魚屋

Open Now

Now Closed

收工睇戲，因時間不多就隨便找個地方食個快飯。好耐之前晌一田shopping時食過魚屋，今次再試下呢個平靚正之選! 除左有燒魚之外仲有丼飯可以選擇，見到menu 上選擇都幾多，有小食、丼飯、套餐之類。 同老公都係叫左燒魚定食，包括小量泡菜、足料味噌湯、魚同埋飯! ⚫️西京燒比目魚定食 HKD58 用白麵豉醃完再焗，魚肉好滑仲甜甜地，好好送飯。以HKD58黎講，無投訴。 ⚫️孜然燒金搶魚腦天定食 HKD88 本身想叫另一隻魚但收銀姐姐推介我地食呢個魚腦天。聽到魚腦天呢個名，完全無概念係咩部位，之後姐姐介紹係金搶魚頭頂既肉，話唔係成日有所以我地就試下啦。都OK 呀, 魚味濃啲, 肉與比較粗糙。

前一晚OT O 到成點鐘, LUNCH 決定食好D, 食"蠔" D!!! 同事因為有事要處理, 我哋成13:30 先出去。想起好耐冇去一田美食廣場食日本嘢, 就GOGOGO 啦! 🏃‍♀️🏃‍♀️🏃‍♀️晏咗去, 反而易搵位! 睇完MENU, 諗咗陣食咩好, 又唔想食三文魚, 咁不如食蠔啦! 見個飯轉蟹膏丼都只係加$10, 即加啦! 做野咁辛苦, 要食好D!出去落完單, 店員會問我地座位, 然後佢地會自動送餐。牛油醬燒廣島蠔定食定食包三文魚麵豉湯, 碗湯超大碗, 又勁多三文魚碎, 正! 蠔隻隻都好肥美, 加埋醬汁, 超好食! 蟹膏丼上勁大PAT 蟹膏, 我分左D 俾同事, 個飯又係超大碗, 都食唔晒呀! 呢餐真係超滿足! 

荃灣廣場一田入邊有正野！唔介意坐位窄d其實野食好吸引！另外燒魚套餐都好正架！👆🏻王樣玉子燒入面有香蔥夾蛋一齊燒，面頭有新鮮蟹肉同埋明太子醬，出到黎蛋味都算香濃 😼👆🏻芝士龍蝦（1隻）都唔好睇小，大個隻手掌架，面頭芝士燒溶曬，龍蝦肉質尚算彈牙，仲要係爆岩岩燒起，確係幾香😻👆🏻魚屋滿瀉丼入面有牡丹蝦、海膽、北寄貝、三文魚子、玉子燒同左口魚，刺身都好新鮮，啖啖同刺身撈埋魚子配飯的確令人開心😼👆🏻海膽三文魚丼有新鮮加拿大海膽，大大塊，鮮味非常夠一次D都唔苦澀，加埋啖啖三文魚真係鮮到爆😻👆🏻味增湯唔係普通味增湯，加咗三文魚骨同三文魚肉落去，比起普通味增湯甜好多

Happy Friday! 梗係要食好D! 行過荃灣一田見到魚屋已經坐滿咗人, 就決定外賣返屋企食啦!老公叫咗個燒魚套餐, 我就揀咗食店PACK 好嘅壽司+刺身,  勁吸引! 有蟹膏、 吞拿魚碎、海膽同埋蟹肉沙律, 刺身係三文魚同帶子。等咗大約10 分鐘, 燒魚READY, 連埋我個壽司+刺身SET一齊拎返屋企開餐。刺身全部都好新鮮, 好好食! 蟹膏超濃味, 海膽又新鮮! 壽司又大舊, 超飽肚。以$98 黎計, 不錯! 

環境：一田超市入面，吧枱自助搵位坐，落單後再坐位置上等餐，成個用餐流程都ok, 吧枱都ok乾淨。食物方面海膽三色丼 蝦都唔錯，味道正常，無話特別新鮮。吞拿魚蔥魚蓉，味道都係正常，但無話特別好食。海膽味道都正常，無廁所味，但都無甜味總括，呢個價錢食呢個丼，可以接受，賣相都幾靚，不過無話特別新鮮或者唔好食，評分會係一般。餐會附送麵豉湯湯都幾多料，入面有蘿白，海帶，紅蘿白，油豆腐，但味道頗淡。朋友呢個係魚屋滿滿，整體都係正常普通。

一田大減價，見到宣傳單張呢間嘢有燒魚餐減價，去掃貨順手買埋做home office午餐。估唔到搭左半粒鐘車啲嘢仲暖。但最估唔到係咁多嘢！仲要大份！西京海爐魚 + 檸檬胡椒燒鯛魚 + 芝士龍蝦一大隻 + 兩個飯 + 兩個湯都只係$238!!!!一打開已經覺得啲嘢應該好ok. 爐魚最好食。肉質滑同充滿油香。有得比較下燒鯛魚變左唔好味，不過其實齋食都唔差，係啲肉鞋啲。個飯係日本米真係特別好味。芝士龍蝦返到黎仲暖暖哋，但芝士硬左，放左落焗爐一輪個身啲肉鞋左少少，但鉗啲肉仲好滑. 隻龍蝦身肉唔多但蝦籽好多。湯都好大碗，好足料，蘿蔔昆布同魚都齊曬。總結：好飽！十分抵食！以佢質素，西京海爐魚就算正價都抵！

假日嘅荃灣好多人 行緊一田時黃昏時間，呢一間本身都未要等位，未肚餓就諗住行完一田先坐低食，點知行完就已經要等位，不過等咗一陣都好快有，全部都係bar台位。掙扎緊叫二人餐定散叫，最後都因為唔係好肚餓決定散叫，都算多選擇。每個丼飯都配一碗麵豉湯，水就自己去斟。原板上既海膽好creamy，玉子中間有蔥花，好香甜，濃郁嘅蛋味。另一碗海膽雖然唔係原板上，但係都咁好味。特別推介係兩隻蝦都好甜好新鮮，帶子都有咁上下厚，雖然都應該係一粒開半。整體都算唔錯～

平時經過荃灣一田都覺得呢間既食物好吸引。由於週六假期，晚上荃灣廣場餐廳都排晒隊，最後決定食魚屋，起碼唔洗排甘耐。自助搵位/買野食/收餐盤等左10分鐘有位被現場食客的龍蝦吸引左，所以叫左雙人餐-麵鼓湯，足料同大碗-芝士龍蝦，肉質都實-魚生飯，正正常常-海膽，有兩款，1款ok,另1款就有d腥-玉子，有蔥不太喜愛，但面上的放左d蟹肉幾好味378，有龍蝦，海膽，帶子刺生。

之前都有食過呢間嘅刺身飯今次就試下佢嘅燒魚我叫點左燒花魚定食$98燒魚餐黎講 算貴不過但嘅條魚好大條 足夠兩人分量燒魚好怕會燒到好乾佢唔會 仲好juicy定食有個飯有個湯喜歡佢呢度個湯會加入魚骨去煲多了鮮甜味簡簡單單 咁就一餐平淡的幸福味

這間位於一田內，吃魚飯的餐廳，食物是頗美味的。店舖其實坐位不多，但今天肚子太餓了，還未到黃昏六點便開餐，所以還有很多座位。西京燒比目魚定食很有水準，魚皮是脆脆的，但卻能保持魚肉內的魚汁，不至於太乾身，入口美味，若你喜歡蟹膏，只要加$10便能嘗試份量如此多的蟹膏飯了，相當好味及抵食。檸檬黑胡椒鯛魚定食肉質較硬身，檸檬完美地能帶出了魚肉的鮮味，簡簡單單與配菜蘿蔔一起入口已很足夠。餐廳燒魚種類繁多，有燒花魚、油甘魚鮫、燒金槍魚鮫和鱈魚鮫等任君選擇。

要係荃灣食日本野，荃灣廣場一田百貨入面間魚屋都算係幾出名，咁今日想食下日本丼飯，咁就揸車去試下啦！去到之後，好好彩有兩個位剛剛走，咁我地坐低之後就望下個餐牌啦！朋友唔食生野，於是佢就點左個燒花魚定食，而我就點左個海膽四色丼啦！另外就再加多個玉子燒。燒花魚定食，有湯，有飯同花魚，味噌湯好足料，有海帶同蘿蔔，最欣赏就係個花魚，大大份，而且好香魚味，唔會腥，如果怕腥味可以落d檸檬汁，唔錯唔錯。之後到四色丼飯，有湯同個飯，而飯配料有海膽，三文魚，帶子同埋牡丹蝦，全部都係我最愛，我經常強調，一個日本餐廳最重要就係食材新鮮，而魚屋就經常座無虛席，就一定貨如輪轉，食落去食材都非常新鲜，而且份量非常充足，最後都係清晒。而玉子燒還可以，食落去都滿意， 為這一餐晚餐錦上添花。會再黎幫襯。

已經好一陣子冇嚟食魚生飯，以往一個月頭總會嚟食一兩次午餐，貪佢價錢平，而且質素高。由於係一田入面嘅美食區，座位數量唔多，以吧枱形式用餐，本來可以望到食物嘅製作過程，可能因為疫情關係，餐牌被放喺較高嘅位置，喺而家人人面壁用膳嘅情況下反而成為優勢，感覺比較衛生。食物選擇非常豐富，唔同嘅魚生組合都可以喺度搵到，仲可以追加配搭其他刺身。同一般food court一樣，點餐後會收到一個傳呼器，亮燈後就可以去取餐。呢個海鮮丼係我每次必叫，衡量過刺身嘅種類同數量後，呢個組合係我認為最平靚正嘅選擇，基本上有齊哂我想食嘅刺身，而且玉子蛋亦已經變成我最鍾意嘅蔥玉子燒。海膽夠新鮮，味道鮮甜，質感細膩，食咗咁多次從未令我失望。帆立貝肥美鮮嫩，口感細緻。赤蝦亦係大大隻，肉質通透，味道鮮甜。先生揀嘅三文魚赤蝦丼亦同樣優質，雖然刺身種類較少，但勝在性價比高。跟餐附送嘅麵豉湯水準甚高，味道香濃有層次，而且材料豐富，有昆布、紅蘿蔔、白蘿蔔同三文魚，同一般沖泡式嘅現成麵豉湯冇得比！百零蚊甚至幾十蚊就可以享用到咁優質嘅魚生飯，性價比極高，同區嚟講真係不二之選！

平時我行過系唔會食因為成日 聞到有陣怪味（應該系海鮮的 腥味）*唔系話唔新鮮丫見到出左限定豪華版雙人餐$398，價錢好合理所以就同朋友點叫個食。之前系太古城個間食過，環境緊系太古城好的，個人感覺上。點完餐都近9點，好多野都差不多賣哂咁既價錢仲唔叫抵食？2碗都有海膽，左邊個碗的海膽大隻的同口感再多的😋，因本人盡量都唔食生三文魚，比哂我朋友食，交換返其他一齊食😁三文魚籽我食，唔腥好味，半隻龍蝦實肉，大生蝦好正😋呢個蟹膏，本人覺得太咸，所以食左一半都冇放棄左（個人口味）但勁多蟹膏成板海膽，2條友慢慢enjoy, 入口都好甜，食完個口仲有回海膽味👍👍仲有2碗三文魚味噌湯冇影到，勁足料👍 PS:好過再食都系會去太古城個間😁

上次同朋友行行下一田 因為肚餓 所以決定食泥間 近近地好方便🙈估唔到有意外驚喜 🤪d野食不但好味 而且頌好大份😚😚😚我地2個人 叫左2份套餐 點知食唔晒 個份量三個人都夠食 🙈d壽司同刺身比我想像中鮮甜🍣而且每片刺身都幾厚切 所以食落口好滿足☺️☺️☺️不過因為座位少 所以要搵位坐都有難道😛

有時想食日本嘢又驚唔新鮮🤔我朋友話成日經過一田望到都好想試佢火炙三文魚飯 不過就成日賣哂終於有日有機會食到！叫左火炙三文魚飯同鱈魚鮫定食（之後第日都忍唔住再食）魚生新鮮 燒得岩岩好鱈魚鮫好好食 好滑燒得好乾身但又唔會太硬 肉質好彈 超中意 冇乜骨 岩哂我呢d港女食🥰套餐佢有個湯 係三文魚味曾湯🥰 係日本嘅味道🥰呢碗湯真係一流______________________________總結：⭐️⭐️⭐️⭐️ 推介味道：❤️❤️❤️❤️🖤（止到我想飛去日本嘅感覺）份量：🍚🍚🍚（岩岩好 我就覺得有d多）環境：🍴🍴🍴🍴（始終係foodcourt 點都差啲）服務：n/a（快餐咁覺得冇嘢可以要求）價錢：💸💸💸（價錢合理 烤魚大部份$100有找 魚生就$150-200左右）推介食品：魚餃ssss😋 （鱈魚、油甘魚、金槍魚）套餐跟嘅味曾魚湯🥰