鴻利茶餐廳

Open Now

Now Closed

超級超級 連續吹了三天 點了 沙爹牛肉米粉 冬瓜豆腐肉片湯飯 餐蛋治 店員超級好 因為住院 無論點多少都送餐到病房 可以再平台下單 也可以電話下單 不論點多少員工都會送過 每次下單30內就收到食物 食物還是熱的 超級推薦

餐廳吾多人未入到餐廳都聞到好香的鑊氣味鼓椒排骨炒河熱奶茶色就好足夠料又多又大碟係汁比較咸左少少汁係直接放上河粉到已吾係炒出黎奶茶就茶底就做得吾太好西多士正好耐無食牛油吾會太多中間的花生醬勁濃郁糖漿按自己喜歡的加

一直好懶去寫評價, 但係我呢間餐廳食完之後都真係要寫下我嘅感受, 因為要帶囡囡去附近醫院睇醫生, 要等報告嘅嗰段時間覺得好肚餓, 附近冇乜嘢食就走咗落嚟食, 一入去老闆夥記都好好招呼, 叫咗個魚香茄子炆伊麵, 即叫即整熱辣辣, 同埋好大碟, 味道不過不失, 但係最重要係人情味, 因為抱住bb我跌咗個奶樽蓋, 有個夥記即刻主動過嚟幫我執, 仲喺我冇要求嘅情況底下主動幫我用滾水淥乾淨,消毒過先再還返畀我, 今時今日香港地真係好少有, 我諗應該都係做開街坊生意嘅茶記先至有嘅人情味, 希望呢間餐廳生意興隆, 有機會會再幫襯~

荃灣荃景圍附近都冇乜嘢好食，今日早餐叫咗呢間外賣試吓，老實講，以茶餐廳來講唔係特別出色，但係起碼正正常常，而且沙嗲牛肉麵都不太差，起碼食到有沙嗲味，唔係淡茂茂嘅沙嗲水，以正常街坊茶餐廳嚟講算OK呀

因為家人入院所以要連續幾日上醫院探望照顧，但醫院餐廳是素食同埋價錢唔平，所以只好行去附近搵食，發現了這間小店，裝修普通但企理乾淨，主要做附近街坊或者地盤工人生意，餐牌上選擇極多但食物質素有驚喜，所以連續幫襯左幾日，先後食過羅漢齋炒麵，肉絲炒麵，牛肉炒意粉，生炒牛肉飯同豉椒牛河.. 炒麵麵底脆卜卜，炒河同意粉亦夠乾身唔油膩，另外點嘅鹹牛肉芝士飛碟同奶醬多亦烘到外脆內軟唔怕乾柴柴，全部食物都非常唔錯👍🏼，今時今日有咁多傳統港式炒粉麵嘅餐廳真係買少見少

基本上荃德花園冇乜幾多間食店，冇乜選擇下戰戰兢兢走入去一試，因為裝橫有點八十年代快餐廳。原來呢度主要做附近街坊生意，和下午學校放lunch的學生生意，叫了幾個小菜，焦思腐乳炒通菜，椒鹽排骨，焦思腐乳炒通菜，椒鹽排骨，青椒味菜炒魷魚，計呢度啲嘢好唔好食，人情味搭夠比足滿分，不過不失的小菜！

第一次黎食呢間鴻利茶餐廳既晚飯🤔環境就唔算好朝淨 但起碼光猛 卡位都幾好坐既！同媽咪黎兩個人叫咗個雙丸粉絲什菜煲，加多個豉汁蒸倉魚tim☺️☺️首先 不得不說 個雙丸粉絲什菜煲勁大煲 係勁大煲ah喂🙈🙈🙈😂雙丸都有六粒 係牛丸同龍蝦丸 都幾有創意😂 丸就無咩好講啦 同你係街市買黎打邊爐果d丸一樣囉🤓😛無乜驚喜🤷‍♀️不過菜就有好多款！西蘭花。生菜。白菜仔。菜心 樣樣都幾新鮮 我就中意食腍既菜 所以佢煮得腍就岩哂我口味啦😝😝個倉魚豉汁味道就夠既 配左d辣椒碎好好送飯 茶餐廳黎講佢條倉魚都叫新鮮既 不過就蒸老左少少咁啦

打敗仗入左院，素菜唔啱我口味，唯有叫外賣苦瓜排骨晚餐，送多個華田，算是ok苦瓜不苦也不太林，保持到鮮味，少少甘味，豉椒炒突出香味排骨算份量幾多，啖啖都有肉，不只是骨

在附近工作，其實冇什麼選擇叫左個午餐，梅子排骨飯份量都好大份食落排骨的梅子味道十分濃郁入口幾林不靱飯有點軟，可能外賣焗住，欠少少湯是西洋菜湯，不過西洋菜有點苦，湯仍算鮮

京都豬扒飯，賣相吸引豬扒厚厚，冇雪味，甜酸汁早已入曬味，甜和酸味十分平衡，不會酸過頭。豬扒肉質軟淋，仍保持到彈性，一d都唔靱，仲有新鮮菠蘿同洋蔥，已經炒到入曬甜酸味，送飯一流

繼續在荃德呢頭搵食，今次輪到去鴻利茶餐廳，一個人沒太講究了吧！晚餐四揀一，同樣地，或為了遷就附新的地盤工人，總會有一味枝竹火腩飯。然而，我是晚的選擇並不是這味，而是菜遠牛河。河粉夠爽夠滑，芡汁沒有太杰太厚，已是不錯，而且還有頗多的菜，感覺健康。只是，牛肉的質感實在腍得有點過份，失了真，否則會是不俗的選擇。凍奶茶都幾好，雖不算很滑，至少茶味濃，合心。晚餐連飲品廿八蚊，都算係咁。