鴻運茶餐廳

Open Now

Now Closed

第一次去太和食佢。我本身早餐無論去邊都食麥皮，大多係無糖。。我今次就係度叫左牛奶早餐麥皮餐，原本如果甜都唔緊要但但佢真係真係甜到飛起，唔似牛奶，似煉奶，從未食過咁難食的麥皮，真心甜到嘔。無糖尿病都食到會有的感。。呢個餐配牛治，原本無乜嘢但牛油落太多，齋啡又唔係好飲。整個早餐真心好難食，我從未寫過差評比一個餐廳。但佢呢啲咁簡單的早餐都超級無敵難食真係史上絕無僅有。我無諗過麥皮可以做到咁難食所以無影相，

呢度嘅早餐選擇多，價錢亦相當抵食，所以都唔少人幫襯。今日試咗個鮮牛肉通粉，餐牌寫明用街市新鮮牛肉，味道的確鮮甜，杯奶茶味道亦十分地道，比例啱啱好；素食人士亦可以揀羅宋湯通粉，$38價錢相當合理👍🏻

我帶住小朋友，一名老店員叫我哋坐一邊卡位，而我由於拎住自己手袋，小朋友書包，同一大袋小朋友餐用具，尿片各樣野，比店員叫我將全部野放埋一邊，另一邊要比人坐。疫情期間搭枱其實要問清楚人地願唔願意，而當時餐廳唔係坐滿，如果滿坐，我一定會快啲食完走，而老女店員係都要我哋同另一男人搭枱，我開聲問佢‘點解唔可以叫先生坐另一張2 人枱？’ 佢答我：’你兩個人叫一份餐，坐四人枱，我仲洗做生意？‘，而我已經話‘我好快食完即刻走！’佢仍然不停地話我，意思係阻住佢做生意，我即刻拎外賣盒打包野食走，感覺很委屈，前後入餐廳都係20分鐘，而在場都有食客閙同一個老女店員，‘次次人哋未食完，問都唔問就收咗我碟野！’相信呢位店員一直都極差態度。真係比錢貼難受！

同女朋友去睇早場之前在太和食個早餐先，因為我想食五香肉丁麵而唔係度度都有，所以揀咗鴻運。個餐$34，除咗五香肉丁仲有菜心，所以幾健康既有啲蔬菜食下。成個麵都好香👍🏻我仲有餐肉煎蛋，所以係幾抵女朋友就食西冷牛扒，佢話肉質幾嫩，容易切開咬開，係幾好味既，火腿奄列隻蛋勁滑，牛油多士都OK，個餐最抵係送一大杯奶茶環境係一般啲，但食物質素不錯

工作中先食早餐，去到呢區，搵到呢間門口可以泊車，普通茶餐廳格局，枱面黏黏的，早餐都係平時茶餐廳早餐，店員爽手落單！雪菜肉絲米粉（$29）雪菜有渣，味道偏鹹，肉絲嚡，一般，米粉粗嚡！湯底鹹香，雖然味精，不過幾好味！整體唔好味！餐肉煎蛋多士：餐肉幾粉，味道鹹香，煎蛋唔金黃，無乜味！多士香脆正常！熱檸茶：茶底好澀，落糖都無助！難飲！食物好一般，對於日日食茶記早餐嘅我，幾差！店員勤快爽手！茶餐廳早餐，大路食物無乜驚喜做得差！

工作中，邊度有位就去邊度食，今日呢間有車位，門口放枱比食煙嘅客人，普通茶餐廳格局，座位好迫，坐得極唔舒服，食物係茶餐廳正常會食到！落單後食物好快到！XO醬楊州炒飯（$40）賣相唔吸引，應該一早炒定，只係𢳂出來，所以飯粒好濕，XO醬其實只係泰式辣醬，根本唔係有江瑤柱絲嘅XO醬！味道唔香又唔辣，飯多材料少，雖然都係平時嘅楊州炒飯料！我𢳂晒啲叉燒粒送飯之後，仲剩1/3飯！一般熱檸茶：鋼杯上夠熱，茶濃但較澀！羅宋湯：餐湯夠濃，唔交行貨！足料微辣好味道！朋友嘅中湯及沙薑雞飯！女店員超級豪爽，好似拍戲耳朵插煙嗰類店員，服務爽手，對熟客會親切啲！好一般嘅茶餐廳！