高哥一Cook (Closed)

聽聞元朗有馳名乳鴿，專程一試。小店一點也不起眼，之前曾經路過也不為意。店內把乳鴿一隻隻掛起以作風乾，好讓炸起來特別乾身脆口。小店只做外賣，餐牌亦只有幾個選擇：乳鴿、雞粥、炒麵。因為當晚餐怕不夠飽，於是全部叫了( 2人份量：2隻乳鴿、一碗雞粥、一盒炒麵)，順便可以試齊小店菜式。乳鴿、雞粥即叫即做，等候時間大概10分鐘。雖然外賣隔了半小後才吃，但絕不影响食物味道及質素。炸乳鴿色澤金黃，只看外表已知外皮爽脆。一試之下，火喉剛剛好，果然皮脆內嫩，表皮夠乾身香口，而內裡充滿肉汁好JUICY，不用加淮鹽已夠入味。雞粥同樣出色，口感綿滑，隔了一段時間也不會米水分離，雞件應該是新鮮雞，肉質鮮嫩，喜歡粥內加了腐竹，增加米香之餘還有薑蔥同雞油相伴。炒麵份量夠大堆頭，不過不失，夠乾身不會油淋淋，伴雞粥一起吃最好不過。如果只有乳鴿和雞粥，總覺得不夠充實。小店只賣幾款食物而且又有口碑，證明專心打造，夠用心，要支持！

間野係隱世小店，老闆又有善心又好人，仲係疫情期間派米俾公公婆婆，咁左咁耐試曬所有野， 炒麵好有料好夠味又唔油，乳鴿香脆又入味，泡椒鳳爪夏日冰震香辣好爽口彈牙；沙薑好香好有口感，熱食一流，雞粥用料新鮮無雪藏味，雞又多肉，牛肉又香又甜，最愛豬肚粥，係有經驗既廚師先可以清洗乾淨仲零異味又爽口，支持左2年，疫情外賣更唔少得👍🏻👍🏻👍🏻每次放工到西鐵站打個電話老闆好細心留定野煮好曬，黎到就可以拎得，好好服務💪🏻小店黎講用料新鮮👍🏻

網上見到有人話高哥一cook好好味，賣既品項不多，只限外賣，但基本上係每一款都好好味，食完晚餐就黎試下乳鴿🥴🥴大概八點左右黎到，好彩仲有好多乳鴿吊起風乾，兩個人點左一隻。即叫即炸，我地企埋一邊就起動了🤤🤤乳鴿熱到拎唔起。🙀🙀🙀稍微吹一吹，等待降溫後撒上一點淮鹽。乳鴿皮薄而脆，肉汁豐沛滾燙，有一刻覺得，fine dining 的滋味也不過如此，配上配菜就能堂皇上桌了！！有機會好想試晒其他！

呢個禮拜最後一帖，今次真係要強帖留名週末食，入到黎元朗掃街，估唔到掃街都可以掃隻乳鴿當街食 😂😂 #手抓脆皮乳鴿 $45，行到去買見到每日限量真係驚驚子，不過一隻隻晾哂鋪頭曬嘅畫面真係比人感覺好 pro 😂 買左一隻要等 15 分鐘左右，上手真係勁辣手，係新鮮嘅，咬落去堅係脆過脆皮雪條，堅係爆鴿汁，果下真係唔係間間做到，啲鳥肉又嫩，絕對同龍華有得揮，呢間真係元朗嘅代表作，must try 🤤🤤🤤-高哥一Cook元朗鳳攸南街 9 號 1C&D 號舖

上星期六同老公入元朗拍拖+揾食，不嬲都知元朗多好嘢食，今次都好有驚喜，行到鳳攸南街見到呢間「高哥一cook」，佢地掛曬啲bb乳鴿喺舖內，好想試，價錢又唔貴，買咗兩隻，等緊既時間已經聞到好香，忍唔住即刻偷食，真係好好味，肉質好嫩，可能因為佢地用bb鴿，唔會好似出其他舖頭好乾好"鞋"，佢地即炸'，好crispy好多汁，最好正既係唔係死咸，有肉味，食得出落足心機做。結果，轉頭就食曬。原來佢地每日限量，我地等緊果陣有人專登訂定聽日，掛住食冇影相，下似要想試埋個雞粥。

半年前原本特意去試佢最出名既乳鴿，誰不知太受歡迎，若無預早於Facebook 預訂，就唔可以即場購買。今日，湊巧經過附近，特意去碰碰運氣，相信老闆已比以前預備更多貨源，見門面仍吊住等待風乾既乳鴿。落單後即時炸乳鴿，等待約5-7分鐘即可以，然後急不及待幫佢影相。準備揾紙巾既時候，發現袋內已預備透明手套，方便買後即時係附近食。整個乳鴿既皮炸得香脆、顏色均勻，咬落去即嚐到鮮嫩滑漏既肉，根本唔需要任何既調味料或醬汁，就可以原汁原味品嚐到乳鴿皮香肉嫩既感覺。

呢間高哥一cook知道佢幾出名，但一直都無咩時間去試，今晚終於有機會試下，果然冇令我失望店鋪面積好細，只做外賣，不過唔緊要，拎走返屋企慢慢食都好，店入面啲乳鴿一隻隻咁掛起，望落都想食當然叫左一隻乳鴿同埋豬肚滑雞粥，即叫即整，落左單師傳至會開始整先講下隻乳鴿，乳鴿size唔係大隻，但經過滷水香料醃制過再風乾再炸下仍然無損味道，返到屋企打開個盒，已經陣陣香味撲入鼻，咬落乳鴿皮卜卜脆，入面肉質非常嫩滑多汁，充滿住滷水香味再落埋小小鹽落去，令到味道更加升華，真係想食完一隻又一雙之後再講下份豬肚滑雞粥，粥底好幼滑，唔會稀到好似水咁，雞件好嫩滑又香，雞油香味完成溶入粥底入面，令到原本平淡無味就粥都充滿雞味，再加埋薑絲葱粒做配菜，更令碗粥可口，而且雞件都有五六件，仲要係有肉，豬肚又係，豬肚就好爽口彈牙，碗粥相當用心足料呢間小店絕對值得去支持，而且價錢公道合理

乳鴿-即炸，乳鴿一隻隻用卤水浸完後再上糖水吊係度風乾，要時再即炸，這個做法一睇就知有料度，肉非常入味，不是死咸，無需點華鹽，肉質柔嫩，外皮脆，必食雞粥-真正生滾粥，五會好似沙田所謂雞粥，整左個白切雞後再放粥滾兩滾咁。佢既雞好入味，五會因為浸得耐而無味，就算食到最後都仍然好好味。肉嫩而有較口，粥底有腐皮，好綿。豉油王炒面-好夠火喉，豉油香，面爽口，加大量九菜荳芽，最後灑上芝麻，夠香口小店款式不多，粥都是只有三款，專心一致做好件事，令人好佩服，好有心

元朗鳳攸南街最近新開了一間人氣小店 - 高哥一Cook，於媒體上被熱烈討論，賣的是BB乳鴿、雞粥和炒麵的風味美食。 長假期最後一日不想遠走，經過一輪瘋狂吃過後想來頓簡簡單單的，就想起這家小店，離家只是10分鐘內的路程，於是晚飯就朝小店出發。小店位於食街的中間，未算很起眼，佔地不多一眼可看見，玻璃屏風後就是廚房，而一隻隻掛於玻璃屏風後面的乳鴿最為吸引。 食物只有數款提供，有人氣之選: 脆皮乳鴿、生滾雞粥、豉油皇炒麵，另外還有三款粥品: 鯇魚腩粥、皮蛋滑牛粥和豬肚滑雞粥。除炒麵外，全部價錢都是四十多，未算是太離地。可是小店只做外賣，不設堂食，不過等候外賣時，見到對面餐廳的食客走過來order 然後於餐廳享用，這個方法也挺不錯喔! 雖然選擇不多，但人氣之選極具吸引力，所以二話不說就點上這三款，因為落單後即場加工煮製，大概要等上8-10分鐘，就可帶著香噴噴的外賣回家了。 脆皮乳鴿 $42/隻乳鴿是BB size，比較細隻，相信是因為這種大小的乳鴿較為肉嫩吧，而且限量供應，想食就要趁早買呢。 用滷水、香料醃過浸泡過再風乾，等顧客落單後就即場炸熱切件，製作時已聞到陣陣撲來的香氣，令人急不

見呢間野開咗成個月都唔知買咩，今晚想掃街咁就就去睇下啦，原來食乳鴿，粥同炒麵！粥呢就有三款：有兩款係魚嘅粥（賣晒）同雞粥。啲乳鴿一隻隻就咁掛晒出嚟，不過睇落好瘦好細隻...好啦，叫咗一隻乳鴿同埋一個炒麵乳鴿細隻一開二，但估唔到好好食，肉嫩皮脆夠入味又唔咸落單嘅時候即時炸返熱炒麵即炒，好足料成盒滿晒！炒得剛剛好又唔會乾又唔會太濕下次要買夠兩隻乳鴿先至夠食呢間小店雖然款少但好食價錢合理，希望佢可以做得住