養心殿台式養生鍋 (Moved) New Location

話說都好耐無打邊爐la 今日收得早d 就一於去食啦我地一坐低 就即刻揀左湯底先 我地揀左酸菜白肉鍋同薑母鴨 湯料多到可以淨係飲湯都夠飽呀！不過都要叫d配料食既 我地揀左 半份韭菜餃 蝦滑 蔬菜籃 炸午餐肉 蟹柳 而酸菜白肉鍋仲有一份酸菜白肉免費追加酸菜白肉鍋入面有寬粉 勁淋入哂味 鴨件大大件又入味 點個送埋既醬 一流！值得一讚係個菜籃 入面咩菜都有之餘仲好新鮮 韭菜水餃大大隻 煮耐左都唔會變一pat野 炸午餐肉雖然好肥但真係會食唔停呀！

之前已經聽朋友經常推介，所以今晚帶了家人來試一試。這裡的食物是散叫的，雖則是散叫，但價錢不算貴，而且有很多特別的款式，有部分還是由台灣直送過來的。先選湯底，我們選了美人鍋，美人鍋裡有我最喜愛的桃膠，還有原隻烏雞和藥材，湯底非常足料養顏，充滿骨膠原，我地忍唔住飲左幾碗。極上雪花肥牛雪花肥牛的雪花好平均，肥瘦適中，牛味香濃，碌完超腍。牛胸爽第一次食牛胸爽，非常爽脆。手工丸類拚盤(12粒)(每款2粒)想試唔同口味的可以叫這個拚盤，有鵝盰墨魚丸、黑松露蝦丸、芝士牛肉丸、墨魚丸、蝦丸和梅菜豬肉丸。黑松露蝦丸帶有超濃郁黑松露味、而梅菜豬肉丸就好像食梅菜蒸肉餅一樣。自家製極品水餃(半份)+自家製韭菜餃(半份)水餃皮夠薄，有成隻鮮蝦，非常彈牙。蟹籽墨魚滑台灣水晶冰菜呢款冰菜由台灣空運到港，香港比較少見，而且唔係周圍都有得食架﹗青江菜醬料是自助的

上次同女朋友食，兩個人食少少野已經八百幾蚊，牛肉一陣雪藏味，同埋好多嘢都冇貨。唯一好少少嘅係炸午餐肉唉，但係呢個世界上邊有唔好食嘅午餐肉？整體來講可以叫做冇一樣野好食服務態度好差，所有員工愛理不理最大問題係，居然冇得碌卡，問返朋友，原來經常性都係咁。機緣巧合下喺台灣食咗原裝正版養心殿先至發現原來香港呢一間同台灣無任何關係真係好失望感覺俾人呃左絕對冇下一次⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

每況愈下，食物質素低左好多湯底最失望，今次竟然有陣怪味，同侍應講，竟然反應係:下？哦之後就無講野行左去，過左陣有個員工走黎咩都無講黑面拎走左我地個鍋...都唔知講咩好了..食到無心情

6月12號當晚同老婆叫左個美人鍋嘩個湯底勁喊！明顯落好重味精食完飲左勁多水先搞得掂仲有d海鮮勁唔新鮮D魚肉同埋蝦肉都係有d「霉」同埋d餃唔得啦 應該係自己包的但就一落水就散的淥熟之後得返半舊肉係入面肥牛就可以接受 不過都係太細份唯一可取係d飲品因為太喊頂唔住叫左酸梅湯係幾好飲的 好失望埋單兩個人要差不多$800 幾其實呢個價錢大把選擇仲有服務都麻麻地d侍應扮睇你唔到十叫九唔應 但又限食個半鐘最差係唔收credit card

話說前幾日夜晚同朋友去食，見到openrice食評好似都唔錯，所以就約左朋友一齊去食。等位既時候，reception條友黑哂面都算，好似唔等生意做咁。食物質素好一般，完全對唔住個價錢！最重要係！！！！係食緊既時候，有個待應係我地枱附左跌左盤生菜，諗住佢會即刻丟去垃圾筒啦，點知!!!!佢竟然當無事執番起比我後兩枱既人，痴線！！！！食物唔好食都算，但衛生絕對不能接受！！！！個日同Ｄ朋友食完個個番屋企都腸胃唔舒服，上論壇睇先知原來呢間野比好多錢買打手買好評！如果我呢篇野消失，大家自己諗清楚點解喇！

呢間充滿著濃濃嘅復古味。。同媽咪出來撐台腳梗喺揀返呢個「美人鍋」先，多種藥材加上鮮烏雞同鮮魚精餚而成。材料豐富，有半隻烏雞同一個大魚頭，來試下湯底先，藥材味都幾濃，入口鮮甜。，魚頭肉嫩，晶凝通透嘅魚雲，入口滑溜。。霜降肉眼肥牛，哩個肥牛厚薄適中，肉質唔會太韌，有牛肉味!黑松露蝦丸、自家製麻辣牛肉餃，蝦丸黑松露味很濃，爽口彈牙!!而麻辣牛肉餃頗為麻辣，鐘意食麻辣的朋麻辣鍋送鴨血，鴨血喺招牌食物，，爽、滑、軟的獨特口感，其它配料無法媲美。自家製極品水餃，水餃滑，放入麻辣鍋變成麻辣餃子唔錯。

雖然天氣很熱啦但有時候還是想吃火鍋，超想念鴨血～火鍋料可以免費加一次喔~對於愛吃鴨血的我絕對是個好消息～鴨血QQ的口感非常好，麻麻辣辣的非常爽～養生鍋有濃濃的中藥的，一點點苦苦的但非常香！豆腐吸滿了湯汁簡直好吃到炸掉這個有一點點偏咸啦哈，但肉非常軟喔～份量也滿多的，透明部份QQ軟軟的真讓人受不了超大盤肉！脂肪分佈很平佈，牛味很濃，肉非常軟，即使吃很多都不會覺得很油喔這個每次來都必點啦，鴨肉很有彈性，鴨油非常香，重點是很便宜喔，CP值超高！

連鎖式的養心殿台式養生鍋已經開咗幾間分店，之前試過尖沙咀分店，大家都覺唔錯，今次約另一group人，試埋旺角分店。打邊爐，揀鴛鴦鍋底至過癮。我哋揀咗麻辣鍋拼秘制薑母鴨鍋。麻辣鍋的湯底集香、麻、辣於一體，台灣直送的鴨血及凍豆腐吸收了湯底精華，辣得過癮啊！如果唔夠喉，仲可以舉手請職員refill。見到有台灣特產紅面番鴨做主角嘅秘制薑母鴨鍋，又點可以唔滋補一番～濃香無比，鴨肉份量也不少。上次試過手切牛肉，必試系列，不過今次想試多d其他嘢，就order咗細份。雪花一口肥牛粒，一啖一粒，肉味夠，過足嘴癮。因為湯底揀咗薑母鴨，所以冇試櫻桃鴨片，唯有下次再試啦。麻辣鍋又點少得火鍋伴侶—脆響鈴啊！豆製品控嘅我，再點多個千層凍豆腐，冇得輸。手工丸款式多樣，一於來個拼盤，每款2粒，各有千秋。兩次都喺墨魚滑同蝦滑之間掙扎，最後放棄咗墨魚滑，因為蝦滑稍勝一籌囉。同行有個午餐肉控，雖然炸午餐肉有點膩，但朋友都係要點。😂拼盤，對於選擇困難症人士來講真係福音，雜錦蔬菜盤係包羅萬有，整體都頗新鮮乾淨。當晚有promotion，like FB仲可以有免費嘅指定飲品啊。打邊爐最開心就係可以同朋友仔一邊傾計一邊淥嘢食，餐桌

呢排勁OT，同事推介養心殿台式養生火鍋。平時睇廣告睇得多，趁今日收到工，一於同班同事試下個美人鍋，睇下可唔可以變回美人。養心殿裝修都幾台式，坐嘅位置幾寬敞。有別於一般台灣任食火鍋，呢到嘅鍋底，配料都係散叫嘅。見到menu 款款都想試，而且菜類方面，有幾款台灣菜係每日飛機直送。點好食物，我地去醬料區揀選醬料，有芫茜，紅辣椒，香蔥，香醋，蒜泥汁同豉油。美人鍋 $188 滋陰養顏嘅湯底，材料有桃膠，烏雞，杞子，南棗，金華火腿，老火肴制，一定要飲多碗先得。自家製極品水餃（半份）$42 水餃皮薄，蝦肉爽口。自家製韭菜餃（半份）$42 韭菜味重，菜同肉釀入粉量都好均勻。手工丸類拼盤（12粒）$108 有鵝肝墨魚丸，黑松露蝦丸，芝士牛肉丸，墨魚丸，蝦丸，梅菜豬肉丸，每款兩粒，4個人份量岩岩好，粒粒丸好彈牙。極上雪花肥牛 $188 叫左個中位價試下，牛肉有明顯雪花紋，好有牛味，食落好淋。鴨血$48 食台式火鍋怎可以唔試鴨血，同平時食嘅豬紅係兩回事，而且唔容易碎，食得出鴨血有少少騷味。台灣水晶冰菜$78 平時喺街市都好少見到，仲要飛機直送，緊係試下。萵荀$48 好新鮮，不過唔好放入鍋太耐，爽會更加好味。

朋生5·28生日，緊係要聚下啦就大家地點，旺角最好！呢間仲可以有Asia Milles👍🏻星期一仲1:1😍我地6個人，一早訂左枱，19:30坐位、環境都舒服嘅，每張枱仲有屏風隔住，好似卡位形式咁，幾好，大聲講嘢都唔會好嘈！我地叫左個鴛鴦窩（麻辣拼美人窩）麻辣窩～中辣，但唔夠辣同一啲都唔麻，連唔食辣嘅朋友都食到，係之後食竹笙先食到啲辣味美人窩～湯頭ok，但之前去過其他分店係花膠竹絲雞，但今日變左桃膠，有啲失望，竹絲雞good嘅，肉唔鞋，我地都食哂我地叫左手切牛肉～👍🏻👍🏻👍🏻👍🏻👍🏻鴨肉～👍🏻👍🏻👍🏻👍🏻👍🏻覺得比手切手更好味羊肉～👍🏻👍🏻👍🏻有啲蘇午餐肉～👍🏻👍🏻👍🏻👍🏻👍🏻厚切，我朋友話食到係梅林正野嚟添海蝦～👍🏻👍🏻👍🏻係好味嘅，但價錢好貴、唔扺，$188/6隻響鈴～👍🏻👍🏻👍🏻👍🏻👍🏻正常冰豆腐～👍🏻👍🏻👍🏻👍🏻👍🏻好好味，有細孔吸湯汁油炸鬼～👍🏻無特別，無味鴨血～👍🏻👍🏻👍🏻👍🏻台灣空運，夾唔散，有口感墨魚丸～👍🏻👍🏻👍🏻蝦丸～👍🏻👍🏻👍🏻👍🏻雲吞～👍🏻👍🏻👍🏻👍🏻水餃～👍🏻👍🏻👍🏻竹笙～👍🏻👍🏻👍🏻👍🏻👍🏻呢個好，夠厚身，吸到好多湯汁台灣冰菜～👍🏻台灣空運，我地本身想叫台灣A

一個好重要既約會約左20年前既小學老師見面一聚，上網做過research,決定搵一間環境相對舒服既火鍋店方便傾下計。果然「養生殿」無令到我哋失望。相信食過咁多間不同火鍋店，呢間環境真係算舒服，位置又唔會太迫。一行人不多，5個only.湯底選擇左美人鍋，味道接近藥饍既感覺，食物鹿完基本唔駛點醫油都夠味道。而且應該係足一隻烏雞，湯底重有桃膠，湯底有水準。食物肥牛靚，手打丸正，重點推介黑松露蝦丸好正，必試。餃，雲吞還可。呢度重有水晶度菜食呢樣好，唔駛成日食埋都係𠴱幾種菜但價錢唔便，份量亦唔多架。

養心殿係香港已經開咗一段時間，鍾意食麻辣火鍋嘅我一早已經好想試！但冇預早訂位，每次即興想食都要排隊等，食唔到。今次早一星期訂位終於食到叫咗個麻辣鍋拼美人鍋，麻辣鍋入面有鴨血同凍豆腐，而美人鍋有桃膠、烏雞、金華火腿等等，十分足料！麻辣鍋仲免費送多一份鴨血凍豆腐吸左啲辣汁非常惹味！鴨血好滑，配麻辣湯底一流另外我哋叫咗稻庭烏冬、粟米、萵筍烏冬可以用筲箕裝住，超方便、好貼心，咁就唔駛怕烏冬難夾啦呢度採用嘉美農場雞，值得一讚，雞肉好滑潮州白魚蛋，超好食！好彈牙另外叫左半份鵝肝墨魚丸湯底真材實料！我同朋友兩個人都食得好滿足，會再返嚟食

今日同朋友去到旺角做啲嘢，去到都唔知食乜嘢好，又想靜靜地食打邊爐，就上左去旺角地鐵站出咗去幾分鐘就到嘅養心殿打邊爐了。養心殿有不同既台式鍋底揀，以健康藥膳為主，再配以不同種類既火鍋配料，讚好!雙併鍋今次叫左麻辣鍋同埋酸菜白肉鍋雙併。估不到十分之足料，麻辣鍋配料十足仲附上好多塊鴨血，酸菜白肉仲可以免費追加一份添，淨係湯底都令大家好飲好食又滿足，正!手切牛肉雖然要咗細份，但其實上到枱都有大大碟厚切。手切牛入口即溶同彈牙，香口有牛味，牛魔王首選。梅菜豬肉丸又一碟大碟抵食之選，肉丸有四件，很不錯的，正！櫻桃鮮鴨肉片唔好睇少這個配料，可以做到又滑又有肉味的鴨肉片是不易的，佢就係正正做到呢一樣了！七喜最後叫了一杯七喜，為這一餐畫上完美嘅句號。

到了晚飯時間，2個女仔唔係好肚餓，但又必須要食野。咁岩經過旺角養心殿，原來朋友未試過，所以就佢去試一試。每次都會叫鴛鴦湯底，一次可試晒兩種湯。朋友第一次食到對湯底讚不絕口！足料，夠味，只食湯料都食飽！現正推廣台灣蔬菜，喜歡試新奇食物嘅我哋，叫左三星蔥同埋一條超長既唔知咩，要用交剪剪斷，綠10秒，口感清爽，值得一試！喜歡食蔥既朋友可以一試三星葱，如果抱住想試一試嘅心態就免啦！印象中肥牛係低於一般水平，朋友話想食肥牛，於是點左一份細嘅，今次出奇地好食，有牛味，唔霉。我都食左幾片！唔知係唔係新店優惠，like Facebook就可以送一杯飲品，我們緊係唔執輸啦！食完朋友話會再去食！