魚心日本料理 (Closed)

今天早上經過肚餓，便入去，是第一次去，叫了一個豬排飯，一客三文魚壽司，因為佢地無熱飲只有汽水而我又有點咳，不能飲凍野，剛好有個四眼呀叔職員在我前面背向我，我說：唔該比一杯熱茶我可以嗎？他不理會我（他只在我一尺範圍之內）算！因為他是背向我，可能年紀大真的聽不見，與此同時他傳過來，就在我前面，面對面的時候，我再說：唔該可唔可以俾一個熱茶我？他居然和我一望便離開，就當聽唔到一樣，當時我覺得冇可能聽唔到，可能佢轉頭會攞啲茶俾我，再等多四5分鐘，真係完全冇理過我，我就走去他前面，面對面好大聲講一句，我問你可唔可以比杯熱茶我，你係唔係聽唔到啊，佢居然答做緊嘢，好！我在忍，返埋位以為佢會轉頭攞杯茶俾我，原來我真係太幼稚了，到最後真係唔攞茶過嚟，我便問其他另一個侍應， 這個四眼阿叔到底係經理，老闆， 收銀還是什麼，這個女士應不答我只是問我想要什麼，我說跟這個四眼阿叔只是想要一杯熱茶，10幾分鐘都不理我，這個女士應終於解答我問題，我哋午市係五斤熱茶的，心諗其實係冇問題的，但係我第一次來又點會知道你哋的服務係冇熱茶供應的，冇茶供應可以跟我講一句「冇茶供應」便沒事的，但點可能一句聲都唔出完全唔理客人，這個四

原來今日諗住同老公去買錶既，路過女人街，見到呢間好日式風格既店，有一個身穿壽司既師傅在邀請我們入去食，甘我們即管試試，一入到去，已人山人海，坐得滿滿的，驚喜的是一間小店坐都人山人海，仲要2樓都坐到滿晒，我們被安排坐2人枱，但是就比較窄，有點逼，相信這家已經是多年老店，裝修有點開始有點旧了，但驚喜的是竟然啲刺身好新鮮，以佢嘅烏冬嘅湯底係好入味，雖然係一間小店，但係佢嘅食物質素絕對係中上，旺角其中一個唔錯嘅選擇。愛甜蝦同三文魚刺身的你，一定會瘋狂叫下單因爲真的算不錯

今日諗住去今個中午飯 呢間野 又無人招呼 叫佢地寫野好似叫佢去死咁 個丫叔黎到寫左個餐都未叫埋野飲就一野飛左張單係我女朋友面前 我無打錯佢係飛左落黎 之後叫佢寫返個野飲 佢加左係張單到就無黎到 態度超級差 如果想受氣又要比錢 呢間野係你吾錯既選擇

我呼籲如果想係旺角食日本野一定要blacklist 魚心首先加一無問題 一般落完order都完立即比反張單個客睇睇我到埋單先知自己伏左加杯野飲個價錢貴到嚇死人菜單又無寫幾＄ 我印象中好似加4蚊我自己都有責任無問個待應 支可樂未飲唒打算拎走 又話加3蚊真是痴線 人地d餐廳 凍飲先加3蚊佢一支可樂要9蚊佢呢幾間店 完全沒服務仲好意思 收加一可能我自己食呢間次數小完全對加一無印象咁我吾夠＄埋單 我話去銀行領錢個老細想食左我咁 我心諗洗吾洗牙我都留低張身分證啦 好似想報警拉我咁我都是一時帶吾夠錢姐睇個老細好眉好貌一出聲完來是大媽黎 十足十野人咁！

今天想吃日本食物，所以來到這一間魚心來食晚飯，門外的餐牌看到價錢也不貴，所以想嘗試一下的心態。進入店舖的時候，大概6:00 ，看見店內空無一人，我是唯一一位客戶。今次只點了一個三文魚魚生飯，飯的質感比較硬，而且魚生並不新鮮，三文魚的部份也連着一些筋，咬的時候感覺不太好，應該不會再來吃了！但熱茶方面也是ok的，夠熱有茶味！

掋食之選推介🤑🤑🤑日本🇯🇵野見到好多人pm我話對呢間超掋食日本餐廳有興趣🥳🥳🥳咁我都快快寫食評，等大家晚餐去試下🤩🤩🤩復活假洗多咗，係時後平平地食好西🤪🤪🤪————————————————————————🧡鰻魚玉子加州卷配拉麵🍜配汽水🥤（$65）每件加州卷都好大件架，上面加上薄薄的玉子和鰻魚片，好豐富呀😋😋😋食完壽司🍣未飽唔洗驚😂😂😂仲有碗超大的拉麵，有粟米海苔做配料添。最正係有枝裝汽水🥰🥰🥰枝裝汽水真係特別好飲，冰冰涼好爽呀🥶🥶🥶————————————————————————炸三文魚骨（$68）呢款餐廳做緊特價，個份量都多架，有約10件🤭🤭🤭三文魚骨炸得非常酥脆，雖然唔係啖啖肉，會有D骨卡住卡住咁，但食落又會好滋味，好岩配比較清的拉麵。————————————————————————

是日同內子O係旺角睇戲，未夠鐘就Ｏ係附近搵下野食，入左女人街，見呢間日本餐廳野食都正正常常，所以就食個快lunch喇。去到時剛開門，但都已經有幾枱客人。午餐係幾平價，除左拉麵餐仲有Ｄ定食，選擇都算多。＃拉麵：都幾大碗，味道正常，麵質ＯＫ，唔會太淋，仲有好多粟米粒＃壽司手卷：有三款手卷(三文魚、蟹籽沙律、炸蝦)，３件三文魚壽司，２件加州卷。食完其實都已經飽左。＃火灸三文魚細加州卷：火灸三文魚雖然唔係厚切，但都幾算肥美，帶有Ｄ油脂配支裝汽水，正！２個人食埋單都係八十蚊，都叫抵食既。

收工係旺角想食日本野 又黎返魚心！生蝦好鮮甜😆食完呢碟再叫多左廿隻 手卷味道不錯，但紙菜有啲林。三文魚腩卷物，大大啖配上沙律醬一流👍🏼👍🏼再叫左個牛肉火鍋👍🏼

收工去旺角食晚飯 隨意入左間日本餐廳叫左三文魚+生蝦刺身🦐 壽司🍣 天婦羅🍤鯖魚多春魚天婦羅🍤有意外驚喜👍🏼份量多 多春魚好大條 炸得好脆。另外一讚食物送餐速度好快 叫左一陣已經上菜啦😆

今日黎到旺角食日本野，餐廳位於一條巷子裏面。蟹子沙律🥗佢啲沙律醬都幾多，青瓜絲係新鮮嘅，唔會淋左，另外佢嘅蟹子都幾多下！三文魚同甜蝦都係消費到指定金額先可以特別加的，個人認為抵食，不過唔算太鮮。份量多，配上沙律醬更好食。明太子雞翼，不過得二隻，仲要切開一半🤔個人覺得麻麻地三文魚炒飯仲有蟹籽，顏色味道豐富。份量都幾大碟，用珍珠米👍🏻👍🏻👍🏻壽司款式眾多，一個餐可以試幾款唔同食材，有唔同的味覺享受。

旺角嘅女人街兩邊都有好多野食，今晚想食日本料理，就黎左呢間食勁抵 夜晚有特價壽司拉麵餐本身想食咖哩餐，但原來730pm後就冇，我過左時間去食，就冇了不過拉麵都一樣咁好食就叫左個火炙芝士三文魚加州卷同埋鰻魚蛋加州卷呢個價錢食到咁多野，而且足料，多件數，真係好抵食絕對係平價日本料理之選

黎尼度食過好幾次，但都無寫過評價，但因為見到尼度都幾多負評，所以想幫鋪頭平反一下😂(利申：非打手，純真心話）。尼間鋪既價錢好平，雖然唔稱得上好好好好食，但以尼個價錢食日式既餐黎講都真係抵食。今日同朋友食兩個拉麵特價餐，雜壽司+拉麵 60蚊、炙燒鮭魚壽司+拉麵 55蚊，後加左一份蟹子沙律腐皮 25蚊幫我地落單既哥仔好好人，雖然我地兩個人但佢見我地抽住兩袋野都比我地坐四人座，之後都會再番黎食過😘！！！！！

午市係幾平 都幾好食但係店員態度真係好差問野一係唔理 一係好惡咁叫等等行路唔睇路 係咁撞到人 又慢吞吞塞住條路餐具又污糟 隻羹好似十年無洗過咁封曬塵都拎出黎比客用落單慢上菜慢 連埋單都慢 咩都要等

我好日唔寫食評，但服務態度差到我忍唔住，今日平日下晝五點半左右諗住去食，入面未有客，我見佢地仲食緊野！其實我唔介意你講句未開門、未落場，我揀其他餐廳食！咁你問得我幾位，我咪照講兩位囉！咁以前食過知有加錢小食餐牌，已有禮貌問女服務員，未問完問題「唔該係咪......」就答我無！我之後就同朋友走左唔食！我擔心留係到食會被加料！呢到態度認真差，冇下次！冇選擇都唔會再食！

餐廳食物價格便宜，並且有以正價消費到$50，$80和$100就可以用優惠價點選指定食物的推銷。可是某略肥，臉包包的，蓄及肩短髮之中年女人侍應的服務態度奇差，可謂我咁大個女見過最惡劣的服務，認真趕客兼激到我崩潰！！話說一行二人以正價叫了個三文魚腩加州卷($38)和親子丼($48),合共$86。食食下上左個三文魚親子飯，正常反應當然係話上錯咗啦，於是另一侍應睇翻記錄就發現幫我們落單的中年女人將親子丼落錯做三文魚親子飯，然後向她解釋何謂親子丼。她的即時反應就是啤住我，而且似乎沒有認錯的意識，仲係咁講點知姐，俾人呃咗啊～她在我身旁講了好幾次，唔知係當我聾咗吖定有意俾我聽到呢？佢有錯唔認不特止，仲要掉翻轉埋怨個客哩種態度令到我十分憤怒，而家姐係屈我咁話囉喎？！我好肯定我係話親子丼，從來沒有講過三文魚哩三隻字，哩三隻字係邊到黎我真係黑人問號🤷之後她就開始話我們食唔夠錢，不能用優惠價，但其實我們的消費已足以使用到$50 & 80的order優惠。及後另一侍應check單知道我地無錯，又同那位中年女人講翻先無事。整頓晚餐我都無罵她(雖內心已十分火滾)，只是因為我怕她會在我未到的親子丼上‘加料’，食完餐