也, 只有小貓學生3,4隻其實本是去雲軒居的, 但未開, 小豬兒仔又心急吃mum mum!結果還是要吃這個, 另一外同學說我還是要腩肉+炸醬另上炸醬, 阿姐說諸位請看如銀包,皮膚,月球表面一樣, 乾涸, 無水份旁邊另一位男同學提醒了, 是肉燥, 就像那台灣肉燥, 但其實, 肉燥也還有點汁吧?乾如這樣, 敢問如何伴米線吃???腩肉亦沒有肥的部分, 瘦瘦的, 比媽媽煲湯的更差小豬兒卻獨自在吃中辣吃得hehehe還有, 叫了2餸, 沒飲料已$32雲軒居$37 又有2餸又有炸醬又有小食又有飲料如非被威迫挾持, 本人絕不會再臨

可以由細食到大,一直都覺得超好味!!!!!!!!!!!!!!!以前去開黃埔果間,3間分店都去過...味道一樣..每次都食酸辣湯底,魚蛋同菜肉雲吞...湯底 : 酸辣味道非常夾,唔同出面d鋪頭甘好似格眼加辣落去!!!!!!!! 每次都想飲晒佢...而且湯底有好多肉碎,好正!!米線 : 滑,彈牙,唔會好易斷,同埋好多米線,包你食得飽飽!魚蛋 : 大大粒,彈牙雲吞 : 十級好味!!!重好味過灣仔碼頭水餃,重點係佢有3粒,出面d米線鋪得果2粒, 我每次都會將2粒雲吞放在最後,慢慢品嘗!!!其他配料(如酸菜芽菜) : 足料!!!!!!酸菜好夠酸,唔似出面果d係甜既而且唔酸既酸菜lor!!服務 : d阿姐好好人!!!!!!!!!!!!!其實成碗面真係好足料,好大碗,好抵食,每次食到肚皮就爆但都照食哈哈都唔明點解可以甘好食架!!!!!!一句講晒 : 全香港最好味既米線就在雲貴川!!!!!!!!!!!!!! 佢得3間分店唔係好多人識....我好希望佢地公司可以o係mk,tst,cwb開分店!!!!!

不嬲好鐘意食小辣同米線.絕對係慕名而來.星期六既午飯時間,一啲都吾多人地方吾算大,不過望落個廚房都幾大三個人坐卡位,有少少迫,而且枱面同餐具有啲痴我叫左個小辣既麻辣米線加蘿白,多芽菜個米線都幾大碗,幾抵食,好多芽菜,搞到米線同芽菜不分個湯度味道岩岩好,但係好似好多油小辣吾算太辣,但係會feel度嗰種麻芽菜,酸菜同韮菜配合都幾好至於籮白,有少少覺得吾夠入味感覺就係全部野分開煮再放返埋一齊朋友就話夠麻有啲吾夠辣,要加辣椒油先夠辣另外就話太少餸不過我就覺得ok.同埋可以有多少少小食

　今天的午餐吃雲貴川米線，叫了酸辣米線，小辣，23元。　大約三分鐘左右米線就到了，我反而覺得不太辣，我加了幾滴辣油才有點辣辣的感覺，不過米線很有口感，覺得比酸辣粉的好多了，23元，還求什麼呢

一直都唔係好鐘意食米線，但係有日經過呢間雲貴川 食完又發現都好好食wo呢到d米線好彈牙同平時食個d好唔同 叫左酸辣湯底+配雞翼羅白 個湯底好正口感好豊富 忍唔住飲左半碗再叫左個麻辣豬俐 估唔到咁好食!!! 個醬料超正 少少麻再加d花鵰酒既味好香 豬俐又好爽好好食 不過一個人食份量太多了唯一不足係lunch 有時太多人要等 可惜住得唔近土瓜灣 不過一定會再去食多次

一向都唔愛食米線既我，食過【雲貴川 】令我一食愛上，今次已經係第３次黎食，次次我一定選擇：【酸辣米線 配麻辣腩肉】酸辣米線 配上麻辣時味道好特別，所以我一定揀麻辣腩肉。HKD27 酸辣米線 配麻辣腩肉HKD5 凍豆漿其實正宗唔正宗我真係唔知，但係在於個人立場好食就ｏｋａｙ，雖然米線我唔係食過好多間，我諗都有３－４間左右，而【雲貴川 】我一個月內食左３次，第２次同今次相隔岩岩好一星期，因為真係頂唔住【酸辣米線 配麻辣腩肉】既誘惑！