魚心日本料理 (Closed)

呢間餐廳其實係表妹帶我嚟食，因為佢話呢間非常抵食，咁我就一於嚟試試一見到個價錢，忍唔住「嘩」一聲，38蚊竟然包一碗拉麵、六件加州卷同埋一支玻璃樽裝汽水！！呢個價錢真係好平，而且現場其實有好多中學生，所以呢度令我回想起學生時代最開心回憶，就係有平價學生餐食講返食物質素，老實講以價錢其實就唔可以期望太多，不過值得一讚嘅係，套餐嘅份量好足，特別係細加州卷，每一件都好大舊，一點都唔細，其實食完6件加洲卷已經覺得有啲飽～而拉麵就係一般貨色，無咩特別。總括來講，呢度都唔係好似其他食評咁講咁差，只係環境方面可以再乾淨少少就更好！

午餐想食日本野，嚟到旺角實在太多選擇，眼花撩亂，所以決定就地正法，直行直至見到第一間日本料理就坐底。竟然比我地發現到間超平既日本料理，雖然係午餐，但份糧算大，我叫左個烏冬壽司套餐，而我朋友就叫左個魚生飯。我個烏冬壽司套餐其實又唔錯喎，鐘意食三文魚既我表示三文魚肥美新鮮，另外套餐包三件手卷分別係蝦天富羅，三文魚同埋蟹子沙津手卷，雖然三文魚唔差不過手卷塊紫菜硬到呢。。。口感麻麻，同埋飯既比例太多魚生太少，蟹子沙津果個直頭係同紫菜包飯無乜分別。而個烏冬我覺得又幾好味喎，烏冬夠彈牙！雖然食得岀唔係新鮮既豬骨濃湯，不過味噌得嚟又幾好味。食完好口渴，不過跟餐送飲品，個餐五十蚊有找，的確係好飽肚不過如唔好食就見仁見智啦。平到有d唔似旺角舖位魚生飯我無食 ，不過真係好多飯，好少餸

來到旺角的魚心料理，因為朋友想吃日本料理，所以決定到此解決晚飯的問題。店內環境寬敞，有2層，上層都已經是大得讓人質疑。看見餐牌，款式多得令人懊惱。最後，我選擇了鰻魚套餐。一開始來到的是沙律，重重的蟹籽沙律醬，下面都是爽口的西瓜絲，味重而爽口，前菜已經很開胃。再來就是味噌湯，份量是一半多少少，一般，熱度不夠，身為湯種就有點遜色了。味度偏咸。最重要的鰻魚來到了，鰻魚整身是不錯，有甜醬配搭，可惜又是熱度問題，鰻魚別下去顯得比較鬆散。值得一提的是，即一片 蕃茄 真是好難食，吃下去已經有一陣苦苦臭臭的味道，懷疑了蕃茄的質素問題。我只好一口氣喝水一併解決，想吐的感覺超重，要不是有朋友在的話我一定會吐。送一碗白飯，白飯就不多說了。加一服務後70多元的感受不太好，所以差評

服務態度超級差 叫加茶 叫咗三次先加個樣仲要好不滿 三文魚刺身 全部唔新鮮 海鮮拉麵加辣得個鹹字 海膽手捲 最離譜得兩嚿仔 我問佢係咪係咁多 佢話已經好多仲唔夠呀 幾錢買難受以後唔會去

本身鍾意食日本野 但係出面日本野普遍都好貴 所以都唔會成日去食 都會隔兩三個禮拜去食一次 今次呢間係openrice check過 價錢OK 雖然負評比較多 但係抱住一試的心態 就膽粗粗甘自己一個去試下 入去到 環境比相像中少 員工不多 亞姐好快就行埋黎招呼我 睇左陣menu 就叫左一個咖哩飯套餐 一個拉麵套餐拉麵份量幾多 湯底清甜 伴菜較簡單 套餐另外跟壽司 壽司有三文魚 吞拿魚 帶子 甜蝦 鰻魚 等 每樣各一件 味道尚可咖哩飯套餐-套餐跟花之戀壽司;咖哩味香濃 與其他咖哩屋拍得上 花之戀壽司味道挺夾 三文魚鮮嫩服務方面 沒流傳咁差 服務方面可以接受。以這個價錢 如果不介意地方的大小 食物上是可以的 

今日就出咗旺角波鞋街買波鞋啦，買完就周圍行下睇下，之後就行到去女人街，就開始覺得肚餓，咁就附近搵啲餐廳食野，就見到呢間日本魚心料理，我又唔想再行落去，就入咗呢間食了，我就叫咗一個雞軟骨，一個鰻魚炒飯同一個芝士波，雞軟骨好快就到，份量都都多，幾有咬口，脆扑扑，跟住嗰鰻魚炒飯就到啦，鰻魚都幾多，幾入味，唔會話太油，仲會配埋麵豉湯添，幾好飲，食完都幾飽，最後就到芝士波，有5塊，入口都幾熱，芝士味好重，正丫！

說到便宜的日本料理首選會到通菜街但上一次吃已經是多年前的事,忘記了冷奴因為十元一客且應該不會難食所以點了,豆腐夠細滑,豆腐汁都不錯,不知何方入貨?忌廉蟹肉薯餅都是食外來入貨的食物,蟹肉味唔夠出,但勝在有香濃的軟忌廉慢慢流出,很多日本料理都有入這個忌廉蟹肉薯餅,保證好吃雜菜天婦羅用青椒絲,甘筍絲和南瓜絲炸成的,吃起上來會很多層次感,又有爽脆又有軟稔稔的口感,其實真是不錯!其實是日order食物都是order一些來貨預先做好的食物,所以全部都蠻好吃

今日晏晝系MK行街 行到無耐攰攰地 就求其係附近搵野食 入到一間餐廳 呢間餐廳賣日本野 環境裝修都OK 所以就入去試下 🙈🙈🙈🙈餐牌上賣一些套餐和小食 價錢平均都是5,60 以旺角的物價 相對較為低廉 我地叫左一個拉麵套餐 一個壽司手卷定食拉麵口感煙韌 湯底鮮甜 唔會有好重鹼水味 套餐另跟三文魚壽司 吞拿魚壽司 帶子壽司 甜蝦壽司 鰻魚壽司 每樣各一件😆😆壽司手卷定食 壽司有三文魚 蟹籽 ; 手卷有吉列天婦羅 沙律, 手卷配天婦羅這個配搭我都係第1次見 挺特別埋單唔使130$ 性價比相當高 大家可以黎試下!👅👅

今日經過女人街發現呢間充滿日式風格的魚心日本料理餐廳, 因為晚上的旺角周圍都很多人, 所以就隨便在魚心食晚餐,不過竟然又幾不錯, 餐廳人流都幾多, 雖然不用等位, 但店裡面滿滿都是人, 幸好餐廳有兩層, 空間都算大。點了一個魚生飯, 份量很多, 有三款魚生、玉子和蟹籽, 魚生好新鮮好吃, 價錢都係非常抵食。然後點了燒秋刀魚, 魚身好長好大條, 肉質好滑魚味濃郁, 一上菜便立刻嗅到燒烤的味道,非常香, 如果加上檸檬汁來吃又會有一個不同的感覺, 會比較清新。

光顧過魚心好幾次這家食店明顯是相對廉價的日式食店怎樣的價錢就有怎樣的質素所以大致上都接受食物質素每次光顧都會加錢要三文魚刺身雖算不上最肥美,,但還是能吃得過的～～朋友點了拉麵我則點了雜錦魚生飯我的魚生飯等了好久才有醋飯味道剛好,,不會過酸～～而且溫溫的～～各種魚生都算新鮮～～另點了劍魚腩壽司鮮味,, 佳！

如果想平平地食日本野的話，魚心都係一個幾不錯的選擇，平、靚、正。雖然不是新餐廳，但都好有日本的特色，員工都好貼地，有時仲會傾到幾句計！聽都好多熟客喜歡係到食飯，我覺得呢到抵食一定係拉麵+壽司套餐，真係可以食到飽！ 拉麵好滑好彈牙，大大碗，入面有好多粟米，壽司種類好多款，熟蝦、吞拿魚、腐皮、八爪魚，整體魚生都新鮮～再點左一個類似花之戀既壽司，三文魚包住飯，卷住蟹柳、蟹籽，再加埋沙律醬,食落滿足的，飽飽的份量

今曰同朋友食飯，指定要食日本菜，咁唯有去啦。所以我地就去去開嘅魚心日本料理，水準一直有保證。咁我地就叫左芝士軟殼蟹反卷，海鮮丼，花之戀海膽丼。🍙芝士軟殼蟹反卷呢到用嘅芝士比較淡口咁先吾會搶左軟殼蟹D味。🦐海鮮丼呢個飯真係超多料，例如：大蝦、海膽、帶子、三文魚，每一樣都好新鮮，蝦肉入囗彈牙，三文魚油分多入口香濃。🌸花之戀海膽丼係D海膽上面有一大舊花之戀壽司，真係重正過出奇蛋一次過滿足你兩個願望，海膽入口超順滑又甜。好正。

今日同女朋友去咗旺角行街，行到夜晚已經好肚餓，就去左女人街嗰頭就睇下有乜野食啦。咁啱見到呢間日本魚心料理，於是我就走咗入去，睇完menu，見到壽司咖哩飯，咁特別嘅，就叫咗一個E餐啦。佢個餐有雜錦卷物同咖哩飯，我女朋友叫咗一個C餐：雜錦壽司同咖哩飯。咁嗰咖哩就係用日本咖哩啦，配落啲飯到，其實都唔錯，可以接受。雜錦卷就有八爪魚同三文魚，賣相都幾特別嘅；雜錦壽司就有火灸三文魚，鰻魚，吞拿魚，鯛魚，魷魚，熟蝦同加洲卷，份量都唔少架😋下次會想同fd再黎食多次👍

今日一支公食飯，一於對自己好D，去左魚心日本料理食野。叫左炸芝士薯波，吉列豬扒滑蛋丼飯，帶子壽司。不得不說呢度嘅芝士薯波係我食過當中最正既，因為佢地塊皮炸到好香脆，薯蓉好細滑，芝士夠香濃。帶子壽司重正，鮮甜嫩滑有咬口。但係個吉列豬扒滑蛋丼飯先係全餐最正，吉列豬扒個脆漿做得好好，唔會肉還肉皮還皮，又吾會一入口就成口粉漿，炸豬排嘅時間控制得啱啱好，入口D肉汁爆出黎，唔會靱到咬唔開。個滑蛋汁都好正，洋蔥味道夠甜，蛋口感又夠滑。

去旺角行街晚上去左旺角既魚心食飯,呢間餐廳好抵食,平時晏就都吸引好多打工仔同學生去Lunch，雖然裝修吾係豪華,簡簡單單但都幾舒服既。👆三文魚、蟹籽、海膽飯（推薦指數：★★★☆☆）我叫左個三文魚、蟹籽、海膽飯,份量都幾多,飯上面都被佈得滿滿的,好滿足,而且海膽吾腥,三文魚都算幾新鮮,蟹籽食極都食吾完,啖啖都可以食到蟹籽真係好正。👆炸蝦天婦羅（推薦指數：★★★★☆）之後又叫左個炸蝦天婦羅,估吾到又幾好食,蝦肉好彈牙,炸粉又係會好厚,岩岩好,食完都吾會感覺太熱氣。總括黎講,呢間餐廳都幾抵食,而食物都不錯。