韓味家 (Closed)

星期六夜晚叫外賣，突然想食下韓國菜就試下依間啦，以下係我地嗌既食物：炸雞無骨大大舊，外賣送到黎仲有啲脆口，落醬汁又一啲都無手軟唯一差少少既係肉唔係好滑，但咁既價錢同埋咁大舊，真係好surprise飯卷略嫌少飯同埋醃菜味唔夠出，不過有啲人可能鍾意餸多過飯既。味道就係平均值我之前無食過辣炒年糕，無得同其他比較。年糕正常發揮，辣醬唔太辣，魚蛋有少少魚腥味（唔係臭果隻，係有魚味既感覺），唔知韓國魚蛋係咪就咁既味呢？依個食落口有少少焦香，邊位仲有少少脆，同埋我幾鍾意佢個粉漿整到有少少煙靭既感覺，講真比起出面食開果隻更好味！總括黎講，咁既味道我好滿意，加上咁既價錢，真係無得彈！見依間小舖無乜人寫食評，特登寫個支持下

紫菜包飯（$38），有牛肉，紅蘿蔔，蛋，青瓜同醃蘿蔔，但除左醃蘿蔔之，其他無咩味道...可能無醬汁既關係，入面既材料都偏乾，一般...而炒粉絲（$32），有洋蔥，紅蘿蔔，黑木耳，蔥，但也不夠香口。和炑八的差太遠了失望😢

原來呢一間真係韓國人開嘅店今次試咗佢哋嘅韓式年糕同埋泡菜煎餅-泡菜煎餅-比出面嘅泡菜煎餅真係平好多又好夠味 多料 鹹味適中適味真係滿分-韓式年糕-一份有年糕同埋魚餅好入味又煙韌 又唔會太過辣因為兩位韓國姨姨好可愛所以點都要邊食邊打食評真係好好味道如果大家喺附近行過式都者住喺附近嘅街坊過嚟支持下佢哋 價錢真係好相宜 性價比好高(香港出面餐廳啲泡菜煎餅都要一百蚊起跳 仲要唔夠味又唔好食)希望大家支持下小店 難得有外國人喺呢啲屋邨地方開店好難得

正宗韓國人煮既韓國菜早前過嚟呢度食已經好鍾意佢哋仲未有OpenRice 終於都可以出post啦佢個飯真係好好食呀！味道夠晒正宗 得嚟又夠抵分量絕對冇偷工減料個炸雞食落去好juicy個炸粉一啲都唔厚絕對值得一試誠意推介！