Video
Above information is for reference only. Please check details with the restaurant.
今日假期入咗西貢行出， 之後諗住去西貢食飯 竟然遇到一間家 非常好的餐廳，個後生仔整的雞非常滑又有禮貌 世界小有， 太肚餓所以今次沒有影到相，下次一定會再去食。 我口水雞 非常好味 ，色香味俱全， 所以 推薦大家 一定要去試一次口水雞
continue reading
位於「親民街」旁邊，「高富樓」樓下的食店，主打中式雞飯食品的「香港雞皇」，舖位上手的食店，是現在位於舊墟裡面的粉麵店「文X記麵食店」，「香港雞皇」基本上沒有把「文X記」遺留下的裝修進行改動。相反地，「香港雞皇」成功建立根基之後，舖位繼續向旁邊繼續擴張發展，再增加了一個舖位，放置不少餐檯餐櫈，我都選擇坐在「香港雞皇」主舖旁邊舖位的檯櫈裡面享用宵夜。雖然「香港雞皇」主打中式雞飯食品，但是「香港雞皇」繼承「文X記」遺留下來的廚房，所以也能夠享用潮州粉麵，我選擇了一碗「牛腩麵」。原來「香港雞皇」不是使用牛腩裡面的「坑腩」部位，反而選擇了口感偏向比較爽脆，肉質偏向較薄身的「爽腩」，製作成了一碗「爽腩」鋪在湯面，好像很多牛腩在內的「牛腩麵」。「爽腩」的實際肉質相對於「坑腩」而言，「爽腩」裡面的脂肪相對比較少，所以「爽腩」實際上的口感比較爽脆，較少食到肥膩的脂肪肥油。至於「香港雞皇」「牛腩麵」裡面的味道，因為「牛腩麵」湯底裡面加入了非常多蔥碎，所以湯底的味道感覺除了很鹹之外，還有濃厚的牛肉肉味。至於「牛腩麵」底層的麵條，是質感相對比較幼的「幼麵」，「幼麵」麵條裡面的鹼水味道，相對「粗麵」麵條裡面的鹼水味道反而沒有那麼重。但是「香港雞皇」「牛腩麵」裡面，鹼水味相對地沒有「粗麵」那麼強烈的「幼麵」麵條，「幼麵」麵條裡面的口感，還是跟「粗麵」一樣那麼彈牙。只是「香港雞皇」選用體積相對比較大，面積相對比較闊的大湯碗，令到「牛腩麵」實際製成品連湯底看似十分大碗，食完所有牛腩跟幼麵，剩下「一望無際」但是實際看不到底層，矇矓一片的鹹味湯底。所以我食完「牛腩麵」裡面所有的「爽腩」，跟幼麵麵條之後，都不敢貿貿然再喝剩下的鹹味湯底，儘快通知「香港雞皇」的伙計，付款結賬和取回收據就算數了。
continue reading
成日四出去搵好味口水雞, 哩個汁係試過咁多最好食既, 辣中帶甜, 雞肉好滑! 油飯亦都好食! 仲有試過自製涼茶, 以為係甘草茶, 其實用黎解辣剛好, 甘甜甘甜! 下次會試下個麻辣雞煲!
continue reading
西貢宵夜好選擇！好多人都嚟一班人食雞煲，但其實啲牛腩都好精彩！相入面見到個飯係黃色，其實係油飯，太早又未必有，太晏又未必有！記得問老闆老闆娘先知有冇得轉油飯咖，平時係白飯！牛腩半肥瘦，食落好軟，唔會柴皮咁。老闆教落少少辣椒油就更加perfect！牛腩碗入面都充滿腩汁，濃郁夠香！另外口水雞飯都係唔錯！口水雞個雞應該係有醃過，有花刁酒同咸香味！唔係就咁蒸熟一隻雞就上口水汁！口水汁夠麻唔係超辣，香口好味，值得一試
continue reading
西貢有幾間出名食海南雞既食肆，金乜旺乜嗰啲就比較出名，但出名就代表多人，同男朋友仔係西貢完露營出返嚟，搭車之前諗住醫一醫肚，決定試下呢間馬路邊既小店，雖然無乜裝修，但係都幾有人情味。舖頭名開宗名義講明叫雞皇，咁緊要試下主打既雞啦。我哋分別叫咗海南雞飯同口水雞飯，效率都幾高，好快就上咗菜。首先試既係口水雞，有唔少既蔥花、醬油同辣椒油，賣相唔錯，不過口味偏重，如果淡返啲會好啲，但送飯都可以。而海南雞，雞肉比較乾身，亦有碎骨，食既時候要比較小心，而醬汁係現成既泰式甜辣醬，不過價錢係西貢嚟講唔算好貴，不過不失。反而雞飯煮得ok，有雞油黏住啲飯，有咸雞香，亦有啲薑黃味道，飯質軟糯，而且份量都幾大，感覺吸引過作為主角既雞。
continue reading