Video
Opening Hours
Mon - Sun
11:30 - 15:00
18:00 - 23:30
Above information is for reference only. Please check details with the restaurant.
Signature Dishes
是次晚餐: 四人set dinner (2 個) 及 炸雞 (一碟).整體食物算唔錯, 炸雞都唔會炸到很乾, 有肉汁. 泡菜餅香口. 炒米絲較鹹.石頭鍋飯都幾香. 泡菜湯好辣 ( 但...唔夠香)
continue reading
今日輕鬆D，可以過九龍城食LUNCH。由土瓜灣行過去，大約15分鐘左右。呢間嘢係同事介紹，我地得兩個人坐卡位岩岩好。款式都係常見個D，所以無點猶豫就擇左生姜牛肉飯，餐飲叫左熱咖啡提一提神。佢用鐵板盛起D菜同牛肉，甘就可以保持住溫度同有燒焦既效果。個餐整體有D油，但味道OK。牛肉吾會太韌，反而有D鬆軟。去到吾洗排隊，但入面既位係FULL哂，所以黎食，可能要排一陣。
continue reading
很久沒有食韓國菜，家人提議去九龍城食，滿心期待。訂左七點，準時到。因為天氣太熱，一坐下就覺得無冷氣，侍應小姐放下餐牌就離開等左十分鐘，坐位上方冷氣突然開放，原來一早目無表情（好似本人欠佢好多錢咁）嘅侍應小姐係聽到，只係無示意收到。跟住點菜我哋點左一份套餐，純豆腐海鮮湯，一份厚切五花腩、一個蔬菜籃。首先上前菜，一見到已知今晚餐飯危危乎，唔荒好食。連韓菜最基本嘅泡菜都咸到苦嘅😨😱之後所點嘅菜陸續送上,更大鑊😩首先係一味得油但無味嘅炸醬面，之後炒什菜咸到苦，入唔到口，豆腐湯只係用百福豆腐，蝦又霉，蜆又䗌，成碗湯除左䗌味，乜味都無薯仔排骨湯更過份，只有羗味五花腩同蔬菜籃係原材料，無須加工，所以還可以。總括嚟講，未食過啲咁超勁難食嘅嘢😡😡😡😡😡😡😡免費都一定唔會再去，太過份，毫無誠意經營嘅餐廳
continue reading
同事放工後決定一試韓一, 坐大玻璃窗隔離風景望大馬路, 坐位舒服!服務生勁有笑容, 不時幫我地加水!ORDER左炒粉絲,煎餅,排骨薯仔鍋, 芝麻雪糕!超級推介煎餅! 夠熱夠脆! 芝麻雪糕都好正, 唔太甜有香濃芝麻味!粉絲彈牙, 薯仔鍋入味, 總體所有食物既水準唔低.值得一提, 前菜夠多, 款又多, 蜜豆同薯仔最得我心, 而韓國國菜- 泡菜都好好味!唔太辣!順手再提餐廳衞生唔錯, 連TOLIET.. 都係..去九龍城食得多泰國野又或者係其他地方等得太耐, 絕對推介E間餐廳一試!
continue reading
朋友話想食韓國菜, 我之前聽朋友講九龍城韓一唔錯, 今次聚會就黎韓一試試啦, 反正大家都未食過...入到去見格局同平時韓國菜好似有d唔同, 佢好光猛,簡約裝修,帶點韓國色彩,入到去好舒服,我地坐樓下, 佢坐位係好似一格格咁間開, 好似一間間獨立既小房咁, 幾鍾意個環境, 同朋友傾計都好似有個小小私人空間咁,幾好...佢度可以韓燒,不過我地今次食韓菜先, 好幾樣野都想食,又唔敢叫太多食唔晒, 四個女仔..最後叫左一個二人餐同加兩樣野食...二人餐有前菜, 炒春雨, 豆腐鍋, 石鍋飯,飲品同甜品...其實佢都有好幾款餐揀...我地再加左煎餅同薯仔排骨鍋...泡菜有十小碟, 每樣都試少少, 覺得個紫色薯蓉最好食, 薯條都好爽口新鮮, 仲有菜心,茄子,豆腐都ok, 唔會太濃...清清地開開胃先...主打緊係要試試個傳統豆腐鍋, 入面有泡菜,豆腐同豬柳片, 先飲個湯, 少少辣,相信就算唔食辣都會接受到, 有泡菜帶少少酸, 有少少似冬陰公味,幾討好, 豆腐熱辣辣又滑, 豬柳片都係新鮮的, 唔錯丫...份量都夠我地四個食...石頭鍋飯都係食韓國野必食啦, 我地揀左雞肉, 排得好整齊, 有蘿蔔絲,木耳絲,雞柳,大豆芽咁...待應姐姐幫我地將醬料同新鮮雞蛋撈埋, 撈下撈下..熱辣辣香噴噴..聞到已經好想快d食...仲有d飯焦...正...味道剛好, 仲食到有少少薑味係入面,香口,加埋飯焦脆脆地,唔錯呀...炒春雨, 好奇係咩黎?原來即係炒粉絲, 我地正想食, 個餐入有更加好啦, 本身係用牛肉炒,因為我地少食牛,佢可以比我地改豬肉,good...入面有韓國粉絲,芹菜同木耳絲...都還可以,可以炒返乾身少少, 可能我唔愛芹菜,唔落芹菜會更好...香蔥煎餅,都係我喜愛既韓菜一款, 叫左個細, 切開六件, 一黎見個樣煎得幾靚, 食落唔太油膩,脆脆,又有蔥香,夠香口, 讚!排骨薯仔鍋, 有碗飯跟,排骨食落都係新鮮的, 燘得夠淋同入味, 食落唔會散開晒,唔錯, 薯仔大舊,都入味,好味, 讚!我地覺得份量岩岩好, 加上有甜品係芝麻雪糕, 唔知咩牌子呢? 個芝麻雪糕好似特別香濃, 唔太甜, 幾好幾好...飲品除左汽水可以揀之外都仲有柚子蜜,紅棗蜜果d揀...大家都覺得今餐唔錯, 價錢合理,黎到九龍城唔一定食泰國野,食韓國野都估唔到有驚喜, 值得一去
continue reading