鴻發香港仔魚蛋粉 (Closed)

呢度地方比較隔涉，唔近地鐵站，係喺威爾斯醫院附近嘅一間魚蛋粉，Lunch時間都幾多人幫襯，似乎做街坊熟客生意。坐滿晒人，水準一定唔錯坐低嗌左一碗魚蛋河，5分鐘內有得食快靚正！碗內大概有3塊魚片、3粒白魚旦。魚蛋有魚味，都幾彈牙！河粉都唔會過淋，湯底奶白色，加少少蔥花及炸蒜粒，好好味佢嘅辣椒油認真出色！一款係潮州辣椒油；一款係酸辣汁，有蒜蓉粒兩款都好好食！人哋話食魚蛋粉就係要睇吓辣椒油做得有冇誠意，呢度完全符合到呢個要求

呢間小店係我都常幫襯的食肆食過幾次水準都仲keep到，所以就趁有空閒寫一篇食評向大家介紹話說，小妹好怕食牛腩！因為出街食親的都係又韌又鞋烚烚的！最容易攝牙隙！大佬呀，攝左牙隙又唔知，笑起上黎好核突架麻！仲要自己唔知，人地係後面陰陰咀笑你😓隔左好耐照鏡時先知就真係老尷🙈🙈今日返晏又唔想出到去食連鎖店，所以又再拜訪一下呢間小店！午市優惠，牛腩飯加冷熱飲品都係$41。大家睇下張相，真係大件夾抵食牛腩開得好靚，就算唔係肥位，咬落去都唔會鞋烚烚同韌！𡁻起黎係有彈性，唔係出面炆到梅哂，得返一絲絲無咬口咁牛腩好入味，腩汁夠味帶香！講得小店，環境及衛生一定唔會好好，就好似細個啲粉麵店咁的格局，坐都唔會話好舒適！

要去威院探病覆診，成日被迫食好難食嘅醫院canteen，真係苦上加苦！今次決意，跳出威院搵返啲人食嘅嘢！向醫院左邊走，沿小路走，穿過隧道，驚見一排食肆，挑了一間潮洲粉麵，享用我的午餐。千挑萬選--牛腩飯配凍檸茶做我的午餐。有驚喜，牛腩同飯分開上，飯就唔會太多汁，一pat pat；牛腩開得好靚，根腩相間，師傅有料到；牛腩入口軟、鬆化，仲要入味不太咸！總評：去威院探病最佳選擇！$41連飲品，牛腩飯大大碟，性格比高，值得多走兩步支持的小店！

早上要去醫院，可是時間亦的確是太早，在這時候，找地方食早餐是一個常識。向河畔花園方向行，向來是威院員工的飲食天地，近的，一過隧道就有，遠少少，河畔花園有更多選擇。而我在漫無目的之下，就在隧道口的翠麗花園，找到了一個新名字，《鴻發香港仔魚蛋粉》。簡簡單單食碗麵吧，招牌是香港仔魚蛋，可是我並不好食魚蛋粉，所以我點了一個牛腩麵，再加上牛丸，是一個很牛的麵。牛腩，爽口而且是半肥瘦的，味道亦十分之香濃，而牛丸，口感更爽，爽中帶脆，很有味道，加點點辣油，更加之惹味。雖然香港好多不同的麵店，都掛上《香港仔》三個大字來做魚蛋麵，但並非個個都做得好，而《鴻發》這一個品牌，是次一試，感覺還是有點水準。