順發粥麵家

Open Now

Now Closed

係附近睇完中醫肚餓，誤打誤撞就入咗呢一間粉麵舖，咁就揀咗雲吞麵加一杯熱奶茶。果然傳統小店係有自家特色。呢間嘅雲吞麵嘅湯底都幾清甜，就算食完個麵都會舀多幾啖嚟飲。啲雲吞都係自家包，入面蝦嘅份量都多，夠彈牙同好有咬口。

#每週一間之前未食過嘅老店 | 📍鄰近朗豪坊 | Let's support 街坊生意~~招牌水餃麵 ($34) 一碗共有三隻水餃。餃餡偏結實，內餡嘅蝦肉爽口彈牙🦐，餃型偏長，人手包餃（收銀旁邊張枱上見到有一疊疊餃子皮，另外有生餃賣呢）。麵量偏少，但其實就係普遍雲吞/水餃麵既麵量。食量少既人會覺得啱啱好。๑⃙⃘ 嗌咗凍檸茶同凍奶茶味道偏甜，建議嗌少甜。๑⃙⃘ 有粥賣、有剩餃揀，總結選擇都偏多貼合唔同人口味๑⃙⃘ 地理位置近朗豪坊，位於旺角街市內。

今日去廣東道工作。約咗客仲有半個鐘頭又肚餓。隨便周邊搵一間雲吞麵舖食。想不到在旺角廣東道食到間咁特別嘅雲吞。雲吞蝦好爽。爽得嚟冇梳打粉味。味道鮮。比好多出名店舖雲吞麵都好。值得去再試

4/5I think I just found my favourite wonton of all time, can’t wait to go back and try all of their items! Cuttlefish ball is a little too sweet and flourly to my taste. I like their chill oil sauce too, a mix of chilli bean sauce and chilli oil. But careful is very spicy to me.

同朋友晚餐一共嗌左牛筋河同魚蛋米🐮🐟。一開頭見到鋪面裝修好舊，以為冇人幫襯，野食唔掂，點知唔係。以三十幾蚊既水平黎講，佢既份量足夠，味道不錯👍🏻，性價比高。而辣椒油更是有驚喜，相信是廠商交貨後餐廳再加工製成。

黎到旺角街市買菜，順便醫下肚，見到呢間粉麵檔，就即刻試試。嗌左個 水餃河，水餃飽滿好食，河粉滑流，加入醋，加添風味，正！環境有點舊，但算衛生的！但新種舊式粉麵店最食味道食感覺，不錯

今日又黎食個下午茶 牆上玻璃餐牌無牛腩嗰D反而台上餐牌有牛類即刻嗌左個牛筋腩河試下好好食啊！河粉幼身滑流而且牛腩不肥牛筋彈牙有滑滑的可吃到五香味薑味環境細細但好旺場

旺角街市原來有檔麵檔架食左個招牌雲呑拼墨丸河單拼27蚊雙拼加10蚊37蚊感覺有d貴雲呑係唔錯，蝦唔算大隻，但都幾爽，味道唔差墨丸幾爽口，食到粒粒墨魚粒河粉就唔夠滑啦

到砵蘭街買配件, 順便覓食.   此店門面一般, 但食物郤令人喜出望外.點了一碗豬潤米, 有四片豬潤, 每片也如掌心般大, 厚度也有半厘米,  有嚼勁.  這裡不如其他的店伴以大量薑絲, 好像只下了點酒. 郤也一點也不腥. 可能用料新鮮吧.   湯底清甜, 也沒有加了大量味精.我一面吃米粉, 一面大啖大啖的飲湯.  真满足!  

上成的水餃麵, 由麵, 湯, 水餃配合, 缺一不可, 這家做到了.幼麵彈牙有蛋香, 略帶鹼水味; 湯頭由大地魚熬製, 味香而不嗆喉, 再加入韮黃同蔥粒, 做法傳統鮮味十足. 水餃以料取勝, 木耳, 冬菇, 鮮蝦配搭爽口, size剛好一口一隻!奶茶亦非等閒之輩, 香, 滑, 濃集於一身.$29雖似是貴了一點, 但物有所值.

星期六下班, 又是我尋找隱世的味道既時間啦. 今次, 路過旺角, 想買少少野, 係旺角咁旺既地區有什麼隱世呢. 大家不妨向廣東道渡船街方向行. 過了上海街, 就是旺角的隱世地帶. 同彌敦道以東相比是另外的一種繁華.廣東道, 找來一間平凡的麵店. 天時熱, 不想走來走去深入尋寶. 就近來一個雲吞麵. 快快充飢. 既然是雲吞麵專門店, 就當然來一碗招牌貨. 細蓉一碗.先說說店子, 對比樓下太公小姐形容的環境同事物. 此店應該在她光顧過後, 進行過裝修. 現在店子光猛, 有個彩色印刷的餐牌, 員工亦著上印有店名的Polo恤. 令人感覺佢地管理上, 有版有眼.先送來消暑的檸檬茶, 再來是碗碗帶有香氣的雲吞麵. 來啖麵, 帶啖湯汁. 鹼水味道重, 不是人人啱的, 然而, 這就是傳統雲吞麵既好味之處, 就是滑滑的鹼水, 有鹼水味不是什麼, 只要不是過份的重, 其實都不錯. 雲吞, 不用多睿, 也是傳統帶著香口麻油蝦子香味的肉雲吞, 不過豬膏重手左少少, 雖是肥美但食落好油.傳統手藝, 值得稱讚的. 旺角廣東道一帶, 非常之平民. 有心找, 一定找到又好食, 又街坊的好店.

太公又唔爭氣，又試病。實在沒有胃口，路過旺角街市一帶，就進了順發，要了碗皮蛋瘦肉粥。聲稱是生滾粥，要等；等了約十分鐘，粥才來。的確應是生滾出來；粥底本是無味，只含肉絲的香味而已；質感不像其他粥店般，很杰身的那種；反而很像媽媽自家煲的粥，還看到一粒粒沒完全溶爛的米粒。只略嫌未夠火候，米粒不夠溶爛才不夠綿，但米和水的比例剛好；而且沒多加味精、調味或其他添加物料，吃罷完全沒有喉乾舌燥的感覺，真好。而皮蛋砌成薄薄的一片，放在口中微溶，也有蛋香；加上具鮮味的瘦肉，配在粥裏，味道簡簡單單的，做出了一碗粥最基本的味道，不多也不少，對一個病人來說，其實最需要這樣的簡單。香港實在有太多的粥店，愛在粥裏加味精了；要我選，我寧願要這種簡單的味道，多於那種，強行加了味精或其他添加物而「做成」的又綿又味道「豐富」的粥– 誠然，若是用真材實料煲出鮮味和「綿」的質感來的粥，當然更好。此店主打其實是粉麵，我看到不斷進來的街坊都是來吃麵的，似乎不錯；下次有機會重訪，一定要試試。