鮮粉人家

Open Now

Now Closed

中學時經常搭車去SPK圖書館溫習，之前係圖書館樓下就是此餐廳 🫢幾年後已搬去現地址，成為獨立的店👍👍喜愛食酸辣粉/米線的話，真的極推薦！🤘🏻而雞煲等其他食物，就較一般 🤫但酸辣粉/米線的辣，諗起都流口水 🤤✳️酸辣米綫（勁辣）配肥牛 & 豬頸肉 👍👍👍湯底酸辣得過癮🤤米線隨送之肉碎都十分夠份量，及有口感😋辣湯配花生，令人食上癮🤩肥牛普通，但豬頸肉淡淡焦香味，且口感不俗😋整體而言，湯底，肉碎，花生及豬頸肉十分出色🥳🥳✳️哈密瓜果汁 👍👍👍綠色哈密瓜果汁一開始嚇一跳，但哈密瓜味十分濃厚，不俗🥰

老實講這間餐廳不是我本來想去的地方 我本來是想去另一間-燒皇燒烤雞煲 有很多笑哈哈的雞煲店 還在之前一日已經訂位留枱 誰知到最後 店家竟然沒有我的訂枱記錄 所以我就試吓找其他食店 朋友特別愛雞煲 所以我們就想試吓這一間店舖 這間食店面積唔算大 側面全是卡位 中間一張大直枱 就成了一間食店 姐姐都好熱情 知道我們有蛋糕🎂就幫我們放在冰箱 留一個角落位置 那我們就可以慢慢食和專心傾偈 這裡有套餐和單點 套餐其實都只係多一些菜式 都係唔包飲品 不過如果肚餓和人多 套餐真係比較抵 雞煲我們要求唔辣 但其實都係有啲辣 但嗰種辣係接受到的 所以我們都沒有投訴 這個雞煲份量好大 我們沒有詢問究竟是不是一隻？只係問咗職員 如果單點和套餐是份量是否一樣？職員說是一樣的 但各位請留意這裏添加的湯真的是湯不是水 如果你覺得太鹹的話可以要求職員加水 這碟肥牛的份量兩位一定足夠 下面有很多芽菜墊底 但其實都很足夠 這碟菜份量充足 不過在最後才吃就會比較肥膩 因為那些湯汁真的很油 我們各點了飲品 朋友點了洛神花茶 但朋友一飲完之後就發覺只是溝粉的 所以我就點了罐裝可樂 價錢一樣 老實講其實如果兩個人的話 一個

今日抱住賀下聽日開學嘅心態去食佢嘅烤魚啦～結果條魚上咗嚟之後 成間鋪嘅電池爐熄哂🥲咁兩個人去一爐烤魚點都唔會真係淨食一條魚㗎嘛 （入面冇薯粉得芽菜）我哋都嗌咗啲羊肉 娃娃菜 粉 之類…結果最後間鋪啲電確認咗開唔返之後 都仲叫啲客繼續食 一個Gas爐 3枱用 咁其他人係打邊爐嘅 然後我哋呢枱 因為啲烤魚係熟咗先上 佢哋就全程直到買單都冇理過我哋 淨係話要煮嗰啲幫我哋退錢 但係條魚照計錢最後就係我哋要焗住食條238嘅魚仲要中間其他客人提議過話 借嗰唯一嘅Gas爐 比我哋熱一熱條魚 店員都以「條魚本身熟嚟拒絕」Btw 啲魚味道還可以 只係我食嘅係唔熱嘅買單時 幫我哋免咗一杯凍飲嘅錢 但都照計 星期日嗰$20太失望啦😭冇下次

屹立新蒲崗將近廿年嘅酸辣粉老店🔥係譚仔等米線鋪仲未開到成行成市嘅時候已經係新蒲崗立足開十幾蚊碗開始食起🤣🤣🤣最好食就係薯粉坊間好多薯粉都係攞最平貨 啲薯粉又唔彈 又唔索湯 唔係將近半透明性無咗食薯粉嘅精髓😩😩😩通常會叫個重慶酸辣粉 要薯粉加個餸要豬頸肉 冬天個時食一碗酸酸辣辣真係大滿足😚上次去食係食雞煲就唔特別推介啦🥸因為鋪頭比較窄 又焗一臺一個雞煲成個鋪焗到傻咗加上雞煲湯底定材料都無野值得額外推介所以如果去呢到食都係食返粉麵算啦😛😛

之前舖頭仲係新蒲崗廣場嘅時候已經經常來食，皆因假期便宜又好大一碗非常足料。後來搬到依到，質素冇邊，味道依舊酸辣味十足，各方面味道都平衡得很好，入面附送嘅酸豆角十分惹味。

🟠 香脆豬頸肉套餐（$68）套餐有一碟豬頸肉、餐前小食，朋友揀左手拍青瓜、一碗白飯同一杯台式飲品。雖然係套餐，但份量比我想像中大🤗豬頸肉有芽菜墊底，亦有差唔多十五舊肉，豬頸肉唔會好肥，配埋個少少酸辣醬，都幾好味😋而手拍青瓜好爽口，但就唔係話好辣。🟡豬腸薯粉（$25）少辣碗薯粉既份量正常，少辣岩岩好，豬腸無任何怪味，而且亦有5-6舊，都算大舊。味道雖然唔算得上好驚喜，但性價比都不錯👍🏻

Lunch想食酸辣粉，就試吓喺新蒲崗呢間餐廳。$20酸辣粉底，加餸逐個加錢，$7 或者 $10嘅餸都有。呢次就食咗魚腐 ($7)，連粉先$27。酸辣粉嚟講算好惹味，唔會太辣或者太酸，都叫恰度好處。配料如花生、酸菜、芫茜等等都齊，有誠意。朋友就食咗牛腩($10)同牛栢葉($10)，加酸辣米線加底($23)。都係正正常常惹味開胃嘅酸辣粉。醒在夠平，同埋夠快，非常貼地。我留意到佢仲有雞煲，小龍蝦同酸菜魚，下次可以一試。

叫左4道小菜，4碗粉，大中小辣都有能夠全部無味，豬頸肉烚既咁，土豆絲得少少辣味，土豆林到入口即溶，好啦叫個滷水拼盤諗住有啲汁送飯，打開下面係乾嘅一滴滷水汁都冇，真係好正。另外有個干鍋，配料望上開好多，但係都能夠完全冇味，究竟係點做到夠配料但係無味嘅呢？啲豬腸咬5分鐘都未爛。野飲方面，朱古力奶昔係水嚟嘅。香芋奶茶完全冇奶茶味亦都冇香芋味，全部所有嘢唯有個滷水蛋係叫做有味好食少少。以後都唔會再食，仲要7xx蚊！

因為好鍾意食薯粉，於是有一日走入去試吓，間舖好細冇咩座位，以我所知晚市好似有埋火鍋但嗰日就咁食粉面粉面，份量好多一碗分分鐘食唔晒，而且啲香料都好有心機整每一樣都炒得好香脆，薯粉口感煙韌，但唯一衛生情況一般

酸辣粉近年來係香港大受歡迎，每區總會有一兩間，主要因為價錢相宜，容易打入市場。至於呢間鮮粉人家，係新蒲崗已經有兩間。午市時間大受學生歡迎，主要做酸辣粉同午市套餐，而晚市主打麻辣雞煲。呢度既酸辣粉大大碗，辣度有分大辣🔥🔥🔥，中辣🔥🔥，小辣🔥。麻辣味香口，每碗都有大量配料：花生，蔥，芫茜等。午市套裝有一個主菜，一款小食同飲品。抵食。💲3️⃣8️⃣-4️⃣8️⃣自選酸辣粉：豬頸肉芝士腸酸辣薯粉小食手拍青瓜🥒涼伴大荳芽菜涼伴土豆絲滷水拼盤滋味豬扒至尊套餐有多款選擇自選粉麵有多種配料

218, 一份雞煲, 包2份火鍋料有成隻雞咁多...好在唔算太大隻, 肉質唔韌、有雞味; 剛開始食時, 味道略淡;  慢慢煮吓煮吓,汁料的味道開始入、洋蔥溶化,變得好好味選了小辣,其實唔辣~~ 依間雞煲唔會太咸太濃, 空口食都可以, 喜歡肥牛, 腐皮都唔錯而且依間收得夜,最適合夜猫子侍應好細心, 會主動加湯,  反應快下次想食烤魚

是日, 朋友突然搵我食飯...近近地去左新蒲崗睇下有無咩好野食無目的既我地又係周圍行...比我見到鮮粉人家.. 其實好想試好耐..又係唔知點解..成日無機會...問朋友o ng ok...無問題...咁就試左....場內好細.. 20個位左右我就叫左個酸辣粉..個粉唔夠辣唔夠酸...但夠麻而著粉又煮得太腍... 味道...亦係一般反而口水雞又真係幾出色..夠辣夠麻..肉質亦唔'鞋'口但是....骨多hahaa...ok la...呢到...真係個價錢夠哂平...試下無妨

本身鍾意食雲南米線，見到甘大個鮮粉人家，就入去試下。點左重慶酸辣粉，嗯，食過既都大約知道係咩味，個種辣十分之香，而且配以滑溜的薯粉，口感相當過癮。其實我的要求也不高，只要做到一般味道就可以了。但這次卻令人失望，因為碗酸辣粉既味好怪，完全不是食開個隻味道，而且又唔好食。最後不歡而歸。唉。

雞煲套餐 ($188)經常食尼間既雞煲套餐。套餐除左雞煲，仲會送兩款配料，我揀左肥牛同薯粉。 雞件都算多，而且好濃味，雞夠滑，索曬湯汁，熱辣辣，食到停唔到。雞煲好多湯汁，所以好夠味😍，而且唔易痴底，連加完湯都仲好夠味，而且份量都算多，兩個人食一個餐都夠飽。不過小店關係，配料選擇唔算多，不過基本既都有齊架，仲可以另外加配料添。

酸菜魚煲餐($198)尼間餐廳既雞煲同魚煲都好抵食，司令今次叫既係酸菜魚小辣，另外送兩份配料，司令就揀左肥牛同薯粉。一上枱，好大份喎，姐姐話食左啲魚先再開火打邊爐，魚肉唔係太入味，仲有少少老左，不過食多陣就慢慢吸左酸菜既味，雖然望落好大堆頭，但其實底個到係芽菜酸菜等等既配料，不過料咁多拓起啲魚肉可以令魚肉唔好再加熱，比個讚佢地既小心思👍🏻。 一個餐可以兩個人食到好飽，如果多人既可以叫多個雞煲或者叫多啲餸先夠。