風月堂 洋菓子BAR (Closed)

現在電影院除了設有小食部外，還有熟食甜品販賣，滿足看電影的觀眾需要，非常適合匆匆忙忙的我們光顧。風月堂和菓子Bar既有零食小吃賣，亦有意粉，班戟和窩夫選購。黑松露忌廉雜菌湯真是妙不可言，我超推薦大家一嚐。黑松露忌廉雜菌湯即日新鮮熬煮，黑松露的清幽從湯裡釋放出來，每一口都喝到雜菌的顆粒，層次感豐富，大飽口福。煙三文魚意粉忌廉醬汁香濃不油膩，煙三文魚的滑溜鹹鮮十分討喜，意粉彈牙極致，並加入蘑菇和黃椒，意粉色彩繽紛，且增添了一番清新感。巴馬腿法蘭克福腸帕馬森芝士長通粉可謂經典口味意粉之一，帕馬森芝士醬汁拿捏剛好，濃郁芝味令人食指大動，巴馬火腿鹹香可口，法蘭克福腸彈勁十足，長通粉吸飽醬香，教人回味無窮。全晚重點非香蕉朱古力雪糕窩夫莫屬，先說朱古力雪糕，它採用了名牌雪糕之一Movenpick，而且是一大球，光是這點已超值。酥脆紮實的窩夫配上百搭的香蕉，佐以忌廉，塗上些許朱古力雪糕，窩夫風味甚佳，即使吃畢窩夫，窩夫在口腔的香氣仍在，餘韻無窮。朋友覺得窩夫跟平常所吃的很不同，於是詢問店員，店員說窩夫機都是餐廳特意從美國選購，此機溫度上與脆度調控跟坊間的不一樣，難怪窩夫口感，味道如此特別。

鑽石山荷里活廣場3樓戲院入邊，原來有間好味日式餐廳—風月堂 洋菓子BAR！以前一直以為佢只係賣小食同埋爆谷，原來仲有唔少嘅食物選擇，仲可以堂食。包括有一系列嘅西式意大利粉，鹹嘅同甜嘅法式pancake，同埋甜品嘅窩夫。我哋要咗一個芝士法蘭克福腸意粉，另外加一個芝士雞肉法式pancake。我哋冇叫窩夫，因為怕食唔晒，但係真係好吸引呀，詳細睇仲知道原來窩夫機來自美國，下次一定要試吓。我本人都係日式西餐嘅fans，見到師傅曾到日本學習，即刻心心眼。真係好好食呀！其實除咗嘢食好味之外喺呢度坐個環境都好闊落同埋輕鬆真係唔錯。

我同我朋友啱啱睇完戲就見到附近有間幾好嘅Cafe於是就試吓佢。啱啱睇完戲真係好肚餓雖然個Cafe係比較入但係個感覺幾好而且有我鍾意食嘅pancake同埋窩夫。我同我朋友一共叫咗兩個意大利麵，同一個甜品加兩杯嘢飲～～呢個鴨胸忌廉意大利麵係出奇地好味，意粉佢嘅質地唔係好似茶餐廳嗰種放咗一千年，然後發曬脹嘅意粉，而係食到少少煙銀嘅口感實在係Cafe之中好難得。鴨胸肉當然就係我哋最想見到嗰啲啦但係佢都叫做有少少份量而唔係薄切切咁樣而呢一個就係溫泉蛋煙肉忌廉意粉，溫泉蛋真係無可抵抗嘅招牌項目，就算放落邊度都會好好食，但係意大利粉上邊呢就可以增加菜式嘅濕潤度同埋增加呢個香味叫咗一杯生薑茶同埋鮮橙汁，雖然平時食意粉唔會咁叫，但係係凍冰冰嘅戲院度出嚟，我都好想飲番啲熱野

今日同朋友睇戲之前食少少野先，見到戲院前面有一間細細地嘅餐廳有pancake，甜品食好吸引😆我哋叫咗一個意粉兩份分，煙三文魚意粉 ($60) 因為冇明火既關係，意粉係先煮定，食落口感比較冧，但係個汁就真係唔錯，好香嘅忌廉味☺️之後三樣都係crepe同甜品，除咗日本之外香港真係好難會食到。首先叫咗肉鬆紫菜沙律班戟 ($54) 個皮帶點脆，又有少少煙韌，一邊包住紫菜，肉鬆同埋生菜，味道不錯。都係甜品控既我哋揀咗兩個甜品，係香蕉朱古力雪糕窩夫 ($49)同鮮果法式班戟加雪糕 ($49+$10) 窩夫烘得好脆，朱古力味都幾重，熱辣辣嘅窩夫配上冰凍嘅朱古力雪糕係十分享受！另外我自己更加鍾意係呢個法式班戟，最鍾意係塊皮，香得黎煙煙韌韌，好好好好食！另外雪糕揀咗movenpick既焦糖脆脆，夠哂份量😻 整體來講甜品係絕對優勝！

平時睇戲都唔知食咩好，今次朋友介紹一間係戲院門口的店鋪，地理位置一流，食飽就可以行入去睇返場戲煙三文魚意粉($60) - 都好足料，大大分意粉，滿足十足，又唔會太cream。我地share食就覺得剛剛好。肉鬆紫菜沙律班戟 ($54) - 咸咸地不會heavy，又有生菜配搭，脆脆地另一番風味。唔好甜的人就可以選擇尼款香蕉朱古力雪糕窩夫 ($49) - 好脆的窩夫，唔年太甜加上小量朱古力醬，令你十分難忘，朱古力雪糕偏苦帶出陣陣朱古力味鮮果法式班戟加雪糕 ($49+$10)雪糕大大粒好夠分量，不過偏甜。班戟好夠脆脆，咬落去脆卜卜。藍莓茶 (+$13) 今次冲架是藍莓茶包，第一杯藍莓味濃郁，之後再加多次熱水，有第二種風味，有種淡淡的甜味透出來

今日同阿仔去荷里活廣場睇反斗奇兵，由於我哋早左去，又咁岩見到戲院裏面有一間食甜品嘅小店，牙仔見到櫥窗嘅甜品都唔捨得走，即管就去食下囉！牙仔就急不及待叫咗香蕉船！香蕉船可以自選三球雪糕， 有十幾款俾你選擇！起初覺得價錢係貴左少少，但係發現原來他們嘅配料雪糕都係用比較好嘅材料，雪糕好食！絕對唔係行貨！而我就叫咗個香蕉朱古力窩夫，窩夫好香，香到隔離枱都話要去買返一份！外面有少少趣入邊仲係好鬆軟！配返一球極香濃嘅朱古力雪糕，10分滿足！食完仲去問下員工點解咁好味，原來佢哋部窩夫機係專登喺美國訂返嚟，粉漿亦都係精心調教同埋用好嘅材料！我哋仲叫咗杯鮮橙汁同埋即磨咖啡！這杯鮮橙汁可能新鮮嘅關係酸了少少，牙仔唔鍾意，佢鍾意飲好甜嘅橙汁，不過對於我來講就啱啱好！咖啡味道都不錯呢間甜品店開喺戲院旁邊真係剛剛好，非常滿足

係商場買完飛仲有一個鐘有乜做？見買飛處旁邊正正有一間餐廳，望落唔錯又就腳即刻試試佢啦！係唸緊食乜既途中店員推介食窩夫，因為佢地既窩夫機係黎自美國，而師傅去過日本學野既，雖然講到咁！不過是日又唔想食太甜，下次有機會既！芝士煙雞胸法式斑戟友人試左芝士煙雞胸法式斑戟，咸味的斑戟其實都別有一番滋味架！呢個戟份量好多，餡料也很足料，包括大量生菜絲，雞胸肉和沙律醬，外面的斑戟皮系即烤既，蛋味濃欖油菠菜白菌蜜糖豆蜆殻粉本身我以為係會一條條菠菜放入去，點知係整成容！好有驚喜 入面有白菌同蜆肉 食落更加有口感總結，睇戲前有時間不妨試試

自從調左去新蒲崗返工之後，下班後間唔中都會過嚟荷里活廣場行下。今日收工約左老公去 3 樓嘅「百老匯」睇戲，原來售票處對面有間「風月堂 洋菓子 BAR」，見反正仲未開場，提議坐低吃頓 early dinner 。餐廳以供應甜點及輕食為主，環境唔錯，既清靜又夠開揚。店舖採自助形式，客人要先去櫃檯落單，然後等店員叫號碼，再自行拿取食物。先坐低研究一下餐牌，食物分為四大類，包括有法式班戟、法式窩夫與雪糕新地、輕食意大利粉套餐、烘包與小食，另外亦有一系列飲品等供應。聽員講，店裡的窩夫頗受食客歡迎，皆因窩夫機來自美國，而且師傅曾到日本學習，所以對窩夫嘅製作，特別有心得。見店員講到啲窩夫咁吸引，本來都好想試下，不過實在太耐無食過班戟，所以最後我都係揀左份鹹食班戟，而老公就揀左客煙三文魚意粉，再配飲品。吞拿魚粟米沙律班戟 ($54)、凍檸檬茶 (+$13)，班戟摺成三角形，用硬身紙袋裝住，拿上手時仍熱辣辣，而且材料下得非常慷慨，入面夾滿吞拿魚碎、粟米粒、生菜同沙律醬，外皮咬下充滿蛋香，加埋豐富的餡料，食落口感好 rich。至於老公點的煙三文魚意粉 ($60)、橙汁 (+$13)，味道亦唔錯，意粉份量十

今日去到荷里活廣場的洋菓子餐廳， 點了兩款意粉~ 白汁蘑菇鴨胸意粉和煙三文魚意粉。 由於餐廳位於戲院旁邊很適合睇戲前後去食，餐廳以自助形式為主，客人付款後按收據號碼自行領取食物，通常這類餐廳是不會限制客人入座時間，客人可以放心閒聊。每款意粉為$60,以這價錢來說，食物質素，味道已經很好。坐的位置亦很寬敞，很適合和朋友一起相聚。餐廳的櫃位主要展示窩夫， 班戟，而餐牌上亦有多款甜品可供選擇，相信甜品才是這餐廳的主打。除了窩夫外還有各款不同的飲品，花茶，三文治，Movenpick雪糕可選擇。如果在這商場購物逛得很累的時候， 不妨在這餐廳食個甜品，休息一下。

成日睇戲都食唔切野，要餓住個肚睇，睇都睇得唔暢快，有左洋菓子Bar就唔會餓親啦！車厘茄蜆肉意粉，有意外驚喜，茄味濃，汁夠多，條條意粉都掛有香濃的茄汁，車厘茄好甜，蜆肉數量都唔少，正！蟹柳鴨胸絲拿破侖長通粉無論青椒，鴨胸絲，蟹柳，蕃茄都切塊大小均一，加上不錯嘅調味，令口感倍增。香蕉朱古力雪糕窩夫唔好睇佢窩夫薄薄的，原來窩夫機黎自美國，師傅都曾到日本學習，所以窩夫不似一般的厚身，外脆內鬆軟，做飯後甜品，一流！鍾意食movenpick嘅朋友，仲可以加$10換Movenpick的雪糕球。飲品都好多選擇！

鑽石山嘅荷里活廣場係一個我同老公都經常會去嘅商場除左因爲近屋企之外泊車優惠多仲有就係因為佢有戲院！次次黎搵野食都望一陣個水牌好幾次都望到呢間風月堂但係又硬係搵唔到佢喺邊今次黎睇戲終於望到佢原來就喺戲院賣飛counter對面！真係禾桿cum珍珠！離遠望見到有好多芭菲pancake嘅擺設唔知以為佢淨係做甜品行埋去望真d先知原來有意粉menu架好多選擇仲好抵食添一個意粉加埋飲品只係$60！我同老公兩個今次就揀左一個紅汁加到個白汁嘅意粉本身仲驚會唔會好細份但原來份量都幾足夠！本身諗住追加一個甜品但個胃已經冇位喇兩個意粉汁都好惹味餐廳係比較自助嘅形式但我反而覺得咁樣比較自在因為冇人會追你交枱～以後黎荷里活又多一個好選擇喇

吃得多中餐就想吃西餐，吃得飯多又想食吓意粉。早排喺荷里活廣場睇戲發现咗呢間小小餐廳，今天同朋友行街就即管來試吓D輕食又美麗的食物。你估我記性真係咁好咩，查實係今天搭地鐵扶手梯時舖天盖地的廣告燈箱喚起我的記憶啊點咗嘅主食係XO醬鴨胸意粉，而香蕉船係第一樣睇中嘅嘢，唔可以唔點吖。意粉可謂係中西結合，XO醬微辣，加入意好惹味，吃得開心，而意粉亦煙煙韌韌，好咬口。香蕉船最大賣點係可以叫三樣Movenpick配搭，我哋點咗正常的呍呢拿雪糕，比較少見的楓糖合桃雪糕同埋清新口感嘅檸檬青檸雪葩，perfect。

今晚同男朋友係鑽石山荷里活廣場睇戲兩個早左去買定飛 買完飛望望附近留意到依一間係戲院裡面既 — 風月堂 洋菓子幾吸引咁 於是就決定坐低食埋晚餐車厘茄蜆肉粉加入蜆肉 以洋蔥、蒜蓉、燈籠椒等一齊炒蕃茄底酸酸甜甜 好開胃 味道都唔錯芝士雞肉班戟即點即整 拎上手熱辣辣滿滿雞肉 仲加入左生菜 營養均衡配埋拉絲芝士好邪惡班戟食落香軟帶點脆 好味道蜂蜜生薑茶唔會太甜 陣陣薑辣味養身暖胃之選 唔錯唔錯藍莓果茶放左個茶包一齊泡飲落清清甜甜既果茶

難得放半天假， 約了朋友去鑽石山 hollywood Plaza 睇戲，平日去易買票，位置任揀時間唔夠去飲茶，但又唔想食漢堡包，不知何時在戲院旁邊開了間小型風月堂洋果子 bar，當然要試😀😀位置在角落坐位不多， 通常都是食完趕住去睇戲 ，不會久留本來想食雪糕窩夫，店員推介話部機係美國入口， 做出來的效果特別不同， 因為趕住入場， 匆匆叫了 肉鬆紫菜沙律班戟和蟹柳鴨胸絲拿破崙長通粉，下次再試窩夫班戟好大件紫菜肉鬆餡料多外層烘焙爽脆，入口融化蟹柳鴨胸絲拿破崙長通粉長通粉軟硬恰到好處，配蕃茄醬汁開胃，長通粉特大條，好飽肚柚子茶和檸檬薑蜜記得 like and share 有著數🤗🤗匆匆食完， 便趕住入場了😀😀

買左戲飛，但仲未夠鐘，你會做咩？買定爆谷汽水，食住先飲住先？🥤咩都吾買，等夠鐘入場？⛔️相信大部分人都會選擇以上兩種方法而鑽石山BROADWAY就話我知，其實有第三種就係係開場前，食返個輕食或者窩夫班戟，食飽飽再睇戲，未嘗吾係一個CHOICE呢？.鑽石山BROADWAY內有間「風月堂洋果子BAR」，主打各款窩夫班戟同PASTA輕食套餐，定價合理，由$38至$60之間，而且仲不設加一服務費，有埋座位，食完即可入場，方便又快捷.由於吾係好肚餓嘅關係，我同肥🐽一人叫左一款窩夫同班戟，就冇嗌到PASTA🙇‍♀️.同師傅傾左一陣計先了解到，原來「風月堂」用嘅窩夫機係黎自美國，加深左嘅烤盤，令製作出黎嘅窩夫份量感十足，而且口感偏香脆，吾會軟綿綿，加上師傅曾到日本學習過，無論係製作手法定窩夫味道都同係日本食到嘅好相似窩夫分為四塊，中間係雪糕（原本係芒果味，師傅幫我換成朱古力味），上層同底部都有輕盈嘅CREAM，仲有新鮮水果，草莓醬同糖霜，令口感豐富，增加賣相吸引度.班戟有三類，分為水果，雪糕同鹹班戟。肥🐽就揀左芒果雪糕班戟超薄嘅班戟皮包住芒果雪糕，CREAM 同鮮草莓，食落外香內軟，又好有蛋香.最後以優