魚兵衛 (Under Renovation)

每日特價時段都有減價， 夜晚收工時間九點半， 咁大一盤雜錦壽司，100蚊都唔使， 非常抵。味道上始終係擺咗一日嘅賣淨蔗， 新鮮度自然係有扣分， 但唔會差得過其他超市嘅壽司， 魚兵衛嘅飯糰都係特別實淨有口感， 米粒分明，軟硬適中。海膽本身好容易變壞會有苦味， 但依一盒 擺咗一日拎到返屋企都仲係甘甜嘅， 值得一讚，不過鰻魚片個人認為太薄身咗少少，鰻魚汁不足， 唔係好夠味。不過呢個價錢嚟講都不過不失， 試過平時正價時段買係高水準有80分嘅， 特價賣淨蔗就畀佢70分啦😋

一田嘅壽司好多選擇呀~睇落都幾新鮮。價錢合理，買左2set 雜什壽司，花多眼亂呀！有我最愛嘅帆立貝壽司呀！三文魚幾肥美~蟹籽份量多，卜卜脆~ 其他都幾新鮮~ 如果有地方坐低食會再好啲~平過喺餐廳食好多但質素唔差~