韓式風味

Open Now

Now Closed

落單之後等咗九個字先開始有嘢食到等半個鐘催咗一次 開頭以為冇落單個waiter係咁話落咗落咗等陣等陣根本外場0人手仲要係走埋去counter同佢講先有人應一味係咁叫啲人入嚟坐滿晒啲嘢食就一碟都未到嗌個冷麵同紫菜飯卷有乜可能要45分鐘勁似係等齊某個數量先開始整😅（低能 見隔籬枱等咗三個字就有）完全唔知做緊乜，外場可以15分鐘完全冇人？斟杯水都唔知搵邊個😅全場得個阿伯斟茶遞水，仲要成個路人咁，連件正經制服／圍裙都冇，喺度遊吓遊吓又遊返入廚房，如果唔係見佢突然消失又出返嚟，仲以為佢嚟食嘢🙃啲嘢味道好普通 雖然唔係話特別貴但我比呢個價你嚟嘥我時間 完全唔得🙂🙂🙂一係就請多幾條友做晚市一係就等摺唔好浪費大家時間🙏🏻

本身都諗住算架啦，但愈諗愈激氣，所以都係想寫出黎，個日晚上差唔多7點，出而好多地方都要等位，見依家野唔洗等，入面仲有好多位，我同朋友就坐係卡位到睇吓menu諗食乜，最初店員妹妹仔都比左杯水我哋咁，隔咗一兩分鐘，有個阿嬸同妹妹仔講幾句後，個店員就走黎同我講煩忙時間，我哋唔可以坐卡位，要我哋搬細枱，我即刻火到黎，明明個店都冇咩人，好多枱剩，咁都要迫我去細枱（利申我哋有2個人，身型都唔細😅），咁都要迫我坐細細枱，我都真係搞唔掂，最慘係有啲兩個人既都係黎冇耐就有得坐卡位，咁係咪歧視我哋先，真係即刻起身話「好呀」，咁我就走左啦，激到我一肚氣，真係對依個店冇期望，要放長雙眼睇

圖片同實物兩件事！！！！伏到覺得浪費曬錢諗住新開張捧場，入到去價錢俾平時都貴，唔緊要，好味都OK 。一上菜同frd都話咩黎咖我地嘅咩？原來係韓式年糕，又細碟味道還真的好一般，哎 不如用心研究下再開舖？

食完覺得俾人呃錢，真係要寫出嚟提吓街坊唔好中伏。我同屋企人第一次試呢間餐廳，叫咗比較穩陣嘅人蔘雞湯飯同海鮮大醬豆腐湯飯。食物一嚟到，完全貨不對版，個人蔘雞好似一碗清湯咁（見圖），同menu上嘅完全兩回事。重點係一條人蔘都冇！一邊食都仲一邊諗會唔會係喺個底到，但食到底都係連條人蔘鬚都冇！其實個碗好細，一眼睇哂～同埋晚餐嚟講，份量絕對唔夠～仲收$98⋯⋯已經唔係多同少嘅問題，係冇！當menu的相片同文字都有時，而真實貨品係冇，其實係違反商品說明條例。至於啲雞，係細雞，好少肉，好似煲咗好耐（因為啲骨一咬就碎），味道普通，主要係味精調味。同華心間韓國嘢比，真係覺得人哋比較老實，起碼有人蔘同有有肉嘅雞。而海鮮大醬豆腐湯飯就係麵豉湯咁嘅味，12蚊店一pack幾包沖水嗰啲麵鼓湯，出面食嘅大醬湯絕對唔係呢種味，不過起碼好過個人蔘雞，叫做有啲雪藏海鮮。大家可以直接睇相會比較客觀，有圖有真相。

偶然經過見到新開食店，以試食心態試試，一進店，員工態度有禮貌，有熱誠；安排坐位後立即逢上茶、前菜，餐廳用QR Code落單，1個人點咗炸醬麵同紫菜飯卷；炸醬麵，味道一般，質地好黏，仲有啲過鹹紫菜飯卷，味道唔錯，可以選擇牛肉、豬肉、吞拿魚、芝士或者泡菜，今次就試咗豬肉，下次可以試吓其他

牽晴間內食店不多，兩間茶餐廳，1間泰菜，1間薄餅/意粉快餐，1間酒樓，1間好細既米線店。韓食應該係第一次見，滿心期待！好幾次都想入去（晚市）都坐無虛設，終於今日可以帶埋囡囡去一試，坐位及環境都算舒服（之前係西餐廳）應該換左枱櫈同番新左廳面。海鮮大醬豆腐湯賣相就好一般，海鮮有十隻花甲左右，魷魚鬚，金菇洋蔥大蔥百福豆腐，咁道好合理，味精亦唔重手（本人既準則，係食完唔會超級口渴），感覺及賣相都係家庭式韓食。紫菜包飯（豬肉）我覺得呢樣算幾好，有唔同肉類可選擇，飯卷食材亦好豐富：青瓜，黃蘿蔔，紅蘿蔔絲，甜蛋，油揚（腐皮）及豬肉，有麻油香味，食材亦開胃。BB女都食到，個豬肉片睇落橙色/但冇乜辣味。炸雞/加大（蜜糖芥末醬）賣相.......，外皮偏厚/味道正常，雞球炸得普通，唔係好juice，點解強調雞球，韓式炸雞好多舖頭都會用雞件，呢度用雞球加上個賣相都幾扣分！個蜜糖芥末醬就正常開胃。（細份應該係$58左右/＋$52就係大份）6件及12件分別。午餐既飲品：熱飲＋$8，凍＋$10，打埋係個午餐內/一個價show係張單。論價錢非常合理，味道同價錢成正比，55/100。

未食過咁難食嘅韓國菜😓 超失望 總統嚟講成餐飯除咗飯前上嘅泡菜以外 冇一樣材料可以稱得上係「韓式風味」 😑 從來唔寫食評 但真係唔想其他街坊中伏 幫襯啲咁嘅餐廳新舖開張試業去捧下場 堂食點咗個冷麵 點知食成兜橡筋咁 完全咬唔斷 仲要好黏口 好似放咗成日咁🤢撈麵用嘅辣醬 有臭味 我自己求其係超市買樽醬整都好食過佢（利申 真係煮過 好味過佢十倍）留意到所有牛肉（例如石頭飯）都係用一模一樣嘅 大陸鞋口肥牛👎🏻另外樓面態度都好唔友善 （我去嘅時候啲姐姐係講大陸口音嘅廣東話）如果以後都係咁嘅質素 會寧願唔食好過幫襯囉

第一次去新店試食韓菜，店員很有禮貌，收工約埋鄰居三人行合共試了五碟，第一次食到熱辣辣泡菜餅，友人讚不停，炒年糕好惹味，炸雞粉漿不厚，肉質嫩口，紫菜包飯，飯軟度適中😺😺😺