韓一石頭鍋 (Moved) New Location

這裏的石頭鍋飯算不錯，飯 +肉+菜+醬的配搭很好，以這個價錢來說，算做得不錯的了。不過正如樓上不少意見指，辣醬不夠辣。辣醬是石頭飯很重要的一環，這店的石頭飯其他地方都做足，唯獨是差這一點，很不值得。兩個人來，最好選那個石頭飯配豆腐鍋 (忘了正確名字) 的套餐。豆腐鍋裏的豆腐很滑很滑，豆味尚可，配合一些肉末，口感一流。不過，又是那毛病，如果再辣點，更好。燒餅也吃過，始終還是敗於那辣醬。因為這裏燒餅味偏淡，要點辣醬同吃；但此店的辣醬根本不辣。此店其實屬用心製作類，其實除了辣，其他各項都做得不錯；如果想更上一層樓，要從辣醬入手。還有.....應該考慮給予食客除了紅色可樂以外的其他汽水選擇.....

I visited this restaurant 3 times within 2 months because I really love Korean stone pot rice. The first time was the best, the 2nd time was fine. The third time was really disappointing! The rice was too wet - my friend told me he has the same "wet" rice when he ate at the restaurant two days ago. We are wondering if the chef in the kitchen has been changed!! If you cannot control the quality of your food people will not come back. Also the small side dishes they served us were not too

同媽咪、細佬妹去食午飯岩岩好趕得切落場前最後一台 ( 餐廳有分上下場, 大約3點前關門 )每個飯都加左差唔多成$8, 加幅都算大, 不過分量不變其實都算幾貴一個飯, 但好多人幫襯前菜有8款因為人多, 樣樣都好食, 不過最右下角個甜提子乾麻麻地, 太甜海鮮石頭鍋飯, 好食, 個鍋夠熱, 整到飯焦, 正！但細佬個牛肉石頭鍋飯唔夠勁熱, 只得好少飯焦見煎餅係招牌菜, 叫左一個大失所望, 成$35, 超細個, d料係得蔥我估成本都唔洗$5味道只不過不過不失, 下次唔會再叫服務中等, 如果有笑容會更好唔會成日去, 因為價錢都ok貴

本身一年去一次韓國工幹﹐所以對韓食有點要求。中午經過試左﹐食物OK﹐比較港式feel (不辣﹑menu太港式)。如果唔同韓國本土o的店比﹐可以一試。今次試左海鮮石頭飯+豆府湯。等冬天去試人參湯先。*我吃辣只能吃小辣﹐ 但該店的小辣完全不辣。。。。。。。。

昨日早上去了九龍城區上課, 中午順理成章地在那裡吃飯. 本來想去食日本餐, 但找來找去都找不到, 卻不知怎樣來到這店門口, 加上天氣又熱, 不想再找下去, 於是入了去試試. 坐下來看餐牌才知是韓國餐廳, 因為要趕時間回去開工, 所以點了個快餐: 韓式鐵板快餐. 先來的是凍檸檬茶, 很大杯且不用加錢, 但卻有很多冰, 起碼有半杯是冰!!! 再來的是韓式鐵板, 點的是豬柳配燒汁. 賣相看起來不錯, 有很多蔬菜, 如椰菜, 莧菜, 栗米, 大豆芽. 飯頂上還有少許泡菜和栗米粒! 可是味道卻不及賣相般好, 很一般; 燒汁很甜, 豬柳很多但吃不出鮮味,蔬菜的味道很清淡, 唯一好處是夠熱! 看見其他食客點的多數是石頭飯, 好像比較吸引. 看來下次還是試石頭飯好了!

二年前由於唔係太開心就自己一個去左韓國旅行........but 去得果五日而韓國local people 英文又唔係好好的關係.......我就參加左個旅行團..........so..........好多時開飯都同導遊and領隊一齊食o勒.....原來韓國人係食得好辣o架...........係果邊食過幾樣韓式菜...覺得好正but 係香港點都找不到.......昨天晚上.....mr. fat 係入醫院做小手術前.........我地就去左韓一......開飯o勒........2人餐........($168)牛肉石頭飯........ok...........辣醬唔辣.......冇香味........but 正體黎講ok啦......清湯餃子 ..........清湯帶有蘿蔔香味....清清地唔錯..餃子肉餡內有kimchi 碎....辣辣地都ok煎餅 - 好一般..................甜品or......drink..............居然冇咸0七........係香港....係邊度有韓國菜係唔係甘港式架呢...............

座位都算舒適.食物味道評分較高.我點了一個人蔘雞, 煎餃子, 石頭飯.....人蔘雞d料好足, 好入味. 同喺韓國食既有得"揮".石頭飯真係好似menu 寫, 啖啖肉 ! 啱哂食肉獸 ! 即係我 !個燒餅就痳痳地啫.不過成晚吸引住我既唔單止係食物, 仲有老闆娘 ! 我真係未見過咁靚女同埋咁勤力既老闆娘呀 !!

今日老友生日，三個大胃王於是乎闖入龍城搵O野食，在食肆臨立的龍城，我們選了韓一石頭鍋，點解揀呢間? 因為唔駛等位...入店後，已聞到一陣陣的石頭飯燒焦味道，看了別卓的石頭飯滋滋乍響，登時燃起我們的食慾....我們最後點了人蔘雞餐再加海鮮石頭飯...先來十個餐前小吃，味道不過不失，最好味還是泡菜，酸辣度適中...不消數分鐘，我們己消滅了卓前的小吃..跟著石頭飯上卓了....很好味，最正就是混在飯裡的飯蕉，吃時脆卜卜...最後的人蔘雞，人蔘味很濃...啖啖都是人蔘雞味。總的來說，此店值得一試! 價錢也很公道，這個價錢....絕對抵食..

這所龍城唯一吃韓式石頭鍋飯的地方，價錢並不算是特別便宜，一個最基本的牛肉或雞肉石頭飯，最低消費都要差不多七八十大洋一個。怪不得週日龍城大部份的食肆都人如潮湧，唯獨是這裏依然直行直入...天氣熱得尤如一個大蒸爐，吃着一個熱騰騰的石頭鍋飯，真的奇怪之至例牌有前菜四小碟。kimchi做得既酸且辛辣，係意想不到的美味，豆腐及醃青瓜沒有甚麽特別，反而滑嘟嘟嘅冷笱篛食落涼透心，在這樣的天氣吃落肚，實在爽快之至....石頭飯份量極大，小弟下午一向食量不大，再加上如斯炎熱嘅天氣，吃得完已是萬幸了。點菜時女侍應問要不要加辣醬，這個自是必然了，吃石頭鍋飯不加韓式辣醬，吃來幹甚 ?吃之前將所有辣醬加入，趁熱連生雞蛋一塊兒撈勻，才是味道...料足，雞柳也下得不手軟；最精彩的是飯焦，一掏即起，絕無焦燶味，質感脆卜卜的，加入一點上湯而吃，極美味....想不到這裏石頭飯的水準跟那些名店嘅出品亦不遑多讓，有點意外。七八十大洋一個，吃完後仍覺值得....

昨晚同男友去左對面街間韓國餐廳食飯.... (因為我嚷著要試... 哈哈哈)未食之前,其實我都冇o羊特別好既expectation.. 因為呢到又唔係裝修得好靚, 亦從來唔覺有好多人排隊等位窩... 哈哈哈, 點知又出乎意料之外好味窩... 我地昨晚order左2人餐... 本來覺得應該食唔晒, 打算打包今日做lunch, 但係點知又食得晒窩. 哈哈, 個餐包括:6個前菜1個荵油餅 <-- 同平時食開o個d一樣, 冇o羊分別窩1個韓式餃子 <-- 裡面d肉碎架, 辣辣地,幾好味丫~1個石頭飯 (牛肉) <-- 可以揀唔辣,少辣同辣, 我地揀左少辣, 好味呀, 我最鍾意食d飯礁.. 哈哈哈~~~2杯野飲 or 黑芝麻雪糕 <-- 我地揀左野飲囉....總括黎講, 呢間野幾好味, 如過唔係太大食既話, 可以選擇3個人叫個2人餐.. 哈哈, 唔洗食到超飽嘛 ^^

5月1日*晚上同屋企人行完街..餓就搵地方食飯..之前好想食韓一,因為太多人+貴無食..今日唔理就入去食..超得..xD 服務又唔錯!叫左個2人SET+伴隻人參雞湯..煎餅勁好味..石頭飯大大豌..後來叫多個炒粉C,見到好油膩..感覺同乾炒牛河無分別- -整體都OK呀...不錯...哈

好友文廸係九龍城, 同佢聚一聚,晚上十點仲未Dinner我就決定去韓一Order 二人套餐$168*韓國石頭鍋飯*文廸話要豬肉, 拌上生蛋及辣辣地的醬汁, 但我覺得唔夠辣, 都OK, 不過就唔可以話好好好味!*香蔥煎餅*有蔥味的煎餅, 都係OK*韓式水餃*一鍋有4隻, 餡有肉碎/粉絲/泡菜, 湯底好清, 有白蘿蔔, 因為太熱, 就等一陣至食, 鍋內水餃皮已自動溶化, 水餃內的汁已流晒出來, 未掂過啲水餃, 湯面已有泡菜汁係面, 其中三仲要貼在一起, 分唔開, 最係攪到溶溶爛爛*前菜六小碟*都幾好食總結: 中中

試了:--豬肉湯烏冬-石頭鍋雞飯-煎蔥餅-湯餃子-凍野莓蜜(淡淡的...飲熱茶好過)-凍柚子蜜味道港式feel; 唔通... 要食比較地道的韓國菜非要去銅鑼灣不可?!最欣賞是:-小碟前菜中的黑豆-煎蔥餅(好味香口...不過都仍然是不太韓式)-每台都有一保溫瓶熱茶價錢ok合理, 雖然沒什麼驚喜但間唔使也可以幫襯下的...去九龍城還是食泰國菜/打邊爐比較出色...

本身是不喜歡韓式食物的，一來不鍾意韓國，二來很憎泡菜。但今次來吃石頭窩飯，卻感到驚喜。點了兩個2人餐，有幾多食物選擇。各選了個石頭窩飯，及每個餐都有前菜呀，炒野呀，放滿了整張桌子。當然是先來前菜。起碼都有7-8小碟的前菜，都是韓式風味的泡菜呀、豆腐呀等等，由於韓式味道不甚濃烈，所以我也未至於感到反感。再來是雲吞煲和人參雞煲。兩者都熱辣辣，也不辣。雲吞煲內的雲吞是一般貨色，而且很易爛，但個湯幾好飲。而人參雞煲內的雞應該都有半隻，感覺幾足料，個湯飲落都有陣陣人參味，不俗。然後有炒牛肉粉絲及泡菜煎餅。炒牛肉粉絲太油，吃落很濃味，個人覺得是下了不少師傅。泡菜煎餅不行，其一原因有本人不喜歡的泡菜外，也煎得頗濕，食味大減。主角來了，是豬肉石頭窩飯和招牌石頭窩飯。兩者都是上臺時由店員幫手落蛋搞，有Gimmick，亦聞到好香的飯味，實在能增加食慾。吃上一口飯，發覺很有咬口，而且也有飯焦，吃落又脆，好味道！最後的炒雜菜又是很油，也不好味，總是覺得怪怪的，由笑面降至OK面了。一大班人來吃都不錯，但不會特登來Encore了。

因為九龍城太多開飯熱店，最後因為伙伴皮膚不舒服不想吃海鮮，改吃石頭飯。此店的門面比起周圍的一眾舊食店吸引，入到去發覺裝修亦是比較時尚，感覺闊落。坐下後，馬上點了石頭飯(雞肉)﹑蕃茄湯牛肉辛辣麵(中辣)﹑炒粉絲(小)。先來六小碟前菜，其實沒有特別，豆腐味道很港式，而泡菜偏向太淡，可以再濃味點剌激胃口。石頭飯來了，服務員替我們攪拌，熱煙四起，但不覺得太香。雖然已下了雞蛋和醬汁等攪拌，但飯除了熱卻幾近吃不出醬料味道，幸好雞肉尚算可口，所以整體上石頭飯一般。正在憂心食物質素時，服務員端來湯麵，卻比想像中大碗，有點驚喜。麵條較淋，沒有即食辛辣麵那種較硬的感覺，不過還算不錯。湯底是有少許蕃茄，但整碗湯甚至那少許蕃茄也只有很弱的蕃茄味，可能給辣味覆蓋。雖然係咁，我依然覺得成碗麵幾好食。後來炒粉絲(小)來了，又有驚喜，因為份量又比想像中多，這份量本來以為是(大)的份量。粉絲算爽口，而且有牛肉及其他配料等一起炒，使粉絲味道不會單調，不過有點似炒牛河的味道。粉絲和配料的比例亦剛好。如果可以加少少辣去炒可能會更好吃。服務員不用加茶，因為茶壺已經在桌上給我們自加。當晚週末黃金時間也坐不滿。總括來說，食物算一般