鴻發餐廳

Open Now

Now Closed

趁放假認識充滿歷史價值的公共屋邨 —— 麗瑤邨，遊走於舊式店舖，體驗社會變遷，品味舊屋邨人情味。寒冬襲港，最岩就係食熱辣辣嘅煲仔飯，豉汁大鱔煲仔飯，肥美白鱔配自家製豉汁，再淋上加入南薑、老抽等調配的豉油，滋味又彈牙，未吃已聞到香味，令人胃口大開。煲仔飯暖笠笠又好味，飯焦香脆可口!黑椒牛仔骨煲夠曬鑊氣，牛仔骨惹味香口，入口又鬆軟，而且份量多夾抵食，食完暖笠笠，寒氣盡消!青紅蘿蔔豬骨湯能清熱袪濕、潤肺止咳，而且味道清甜，十分好飲。

估唔到屋村嘅餐廳都咁有驚喜，餐廳面積好大，有好多卡位，午巿去到，幾乎坐滿咁滯，明顯深得街坊支持，午市套餐好抵食， $60內就有一個碟頭飯，而且份量好大，見到街坊都食得好開心，下次有機會試吓，今次我哋試咗佢嘅小菜，小菜款式好多，好多選擇，而且價錢唔貴，萬事仲有套餐， $260就可以有三個餸再加白飯，認真抵食豉汁蒸鱔呢個線真係質素好好，非常爽口，咬落去係脆皮的，好少食到咁有質素嘅鱔，好肥美好好味，而且份量一啲都唔少，個汁唔會太鹹，帶出鱔既鮮味西蘭花炒鮮魷鮮魷好爽脆新鮮，而且有好多鮮魷，好有鑊氣，味道好好，亦都唔會太油膩沙嗲金菇肥牛煲沙嗲味好濃郁，肥牛唔會太肥，鑊氣夠，熱辣辣上枱，送飯一流

1.多次外賣貨不對版，我已將就；2.不直視街坊顧客意見，固執己見。直到這次打電話去詢問老闆娘：「點解米線冇加底？」老闆娘話佢地廚房加左，益緊我！我心諗「你地員工乜料你無知咩？多次出錯，今次就啱？」（其實第二點我都可以忍）3.最後老闆娘收線之際話「雕那星」。我可否視之為你地餐廳嘅回應？我心平氣和同你傾，得到甘樣嘅回饋，多謝嗮！一直以來光顧了這麼多，街坊情真係好嘅姐～聽聞你地開新鋪，我就祝你早日收檔，冇甘辛苦啊嘛～我下次經過會同你打招呼嘎啦，畢竟你素質甘好「老闆娘，你今日係唔係食咗屎啊，把口甘臭嘅，鋪頭衛生一定『正』嘅姐……」祝福咗你甘多一定要多謝我啊！畢竟對你地真係衷心嘅評論！加油！

住美孚有樣好，就喺交通方便，此外，行山亦好方便，可以直接由美孚行上去馬騮山，今次，上到石梨貝水塘，經小徑上華景山莊，再落番美孚，然而，回程專登兜過去麗瑤邨，因為想試吓晌麗瑤商場嘅茶記。之前晌疫情嚴重時行短山不時經過，當時見鋪內冷清，所以，打算復常少少就支持吓屋邨小店。晌呢度，其實有兩間茶記孖住：「鴻發餐廳」及「麗瑤餐廳」，揀前者純粹睇落環境好似好啲，無咁「立立亂」。走進店內，環境感覺確喺比較新簇，亦算乾淨企理。由於附近有啲地盆，所以，星期六嘅午飯時段，都有幾多人幫襯。而屋邨茶記，梗有電視機餸飯，啲人大多數會揀對住電視機嘅位嚟坐。餐具、調味料，放晒晌枱面，自由取用。茶記精神，就喺包羅萬有，簡單揭頁式嘅餐牌，印有多種套餐，詳細就唔寫出嚟，總之有齊港式、中西式、馬拉咖喱、焗飯……等等唔同口味嘅選擇。 另外，除枱上嘅餐牌，仲有牆上貼滿其他菜式選擇，小弟就睇啱款蔥油豬扒飯。勝瓜肉片湯飯 $46老婆就想濕濕哋試個湯飯，不過，呢個湯飯就唔包飲品，熱飲加3，凍飲加$5。碗湯飯夠晒大碗，所以，佢食一半都話飽晒，要由我呢個包底王埋尾。可惜，個湯有少少鹹，豬肉亦無乜味，而且，飯有啲削，個人嚟講，喺唔合格，只

做野經過麗瑤ramdom試左鴻發餐廳, 見佢入面裝修都唔錯, 感覺幾新淨可惜店員態度麻麻地, 講野唔太友善。最尾叫左份早餐, 五香肉丁通粉 煎雙蛋 熱咖啡, 五香肉丁既份量比較少, 食落無咩味要另外落辣椒油先夠味, 煎蛋都係普通質素, 正正常常咖啡份量算細杯,而且味道唔夠濃郁,食物質素一般, 服務態度有待改善呢~

左右兩間茶記。。。最後選擇這間感覺新的茶餐廳嚐嚐早餐。食物選擇款式正常，不算特別吸引或繁多的種類。我揀了五香肉丁米線餐轉了米粉，還有餐肉和煎蛋，當然不少得方包啦！連埋凍飲，好似$32。我特別要講，就是米粉的質地，不會淋淋，也不是粗粗味淡淡的。這種米粉感覺彈牙，我鍾意啊！還有凍鴛鴦，茶味濃。食完成個餐，真的很飽。餐肉雖不是厚厚的，但煎得夠，很香的。至於隻蛋，就煎得一般，蛋黃過老。我最特別要讚，就是店員很主動放下一盤熱水供洗餐具。在疫情底下，這樣真是加了印象分。

茶餐廳最重要奶茶咖啡！奶茶冇茶味！叫個餐肉面！餐肉未煎過放上面！比小小心機煮啦大佬！以前鴻發同依家鸿發差太遠了（前身老板吾做佢抄人個名）如果想做好 首先改善吓沖茶既方法

香港人的生活是營營役役，下午茶一定要食餐好，鴻發是地道小店，我們當然要支持，此店的食物有風味又帶點人情味公司三文治是這裏的名物，貪心的我點了公司三文治和雞髀餐，公司三文治的麵包每一層都是烘底，烘得十分脆身，午餐肉微微煎香，配合火腿，整個公司三文治咬落去真是令人滿足。雞髀餐炸到外皮是脆身，連皮食會感到熱燙燙，有脆皮爆汁嘅感覺，入口肉質仍覺得嫩滑，醃得入味食落帶點微咸，越食越香，認真唔錯，一定會keep住幫襯