馬坤記 (Closed)

呢間係一間超有鑊氣大排檔!!!公司就係附近，有一次無意中入去試左，結果一試愛上！蒜香豬頸肉炒飯，每一次都必叫！炒飯乾身好惹味酒燒雞中翼絕對係名物，必食！椒鹽豬頸肉又係勁好食呢到已經成為我地既飯堂了！

放咗幾日假，一返工就好多工作排山倒海咁衝過嚟，成個朝早忙到嘔電，所以決定lunch要食返啲好嘢獎勵吓自己突然間諗起附近有間傳說級餐廳，就不如去買個外賣試一試<馬坤記>係一間港式大排檔，因為有幾套電影同電視劇去過取景，所以好多人都特登嚟試吓，我都係其中一個哈哈依家疫情，大部份人都係嚟買外賣，去門口點餐時見到師父攞住大大個鐵鑊喺度炒嘢，已經感受到果一種鑊氣，突然好想食<鹹魚雞粒炒飯>，就叫咗盒外賣。由於都真係幾多人，等咗大概20分鐘左右先攞到外賣，不過食落口嘅時候都覺得好值得炒飯真係炒得好有鑊氣，粒粒分明、乾爽同有蛋香；鹹魚份量適中，食飯嘅時候食到鹹香但係又唔會過分太鹹；雞粒就基本上都OK，有處理過冇雪藏味，配合埋鹹魚同埋個炒飯，整體嚟講都係非常好味嘅真係好鍾意佢用個大鐵鑊即叫即炒，下次再去買外賣試其他鑊氣lunch先

喺公司附近見到呢間大排檔，都幾多人排隊，所以就買咗個午餐返公司食。呢度啲飯都算平，$4、50就有交易。咁我就叫咗一個鹹魚蒸肉餅飯，佢就有送例湯嘅。佢個湯係節瓜豬骨湯，節瓜份量都幾多，果糖應該冇落味精，飲完都唔會口渴。佢個蒸肉餅有驚喜，我估唔到佢個鹹魚會係半條咁樣上菜。肉餅份量都OK，肉質正常但落咗豉油就偏鹹，下面有幾條菜都算健康。飯就非常多，多到食唔晒🤣呢個價位喺牛頭角都算幾平，有時糧尾嘅時候都可以攞嚟食下。

平時我都係自己返工帶返食慣住家飯 琴日屋但冇留飯比我又唔係好想Lunch自己一個出去食太貴😌所以揀左喱間平平地$38 就有飯同湯之前已經食過一次西炒飯同咸魚雞粒炒飯都好有鑊氣 真心唔錯 但因為地方環境 唔太好 大排檔格嚟就係公廁 坐係琴食既都係地盤工人或的士司機 唔多唔少既OL都外賣拎上office 食 最重要因該冇冷氣🤣🤣🤣 坐係到食係有d辛苦當然我都係拎上office 煲住劇食今日叫左個洋蔥豬排飯加合掌瓜豬骨湯Total $38 湯真係唔錯 但個飯汁令我好失望 冇咩味道 又稀 食哂豬排就冇食啦

九龍灣海濱附近近公廁e間大排檔，以前係附近返工成日去食。每次見佢開檔都係幾個阿伯阿婆係到營業。 離開左舊公司幾個月，今日經過特登去回味下。叫左招牌菜酒燒雞中翼，椒鹽鮮魷同一個海鮮蛋白炒飯，雞翼依然保持一貫風味，單骨雞翼好入味，係每次去都必定會叫一道餸。今日椒鹽鮮魷味道略嫌有d 淡，炒飯好夠味，有鑊氣。 雖然間大排檔係馬路邊，確實多車又大塵，但卻令人別有一番體會，約埋幾個朋友一齊食飯談天說地，享受無拘無束感覺

睇完依度啲食評話依間嘢好味仲要鑊氣夠，諗住就算隔離有個公廁同垃圾站都唔理，至在大排檔即叫即炒真係鑊氣夠，所以今日專登過去食下。叫左個蒜香豬頸肉炒飯$41，點知一黎到個飯原來係一早炒好左，啲飯又散又凍仲要得幾粒肉😭 真係超失望😭 失望到連相都唔想影相中阿姐手上嘅食物就係我㗎啦，我食完都只係覺得啱啱好，完全無飽嘅感覺，成間嘢除左我一個女人，全部都係男人，真係好想知佢地邊夠飽但係杯凍檸茶呢就真係ok好飲嘅，食完碟飯講真真係唔夠飽嘅，不過飲埋杯嘢就啱啱好。應該都唔會再去

認得呢個大排檔嗎？ 大排檔越來越少，這個很有熟悉的感覺 😀😀😀 也許因為mtv 吧～接近盛夏的晚上， 天色仍然很藍， 雖然接近海邊有微微的風， 但是真有點熱。點了魚香茄子炆米, 椒鹽豬扒炒一丁。 熱辣辣的炆米有魚香，味濃， 醬汁輕輕的掛在米粉上， 茄子不會淋bet bet。椒鹽豬扒很足料， 麵條有豉油王的香氣， 炒得很惹味， 乾身不會太油利， 豬扒唔會炸到好脆， 有鹹香亦醃得很淋， 正宗大排檔風味，正😆😆😆 #hungermarch #非飢詩

係公廁隔離既大排檔，又有邊個敢食喎。偏偏同班同事就極喜愛呢度既風味，咁當然無廁所味啦！不過真係見好多地盤哥哥同司機哥哥係路邊泊車走黎食架！呢度全部野都勁大碟同勁有鑊氣，個人推介鹹魚雞粒炒飯，用左好多鹹魚同埋炒得勁香，如果係女仔應該會食唔曬。仲有肉丁炒一丁同枝竹火腩飯都好好味呀！火腩個皮脆卜卜咁又燒得好味，而炒一丁味道略鹹，不過起碼用左個半麵既份量去炒，加上食每啖都幾乎有肉丁！真係好足料架！再配埋凍檸茶或者凍奶茶，真係夠曬地道呀。