馬辣台式鴛鴦火鍋 (大鴻輝(荃灣)中心) (Closed)

早幾日約左荃灣之友拎野， 咁橫掂拎野就緊係要一齊食返個lunch 啦！ 我見好耐冇食過馬辣諗住同佢來個 lunch邊爐啦， 點知佢話昨晚先食完打邊爐，咁我見原來馬辣都有做 lunch 客飯 set，就同好友食了。我地分別叫左酸菜魚飯，酸菜牛肉飯， 4款小食，加兩客響螺燉花膠湯。好欣賞呢到個燉湯， 材料豐富， 真係有花膠架 ☺，個燉湯好滋潤飲完個人好舒服。好友食的酸菜魚，魚片份量都ok， 味道酸酸地唔會太辣，配菜好多岩哂我朋友因佢好喜歡食配菜。而我的酸菜牛肉，牛肉都唔錯吸哂d 汁， 我見個湯底唔太辣，我倒左d 白飯落去拌勻食，都幾正。小食方面個雲耳和青瓜味道一流係我鍾意的酸味。下次我一定要食打邊爐。

禁晚市堂食期間好掛住打邊爐所以一開番堂食就即刻要打邊爐今日黎到荃灣選擇左馬辣因為佢有個好抵食既套餐$118 一位 食放題有美國安格斯黑牛美國Prime頂級牛梅花美國精選牛五花黑毛豬梅花我簡左鴛鴦鍋芫茜皮蛋 加泰式冬蔭功出面可以有自助區拿火鍋配料非常多選擇 非常齊全要讚既係我好鐘意佢地既調味料區諗得到既醬料都有送餐效率好快 已經上檯幾種牛都好有質素我更鐘意係頂級小肥羊肉真係好濃羊味 入口好嫩除左肉仲有海鮮魚同蝦都新鮮吸收哂湯底 好鮮味

最近試菜頻率極多，好不容易抽到時間跟一眾朋友聚會，大家異口同聲地都想吃火鍋，就選擇了馬辣。紅日假期的馬辣，人流比想像中疏落，全場只有4成入座率，也許是這裡太多競爭吧。首先我們點了胡椒豬肚湯底和芫荽皮蛋鍋湯底，不消一會兒湯底就到了，但是味道卻很淡，胡椒豬肚並沒有很重的胡椒味只有一點點，由於本人對芫荽沒有好感，所以就沒有試過芫荽的味道，但是芫荽味也沒有香的味道。肉類方面，他可以點的也是美國牛，可惜的是每1分份量不多，而且質素亦很一般，但也對得起這個價錢的。在外邊的配料選擇真的要一讚，有很多不同種類的食材可以選擇，我最愛吃丸類，特別是香菇貢丸。因為真的十分入味，十分好吃。吃到尾聲的時候，可以去雪糕吧領取雪糕，亦可以到雪糕櫃揀選自己喜歡的甜品作結尾。這個質素這個價錢算是不錯吧，但是大鴻輝中心有很多選擇，若想有下一次的話，馬辣要想想辦法吸引顧客了。

今晚跟同事去食飯，我們一行六人，去荃灣大鴻輝搵野食，比較出名既火鍋店都要排隊，唯獨是馬辣台式火鍋比較少人，所以我們二話不說就入去啦，先睇睇餐牌先，一坐低就揀湯底，之後出邊有兩個大雪櫃係給人自助式攞食物嘅至於牛肉羊肉豬肉是另外叫的，我哋叫咗個鴛鴦湯底不用加錢，一個沙嗲一個麻辣，麻辣稍為正常啲，沙嗲就唔掂啦，至於食物其實都幾多款，其中推介嘅牛肉及豬肉都唔差因為任食火鍋好多時牛肉都係非常之肥，這間就都唔錯，仲有水餃都好味，至於甜品都有幾款選擇，有焦糖燉蛋，香蕉班cake，仲有多款雪糕可以選擇仲要係任食嘅所以其實都幾抵食，甜品唔錯，食物質素正常，湯底最差，飲品款式都可以，除咗包裝飲品之外仲有啤酒及咖啡朱古力，所以都值得再來。

因為係對面牛摩等太耐所以去左馬辣試下多唔多人。係呢到等左30分鐘終於入得，但牛摩都係未入得。價錢相宜，食物質素很可以，仲有好多款啤酒🍻任飲。而環境都尚算可以，地板都冇好似上左油咁滑，係正常乾淨既地板。

朋友推介佢地既甜品，牛肉同麻辣湯底，試完，不過不失，係甜品選擇比較多，個湯底朋友好鍾意但我覺得還好，唔覺得有咩特別。個價錢唔貴所以都未至於唔食得，但係啲職員既服務態度真係死症，我去食果時已經係無乜客會去食既時期，啲服務態度仲可以咁差，同一棟有咁多選擇，去完第二間完全唔想返去食第二次。

住左荃灣區咁多年，發現火鍋店愈來愈多，我出街打親邊爐，通常都會揾d任食嘅火鍋店，今次正正來到馬辣台式鴛鴦火鍋，我地今次點左胡椒豬肚鍋同埋馬拉沙爹鍋！火鍋我最鐘意就係食牛肉，呢度就有4款比你任食，分別有紅色: 美國prime頂級牛梅花藍色: 美國choice無骨牛小排綠色: 美國CAB安格斯黑牛白色: 美國精選牛五花我覺得最有牛味係藍色嗰款！其他豬，羊同海鮮我就冇試，因為食牛都已經食飽左😂其餘打邊爐嘅配菜，丸，飲品同甜品都可以出去自己攞整體黎講食物質素都幾好，選擇都算多，加上我地兩個人埋單都唔洗400，抵到爛👍🏻馬辣台式鴛鴦火鍋地址📍: 荃灣眾安街55號大鴻輝(荃灣)中心8樓 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️⭐️

♥️相信大家都知道，火鍋係一年四季最愛😆無論春、夏、秋、冬，總想吃火鍋😍今天去了馬辣台式鴛鴦火鍋！ 分別點了芫茜湯底及麻辣湯底🌶🌶一次過滿足晒我和他的要求😍而且要值得一提肉及魚類選擇不少🥩實惠的價值可以有很選擇值得一讚📌而且最愛飲品的他也表示飲品好多選擇，我們2人也不用四百，很划算🧮唯獨是大鴻輝中心本身是密集的食肆，人流很多，要耐心等候排隊上餐廳的時間呢❣️💫記住使用app訂座，節省好多等候時間呢☺️😉📍馬辣台式鴛鴦火鍋：荃灣眾安街55號大鴻輝(荃灣)中心8樓

唱完k 同fd 3兜友黎打邊爐1730入座 server 好好人 俾左張6人座嘅卡位我地 好貼心咁提醒我地1930還枱湯底撿左個番茄湯同台式麻辣燙 正正常常 無咩特別 亦唔太差，海鮮有蜆同蝦都比較新鮮飲品都有好多選擇 有普通飲品、花茶、果汁、生啤水果就有西瓜同蜜瓜（新鮮但唔夠甜）甜品麻麻地 賣相有啲小氣 雪糕就比較多選擇整體係唔錯 呢個價值 會再黎食！！！！！！！！！！！！！！！！！！！！！！！！！！！！！！

首先選擇方面，食物選擇其實唔少，牛肉有4,5款、丸類、蔬菜、甜品，飲品都齊全，但青菜款式可增加。食物質素方面，其他都正正常常，飲品過甜，例如洛神花茶；而牛肉除咗有兩款肉質唔錯，其他都比較韌，無牛味。其實依個價錢嚟講，選擇多，質素普通，本身都還好，但食食吓，主角嚟了，湯底送bb曱甴一隻。你可以話間間食肆都係咁㗎啦！無錯，我諗衛生問題係大部分食肆嘅通病，但眼不見為淨，但你唔好搬上枱呀嘛，反正之後就已經食唔落啦。下次？我諗下次都係乖乖哋，食番正牌馬辣好啲。

#馬辣台式鴛鴦火鍋小編第一次食呢間台灣嘅連鎖火鍋店餐廳食物款式多樣化成台調味料任你混醬自助餐枱亦有各款食物提供，任君選擇‼️各款普遍既肉類、丸類、菜類當然唔少得另外，仲有花膠、特製牛肉餃同埋 Dreyers 雪糕🥰我就揀左沙嗲湯底，味道濃郁而且職員每次加湯，都係用返呢款沙嗲湯底，並非滾水肥牛質素都唔差，大大塊又唔會過肥食落肉質肥美，都算新鮮

撞啱週末突然間想打邊爐，一諗就諗起尼間馬辣， 即刻同老公去食，好彩即刻book到，尼間火鍋店由一開始開張嘅時候已經食過好多次啦，但係都未試過寫食評，估唔到咁耐質素保持ok，湯底及各樣食物都可以佢啲湯底好多選擇，我最鍾意就係麻辣同胡椒豬肚 湯底， 今次當然都係揀呢兩個啦😄其實我最鍾意食佢嘅韭菜豬肉餃，味道又唔會太鹹又唔會太淡，有韭菜嘅香味呀又有豬肉嘅鮮味👍 牛肉有好多種都好好味， 生蝦同蜆都好有鮮味，今次特別試下豚肉都ok。至於甜品方面都好多選擇，我就中意個芝士蛋糕細細嚿，好有芝士味好正😋 雪糕就唔使講啦 dreyer's係我至愛😆😆 可以一路保持呢個食物質素已經好好啦，希望以後都可以保持到次次都會嚟食🙏😄

我對食物無評語，因為我未享用。但我第一次吃火鍋要給訂金。給訂金不是問題，但用3種方式（ATM,網上過數，轉數快）都未能成功付錢。當中我還問朋友幫忙。我覺得像平時食店，打電話預約便可，不用給訂金。所有評分都可以不用理會，只是想建議。

約了姐妹們飯聚，上次食過呢間唔錯，今次又再黎過 任飲任食2小時，仲有生啤提供，多款甜品供應，豆腐花/雪糕/雪條/生果，毫不馬虎 卡位設計，坐埋面果可以豁免唔駛出去拎食物 (哈..哈...) 可選雙拼湯底，照顧食辣同唔食辣嘅友人，湯滾就起動啦.............. 火鍋配料選擇相當多，自行出去拎，品質都唔錯 而牛/豬肉及海鮮類就自行寫單交比侍應，上枱時間快速亦無咩漏單情況出現 牛肉以放題質素黎講算高質，唔會第一盤係對眼，之後加單果D係肥膏多過肉; 另外佢嘅蝦亦都好味，係彈牙架，我地都加左幾次單 總括黎講，百幾蚊嘅價錢有咁嘅質數，難怪門口一直有人等緊位!

百幾蚊想食火鍋放題，又要新鮮，多飲品選擇？ 有！就係荃灣呢間馬辣台式鴛鴦火鍋， 有辣有唔辣任君選擇，平時呢間都多人食，因為價錢相宜而且食物質素不錯，所以平日都會好多人，大家去嘅時候，最好book 定位，中意配醬汁嘅朋友， 呢間餐廳，一定滿足到你 ，入邊有幾十種唔同嘅配料，等你慢慢教汁， 我就梗係唔執輸啦， 變做醬汁大師，環境都舒服， 座位寬闊， 建議大家都可 都可以試下😋😋