魚眾不同酸菜魚 (天一商場)

Open Now

Now Closed

三次叫外賣都係俾勁小份量完全唔夠食，但堂食就正常份量。每次都係咁小真係間公司檢查吓俾$107。所有嘅餸係唔超過5件😂總要有時堂食啲服務員勁差啦我講廣東話佢聽唔明要講普通話但呢到係香港

今日突然想食酸菜魚 。就過咗嚟買呢間嘢外賣 。返到屋企滿心歡喜咁打開 。點知成碗嘢得四塊魚 。越來越差！以前一定唔止四塊魚想食魚嘅，千祈唔好嚟買！唔會再食呢間野！建議大家諗清楚得四塊魚 。接受到先好嚟！

魚眾不同酸菜魚這間餐廳聽上去會令人以為只有酸菜魚可以吃，原來還有提供各式各樣的川菜，除了一般的正常份量之外，還設有一人份量的酸菜魚和鍋物等等！另外餐廳燈光明亮，座位闊落，令人坐得舒適～老壇酸菜湯鱸魚片(1人份)💰HK$73老壇酸菜湯的味道剛剛好，不會太酸亦不會太辣！鱸魚片口感嫩滑，沒有碎骨，而且湯底的味道能夠完滲透到鱸魚片中～花膠濃湯雞煲(1人份)💰HK$72花膠份量比想像中多，真料實料！雞肉肉質嫩滑！湯底充滿濃郁的雞肉鮮香味，順口醇厚，感覺非常滋補～麻辣牛展💰HK$48牛展不會過於柔軟，也不會過於有咬勁，而是恰到好處的口感！麻辣味亦很足夠，令人食慾大開～菠蘿梳打特飲💰跟餐+HK$12帶有菠蘿的果香味，還有一股清新的氣泡感～看來下次突然心血來潮想吃酸菜魚時，也可以自己一個人來吃了～

我一向熱愛探索地道美食，最近嚟到位於天一商場嘅#魚眾不同酸菜魚  。光聽到個名，就知道以一人份量製作菜式，價錢相對親民，又見有唔少街坊到來外賣拎走，一於就入內一試佢哋嘅招牌菜式。由輕鐵站走來5分鐘左右就到，以QR code自助點餐。簡單又易用。麻辣豬耳 43.00切成幼絲嘅豬耳，口感爽脆，口腔內有一股刺激嘅味道，令人一口接一口，系道唔錯嘅小食。花膠濃湯雞煲（1人份）配絲苗白飯 72.00首先點咗佢哋近期嘅招牌雞煲，湯頭濃郁鮮甜，花膠好足料，爽滑彈牙。雞件肉質幾嫩滑，每一口都好味。完全不粗糙。系悶熱嘅夏天食特別開胃。青花椒酸菜鱸魚片 73.00+配菜(豆腐皮&黑木耳)+手打薯粉湯底有不少選擇，樣樣都想試下，青花椒辣味足夠，而且重帶麻既後勁。鱸魚片夠多又滑，配菜方面可以自選，而份量都同樣吾少，同米線分開上，呢個性價比合理!!紅豆冰(套餐)+12.00 &凍柑桔蜜(套餐)+12.00白灼蠔油菜心38.00菜心新鮮綠油油。

「魚眾不同酸菜魚」開左好幾年，一直都無機會試，今日懶煮飯，索性落街食，打算一試。餐廳座位寬敞舒適，唔算多人，午飯時間選擇都好好多，我哋叫咗兩個餐，同埋兩個小食。蕃茄濃湯鱸魚片個蕃茄濃湯好鮮甜，入口酸酸哋，開胃又醒胃。鱸魚片好滑嫩，啖啖肉。配埋萵筍、豆腐、墨魚丸同米線，真係好滋味！胡椒豬肚雞煲米線胡椒豬肚雞煲好足料，有雞件、紅棗、豬肚同蟲草花。雞件好腍滑，豬肚爽脆，湯底胡椒味濃郁，好暖胃。米線吸晒湯汁，真係好正！麻辣豬耳麻辣豬耳好惹味，豬耳爽脆彈牙，麻辣味好夠喉。口水雞口水雞好嫩滑，雞皮爽脆，配埋個麻辣醬，真係好惹味！凍無糖檸檬可樂凍無糖檸檬可樂好消暑，檸檬味酸酸甜甜，好解渴。菠蘿梳打特飲菠蘿梳打特飲好清新，菠蘿味香甜，梳打水有少少氣泡，好refreshing。魚眾不同酸菜魚嘅菜式真係好有特色，而且味道都好正。環境舒適，服務周到，值得推薦！

近排成日都落雨，放假都唔想出太遠街，去屋企附近嘅天一商場搵嘢食算，今日就試咗呢間酸菜魚。蕃茄濃湯鱸魚片 :太太喜歡蕃茄，蕃茄濃湯就最啱佢，鱸魚片好嫩滑，無骨下食得好方便，配菜揀咗萵筍及豆腐，兩樣吸收晒湯汁份外好味，主菜嘅薯粉煙煙韌韌，永遠都係魚湯嘅最好搭檔。花膠濃湯雞煲 :一見到牆上面餐牌呢個雞煲，已經超想試。雞煲上枱時已經聞到濃濃嘅雞湯香味，雞湯鮮甜濃郁，有大大件花膠，雞嘅份量都幾多，食落鮮嫩，配埋米線每一啖都沾到雞湯，好味得黎又夠晒滋潤。主食加錢有飲品，特飲只係需要加$12，叫咗紅豆冰，紅豆份量都幾多，味道唔太甜，飲完透心涼。

酸菜魚是近年大受港人歡迎嘅四川名菜, 鮮味嘅魚片和酸辣風味湯底, 令人百吃不厭。魚眾不同有多間分店, 天水圍分店位於天一商場, 就近輕鐵站, 交通幾便利, 環境都幾舒適。點咗老壇酸菜湯鱸魚片, 酸菜湯的湯底帶有微酸的味道, 口感清爽。新鮮的鱸魚片質地鮮嫩, 肉質細膩。加入萵筍, 大豆芽菜和辣椒等配料, 增加口感的層次感和豐富度。手打薯粉晶瑩幼滑又煙韌, 加配嘅牛丸爽滑彈牙, 令人回味。紅油青瓜木耳辣辣地幾醒胃, 青瓜新鮮清甜, 木耳好爽脆。鳳爪排骨煲仔飯熱辣辣香噴噴嘅煲仔飯, 材料鋪滿飯面, 鳳爪肉質軟嫩幼嫩, 排骨肉質軟糯易咀嚼。米飯粒粒分明又飽滿。米飯在煲仔中會吸收濃郁湯汁和肉汁, 口感濕潤而香甜, 還有煲仔飯飯焦嘅焦香。加上冰凍檸檬茶, 清爽又涼快。@extraordinaryfish_hk魚眾不同酸菜魚 (天一商場)天水圍天秀路8號天一商場2樓2060號舖

送了晴晴上學，就開始洗早餐的碗碟，洗床單被鋪，一身疲勞，午餐當然想抖一抖，出街食就最方便，不用煮不用洗。近近地去了魚眾不同酸菜魚，商場一上電梯就到，又無加一服務費，環境乾淨，坐得舒服，食到飽一飽，人均消費$100有找。花膠濃湯雞煲$72一大煲濃雞湯花膠煲，湯底呈奶黃橙色，再加一大碗米線，份量充足，食完都已經好飽。雞件和花膠的組合，老生常談的滋補配搭。口水雞$43 肉質嫩緊有光澤，口感佳。微辣的味道，刺激味蕾，增添食慾。紅油青瓜木耳$30 青瓜青脆爽口，清甜加紅油微辣風味，越食越多，開胃醒神。木耳咬口佳。涼拌海蜇$32 前菜小食，晶瑩通透，彈性的口感的確不錯。紅豆冰$12 紅豆量很多，飲到見底都還有紅豆，份量不吝嗇。

位於天水圍嘅餐廳——魚眾不同酸菜魚，除咗有酸菜魚食之外，還會有煲仔飯。可以滿足我幾個願望。花膠濃湯雞煲套餐配白飯$72。呢個湯底真係好濃郁，加埋新鮮嘅花膠，令湯嘅味道更加豐富。雞肉鮮嫩多汁，同湯汁一齊食真係好過癮。仲有一碗香噴噴嘅白飯，真係美味到冇得頂。臘味煲仔飯$72。呢個煲仔飯金黃色，香氣撲鼻，真係好有味道。飯煮得剛剛好，每粒飯粒都飽滿有口感。上面嘅臘味有腊肠、腊肉、腊鴨等，味道豐富，令人彷彿坐喺香港嘅大排檔食嘢一樣，飯焦底卜卜脆。川味口水雞配白飯$58。呢個川菜經典之選真係唔可以錯過。雞肉經過特別嘅烹調方法，保持住嫩滑嘅口感，再加上微辣嘅辣椒醬汁，真係開胃到爆。加埋一碗清爽嘅口水雞同一碗香噴噴嘅白飯，就真係超正！今次去魚眾不同酸菜魚真係食得好開心，除咗滿足到食物嘅歌，同時間可以食到冬天先成日食嘅煲仔飯。魚眾不同酸菜魚 (天一商場) (天水圍)天水圍天秀路8號天一商場2樓2060號舖#魚眾唔同酸菜魚 #湖南菜 #美食探索 #濃湯雞煲套餐 #臘味煲仔飯 #川味口水雞 #食評 #香港美食 #foodie #instafood #foodlover #yummy

魚眾不同有8間分店，我黎過喱間算最早開業。胡椒豬肚煲薯粉，足料兼大煲，豬肚爽口，雞肉嫩滑，胡椒味濃郁。麻辣牛展($48)，厚切中間帶少許筋，醃製得入味。一人份系列酸菜魚，首先揀咗魚類先，有鱸魚片，生魚片，龍利柳，我揀咗鯛魚片，仲有非魚類，肥牛，墨魚片，毛血旺。第二就揀湯底，喱個檸檬酸菜湯，然後可揀兩類免費配料，蘿蔔，海帶，可再追加其他。然後就揀飯底米線or薯粉。俾既份量都好多。湯底都係酸酸地唔辣。飲品凍柑橘蜜

呢排食到飽飽濟濟，食啲川菜野開下胃，經過見到呢間#魚眾不同酸菜魚 ，見入面都好多人就入去試下。餐廳有餐前小食、招牌菜、水煮系列、一人專炒飯、煲仔飯。餐廳以QR code落單，湯底同配料都可自行選擇口味!!鮮魚鍋揀左唔辣老壇酸菜湯，湯底微酸辣好開胃！雖是一人份量算多，有牛丸、魚丸、娃娃菜、鮮魚片、薯粉、香腸、馬鈴薯片等，大量鱸魚片好滑好新鮮，鍾意食酸菜魚不要錯過！精選牛鍋牛肉薄身小小，肉味濃郁，而湯底濃厚番茄香，食完一輪再飲番茄湯，好飽😂米線屬淋身 。凍檸茶 (跟餐+$7) ，凍檸水 (跟餐+$7)整體嚟講，菜式比一般川菜唔算太油膩！都可以試一試 。

無意下經過，已聞到好勁的油煙味，都已不想進去。但之前一直想試下，都係快快食完走。於是叫左老壇酸菜魚配薯粉。不包野飲就$73，加杯凍飲$7。湯內只有酸菜，鱸魚，配菜豆卜和萵筍是自由選配，整體味道是不錯，但跟其它店比，這份量偏少，性價比較低。份量女生食夠飽的。

天水圍天一啲阿姐一係漏單，一係錯單，希望貴店認真培訓員工，今晚叫米線，又俾左飯我，上次唔辣，又俾小辣我，佢地做野真係幾拿西😮‍💨 拎左返屋企先知錯野，老婆大肚又唔餓得，迫住食唔到，真係次次叫親都谷氣，可唔可以改善下阿姐啲質素，我試過當面同阿姐講你比錯嘢，佢又唔認錯，然後下次又係同一個阿姐落錯單錯，我話佢佢係唔認，跟住仲要個廚房又煮錯嘢，再上一次我等咗30分鐘，佢先比錯嘢我，跟住我直程唔要，係咪呢度冇老細？冇老闆冇經理？啲嘢可以亂咁嚟？

第二次黎食了，上次食左個麻辣龍脷柳，又辣又惹味，今次就唔食咁辣，試下檸檬酸菜湯～配料依然係娃娃菜同金針菇～份量都係多，食極都仲有👍🏻呢個湯一開始食酸酸地好開胃，味道都好濃郁，不過越食越酸，酸到有啲頂唔順🤣如果好鐘意食酸既朋友我建議一定要試下呢個湯！不過我就去到最後唔係幾頂得順🤣都係麻辣啱我多啲～

我地一行4人黎到魚眾不同，叫左個青花椒酸菜魚，供2-4位用，配料包埋豆芽、豆腐皮、娃娃菜、萵筍、海帶、薯仔同寬薯粉，主食就只係包2個，如果想另加配料/主食就要加錢。一上菜就Wow~~~超大碗！即刻試下個湯底先，酸酸辣辣咁好開胃，而魚既份量都幾多下，4個人食都幾夠食，食落去又鮮甜👍🏻配料都好豐富，令人有驚喜。雖然本身包左2個主食，但我地都加左兩碗米線，咁就可以一人一碗😋不過食晒我地就發覺可能單叫一人一個餐可能仲會抵食啲同飽啲🤣