魚屋

Open Now

Now Closed

Happy Friday要食好啲揀左食放題!  食物質素整體黎講係唔錯scan qr code 落單 所以唔洗等待應落 不過 因為人手唔夠 所以上菜好慢好慢而且坐得比較逼刺身都好鮮甜! 仲好有份量下 唔係薄切炸物唔會太乾身 上到黎仲係熱既呢個係金菇肥牛卷甜甜地既醬 又幾好味隻蝦幫你分左一半 都幾方便食仲有啲孜然粉係上邊調下味菠蘿都好多汁見到人地食蟹粥 好似好吸引咁我地又叫左一碗 都好足料架最後可以揀甜品 有movenpick 同haagen-dazs揀btw 佢飲品既種類都好多下

餐廳🍴隱藏喺一田超市既美食街角落日式吧檯座位格局🪑座位唔多🙌🏻先落單🧾 揀返個位🪑 職員再遞餐出黎魚生飯🍣🍚好似好吸引🥺 下次再戰⚔️<西京紫蘇燒油甘魚定食>油甘魚軟腍得黎仲好滑⛷有幾片好香既紫蘇葉🌱同味噌夾左喺中間酸酸地幾開胃😋 配合埋魚油好惹味🥰<鹽燒鯖魚定食>鯖魚好大條👍🏻 外皮燒得幾脆口💥肉質幾嫩滑⛷ 味道不俗😋唧埋檸檬汁🍋就鮮上➕鮮喇👍🏻定食跟配1️⃣碗三文魚湯🐟同1️⃣碗白飯🍚三文魚湯🐟好大碗, 熱得黎算幾清甜😳入面有三文魚肉、蘿蔔🥕同昆布(其中1️⃣碗太多魚骨🦴😞)白飯🍚質感比較濕💦 唔係粒粒分明個種。。扣少少分🤏🏻小菜: 酸辣蘿蔔幾開胃😋 送飯🍚一流💯

話說好耐之前同男朋友食過一次，佢係咁話好食，但個時心諗，個樣唔似正野，點知，一試難忘。佢個質素比得上專門日本壽司店，價錢又平d,所以都幾多人下。今次翻啅，7點幾黎要等陣。我地叫左個二人餐！個湯足料，有魚肉碎，海帶紅蘿蔔等！今次有玉子燒，蛋裏面有葱，出面d蟹肉不吝嗇，個sauce 好夾，正！重點梗係佢，無得輸，呢個價錢有全隻龍蝦，好抵！魚生飯都唔係求其，帶子好親鮮，今次的驚喜係北寄貝，好軟，三文魚都好正！男朋友都覺得海膽很可以！二人餐$378到，食到呢個質素，小妹大推！

荃灣廣場頂層呢間魚屋，主打係日本海鮮魚生飯。我同Hubby經常係荃灣食好西，都會幫襯呢間。我最愛就係蟹皇丼，啲蟹膏真係好好味，用嚟撈飯好正冇得輸，加埋好多嘅蟹子同埋蟹肉超正，真係令我食到返尋味。就連平時細食嘅我，都會食晒成碗飯，仲要有點意猶未盡嘅感覺。真係有種幸福嘅感覺! 老公會覺得我淨係掛住食，都唔記得咗佢咁樣㗎其實個湯都唔錯㗎，熱騰騰嘅湯飲落去好舒服好好味呀即時增加食慾。芝士龍蝦同燒赤海蝦就相對上普通！其實都好香嘅，都有蝦味！只係肉質一般。可能我都係鍾意食蟹膏

當日打算去荃灣一田購物節，血拼前當然要醫飽個肚先行喇。🤣🤣去到就睇到間魚屋，佢仲有做緊二人餐優惠有「燒魚二人餐」同埋「刺身二人餐」簡。我地一見個「刺身二人餐」好吸引，$298有一板海膽，2款海鮮丼同明太子燒玉子，即刻被吸引了下叫左呢款二人餐喇。🤤🤤🤤佢個坐位類似吧枱形式，如果想慢慢聊天傾計既朋友就唔係好適合，但純粹想食日本野既可以試下呢個「魚屋」！佢兩個海鮮丼入面啲刺身都算新鮮味道唔錯，個玉子燒蛋味好濃配上明太子別有一番風味。食完好野之後，充滿電就去血拼別😂😂

呢間日本野係一田入邊如果星期五六日去 七點就無曬位了要自己揾位架 但其實位就唔太多但勝在野食質素高 所以每個月都會去幾次最開頭我地係食龍蝦果個二人餐，個甲羅燒勁好味但個龍蝦就差啲 有啲乾 同 軔份量太多了，食唔曬之後幾次都轉左叫一條魚 同 一碗魚生飯我就食魚生飯既 三文魚厚身 又新鮮🍣個赤蝦都好大隻🤩 又鮮甜 仲另外加左碟帶子🤤🤤🤤個飯係堅持用日本珍珠米🍚🍚🍚佢每個餐都會送個湯🥣 個湯都好令人驚喜好足料煲出黎 有少少三文魚肉 有白 紅蘿白好入味架！如果晚巿黎講 其實百幾蚊都好抵食了！ 仲要係日本野。 下次要試下散買刺身同壽司黎食！

冇黎荃灣廣場呢間一田一排，好似唔同左好多，變左個小型food court 咁！而加係唔同餐廳買完野食都可以去到座位區坐！唔洗limit 係小小鋪頭前嘅幾個位置👍🏻👍🏻已經好一陣子冇幫襯魚屋，食物依據大份抵食，鋪頭雖小，但選擇好多，有各種燒物，刺生飯同日本料理，重點係價錢親民❤️今次叫左比目魚西京燒定食，有整整一片比目魚扒，魚肉嫩滑肥美，配上日本粒粒珍珠米🤩Yummy 重點推薦佢set入面包左嘅miso soup!同平事即開個d唔同，入面有大量嘅蘿白同三文魚，大大碗得黎又好鮮味😋 $58有咁嘅質素真係好抵食

一間唔係好起眼嘅餐廳，位於一田入面，今日心血來潮，襯lunch 時間去試一試。燒鯖魚定食 $58定食配海鮮味噌湯、白飯，份量好足夠。味噌湯跟平時食開的日本菜相比，明顯較大碗，而且好足料，好多湯渣，鮮味十足，我食到有三文魚肉，應該係整其他餸時用剩嘅頭頭尾尾，放埋落去煲湯，不浪費，贊~~~魚亦好大條，絕無將貨就價，燒得剛好，魚皮有少少脆，吱少少檸檬汁係面，好清新~~~旁邊橙色配菜是蘿蔔，原來係辣，一定要連飯一齊食，但好開胃呢個價錢食一個日式午餐，算幾抵喇~~~

食左不下十次，比較建議食熟既魚，刺身唔太特別。環境方面係唔似餐廳，似坐吧台咁樣。去收銀落完order，番位等佢喺入面遞出嚟比你食，如果要坐得舒適慢慢嘆就唔好食呢間啦，始終都係超級市場入面，基本上無乜服務可言，員工都係有口音既，但食物質素唔錯，食快飯又想健康好食呢度就岩你啦！西京燒比目魚 ⭐️⭐️⭐️⭐️⭐️ $58定食係有魚，湯，飯。個魚西京燒甜甜地好好味，比目魚又香又滑，個飯可以加$10轉吞拿魚蓉/蟹醬，我覺得蟹醬會好食d。個味噌湯幾出色，好香魚味，平時我係唔飲味噌湯，呢個我可以飲哂留意番我個人覺得唔夠餸通常會加個小食。今次試呢個十幾蚊炸魷魚就麻麻地啦，凍左唔香脆。P.S. 油甘魚頭/鮫都燒得好香好好味架！

平日收工經開行荃灣一田都會見到呢間日本野好多人食，今日收工就一於去試下，店嘅位置都係bar枱，七點幾去等左一陣就有位。野食主要以燒魚同刺身丼為主，仲有一啲小食咁，兩個人分別叫左一個西京燒比目魚同灸燒特上海鮮丼，另外加$10升級迷你蟹膏丼每個都跟左一個麵豉湯以跟個餐黎講都好足料，入面有三文魚肉、蘿蔔、海帶，但一啲都唔腥同埋都幾大碗。灸燒特上海鮮丼$138 相當之足料，有兩大條鰻魚、明太子、兩粒帶子、兩塊三文魚腩、一隻燒甜蝦、同兩塊魚嘅刺身，每樣嘅味道都唔錯，都算新鮮，冇腥或霉。 成個丼好豐盛，特別一讚個飯唔係白飯，有用壽司醋，酸酸地，特別開胃。 至於個燒比目魚出奇地好味，雖然第一眼睇好似冇咩特別，但係食落啲魚肉好好滑加埋煎香左嘅魚油同檸檬汁，配合埋一齊，好味！至於個升級蟹膏飯都唔錯，因為都只係加$10 ，蟹膏冇腥味，撈埋個飯，正！總結：兩個人埋單都係二百頭，又可以食到魚生同煎魚，唔會好單一，味道同價錢宜人！值得推介！

朋友介紹一田入面呢間魚屋，座位數量唔多，係吧枱形式。有好多款魚生飯！雪櫃入面仲有好多款壽司揀左一盒海鮮丼($98)個樣好靚一共有八舊，每件都好大舊！有三文魚，帶子，吞拿魚蓉，海膽，蟹膏同蟹肉，整體都好新鮮！另外叫左一個炙燒三文魚腩($98)包左一碗好大既麵豉湯，入面有好多料！最後係飽到飲唔哂三文魚腩有六大塊，一食落去超肥美！火炙剛剛好，一個人食應該會好濟，所以同朋友share黎食呢個價錢唔洗加一，快靚正！好滿足！

一田做緊雪糕展，近近地在一田超市傍食埋lunch。麵豉湯，真材實料，可以連渣食埋，分分鐘渣多過湯。三文魚煎得皮脆肉嫩，若果再大舊d就更好。珍珠米，好黏好有日本feel。

雖然有聽朋友推介說很好吃，CP值很高，可平時去一田經過魚屋，都看到有很多人排隊，一直也沒有機會去試！但今天和友人逛一田見到竟然不用排隊（也許真的比較早，5點左右）.即刻決定提早晚餐。我們分別點了 “海膽三文魚丼“ “炙燒三文魚腩三色丼+蟹膏“ “海之幸丼“ “雜錦海鮮沙律“.每人都滿滿的一大碗，份量十足，刺身海贍都很新鮮，十分好吃！而非常之值得一提是蟹膏配飯是絕品，原本看見只加$28就試一試，結果完全是意外收獲。

是日經過一田 肚子有點肚餓， 吃一個日式魚生飯先， 即叫即做， 滿有驚喜， 刺身鋪滿表面， 先吃一口， 估不到海膽新鮮沒有腥味， 魚生也鮮甜 跟餐會有一碗大大碗麵豉湯， 滿足又飽肚

呢間鋪頭嘅魚生飯係我食過嘅之中性價比最高絕對冇因為價錢相對比較平而令到質素降低基本上我同我先生每次去食都必定會叫呢個$108魚生飯, 係超級非常極度絕對推介❤️上面有三文魚, 海膽, 蝦, 貝, 帶子同飛魚子😍基本上我鍾意食嘅刺身都有齊, 魚生飯亦煮得恰到好處❤️重點係! 呢個價錢仲包一碗麵豉湯, 而且佢嘅麵豉湯並唔係平時喺日本餐廳飲到嗰啲冇乜湯料嘅麵豉湯, 而係充滿食材用三文魚骨熬成嘅麵豉湯👍🏻👍🏻👍🏻如果你未試過真心推介你去試吓, 平時星期六日去人流都比較多要啲時間等位