青沐 台·料理

Open Now

Now Closed

今日約咗🤴🏻 喺佢工作嘅附近食晚飯，早啲去叫定餐等🤴🏻先！🤭🤭～～～台式椒鹽豬扒飯～～～豬扒好大塊，又厚又多汁，酥脆感就一般般，椒鹽味亦都唔重！😗😗飯嘅質感係又圓又短個隻，亦都有啲偏腍！😀😀～～台式三杯雞肉飯～～～雞件唔係好大，大約5-6塊肉質唔錯，幾有彈性😃😃，特別係當中嘅杏鮑菇幾大嚿同埋好多汁水😊😊，可惜三杯雞嘅汁唔係一般食開嘅重口味，比較淡唔係好食得慣😗😗最後兩個餐都會跟個醃蘿蔔小菜，蘿蔔幾入味酸酸鹹鹹幾開胃，但得三細片少咗啲！😝😝

星期日 黃昏 路過，諗住食少少野先行街，上咗去food court 睇吓有咩食，見到 青沐 counter，係 食台灣野，價錢合理，店員服務 友善，試吓 半筋半肉麵，3個小食，加埋手打檸檬烏龍茶，味道唔錯，下次會再試吓其他野食😃

酒香椒麻牛絲拌麵麵條有粗幼兩種，我揀咗粗麵。到手發覺所謂嘅粗麵係寬條麵。麵條軟熟彈牙，掛上醬汁非常惹味。牛肉似炆到爛左嘅牛腩碎，零零碎碎，所幸整體味道唔錯。第一啖食落唔辣，但後勁非常之凌厲，食多兩啖成個口腔都麻哂。需要不斷飲凍飲先可以繼續食。如果可以輕手啲冇咁麻就更好啦。

樂悠居商場開咗food court，梗係要試吓啦！見到呢間台灣嘢，決定試吓佢嘅牛肉麵，揀咗麻辣湯底，$72見到有5塊牛肉都算抵食，依個湯底都幾正，有牛味又有辣味，辣度對我嚟講啱啱好麵度有得揀粗幼，揀咗幼麵，都幾掛湯，軟硬度適中不過份量就可以再多啲，食完都係七成飽左右，呢個價錢嚟講有啲貴，冇套餐得散叫，不過間唔中食吓都OK

今晚夜收，返到屋企樓下大家樂都cut 單，於是上去新開food court 試吓。叫咗香菇雞絲魯肉飯。d 食物夠熱唔會覺得暖或者凍冰冰，食物賣相連d餐具都精緻，睇得出唔係求其整或hea 做，應該支持吓。叫咗杯冬瓜茶以為單點，原來當套餐計，扺。如果d餸或者飯嘅份量再多少少會更加好：）不過以全單$64性價比已好高：） 同埋應該提供多d單點蔬菜，俾人多啲飯麵以外嘅選擇。下次要試埋佢鹽酥豬扒同麵利申- 好少寫食評但呢個算誠意之作，👍🏻

位於樂悠居的Food court，見佢新開張，於是第一時間就去試試，叫咗最基本嘅香菇魯肉飯，試台灣菜最緊要試咗魯肉飯先。58大元，價錢感覺還可以，但期待值隨著等待時間慢慢下降……前後等咗半個鐘，忍唔佳問問店員，佢答我即刻整，之後我睇住佢原來根本唔使煮，所有配料都係直接預先整好，直接𢳂落去就搞掂.其實依個做法係好正常嘅，但唔好要我等半個鐘吖嘛，Ok唔緊要嘅，如果個飯好好食嘅話我都覺得值得等你𢳂半個鐘嘅，但返到屋企打開一睇，我心情即刻沈咗下飯量算係夠嘅，但啲魯肉個份量我就真係笑出聲，公平啲講味道係Ok嘅，食得出菇味係入哂落啲油香到，但如果你話依個份量要收我58蚊嘅話，我就覺得唔多值啦我相信今次只係因為佢地新開張，營運流程未完善到，所以咁啱漏咗我單，但如果以價錢同份量對比嘅話，我諗末必會再諗依間嚕。

見呢間野新開就走左去試叫左碗半筋半肉肉麵($78)+冬瓜茶(跟餐+$8)碗麵得兩塊薄牛展肉+兩條短到死嘅牛筋, 麵量又少, 蔥花仲多過麵味道又未至於好食到可以標呢個價?唯一值得稱讚嘅, 係員工對客態度幾好希望貴店可以慎重考慮改善下份量同價錢