香港 街頭小食風味

Open Now

Now Closed

寒冷天氣警告，仲要落雨嘅夜晚，見到小店記得有好多網紅介紹過佢哋嘅煎蠔餅一定要試，見到價錢都比較貴，不過一次半次OK啦點咗一份細分嘅蠔餅要$70，因為落雨嘅關係其實成條街都冇乜人，不過好多舖頭都有開，可能嗰陣時仲係晏晝六點左右，啲人未放工，我諗等咗唔使10分鐘左右蠔餅就熱辣辣整好咗啦，份量比我想像中多，而且佢亦都放咗好多芫荽，超讚，拎到返屋企蠔餅熱辣辣，蠔仔嘅份量都好足夠，耐唔耐食一次都幾開心😊😊😊

這家小吃店外觀很像普通，但食物質素很高呢。看到有賣蠔餅，以往都是到油麻地廟街吃的，但因為對我說太遠，所以就決定點這家蠔餅試一下。份量有小、中和大的，兩個人點了一份小的（$60)，怎料份量超多！應該是三至四人吃的🤣剛剛炸起的超香！比廟街的更香呢！炸得很黃金又挺身，即使我外賣拿回家吃，他的酥炸味仍有呢～沒有變軟腍呢～同一電梯的人也說很香🤣炸粉不會太厚太多，酥炸的蠔餅很有口感，因為下的麵粉較少，所以比較香脆，令我吃過不停，蠔仔也是份量算多，也算中等至大隻，味道也比我預期中鮮甜。值得一讚的是，佢有幾層吸油紙，所以我拿回家吃時，蠔餅入口時不會太油膩😋

平時燒烤都會自己燒茄子，但通常燒焦外皮，但這間店燒得剛剛好，茄子燒到外脆內軟，韭菜炒到剛剛好，很鮮嫩，再加上這間店特製的醬汁，非常惹味！而且份量頗多，適合開party吃，下次可以試一試這間店的串燒。

呢間串燒係屋企附近, 都幫襯左好多次。今日天氣好凍, 食完晚飯好快又想再食宵夜, 咁就俾個檔口吸引左過去。個檔口好有香港風味呢。Menu方面其實比起出面d串燒店就唔算好多選擇, 不過基本要有既野都會有。今日叫左一串雞肉, 一串雞軟骨同燒燒賣。全部野食都係即叫即燒。燒賣佢會拎去先煮一陣再燒。大約等左十分鐘就有得食。上碟後佢會再淋上沙爹醬, 個沙爹醬好惹味, 食到好香既花生味。肉類料味個人覺得可以再重手少少。串燒燒得剛好, 焦香得來唔會過燶。冬天食呢d真係好正呀。

每次經過都會見到佢門前有好多人聚集無他既，係依街嚟講，佢真係算多選擇作為一個小毒毒，每次嚟都要排除萬難先叫到嘢食好多人聚集，係分唔到邊啲人買左，邊啲人係等緊買首先要越過人海，行到最前，等啲姐姐見到你然後就要氣聚丹田，嗌出自己想要咩，最好一口氣嗌晒啦，啲姐姐好忙你唔大聲啲既話，真係無人聽到亦都唔會有姐姐主動問你食咩，自己行到過去就大聲啲嗌啦所以對於我依啲毒毒嚟講，真係需要啲勇氣先可以係到買到嘢食😂😂😂想當年個細蠔餅好似係賣緊40，依家已經變到60佢其他嘢食都唔錯，平時最鐘意食招牌豬腸不過都係越加越貴細蠔餅份量一啲都唔細，有好幾大塊如果仲會嗌埋其他嘢食做宵夜既話，依個蠔餅都夠3/4個人一齊share正常蠔餅質素加左啲胡椒粉好惹味希望佢日後加價唔好加得咁勁啦

-🦄香港 街頭小食風味🇭🇰-雞翼串Rating🌕🌕🌕🌑🌑-呢間小店主要賣好多串燒呀小食個啲平時經過都好多人幫襯架🤭到夜晚啲人買宵夜就更多人😌雞翼都燒得剛好金黃色個皮係脆既 但略嫌細隻左啲雞翼既肉質都ok嫩既🆗-

話說早幾個禮拜樓下幫襯開呢檔街頭小食舖既老闆，突然講話會休息兩個禮拜裝修。當時我都打個突，心諗裝修都好既，舖面望落會整潔啲舒服嘛。點知過左個幾禮拜都無咩動靜，差啲以為佢唔做，少咗檔咁多香港街頭小食既檔口會好可惜架嘛。最後過左兩個幾星期，見到遠處有檔新開張，門口放晒花牌祝賀。再望真啲賣啲咩同班伙記係咩人，發覺原來係係街頭小食呢檔搬左舖位。第一時間，梗係買番個炸蠔餅，止下癮先。其實尋日中午嗰餐先食完生蠔嚟，今晚再食蠔仔。一個貴，一個平，但都同樣好味。美味，真係可以好簡單。呢期啲蠔仔好鬼肥，望見到流口水。老闆「蠔餅專家」話啲蠔仔呢期「當造」喎。今次叫左老闆幫我加啲碎芫茜一齊炸。蠔、芫茜、葱花幾種都係帶有腥味既食材，炸完加上胡椒粉，真係香到街尾都聞得到。正常老闆炸啲蠔餅係炸完先加芫茜的，但我覺得加埋一齊炸會有多陣清甜味，正！由於未食晚飯，今次加左幾串串燒。唔知係咪街頭本身有檔都賣串燒有競爭，感覺上依家好似大串咗，幸好價錢不變。所以話，有競爭，先有進步。當然，最開心嘅梗係消費者啦。除此之外，可以挑剔下嘅就係，好多時佢啲串燒已經係燒好咗放喺度，好處當然係客人可以快啲買到唔駛等咁耐，但唔好嘅係，翻燒

十幾廿年前住友愛村，一過十點 D 車仔檔就會出黎聚集o係友愛村巴士站一帶做生意，印像中最繁盛時期至少有三十檔以上。有賣衣服玩具日用品等乾貨，而熟食檔種類非常多，除左煎釀三寶同滾魚彈牛柏葉水魷之外，另外仲有炒河粉麵、車仔麵、清湯牛丸豬肉丸（以前啲粒粒手打既好香）、沙嗲串燒、雜果涼粉珍多冰、自製燒賣粉果牛肉球、豬腸粉、格仔餅雞蛋仔、炒雞翼尖、炸蠔餅、炸大腸等。雖然呢啲嘢好似大部份依家都有人賣，但當年o果種成條街都係車仔檔，人多擠迫得好比會展美食展既「繁華」場面已經不復再。可能因為再無機會再食既關係，又或者依家間間賣既工場大量生產既貨，硬係覺得以前嗰啲好味好多。當中炸蠔餅係我既至愛，而食蠔餅呢個習慣係老豆影響既。最初食蠔覺得陣味好腥，加上生蔥花芫茜o係面頭簡直腥上加腥。蠔，正如芝士紅酒、黑松露、榴槤、海膽等，當你懂得欣賞箇中獨特味道既時候，就係你上癮之時。呢檔小食檔開業已經有一年，最初佢掛個牌寫住「蠔餅專家」四隻字，我走去問老闆講笑話：「專家咁勁呀？」傾左幾句發覺原來佢係以前都有o係友愛村度賣炸蠔餅，當堂覺得倍感親切，夜晚放工就算唔幫親，見到都會打聲招呼。以一個炸左十幾廿年蠔餅既人來講，「專