養心殿台式養生鍋 (Closed)

養心殿正價時段食真係有D貴，通常我地都會係折扣時段去食比較優惠，而且人少食唔到太多野，主要就食牛，同佢地既水蓮同冰菜！如果以7折價錢黎講性價比就相對地高不過始終人多左，食物水準好似有少少下降

已不是第一次到養心殿打邊爐 雖已是大熱天 但一想食重口味邊爐, 就想起了養心殿的麻辣鍋!麻辣鍋內有蜂巢豆腐及鴨血, 而且亦會額外送多一盤鴨血!蜂巢豆腐超吸味, 且煮耐左都能保持有咬口!鴨血亦是, 煮耐左都不會一夾即爛, 食落會有小小痴牙, 不像街邊食的水汪汪!因雙拼鍋跟單味鍋一樣錢, 所以另外拼了同價錢的酸菜白肉鍋, 但麻辣鍋始終是我的至愛!當日點了肉眼牛肉, 油炸鬼, 午餐肉, 雜菜拼盤, 手打雜丸拼盤等..油炸鬼 - 炸得很香脆, 吸滿麻辣的湯汁, 有半脆半湯的感覺!午餐肉 - 炸得好透, 外脆內軟, 單食比掂湯食更好味!蔬菜拼盤 - 原本以為得菜, 但原來也有菇及粟米, 菜類菇類新鮮, 食了很多重口味, 吃點蔬菜感覺清爽點!手打雜丸拼盤 - 全部都彈牙爽口 最中意墨魚丸及黑松露丸, 前者真係新鮮有墨魚肉, 後者黑松露味重, 比較特別!肉眼牛肉 - 味道正常, 下次再試手打牛肉 因見雪花更分明! 另外嗌左杯Asaki啤酒, 夠凍好正!8點半前埋單仲有7折, 2人合共$627可以一試!

之前睇到Openrice 呢間打邊爐，d湯底已經好吸引，今日出九龍，所以一早book定枱食餐勁！一坐底就選左個鴛鴦湯底：酸菜白肉鍋和美人鍋，個鍋好足料，酸菜鍋仲會額外送多碟酸菜白肉，裏面仲有寬條麵，浸嚮湯到，好入味！而美人鍋好啱我地d女士，😍😍有半隻烏雞、紅棗、當歸等，即刻飲返碗湯滋補下先！呢到d服務員仲服務周到，好細心咁提醒我地d烏雞要煲耐少少先好食，於是我地大概一個多鐘後先食，的確yummy😋依家食野唔再追求大件抵食，而係要真材實料、食得健康，呢到絕對滿足我噶要求😆😆極上雪花肥牛：很大份，十分肥美新鮮！估唔到肥牛一樣出色！墨魚丸：新鮮彈牙，唔同有d餐廳用雪藏的。雜錦蔬菜盤：有不同的菇和菜，d菜好新鮮好綠！喜出望外的係竟然有柚子沙冰及芋圓湯水送到，為今餐劃上完美的句號😁期待下次試埋其他湯底同配菜。

又食養心殿喇🤣真係食極都唔覺得厭既餐廳。美女BB第一次黎，平時細食嘅佢，都激發佢嘅戰鬥力，密密食😋自助醬油區，不過基本上都唔需要點醬。我地再次叫左寧神養心鍋，因為實在不能忘記由川芎，白芷，天麻，當歸，鮮雞，豬肉加20斤鮮魚精餚而成，鮮甜非常嘅味道。用黎打邊爐仲可以突顯到食物既原汁原味。雜錦蔬菜盤， 色彩豐富，有生菜，冬菇，粟米，仲有秋葵。材料新鮮， 秋葵好爽唔會潺。蝦滑起曬膠，夠晒爽口彈牙。老油條，台灣炸豆皮同午餐肉，幾脆 。手工丸類拼盤，已經有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸，六款口味每種兩粒，可以一次過試晒所有特色丸類，丸類頗高質，有特色之餘咬落質感彈牙，個人推介芝士牛肉丸和黑松露蝦丸。餃子拼盤，入面有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，其中台灣水蓮餃嘅水蓮爽脆，味道清新。而鮮蝦雲吞有大大隻鮮蝦，爽口彈牙，值得推介。極上雪花肥牛，牛肉雪花都幾靚，食落一啲都唔老，好有牛味。雖然烏龍麵本身冇咩太特別，但係我地最期待嘅食物，因為配埋個湯底，d麵吸晒個湯底既味，味道勁好。FB page like左就送一杯飲品，正呀👍自製杞子菊

養心殿台式養生鍋這間台式火鍋店，無論裝修、佈置、餐具，都充滿台灣風，好有上次去台灣食火鍋的味道，侍應服務也到位，點餐及上菜也很迅速。寧神養心鍋加入20斤鮮魚、雞肉、豬肉，配上川芎、白芷、天麻、當歸等養生藥材熬製，奶白湯底魚鮮味濃，帶清幽藥材香，加上呢度的寧神養心鍋還寫明餚了4小時，夠曬火喉，立即叫返鍋試下！飲完大半碗湯都有少少暖胃嘅感覺，可能真係有藥用功效。餃子拼盤包括有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，個人最喜愛麻辣牛肉餃，啖啖牛肉，麻味比較強，喜歡辣既朋友要一試，仲有韮菜餃，菜多肉少，感覺好清新。 鮮蝦雲吞和極品雲吞十分彈牙，很足料，啖啖都有蝦肉，不會很肥膩。手工丸類拼盤一共12粹每種味有2粒，可以一次過滿足我嘅好奇心！裏面有蝦丸，墨丸，梅菜逐肉丸，芝士包芯牛丸，黑松露蝦丸，同埋鵝肝墨魚丸。 黑松露蝦丸清香彈牙，梅菜豬肉丸夠特別，牛丸鲜甜，款款都好有口感，唔點野都好好味。極上雪花肥牛，肉質顏色已好吸晴了，雪花分佈均勻，肥瘦適中，只需淥一淥，送入口裹，即散發了牛的鮮甜味，再配上了濃湯的香味，將肉味提鮮，肉質嫩滑，入口即溶化。即炸午餐肉方面有驚喜！炸得

今日母親節決定出街食, 因為母親佢唔太鐘意食其他國家既菜, 所以就揀左食返中式野, 台式打邊爐. 岩晒佢胃口啦, 呢到D野食都幾多選擇下, 同埋又有台式野揀.唔錯. 最後仲叫左D啤酒啤啤佢TIM

五月份我的金牛座弟弟慶生，弟弟愛吃海鮮、弟婦愛吃麻辣，在Openrice 搜尋，找到這間養心殿有齊兩樣要求、兼且是養生火煱，正合我意。立即訂位。😍養心殿，裝修十分華麗典雅，獨立卡坐私隱度高，間隔十分懷舊，坐得舒適。坐下不久，來了一小杯免費的檸檬沙冰，開胃解渴，窩心的服務。👍👍👍今晚火煱，先來喜力啤酒$36，買二送一，清清熱氣。美人鍋拼麻辣鍋$188，另送一份麻辣鴨血，煱底上枱先喝兩大碗美人養身湯，滋補滋補。桃膠、淮山、黨參、龍眼肉、半隻烏雞，美顏補身之選。👍👍👍🐥⭐⭐⭐⭐⭐手切牛肉$338大份，上枱時眼睛一亮，脂肪分佈均勻，入口溶化、而且切得厚身很有口感。👍🐥⭐⭐⭐⭐⭐海鮮十分多選擇，我們愛吃魚，要了一條沙巴龍躉班$238，新鮮新鮮、切片打邊爐又有魚頭云可吃。👍👍👍🐥⭐⭐⭐⭐⭐再來日本牡蠣$138，一份有6隻，每人先吃一隻、𧐢肚脹卜卜、𧐢味鲜甜、啖啖新鮮，當然要叫多一份。👍👍👍🐥⭐⭐⭐⭐⭐麻辣鴨血$48一份，這個十分抵食、大大碟，入口香滑、沾上麻辣汁，食不停口，又可以幫助排毒。🐥⭐⭐⭐⭐⭐

今晚家聚，最好就是火鍋，不需要等齊人就可以吃。麻辣鍋拼美人鍋$188，送一份免費追加鴨血。麻辣鍋是台式麻辣，以香辣為主。美人鍋有半隻烏雞，湯頭清甜，烏雞俱滋補作用，果然是女仕欣物。手切牛肉$338，脂肪肥美，又是厚切，入口後，感覺脂肪溶掉在口中，感覺幸福。鵝肝墨魚丸半份$48，鵝肝和墨魚丸混合之後，爽口又滋味，是一個新的組合。芝士牛肉丸半份$48，牛肉丸彈牙，芝士味道十足，又是愛丸的人仕，另一選擇。蝦丸半份$40，蝦味濃郁，爽口彈牙。烏梅汁是免費，味道酸酸甜甜，每人只需在面書讚好，給侍應看完，就可以得到每人一杯。服務、裝修、價錢、質素，整體都很滿意，怪不得養心殿在香港，已經開了幾間分店。

推介台灣水蓮 ，鴨血... 跟台灣一樣送上一小杯沙冰給口腔清新一下，又特別送上芋圓一碗，給我這個貪心貪食的人飽滿滿...最緊要給老朋友回港聚舊一個滿意的晚餐。提醒只接受現金

同老公撐枱腳又好耐冇打邊爐，食得夠養生就要黎養心殿啦，之前去過荃灣舖，今次去佐敦感受下先！最鐘意食牛嘅我地諗都冇諗就要叫手切牛肉！今日一於食到飽！勁多鴨！好足料！腐皮卷好特別！好脆。台灣水蓮真係好好食！剪開再淥，口感似韮菜！入口即溶嘅手切肥牛真係冇得彈！一定要食！黑栢葉淥10秒就食得！太耐冇咁爽口！呢隻飲品好檸檬呀！夠解渴！其間仲送柑桔沙冰！好有服務呀！而且仲好好飲添呀！最後估唔到有甜品送！仲好養生嘅黑糖芋圓！好正！

養心殿台式養生鍋近排天氣反覆無常,身體抵抗力也差了不少。和朋友吃飯,正好想吃火鍋,於是記起之前有朋友和我提過的養心殿。單是從店名已經知道它是甚麼類別的火鍋店。再細看網上餐牌介紹,食材也確是夠滋補。於是就選定了這家,正好在這些時候補補疲憊的身子。來到近佐敦的養心殿,地理位置不是太顯眼,但勝在內裏裝修別樹一格,中式縷空間隔增強空間感,寬敞的座位空間也令人坐得很舒適。燈光稍暗,有一剎間令我彷似遺忘了時光,踏入了另一個境地。當然吃歸吃,湯底一定要仔細挑選。我點了能滋潤養顏的美人鍋,有核膠,烏雞,杞子,金華火腿等。一整鍋上來一看,烏雞是原隻上,真是令我喜出望外。煲了一會,我們先試了一下湯底,喝下去只覺暖意洋洋,湯底味道不算太濃烈,但雞的肉汁洋溢在整鍋湯中,粒粒桃膠也增強了口感,非常美味。之後我們用夾子夾起雞肉,連雞皮一起吃,只覺雞肉很是鮮嫰。喝完只有一個感覺就是物超所值。接著就是火鍋的配菜。由於湯底本身已經有一整隻雞,我們選的配菜不盡是肉類,而餐牌上的素菜也有多款選擇,特別適合我們口味。這多菜少肉(還是白肉)的餐牌,大概也是一種養生之道吧。餐牌上主要分為下面幾類: 海鮮, 肉類,豆品,小吃,丸類

其實都食咗養心殿好多次，貪佢九點半後入座全單有七折，真係平好多，所以每逢星期五六諗唔到食乜都會去食佢。食開寧神養心鍋拼麻辣鍋，麻辣鍋會送鴨血同幾舊凍豆腐，鴨血爽口，會吸收麻辣湯底嘅味道，好啱鍾意食辣嘅朋友。但唔知點解今次寧神養心喎嘅湯底好鹹，可能廚師重手左😥但平時係OK嘅另外叫咗年糕、寬條粉、凍豆腐、霜降肉眼肥牛、萵筍、手打墨魚丸同秋葵，叫咗唔多嘢食，但我覺得兩個人食份量啱啱好，因為養生鍋入面有¼隻雞，為咗唔好浪費，有時我都會食埋佢，所以啱啱好夠飽。最鍾意就係將寬條粉同凍豆腐擺落麻辣鍋入邊，佢會吸收晒啲麻辣湯底，好正，打邊爐落秋葵應該唔多人食，但我又覺得幾好食，烚左之後佢會冇咗啲滑潺潺嘅口感，唔錯，大家可以一試。

第三次黎養心殿食晚餐，今次試呢個酸菜白肉鍋，係可以免費加一次白肉。其實每次黎，食完個湯底都已經半飽，連個湯都可以飲埋。我地之後再叫左個羊肉，都唔記得影相。雖然本身冇book台，門口阿姐好努力call未黎既人，確認唔黎就比我地入，值得一讚。

食左六七次 依然甘鐘意養心殿 同親邊個去食都讚口不絕 第一次嚟佐敦分店 座位一樣甘闊絡舒適湯底係我最愛嘅美人鍋 +麻辣鍋 $188美人鍋有桃膠 烏雞 杞子 金華火腿等 好鮮甜 隻烏雞都可以食埋！台式麻辣鍋無重慶甘重口味 仲可以添一次鴨血 正呀！大腸頭 $88份量多 放辣湯一流千層凍豆腐 $48要嚟吸哂啲湯嘅精華 好好食寬粉條 $38口感好煙韌 每次我都必點 日本山藥 $88好少見到山藥甘大片！因為今次得兩個人食 每樣配料份量都好足夠所以冇得再試多啲嘢 下次搵埋成班人一齊再encore！

唔上網搵嘢食都唔知道原來有間係佐敦平時行過都見唔到上去都猶豫左一陣究竟點樣上原來係另一間金牌牛肉火鍋上面我地七個人用一個爐 坐大枱唔係話好方便 不過自成一角好自由 好有私隱度叫左酸菜白肉+麻辣鍋 最抵組合酸菜白肉裏面有少少豬肉食 不過比較肥 所以冇追加豬肉 要多一底鴨血（係免費既）淮山原來都幾好食 爽爽地 手工丸我試咗黑松露丸鵝肝丸 幾爽口黑松露味都濃 鵝肝丸中間有少少鵝肝 唔特別香墨魚滑都好爽口響鈴卷都幾好食 好脆牛肉都幾靚黑牛柏葉 正常湯圓係黑芝麻湯圓 我朋友話又咸又甜會好好食 😅 我無食炸午餐肉個份量比較多 其他都份量一般嗌咗紫淮山面同烏冬面 麻辣牛肉餃放喺麻辣湯底煮 超辣 好刺激原本無諗住叫野飲 因為都有茶但太辣嘅關係 我哋like咗佢哋社交平台就送一人一杯凍飲 最後仲送一碗大芋圓 覺得好圓滿女仔細食 係無優惠既情況下 都算抵食下次再去 希望可以早食有優惠