香城茶餐廳 (Closed)

尼間餐廳食既野選擇較多，除左一般茶餐廳既常餐，快餐，小炒外，好有粉面，不過講真，d粉面差過正式面鋪好多，牛腩好硬，唔松化，總體來說一般般。可惜，香城數度易手換左幾個老板，已經唔係以前既香城，以前既香城野好食又有人情味，舊老細會同D客傾揭好客氣有禮，而家尼個老細兩公婆極度無禮，我食過幾次，基本上個個客買單時，個事頭婆都係黑口黑面，有時人地問多兩句，即刻比她責，甚至係鬧，有次我買單時好客氣問老板正牛腩幾錢，他竟然無端端鬧我，你無眼既咪，唔識看餐牌啊,大佬！你食左子彈咪？好似我爭你錢甘，仲有一次，一個妹妹仔推開門伸個頭入黎好客氣問個老細外賣問題，個老細無回答她，竟然劈頭就鬧她，關門啊！我D冷氣走曬啦！甘樣做生意，好似個個客都同他地有仇甘！正常人都唔會再去啦！

鮮茄牛肉飯($38):沒有番茄和茄汁的酸味，洋蔥的份量比較多，牛肉啖啖肉。飯的份量也算多，兩個女人分著吃也足夠。可惜價錢有點貴，牛奶居然要+$11，使我卻步。不過侍應的服務態度也不錯，下次也會再光臨。

來到這茶餐廳，發現有焗類食品，不知道會是怎樣的呢？於是便大膽地嘗試。要了的是芝士吞拿魚焗通粉表面舖滿了厚厚的吞拿魚，還有不少的金黃芝士。入口之時當然是超熱，但味道十足。咸咸的，香香的，濃濃的芝士味，夾雜吞拿魚在一起，真正。

難得早起，與朋友走到茶餐廳享受一下美好的早餐。叫了一個腸仔煎蛋加餐肉麵，而因為它的煎蛋實在太美味了，所以並沒有拍下其它的食物。只有邊邊是微濃，而蛋黃仍是流質的，真是好技術！

今次真估吾到，不是鋼兜，而係瓦兜焗意粉。牛利焗意粉 - 賣相非常好，但有青椒就麻麻，4件牛脷，吾太乾，會太多油，意粉硬度剛好...一流火腿奄列 - 能評估...一放低，就似飲食大賽，基本侍應未轉身便可放碟，我都有幸可見一眼，應錯吧沙嗲牛肉麵 - 麵是大光麵，淋彈牙，牛肉吃出梳打咸檸七 - 一絕凍奶茶 - 茶太濃，夠滑唔記得幾錢...八＋幾元左右...

晚飯時分，略有一點餓的感覺，於是便不顧一切的要了一個粟米粒叉燒粒炒飯。飯粒尚算乾身，咬下去時略帶嚼勁，致於粟米粒及叉燒粒則能保持一定的水份，不會有很乾及難吃的感覺，不錯。

四月中旬‧晴不要以為下午茶餐就便宜一點，今時今日吃個湯粉麵的下午茶餐已經近三十元，還好是不用加一的。想吃點東西，原本想吃雲吞麵。但見同是近30元如果吃常餐還可有奄列，立即轉軑。火腿奄列看上去一般，但蛋煎得鬆化，有蛋香，很不錯。叉燒米線也不差，叉燒我估是附近燒臘店的出品，鬆化好吃。熱咖啡幾濃但不夠香，卻幾滑，所以及格。埋單28元，真的百物騰貴。

到茶餐廳晚飯，選擇是很多的，因為香港的茶餐廳總會是那麼的包羅萬有。這一間也不另外，炒粉麵飯，小菜鐡板，樣樣齊。今次便選了菠蘿牛肉炒飯。沒有預期中的油膩，飯也不會因為有菠蘿而太濕。對茶餐廳來說，算是不錯的水準。加上一柸熱奶茶，就這樣完成了一頓晚飯。P.S. 發覺餐廳內有一個頗特別的新年裝飾，在其它地方沒見過的，不知是否餐廳自己製作的呢？

這是個星期天的下午生為觀塘人死為觀塘鬼的我, 從出生便在這區生活, 協和街當然是走過不知多少遍, 可是這家茶記嘛, 居然就從來沒有試過. 好吧, 心血來潮, 我來也!看看餐牌和牆上小炒的價錢, 走的不是經濟的街坊路線, XO醬炒鮮魷要六十多元...... 也許別有洞天? 不曉得. 反正這次是蜻蜓點水, 吃一碗麵試試. 給沒有試過的打評, 不公道嘛, 所以這次只評它的廣東粉麵吃的是牛腩麵, 沒有記錯的話是22元. 坦白說, 頂多是15元的水平. 22元是附近仁愛圍"粉麵巷"的價錢了, 可是這兒的水平明顯有所不及. 不是難吃, 但就是吃起來平平無奇的感覺 : 牛腩不是香濃的那一種, 卻也不在清湯腩的那一邊, 肉質也比較乾; 湯裡的腩汁不多; 牛腩麵裡放韭黃, 似乎有點格格不入......好了, 這裡的廣東粉麵開飯指數極低. 也許該找個晚上試一下小炒?

星期日的第一餐已經係黃昏6點一路冇頭緒食D咩忽然見到呢間個舖頭名會令人聯想起中文會考的茶餐廳又見佢o係觀塘區咁多年於是決定試一試佢~~叫左個例牌ge常餐有幾款麵揀我揀左沙嗲牛肉麵，我fd揀左肉丁麵奄列都有火腿奄或磨菇奄我地一人揀左一個先上的是餐飲~凍菜蜜&凍好立克兩杯野都比較淡有少少失望以為有歷史既茶餐廳水吧應該幾有水準><好彩跟住上既奄列令人振奮飽滿飽滿的輕力一切內裡的磨菇從厚厚的蛋層奪門而出估計用了at least 2.5隻蛋❤牛麵都好正濃淡適宜的沙嗲配上有牛肉乾味的牛肉XD滿足滿足✔為著有誠意的奄列很有可能會再來（雖然老闆娘好煩，係咁串個員工死蠢，又話唔怪得佢收極都係$25人工，好心就出少句聲啦）

今晚呢餐晚飯簡直激到我就快發火出煙呀!!!!!!!!!!!!! 話說我入咗去觀塘月華街一間叫香X茶餐廳食飯,叫咗碗麥'yuen' 米, 油菜, 鮮奶, 想好好享受呢一餐時,殊不知一拎起支醋, 個蓋鬆咗, 半支醋倒瀉哂, 幸好手機, 手袋無事咋, 不過件大褸就慘啦, 比d醋淋到一達達,之後我即刻企起身問個老細個樽蓋點解咁鬆,點知佢就向我示範話: '你咁開實鬆啦', 跟住行開咗,老細, 伙記無人問個半句, 亦無人比野我抹, 個個都閃哂,仲要令我比全餐廳人望住, 瘀到死啦!!之後, 望住眼前既食物, 心諗無理由唔食就走,反正都要比錢, 唯有食返d落肚, 心情都開始claim down了一點,諗諗吓決定要用手機影底呢間餐廳post出嚟比大家知,原來今時今日仲有d 咁既餐廳, 以咁'優質'服務款待食客,不枉我一直幾欣賞呢間餐廳既食物, 成日都會嚟幫襯,但經過今晚之後, 我一定唔會再踏入呢間餐廳半步,因為今次實在太令我氣慣及失望啦!!!!!!!!!!!!!!!!!

這裡是一間不起眼的小店,今日路經此地又來吃環境絕對是舊式.沒有服務可言，但感覺也不太差這裡選擇很多.碟頭飯.還即叫即炒.夠味道夠鑊氣簡簡單單就來了個魚蛋河及凍咖啡河粉很普通,然而魚片及魚蛋彈牙及有咬勁凍咖啡有香濃的感覺.甜度剛好,不會太甜埋單26蚊.經濟抵食

這家茶餐廳給我的印象不錯,地方乾淨燈光又足食物的選擇也不少,有小菜套餐,西式扒餐同焗飯等今日再黎食,叫左個白汁焗海鮮通粉晚餐.通粉唔係好大兜,不過剛焗起面頭芝士少少燶,正好帶出個香味海鮮都鋪滿面魚,魷魚，蝦及蟹柳等,看上去樣子是極吸引,味道幾好跟餐嘅白湯是一般生粉湯都算好飲又夠熱凍檸茶就夠大杯,不過無乜檸味遜色左少少是日於晚上十點鐘以後來.又不是多人.食得悠閒環境同服務都不俗，價錢經濟.是可以一試的餐廳

成條瑞和街的茶餐廳唔多，加上呢間新裝修，有新鮮感，便入去試一試，一入去發現兩樣野比未裝修前好好多的，一，環境：闊了很多，光線也光猛了很多．二，服務態度：Ｄ侍應全部換了一批新的，進入或離開都會講歡迎光臨和多禮哂，呢點是茶餐廳少有的，值得稱讚．至於Ｄ食物，我叫了個雞扒面，我略嫌佢淡左Ｄ，塊雞扒就唔錯，都幾大塊．呢間Ｄ選擇比美都多，起碼呀，坐都坐得舒服Ｄ啦．

食早餐... 唔想再去美都.. 入左呢間.呢度岩岩裝修完,之前我無試過...而家地方比美都闊落, 張圓凳仲有個好細o既椅背,味道整體都ok喇.. 女友最鍾意食沙嗲牛肉面, 佢話呢度比佢鍾意o既美都更好味.價錢比美都好似平小小...