鴻發滷味大王

Open Now

Now Closed

我1⃣️個人堂食叫左碟切雞鵝片飯$73，有個男性應該係夥計帶住手套摷垃圾桶然後隻手指公插落去碟飯，嗰一刻真係嬲到極點，佢見我唔食跟住換俾我，以後都唔會再幫襯呢間。

係新蒲崗睇完舖後，租客介紹我食出名的鴻發滷味大王 ，仲買外賣 請我食上莊 🙏多謝🥰師傅好有心機切得好薄片，擺得好靚😍樣已好吸引😋鵝片多，皮薄肉嫩，齒頰留鵝香肉瘦唔肥膩👍鋪底的豆腐都好滑好味食到停唔到口🤣🤭#飲食情侶🥰#MagicCherry攻飲食

呢間鋪幫襯過兩次，態度偏差就不值得再講，中肯來講好多都係咁，但誠信問題好嚴重。一次買半隻燒鵝，真係從來冇咁嘅習慣睇住師傅斬，返去先見到少咗隻脾，今時今日係香港都算少見，仲以為係意外事件，再來買過一次係豬耳，擺出邊果d就靚仔紅潤，輪到比你就係底下抽返d唔新鮮嘅出來，睇少一眼都唔得，做生意唔老實就一定冇下次，為咗夠資格評分都要寫夠200字比大家睇到呢間野真面目，唔好以為成日街坊老人家幫襯，冇幾個用openrice，希望咁嘅鋪頭早日執笠

紅磡的生記，大埔的勝記，樂富的聯合興，佐敦的長發，食過咁多間鹵水舖，鴻發竟然是最難忘，難忘在於被呃秤！佢同長發好似，味道，去骨的刀功都好似！ 鹵味的味道確實不錯，價錢亦好相宜！ 可惜，個磅明明寫住133，但個斬料師傅居然望住個磅居然講收我140！ 7蚊的數目很細，但心理的影響很大！ Well, 下次都係行遠D，去返長發！

今晚$85蚊買半隻滷水鴨，返到屋企打開發現原來喺無俾翼同無俾腳叫半隻？咁你不如寫明喺(不包腳+翼)啦！上次講到明話要買一粒鵝肝+都可以無鵝肝？我見到個個都投訴，原來我不孤單

聞說呢間滷水好出名，於是特登坐車去買外賣試試，點知呢間真係好唔老實！想呃秤，收足我錢但俾漏餸，總之做生意做得非常之唔老實！我總共叫左4樣野，鵝片（例牌size,$148)、鵝腸、豬腸同鵝頭。屈你買：個斬料師傅拿住隻鵝身，話呢度$182，不如加d豆腐，岩岩好收我$190。我話唔要豆腐（塞幾舊豆腐入去又想收我$8？！），我話要番例牌（$148）夠啦，佢話少少好難斬出來，好，算數，我照要哂嗰$182。但咁樣屈人要多$40，真係唔多喜歡。收足我錢但俾漏餸：佢地有3個斬料師傅，一個切緊鵝片，另一個幫我執埋另外3個餸，個師傅扮哂野大大聲話幫我揀條肥ge豬大腸，但番到屋企一打開盒，完全無豬腸！但就有收我豬腸ge錢！$25一條呀！呢間係非常唔老實ge食店，各位要小心幾位師傅屈你買多d，尤其係買外賣，一定要當場點清先好離開！呢間野好古惑呀！

今日去附近考試，考試之前搵個地方食飯兼且可以休息一下，之前喺開飯網做咗少少功課，知道附近有一間滷水店好出名，所以今日去咗呢度食飯。呢啲比較街坊食嘅滷味店，裝修應該大家都覺得到，但係得呢啲地方大家都係志在食物，並不是門口的裝修。我本來諗住點選鵝片飯，但應該師傅整錯咗另外一個，俾咗一個鵝脾飯我，問我介唔介意，佢話會收返原本的價錢，咁我梗係冇所謂啦。呢度嘅鵝肉，食落去好多汁，而且充滿淡淡的鵝香，口腔有一種回甘的味道，而且分量十足，就算藍領人土一定足夠。走嗰陣時，我見到門口掛咗好多不同的滷味，如果我個肚仲有位置嘅話，我一定會盡情食晒佢

香港疫情繼續肆虐😷。。我呢啲無飯主婦。。星期六梗係要出街搜羅外賣返去做晚餐啦聞說新蒲崗這間滷味檔好多街坊幫襯而且選擇有多。。我差不多5:00去到人流未算多。。只排一兩個就到我啦。。老公特別order要上庒滷水鵝🦆。。仲要一隻蛋。。一條豬大腸。。我自己就梗係要鵝肝啦😋。。收銀哥哥仔話$30鵝肝一隻兩隻就50咁我就要左$50。。。夜晚返到屋企打開來看其實就平平無奇啦。。。我買嘅嘢都有齊。。不過原來係啲滷水鵝🦆下邊有好多豆腐㗎。。。咁又唔錯喎額外有豆腐送俾我🥰。。。不過原來買下買下都成$200 㗎。。。至於味道我就覺得啲滷水汁淡咗啲🙅🏻‍♀️坦白說不是我杯茶。。另外舖頭這樣多滷水制成品。。但係又冇乜滷水香料味🧐奇怪？。。。至於我最愛嘅鵝肝。。當然知道$30唔會係我平時食開的質素。。但係我覺得佢鵝肝滷得過熟比較乾。。我平時去開其他滷水店。。係比較大片而且軟滑。。不過我走嘅時候就開始有人龍👫👬👭大部份都係街坊買回家加送

有時d嘢您特登去搵又唔一定好。有次想去同一條街的多like 潮州鋪買外賣，點知去到烏燈黑火感覺唔多良好，諗住走之濟見到附近呢間潮州鋪一心諗住博下啦。點知出奇好味，我唔多識買幾多斤先夠4個人食，師傅好細心幫我計仲切到好薄。老實講價錢真係吾貴。鵝肉好香，鵝腸都好好味。值得推介。

這間滷水鵝店， 前身亦是一間鹵水鵝店， 我也曾吃過，真的不是那麼太好吃。現在這間店舖，其實剛開店不是很久。但卻是我在新蒲崗吃過所有店舖之中，最好食的一間滷水鵝店。所有滷水食品，不鹹不淡，味道 恰到好處。鵝肉不靭 夠滑，豬腸如是；鵝掌爽脆，鵝翼 都是我喜歡食啊。。。。至於他們所製的 鹽焗雞， 可能是用冰鮮雞或雪藏雞的關係， 冇嚟雞味， 確實比不上在內陸吃的雞，真的不敢恭維了。 雖然這店食物選擇不多，但食物中，滷水鵝所有製品美味足矣！

呢到嘅豬耳係我食過最好食嘅，Q彈新鮮，味道剛剛好，不會死咸豬大陽夠乾淨彈牙，腩肉皮都好彈豬手夠晒腍，正老闆態度好好睇得出對食材嘅堅持送埋嘅跟飯例湯夠濃 份量多價錢公道會繼續幫襯

老闆好公道，說今天的雞比較細隻，另外多送我一隻雞全翼。外賣一隻 新鮮沙薑雞  熱辣辣 皮脆 肉嫩 骨香有片有真相：https://youtu.be/CwIJ7ozDKEk Marinated Chicken with Aromatic Ginger 新鮮沙薑雞聽廚師講，他們剛剛開了還沒有一個月。雞丶鴨丶鵝丶鵝肝丶鵝胗丶豬脷丶豬五花肉，都係用新鮮材料。鵝胗新鮮得出奇，切出來是綠色的，新鮮鵝胗才能有的標記。國家級潮州滷水大廚師自立門戶。趁現在人龍不算太長，要多點去幫襯。下次要試吓佢地的 滷水獅頭鵝 同 滷味。