香港仔一品魚蛋王 (Closed)

食過九記牛腩麵, 相信都幾難搵到其他比得上了。今晚機緣巧合下去來到這食, 點了個牛腩麵, 也點了支可樂。支裝可樂買少見少, 雖然容量少了點, 但味道仍是最好的。牛腩麵到!無皂水味!讚!牛腩淋度適中, 厚度適中, 沒有太多的肥, 瘦肉也適中, 食落去, 有牛的肉汁, 也有濃郁的牛味。不鬆散, 真係好食。麵方面, 我覺得淋咗少少, 或者係我本身真係好鐘意食硬麵, 麵質好過九記, 但比澳門街的, 真係比不上。湯底方面, 好清, 好甜, 無皂水味, 無味精。整體都覺得好好食, 下次可以再試, 價錢仲唔太貴tim~~~

老媽子好中意去呢間香港仔一品魚蛋王，總之一諗唔到食咩，就香港仔啦！雖然佢叫魚蛋王，卻不一定要吃魚蛋粉的，這裡也有飯供應，如我這次便點了牛筋飯。佢既飯都幾大碟下，細食的請記緊要少飯，免得浪費。牛筋，最著重是口感，這裡的總算膠質幾重，幾好的。白飯撈埋腩汁，好醒胃，即使炎炎夏日，也不怕沒食慾。咖啡反而不太突出，我揀了，是因為習慣每天要喝一杯而已。

今天下午又興起說要吃麵，水準依舊保持。中午人流比較多。收銀的美女很NICE同事說他的貢丸很爽口，有嚼口。說真的兩個人賣單也才59元，這樣的價錢有這樣的水平。恐怕同事興起的時候會更多了坐下突然發現有電視看 真好，不用再看PPS

最近公司附近開了新店子。上次經過拿了外賣紙。今早同事在說叫早餐，就決定試一試新店。(畢竟沙咀道沒什麼選擇)打去下單，之後東西也很快送到。送外賣的姐姐服務態度不錯。因為今天初一，跟同事都沒有吃肉。叫了茄蛋+素鮑魚公仔麵，牛油方包(烘底)+熱柚蜜。難得有柚蜜，而且很足味，牛油方包烘底，牛油不是隨意擦兩下就算的那種。麵方面，本人一向不太喜歡味精，因為吃完會很口渴，所以覺得很不錯，看到上一個食評說淡時也有擔心過。不過出來效果還不錯。對我來說，味道剛好而且很足料！不過看到該店重點是魚蛋！看來下次LUNCH TIME可以跟同事去試一下。

團購去食魚蛋牛丸米，團購去試用係唔錯。環境可以，招呼亦可到標準，粉面好快就到，食落就好淡魚蛋牛丸都彈又唔死實，但係真係好鬼淡。湯淡、丸淡，鹽都唔多，味精都好似無。太太話好無味，食唔落。好平時食淡野，問題唔大。但係淡過水鬼尿，又點會有生意。我提要調教味道，幾健康都係假，鍾意食才有生意。ＰＳ：我又唔見佢ｓｅｌｌ健康無味精

前兩晚同肥仔去食飯，見呢間舖裏面幾企理，於是走入去試吓！肥仔好肚餓，一坐低就叫咗瑞士汁雞脾飯，飯好快就到，但係未影相就比肥仔狼吞虎嚥食晒！肥仔話雞脾好腍好入味，瑞士汁咸甜適中喎！我叫咗碗牛腩河，超好味，牛腩好腍，湯底夠清亦夠味！另加送紫菜湯，再加兩杯餐飲埋單56蚊，夠晒經濟實惠。

今日早上同同事去左呢間香港仔一品重魚蛋王食野，自己叫左碗淨雲呑試下，呢度既雲吞都算幾大粒，幾夠份量，雲吞入面既蝦都算幾大隻，味道都唔錯，因為幾夠鮮味，而D上湯既味道都調校得適中，唔會太喊，雖然係一碗簡單既淨雲呑，但係都食得出呢間鋪頭既水準，因為愈簡單既野係愈難整！值得推介比大家！

呢間新開嘅港仔一品魚蛋。好靚，好乾靜，正齊。連個次所都靚過人。同女朋友過泥食一D都唔失禮，真低食。湯低夠濃用料十足，唔會覺口乾。推介:魚蛋牛腩河$25，加小小佢地自家辣椒油，一碟油菜+$6，再來一杯豆漿+$6。三樣加埋都係$37 十分低食仲有。。個收鋃仲好靚女添

食晏時候又到，華哥提議話不如食粉麵，我、law霸、超哥都話ok。一行四人就落左公司樓下斜對面個間香港仔一品魚蛋王試下，一入到去感覺乾淨，食都食得舒服d先啦，環境ok。好…叫野食先，我要雙丸河…華哥就要雲吞墨丸麵…law霸叫左牛什米…超哥要牛腩撈麵…兩碟油菜…四杯野飲。野食到，兄弟…上！由我碗雙丸河講起先，牛丸好好味喎，魚蛋又夠彈牙有魚味…good；華哥個碗雲吞圓碌碌好大粒，墨丸就爽滑彈牙…好味道；law霸就話食牛什就首先要試下佢既湯底先喎湯底又夠味，牛什炆到入哂味…夠水準；而超哥d牛腩佢話重正，半肥瘦，又唔痴牙。埋單每人都係三十多d，四個大男人都食到飽哂，又平d野又好味，抵！！！

午餐叫了一碗牛腩河，啲牛腩好腍唔黐牙又夠大碗，湯底夠香卻不太濃，很適中！飲了一杯柑桔檸檬，相當好味，不錯! 埋單25蚊，今時今日來講都算好抵食！值得一提: 很少食粉麵的地方咁乾淨，十分難得! 而且招呼好好!