飽飽豬

Open Now

Now Closed

叫咗兩碗拉麵，一碗豚肉一碗慢煮雞肉。嚟到之後, 碗拉麵係咁嘅樣，啲湯完全唔係拉麵湯底，麵極之韌，沒有配菜(連蔥花紫菜絲都冇條). 仲有，老闆娘將碗拉麵好大力咁放在枱面（以為得罪佢啲乜嘢)。 雖然佢係平，但係連個咁平嘅價錢都唔值，自己諗吓去唔去啦。

今日中午過左去食個大版燒，間小店人流其實唔多，我入去食時，老闆老闆娘會同我傾計，寒暄一下。我食咗個大阪燒加炒麵，麵身炒得比較乾而大版燒個質感做得好好，夜晚諗住番去再食多個點知佢已經冇晒菜。老闆娘就介紹我食個豚蛋燒，話好似pancake 咁，有啲豚肉片，豚蛋燒好煙靭加埋芝士仲好食。

老實講 唔係朋友介紹 當初都未必會試 平時中伏太多嘅香港人 一定要珍惜這種誠意滿滿嘅小店 我女朋友每次都會點大阪燒同我一人一半 菜絲加上配料在鐵板上煎得香脆 未上菜已經聞到香味 健康之餘亦有飽腹感 加上醬汁 口感味覺一絕 性價比之高 已成為我在這區的首選

我真心認為這間餐廳，無論是就餐環境，食物味道，份量以及價格方面，都是一間一流的餐廳。食物乾淨衛生，味道亦是一流，「飽飽豬」的日式炒拉麵和大板燒不但可以加配其他食材，味道亦是一流，在被名為美食沙漠的馬鞍山之中，飽飽豬猶如清泉一般，食物的份量足夠且價格亦都較為實惠，是無愧於「飽飽豬」這個店名；店內乾淨衛生，就餐環境的氣氛令顧客可以安心品嘗美食；老闆和老闆娘熱情，除了食物和環境，人情味亦是一大優勢。我希望更多人可以品嘗這間餐廳的美食，一流的餐廳應該令更多人知道它的存在。

價錢平民化味道不錯最推大阪燒（配豚肉/肥牛最正，都可以隨心加粟米芝士同雞蛋增加口感）大阪燒都只係35元起跳，不過最好叫豚肉/肥牛即係38元起跳。我覺得又平又好食。牛平燒同蛋豚燒都好食，加芝士超邪惡。呢兩款都係40元起，加芝士都係47元。大阪燒，牛平燒同蛋豚燒調味做得好好，都算飽肚。漢堡扒係自家製的，好Juicy ，可以一試。至於佢哋嘅烏冬同拉麵都係正常好食。佢味噌湯係用白味噌嘅，咁就冇咁鹹，唔錯。總括來說同佢鋪名一樣，飽飽豬和性價比高。

今晚來個不一樣的晚餐-飽飽豬意外地驚喜很讚很讚回味無窮（和風料理）哦吃了漢堡扒蛋飯、大阪燒、鰻魚奄列飯環境很干淨舒服老闆用心的制作老闆娘好nice值得我們再光顧

無意中行過呢間小店見到門口餐牌價錢幾平諗住一試嘅心態入去叫咗雞扒煎蛋飯、豚肉湯烏冬、炒拉麵同牛平燒點知～出乎意料之外地好味炒拉麵同牛平燒最特別拉麵炒得好靚 麵嘅質地都好食牛平燒類似係夾牛肉同雞蛋嘅燒pancake味道好濃郁烏冬都值得推介（小朋友話最好味）烏冬軟硬度恰到好處 豚肉應該稍為煎過 幾香口雞扒飯相對就平凡咗啲 但$48一個午餐絕對對得住性價比（而且份量好足）午餐加飲品仲平兩蚊見到有人買外賣order大阪燒都有興趣試 但已經太飽唯有下次再嚟試餐廳店面雖然唔大 但坐得都舒服有兩個人打理（後來先知係夫婦）老闆娘好細心 又有耐性老闆同老闆娘都好nice仲有同小朋友傾下計整體感覺好舒服、好有人情味

老闆娘同老闆都好nice 餐點亦都唔錯 日式料理食落去感覺上醬汁同飯餸非常之夾，肥牛唔韌之餘食落去非常易入口。每日餐牌都有唔同，但亦都有固定美食餐點。總言而之 非常推薦

行開經過試新野，見到價錢ok就去支持小店啦炒拉麵有得自選既，揀左最穩陣既豚肉+芝士一上枱就好香，豚肉都唔少炒面乾身，最正係食完個底一啲油都無初初以為會食唔晒，點知火速清左😂

馬鞍山成日都俾人稱為美食沙漠,原因無他,只係缺乏現今社會慢慢失去嘅核心價值,唔係嗰樽鹽,而係人情味。喺呢到,你可以搵到高CP值又好食嘅大阪燒同老細自創嘅牛平燒,我就比較大食啲,飯桶梗係食飯,Menu由老板娘親自提筆,日日唔同,平日仲會送嘢飲,星期六日就要另加錢另外仲有小店自製嘅豆漿,嘢食方面最值得一提一定係老細對食嘅執著,肯聽食客意見時,仍然可以保持到水準牛丼雞丼手打漢堡扒仲有完勝連鎖店嘅滑蛋。以蔗渣價錢食到唔止燒鵝味道,無論係咪呢區嘅食客都可以嚟試吓!

馬鞍山出名美食沙漠，而其實馬鞍山富安花園係好多美食小店；而這間係新開港式和食，餐牌每日更新，飯同烏冬都幾好食，因為新開同創新，所以都好特色既店舖大阪燒椰菜燒得幾香，可以+$7加配料牛平燒特色美食，味道好好，班戟味同牛肉味好香，可以再食結論：特色小店，價錢正常，最重要味道真係唔錯，係店舖細，堂食座位比較少，我會覆桌

雖然馬鞍山成日被說成「美食沙漠」但馬鞍山之大，其實懂得到處去找，其實也有驚喜相比起一堆連鎖食店外，小店更有特色，更有人情味，價錢合理，味道好吃，加上可以和店主聊天，這些更是在大商場難以找到的。這間「飽飽豬」位於富安花園，主打港式和風料理，有馬鞍山區少有的 大阪燒、日式炒麵等日式料理，即叫即整，新鮮熱辣。上一次叫了 大阪燒 $35 外賣，返到屋企都熱辣辣，份量大大份，十分滿足。今日再刻意早點下班去吃一個 蛋豚燒 $40，份量不及大阪燒，但很多豚肉，下次可以試試加芝士，令份量更滿足！個人會再次光顧，希望可以繼續小店，繼續有好野食