養心殿台式養生鍋 (Closed)

父親節當然要和家人出去食飯慶祝，啊爸開到口話上次食養心殿幾好食！所以今個父親節就預早Book定位同屋企人開心慶祝。屋企人最鍾意的湯底就係寧神養心鍋 ，湯底的藥材材料主要是川芎、白芷、天麻，湯底程奶白色，加上有烏鷄和魚頭熬製，湯底味道濃郁之餘營養亦很豐富！湯頭沒有任何腥味而且很鮮甜。沙巴龍躉斑：餐廳已經幫我們切好並已經起片方便客人食用！龍躉魚片在燈光的照射下閃閃發光十分新鮮，魚肉鮮嫩爽口沾上薑蔥食用，鮮味十足。老油條：油條炸得很香脆亦很挂湯，充滿湯汁又香口的油條很惹味！！是火窩的必點之一。自家製韮菜餃及自家製極品水餃 ：我最鍾意食水餃，餐廳的水餃都係自家製有品質保證！水餃粒粒都皮薄餡靚，尤其是極品水餃裏面有原隻的鮮蝦！令整體的口感很鮮味彈牙。極上雪花肥牛：打遍爐點少得肥牛呢！肥牛雪花紋路清晰，油脂豐富入口更是嫩滑鬆軟。最後餐廳更送上甜品檸檬冰沙，這次家人們都很滿意！！

今次揀左養心殿作為我地慶功宴場地好掛住佢個美人煲 上次一試難忘 又可以有雞肉食 啲湯頭又甜 岩曬一班身心俱疲嘅打工仔用黎養生😁足料烏雞有大大件四份 每人一份再加藥材 似足阿媽屋企煲嘅老火湯😂極上雪花肥牛係朋友話必點 柔軟可口 入口質感厚身 牛味好出！魚皮餃就一如即往咁好味 重點要皮薄 唔係就會肉熟皮不熟除左火鍋湯料外 呢度仲有唔少地道台式小食！我地就揀左鹽酥蚵仔同蜂巢牛肚 唔講唔知 個牛肚原來要滾一滾先食得 好在店員提一提😂今次我地仲揀左水耕菜 想望下咩黎 原來係沙律菜咁樣 比起平時生菜再爽脆啲😋😋再叫左一大jar菊花圓肉露下一下火 冰冰的！正正子☺️☺️

同老友補祝生日，又係開開心心去食火鍋啦！養心殿養生鍋係大家嘅至愛，尢其like佢地d台式火鍋湯底。仲有佢嘅熟食都係非常之正，叫咗一份台式滷水牛三寶，有滷水牛展、牛肚同大腸，非常之入味！另外我哋叫咗佢最出名嘅台式麻辣湯同酸菜白肉鍋雙拼，一邊嘅碼流同鴨紅好鬼正，令一邊嘅酸菜同爽腩肉都冇得頂！食到咁上下仲可以揀其中一款湯底免費加配料。而手切肥牛亦都非常之正，一直保持到高水準。其他火鍋料都好好味，餃子及雲云係必食嘅！食完仲自動送上台式芋圓糖水，潤下喉都真係幾細心！👍

我同女朋友成日都打邊爐，仲食黎食去都係養心殿，次次都係叫寧精養心鍋拼麻辣鍋。能夠令到我地食咁多次，一定有佢既吸引力既！我最欣賞就係佢d野食新鮮，有質素！環境舒適唔再講，打邊爐最重要既就梗係個湯底啦！呢度既養心鍋好滋補，用左烏雞、魚頭同埋其他藥材去熬製，既好味又滋補😋

今次係為朋友慶祝生日，間嘢啲食物好新鮮，服務很好。服務生幫我們拍照時，都給予很多意見，而且很樂意幫我們拍到好為止。另外，無論是自帶蛋糕或酒水，全部都不會額外收費。食飯時間又無限時，使我們都食得好開心，傾得又暢快，一定會再去。

我叫了中辣與美人窩, 辣味不足, 但香味有餘. 其他配味亦很好味, 尤其那加拿大象拔蛂, 兩斤有多, 近900元, 越級鮮味, 物有所值! 唯一, 但亦很重要的就是環境太噪, 不知是否設計問題, 噪到難以享受美食, 有點可惜. 

之前講咗好耐話要食養心殿，今日終於約齊朋友去食啦。入面嘅裝修都好中國風，有啲好似屏風咁樣嘅嘢隔住，環境都幾靚，四人枱都好大張，唔會好迫。我哋嗌左美人鍋加酸菜白肉鍋，美人鍋好好飲，見到成隻烏雞擺落去，好滋補。肥牛方面我哋嗌咗極上雪花肥牛，呢隻肥牛只要淥幾秒就可以食，油脂分布超級平均，入口即溶，唔使點咬，好好食！黑松露蝦丸，黑松露味好濃，離遠都聞到黑松露味，蝦丸咬落幾彈牙，蝦肉都好多，唔會食到成口都係粉，真材實料呀！自家製鮮蝦雲吞，雲吞皮好薄，蝦肉都幾多，而且彈牙，好食。什錦蔬菜盤，呢個蔬菜盤有大概七種蔬菜，分別有生菜、秋葵、粟米、金針菇、菇等等。不過由於係拼盤嘅關係，所以每款蔬菜嘅份量唔算好多，但係係新鮮嘅蔬菜嚟嘅。

夏日炎炎，都係食火鍋嘅時候。香港地真係一年四季都係食火鍋。今次都唔例外，約齊好友去佐敦養心殿養生鍋。呢度格局好有私隱，呢度格局好有私隱性，啲枱分隔得好開，適合細聲講大聲笑的傻朋友聚會。火鍋食物質素好正，特別係個湯底，相同價錢可以叫鴛鴦鍋，啱晒有人食辣，有人唔食辣。一邊叫咗台式麻辣鍋，裏面嘅麻辣香味，仲有鴨血同凍豆腐，非常吸味！仲可以免費添一次。令一邊嘅湯底叫咗酸菜白肉鍋，嗰啲藍玉半肥瘦好爽口，成個湯酸酸地好開胃。不過唔適宜落粟米，會令粟米變咗酸湯味。佢個肥牛真係冇得頂，雖然小小貴，但係牛味香濃、肉質入口即溶。仲要送甜品，豐富滿足的一餐！　　

養心殿係香港越開越多分店，今次就黎佐敦分店試下佢美人鍋有半隻烏雞，仲有好多桃膠，紅棗同杞仔，湯底清甜，十分滋補麻辣湯底本身包左蜂巢豆腐同鴨血，鴨血仲可以免費refill一次即炸響鈴，超新鮮超脆手切牛肉好靚，同任食放題既牛肉真係差好遠，超推介!手打丸好特別，有梅菜豬肉丸定黑松露蝦丸，第一次食，好正！水餃拼盤一百多元有成12隻，十分抵食而且粒粒都好大粒餐廳職員好好人，會成日幫手加湯七點前埋單仲有半價優惠

話說我都稱得上係養心殿既常客，通常想打邊爐第一時間都會諗起佢，咁岩明天同男朋友都放假，無理由唔打邊爐賀一賀佢架嘛😂今次叫左個寧神養心鍋拼麻辣鍋，通常肉類同丸類就會放麻辣鍋，蔬菜、粉條類就會放養生鍋，一次食飯可以滿足兩種口味！寧神養心鍋入邊有魚頭同埋一大件烏雞脾，大家睇相都見到餐廳真係好大方，件烏雞真係一啲都唔失禮，食落仲有好濃郁嘅雞味。而麻辣鍋入邊就有鴨血同埋凍豆腐，我叫咗小辣，開頭食就覺得唔太辣，但佢愈煲得耐就愈出味，辣得好過癮！另外再叫咗一份萵筍、豚肉片、寬條粉、凍豆腐、年糕同埋半份墨魚丸，不得不提既係墨魚丸好爽口彈牙，好想叫多半份😂同埋我最鍾意就係食寬條粉，因為佢索左啲湯汁，連埋湯汁一齊食，真係好入味！順帶一提，職員同我地講佢哋個養心鍋係用魚湯熬製，所以飲幾多碗都得架！

呢排好耐都冇食過火鍋啦，所以有啲心癢癢想食下。咁見到養心殿呢一間都幾受歡迎，所以就約埋朋友黎試下😋地理位置都非常方便，地鐵站行幾分鐘就到。餐廳一入到去就見到裝修好古色古香，令到客人好似去左另一個地方咁😍一坐底就先叫左湯底先，我地就點左一個鴛鴦鍋-美人鍋加酸菜白肉鍋。美人鍋真係一飲就驚為天人，裏面應該有成隻烏雞喺度，而且仲有杞子，金華火腿等，一入口滿滿都係老火湯既精華。而另外酸菜白肉鍋雖然不及美人鍋好，但亦非常高質，湯底酸酸地，好開胃，鍋入面仲會附送埋麵條添👍🏻食物方面我就點左黑松露蝦丸，極上雪花肥牛，蔬菜拼盤，水餃同響鈴。最吸引既係個肥牛，牛味好重，我都嗌左兩碟黎食😂另外黑松露蝦丸都好特別，好少地方見到，而黑松露味亦都好重，好味👍🏻總括而言，個湯底好飲既擺咩入去煮都會好好味，下次我一定會再黎養心殿養一養生😂

放咗工約埋两個同事一齊食養心鍋 聽講呢間邊爐好正 所以就想去試一試我哋揀咗間就近嘅佐敦分店 大約三點左右入座 唔洗等位 店環環境燈光有點昏暗 裝潢設計帶點古色古香嘅風味 好有氣氛打邊爐一齊先從湯底開始呢度共有六款湯底選擇我哋揀咗鴛鴦鍋: 美人鍋同養生鍋鍋底一上枱就十分吸睛左邊是美人鍋 有很大隻烏雞，仲有好多桃膠同妃子 南棗，味道十分濃郁 右邊奶白色的是養生鍋 包含了大量嘅人參同其他藥材 因為太重人參的味道 所以我比較中意美人鍋老油條 ($58)細細條 脆卜卜黑松露蝦丸 ($48/半份)鵝肝墨魚丸 ($48/ 半份)两款都好好味 真係有好大陣黑松露味同鵝肝味黑柏葉 ($78)香港打邊爐好少見的黑柏葉 竟然可以係度見到 所以就立刻叫嚟食 最中意係佢唔會將柏葉切絲 大大塊又爽口才是食黑柏葉的正確方法涮鍋小羔羊肉片 ($108)好中意食呢種涮鍋羊肉 因為薄得嚟又好重羊騷味 真係好好味霜降肉眼肥牛 ($178)好中意食嘅肥牛 好淋好肥好好味蟹子墨魚滑 ($88)嗚 好好味嘅鮮墨魚滑 加上蟹子們 滾一滾後 好鮮香好咬感芝士牛肉丸 ($48/半份)鮮蝦雲吞 ($42/半份)好想講芝士牛肉丸好好味 爆

雖然已經開始熱，但係邊爐永遠都唔少得養心殿的確係高質台式火鍋 麻辣拼寧神養心鍋 - 麻辣鍋: 一如既往香濃有層次，還有免費追加鴨血👍🏽寧神養心鍋 : 用上魚加烏雞熬湯(一開始已經整鍋喝下😅)手切肥牛:肥瘦適中 入口即溶凍豆腐: 麻辣鍋必備拍檔菜籃: 新鮮蔬菜御選梅花豬: 肉質彈口黑松露蝦丸: 黑松露味十足 私心推薦👍🏽👍🏽👍🏽鵝肝墨魚丸: 整粒鵝肝釀入墨魚丸中按讚有免費飲品👍🏻仲有免費芋圓糖水份量十足 四個女仔食 足夠有餘

一年一度的五月生日宴，不經不覺2019年又差唔多過左5個月，機緣巧合的工作5人組每年都會就著生日期間出來閒話天文地理，時事政局、、、今次選了在佐敦的台式養生鍋，為了要美人鍋定酸菜鍋都爭論了一論，伙計相然建議來個鴛鴦鍋，但我們最終決定要了美人鍋，這個真係吾錯，有成隻烏雞，有黨參，淮山，杞子，龍眼肉等藥材湯料外，伙計上煲時，特別提我們個美人鍋要先喝湯，一定要撈底，有桃膠，先要食桃膠，養一養骨膠原同埋吾好留底桃膠怕黐底，個湯好甜好味，材料新鮮，雞脾肉好滑，其他叫了丸類，餃子都好新鮮，特別要提是他們有台灣的特色菜，水蓮，三星蔥，龍鬚菜，紫蘇菜，特色菜、、、值得再去。

位處不起眼的樓上店, 在友人介紹下嘗試這裡的午餐.中午12點半的時間, 人流不多, 有充足的空間, 不會覺得嘈雜.午餐有很多選擇, 價錢都是$58-$78, 而且免加一, 除了主菜還有燉湯、前菜、及飲品, 非常豐富.前菜微酸很醒胃, 然後有足料的燉湯, 感覺的確很養生滋補.三個人分別點了招牌台式牛肉麵、鹽酥大雞扒(配肉燥飯)、燒汁野菌牛小排(配白飯), 份量充足.牛肉麵主要用牛展, 夠腍夠入味, 麵條不會過腍.雞扒酥脆, 佐飯一流, 肉燥飯也不求其, 肉燥不會死咸, 也不覺油膩, 連飯吃十分香口開胃.燒汁野菌牛小排味道較濃, 佐飯絕佳, 牛小排炒得剛剛好, 有咬口而不韌, 秀珍菇十分新鮮, 吃落香口.午餐推介!!