鳳鳴石磨腸粉 (Life@KCC)

Open Now

Now Closed

今日經過葵興做野，天氣翳焗唔想食飯餐，見到有石磨腸粉，即去試吓先😋套裝組合：腸粉+小食+飲品，價錢$36-51小編叫左$44 石磨雞蛋豬肉腸平時食開啲腸粉，通常都只係食到豉油醬料味，但原來加左蛋去整個米漿係香好多。 加埋鋪頭隻秘制麻香汁，甜甜辣辣幾開胃🤤腸粉可以揀白米/紅米/黑米，想食得健康啲都有得選擇小編大食係人都知🤭， 小食+$8 要粢飯🍙餡料有油炸鬼，榨菜，肉鬆，加埋軟糯黏稠熱辣辣嘅糯米團，好夠飽，好滿足🤪加埋枝豆漿，完滿🥳朋友想食得清淡簡單啲，就叫左$39 石磨粟米腸，配燒賣魚蛋+ 紅棗桂圓茶，飲品係天然自家製，唔會好甜，飲出養生嘅味道 😝📍鳳鳴石磨腸粉 (Life@KCC)葵涌葵昌路72-76號Life@KCC 1樓110號舖#hkfoodie #foodiehk #foodie #hkfoodstagram #hkfoodblogger #food #foodstagram #foodblogger #instafoodie #foodporn #香港美食 #香港必食 #香港探店 #香港打卡 #香港旅遊 #香港必喝 #香港好去處 #假日好去處 #搵食好去處 #葵興搵食#葵涌

滿懷期待嘅心情試呢間石磨腸粉，結論係一次算了首先只有黑米腸粉，無其他腸粉選擇，是但啦可能好食呢……其實食落冇咩唔同嘅味道，但顏色就不太吸引。首先，講吓個豬膶，苦同硬然後，麻醬手撕雞腸粉，睇圖都睇到雞應該係切嘅雞柳，不是手撕的。另外，係冇麻醬的 ，雞嘅份量偏少，不過算啦，因為啲雞唔好食，比多我都係浪費加$8嘅桂圓紅棗，應該係糖加水，飲唔出其他味道了全個午餐最好食嘅應該係嗰幾粒燒賣，因為冇期望，就冇失望點解我唔正正經經去買個飯食呢？

又到三點三，今日唔去茶記食下午茶，走咗去葵興KCC一樓food court，嗰度好多小店小食，仲有枱凳俾你坐。其實我未食過石磨腸粉😅今次試吓先～石磨腸粉套餐 $4️⃣6️⃣可以揀白米／紅米／黑米我揀左黑米石磨腸粉+豬潤黑米石磨腸粉色澤呈深紫色，皺皮一摺摺，唔係平時酒樓食平滑果款，口感比較緊實彈牙，散發米香。豬潤係切薄片，加埋炸蒜，芝麻，麻油，蔥花，芫荽，少少麻香汁，真係好香。不得不讚個香麻汁，有畫龍點睛的作用。仲有墨魚丸，咬落爽彈，唔會一嚿粉。小食粢飯 +$8️⃣粢飯糯米軟糯黏稠，中間有油炸鬼，榨菜同肉鬆，味道不錯，非常飽肚。飲品揀咗竹蔗茅根水，清涼解渴，入口微甜，炎炎夏日最佳選擇。📍鳳鳴石磨腸粉葵涌葵昌路72-76號Life@KCC 1樓110號舖#鳳鳴腸粉 #石磨腸粉 #腸粉#粢飯 #竹蔗茅根水 #life@kcc #葵興美食 #支持小店 #相機食先 #hkfoodie #heleninocean

鳳鳴石磨腸粉（葵興）熱門食店來到葵興！終於開幕了新鮮熱辣即拉腸粉，落單即製特別推介麻香汁，為腸粉帶岀鮮味靈魂！腸粉可選白米/紅米/黑米，健康有得揀~招牌手撕雞腸皺皮腸粉配上嫩滑雞肉，啖啖肉，麻香汁係絕佳配搭新鮮豬膶腸爽口豬膶配上黑米腸粉，健康又好味配埋魚蛋/燒賣二選一同埋健康飲品，呢一餐好完滿✌🏻喜歡我的分享，記得like+comment+share 🥰#香港小食 #A家食評 #傳統美食 #葵興 #KCC #腸粉 #魚蛋 #燒賣 #鳳鳴石磨腸粉 #麻香汁 #小食多滋味

係葵興返工既朋友仔有口福啦！鳳鳴石磨腸粉係Life@KCC開左分店，每一日朝早都可以食個正正早餐先返工啦大大份腸粉同埋蒸米粉仲可以做正餐添呀！快d一齊黎試試佢地自選石磨腸粉套餐招牌雞蛋豬肉腸 ＄44自選套選包左一份腸粉，一份小食同埋一枝飲品腸粉就揀左最經典既組合，雞蛋豬肉腸，軟滑既腸粉加埋一齊蒸都一樣咁軟滑既雞蛋已經好正最特別既就係佢地自家製麻香汁，落左係腸粉度，麻辣味非常香，即刻就令佢地既味道同平時食到既其他石磨腸粉唔同晒啦小食可以揀燒賣或者魚蛋，一共6粒，我就唔揀啦，一於各一半魚蛋好彈牙又有魚味，燒賣係魚蛋面前顯得有些許平淡。飲品全部都係自家製天然飲品！除左我揀左既豆腐之外，仲有竹蔗茅根，桂圓紅棗，羅漢果可以揀每支都係純天然，低糖之選頭先講到好好味既麻香汁，大家仲可以帶返屋企麻香汁方便裝每支$45，拎返屋企加配其他食物都可以享受到佢地既麻辣香啦

鳳鳴石磨腸粉7月15號係鳳鳴石磨腸粉（葵興KCC分店）正式開張，佢哋今次開喺葵興九龍貿易中心(KCC)入面，主要係做外賣，不過店外都有一張大枱比人堂食，始終今日係第一日開張，我等張大枱都要等少少時間，對葵涌人嚟講都算係等咗好耐，經過嘅朋友可以試一試佢哋嘅石磨腸粉，除咗有白米揀，仲有黑米同紅米揀，磨出嚟嘅腸粉隨時滑過你皮膚，哈哈！🤣🤣🤣1.石磨牛肉腸（白米，大辣）$28+爽滑墨魚丸（4粒）+竹蔗茅根$16（9/10）呢個石磨牛肉腸揀咗白米同大辣，石磨腸粉好滑溜，辣度揀咗大辣，啱哂食得辣嘅你，牛肉好嫩滑，都有大約5片牛肉，我再加4粒好爽口彈牙嘅墨魚丸，最後飲品揀咗竹蔗茅根，呢支竹蔗茅根水唔會好甜，初初以為清水，後來問店員先確認係竹蔗茅根水！2.蜜汁叉燒腸$35（黑米，少辣，加雞蛋$3）+魚蛋（6粒）+豆漿$16（8.5/10）呢個石磨叉燒腸揀咗黑米同少辣，石磨腸粉好滑溜，辣度揀咗少辣，叉燒係切條，都有幾條蜜汁叉燒，我再加6粒好彈牙嘅魚蛋，最後飲品揀咗豆漿，呢支豆漿豆味香濃，又唔會好甜！3.麻香汁（130ml）$45（9.5/10）呢支麻香汁係用咗花椒+指天椒+辣椒+紅椒混合製成，麻麻辣辣好